Në fund të takimit, Balaj foli për mediet austriake ku zbuloi se në përshtatjen me kampionatin austriak po e ndihmon Hamdi Salihi, një sulmues ky që ka lënë gjurmë në futbollin e atjeshëm. Trajner Nestor El Maestro nuk i kurseu komplimentet për “bomberin” e rij, ndërsa shpjegoi se Balaj mund të kishte çuar shifrat në 2 – 0, po të mos kishte qenë për gjendjen jo të mirë fizike, diçka e pritshme kjo pasi Balaj vjen nga më shumë se dy muaj pa stërvitje.

“Ndeshja e parë, goli i parë, tre pikë. Ishte një fillim shumë i mirë, por mund të kisha bërë akoma dhe më mirë, gjithsesi gjëja më e rëndësishme është që morëm tri pikët. Sot mora përshtypjet e para mbi futbollin austriak. Nuk dija shumë mbi kampionatin, por Hamdi Salihi më ka dhënë disa këshilla dhe informacione mbi klubin dhe futbollin në vendin tuaj. Ai ka shënuar shumë gola këtu dhe të njëjtë gjë dua të bëj dhe unë”, tha Balaj pas ndeshjes

“Skuadra ime bëri një paraqitje shumë të mirë. Ishte një ndeshje e luftuar dhe këto fitore vlejnë shumë. Jam shumë i kënaqur me Balajn, është një sulmues dhe e bëri punën e tij. Pati një rast të shkëlqyer për të çuar rezultatin në 2 – 0, por nuk është ende në formën e duhur dhe u lodh shpejt”, tha trajneri i Shturm Grac.

“Është një kënaqësi e madhe të jem pjesë e kombëtares, si edhe krenari. Në këtë rol është edhe përgjegjësi më e madhe se kur isha si lojtar. Jam munduar të ndihmoj me njohuritë e mia dhe me raportin që kam me lojtarët. Mundohem të bëj më të mirën që të krijoj klimë pozitive në ekip, si dhe të përccoj informacionin e duhur te trajneri”, thotë Salihi fillimisht në Supersport.

“Fati im është që e vazhdoj direkt me një trajner të nivelit të lartë, pasi ka rreth 40 vite që trajnonin pa ndërprerje. Ka edhe një komunikim të jashtëzakonshëm jashtë fushës”, shton më pas ish-sulmuesi, i cili flet edhe për takimet e Shqipërisë me Islandën dhe Moldavinë.

“Jemi munduar që nga dita e parë që t’i organizojmë të dyja ndeshjet, t’i përgatitim me detaje. Sigurisht duke parë mundësitë tona dhe nivelin e kundërshtarit. Kur të vijë grupi i plotë do përgatitim ndeshjen e parë me Islandën dhe më pas mendojmë për takimin tjetër me Moldavinë”, përfundon Salihi.

KAPËRCIMI TE VLLAZNIA – “E vërteta është se mundësia që unë të futesha dhe të afirmohesha te Vllaznia, erdhi pas një fatkeqësie që pësoi futbolli shkodran, por edhe futbolli shqiptar në përgjithësi, me vrasjen e presidentit të ndjerë, Myftar Çela. Në atë periudhë Vllaznia ishte një ekip shumë i kompletuar dhe i mbipopulluar, ndaj për lojtarët e akademisë ishte i vështirë afirmimi.

Me vdekjen e tij, gjërat u bënë të thjeshta për momentin, pasi u desh që të merren lojtarë nga akademia, për të kaluar atë periudhë të vështirë. Aty ishin edhe fillimet e mia pastaj, ku pata mundësi të shpreh veten dhe mbeta pjesë e ekipit, duke fituar besim dhe duke u rritur hap pas hapi”, tregon Salihi, që nga ky moment do të konsiderohet si ish-sulmues.

PANIONIOS – Paraqitjet e mira te Vllaznia bënë që ta transferohej në Greqi te Panionios, ekipi i vetëm me të cilin nuk ka shënuar dot. “Pas një sezoni të parë me Vllazninë, ku shënova 14 gola, filloi sezoni i dytë, ku kishim një ekip goxha të mirë. Në sezonin e dytë, deri në gjysmë të tij, kisha shënuar 16 gola. Ishte një shifër goxha e mirë për një 19-vjeçar dhe ndaj u realizua kalimi te Panioniosi për një kontratë 3-vjeçare. Gjërat nuk shkuan shumë mirë dhe unë sot mendoj se ndoshta ishte një hap më i shpejtë sesa duhet kalimi te Panioniosi”, shton shkodrani.

TIRANA – “Atëherë Tirana ishte gjysma e kombëtares. Lojtarët e asaj skuadre, si Muka, Sina, Bulku, Rraklli, Pisha, Dede, etj, ishin lojtarë që luanin në Kombëtare dhe për mua ishte vërtetë diçka shumë e madhe të bëja pjesë në atë grup. Erdha me frikë, pas eksperiencës së vështirë te Panioniosi, por me ndihmën e të gjithëve gjërat shkuan thuajse perfekt dhe ecën mjaft mirë. Megjithatë, gjithçka edhe falë atij grupi të mrekullueshëm”, rrëfen Salihi.

KALIMI NË AUSTRI – “Ato 18 muaj te Tirana më kanë ndihmuar shumë që të formohem si lojtar dhe si njeri. Kam parë situata nga më të ndryshmet dhe kam mësuar nga eksperiencat e të tjerëve. Te Riedi ishte diçka e re, me një mentalitet krejt tjetër. Të them të drejtën, kur shkova atje, që ditën e parë dola në stërvitje i vendosur dhe me bindje që këtë herë do t’ia dal dhe nuk do ketë hap mbrapa”.

“Rapid Vjena, skuadra më e madhe me të cilën kam luajtur? Gjatë gjithë periudhës te Riedi, gjithmonë sytë dhe interesi im ishin te Rapidi, që ishte një klub gjigant dhe i jashtëzakonshëm. Aty ishte kënaqësi të luaje edhe si kundërshtar, ndaj e them me plot gojën, që është skuadra dhe arritja ime më e madhe. E them me krenari këtë”.

“Ndeshjet derbi? I kujtoj shumë shpesh dhe ndoshta janë edhe kronikat ose lajmet, duke qenë se shumë herë kam qenë vendimtar nëpër derbi, ndaj vazhdojnë të më kujtojnë. Është diçka shumë speciale të shikosh se si një qytet aq i rregullt, i qetë dhe familjar si Vjena, shndërrohet tërësisht kur vjen dita e derbit”.

EKSPERIENCA NË SHBA DHE KINË – “Është pak e çuditshme, sidomos për një lojtar të transferuar nga Europa. Ka një mentalitet krejt tjetër, sidomos në SHBA, ku mundohen ta interpretojnë futbollin në aspektin spektakolar dhe nuk janë fansa të taktikës, apo të synimit për fitore. Ata duan të argëtojnë spektatorët dhe këta të fundit nuk argëtohen vetëm me fitore, por edhe me spektakël në fushë. Duke e krahasuar edhe me NBA-në, që ka aksione çdo sekondë, ata edhe në futboll duan që të ketë aksione sa më të shumta dhe të shpeshta. Është diçka ndryshe, por kur fillon dhe mësohesh, ka bukurinë e saj edhe ajo gjë”.

“Lëvizjet e shumta, u përshtat familja? Njerëzit e shohin futbollistin vetëm në fushë dhe të gjykojnë për ato 90 minuta, por harrojnë që përtej futbollit, edhe lojtarët kanë një jetë njësoj si të tjerët, me të njëjtat shqetësime, probleme dhe rregulla. Edhe për familjen time ka qenë e vështirë, por gjej rastin që t’i falënderoj, pasi kanë treguar durim dhe kanë sakrifikuar, duke mos më krijuar presion për zgjedhjet e mia sportive”.

SKËNDERBEU – “Sapo kisha përfunduar kontratën me Hapoel Haifa në Izrael dhe duke komunikuar me Shehin, me Osmanin dhe djemtë që kisha shokë te kombëtarja, erdhi ky vendim. Ata ishin në fazë përgatitore në Austri dhe unë isha në Vjenë, ndaj vendosa të stërvitesha për të qenë në formë, por nënshkrova që të luaja në Kupat e Europës. Megjithatë gjërat shkuan aq mirë dhe Skënderbeu më befasoi, pasi ishte një skuadër e organizuar në mënyrë perfekte dhe të rregullt, ndaj vendosa të vijoj”.

“Goli më i rëndësishëm? Unë kohët e fundit jam pyetur shpesh, se cili ka qenë goli më i rëndësishëm, por duke parë se kualifikimi i Skënderbeut në grupet e Europa Leagues, ishte diçka historike për futbollin shqiptar, u kam thënë të gjithëve se golat kundër Milsamit janë më të rëndësishëm të karrierës, sepse ishte një moment ku bëmë krenarë dhe zgjuam çdo shqiptar, jo vetëm tifozët e Skënderbeut Golat kundër Milsamit, por edhe goli kundër Norvegjisë, janë ndër më të rëndësishmit në karrierën time”.

“Titulli i parë në Shqipëri? Unë një gjysmë medaljeje e kisha në fakt, pasi u largova në mes të sezonit nga Tirana, e cila në fund fitoi titullin, ndaj thashë ta çoj deri në fund me Skënderbeun. Ishte diçka e jashtëzakonshme, sepse që në ditën e parë, jam ndjerë mjaft mirë në këtë ekip dhe me çdo njeri që sillet rreth këtij ekipi. Ka qenë si një familje dhe mund të them pa frikë se atë harmoni mes lojtarëve, nuk e kam pasur në asnjë ekip tjetër”.

“Grisja e kartonit të kuq? Është një nga ato ëndrrat e këqija, që i përjeton çdo njeri. Më duket shumë e çuditshme dhe jashtë realitetit veprimi im. Më duket sikur po shikoj një njeri tjetër dhe jo sikur po e bëj unë. Mbas ndeshjes jam penduar dhe kam kërkuar falje, por veprime të tilla nuk justifikohen, por kjo tregon se në futboll shumë herë flasin emocionet e momentit dhe jo mendja e karakteri i personit”.

RIKTHIMI NË AUSTRI – “Kthimi këtu dhe pikërisht te kjo skuadër, ishte diçka perfekte për mua, Pas ndeshjes në Kukës e kisha ndarë mendjen që ta mbyllja në Shqipëri dhe doja të ikja sa më shpejt, pasi skuadra ime ishte në Austri. Nuk u mendova gjatë për ofertën e Nojshtad, pasi është një klub që e kam vetëm 25 kilometra larg shtëpisë dhe mu duk e rëndësishme që të luaja futboll duke ndenjur në shtëpi. Aty gjeta një grup me shumë lojtarë të rinj, mjaft të mirë, që ishin mbledhur me synimin për të shpërthyer. Vitin e kaluar ishim shumë afër ngritjes së skuadrës në Bundesligën e parë, por nuk ia dolëm. Sezoni në aspektin personal ishte shumë mirë, ndërsa edhe unë me klubin, por edhe drejtuesit me mua, ndiheshin mjaft mirë, ndaj vendosëm të zgjatim bashkëpunimin”.

KOMBËTARJA – “Momenti më i mirë? Momenti më i mirë janë kualifikueset për Euro 2016, pasi isha pjesë e ekipit çdo ndeshje, ndonëse nuk luajta shumë. Pavarësisht se shpesh isha në stol, isha shumë i gëzuar sepse shikoja që po realizohej diçka shumë e madhe”.

“Rasti i Gashit në Europian? Ato ishin momente që i kalojnë në mendje çdo lojtari dhe jo një futbollisti që ka qenë pjesë e Kombëtares gjatë gjithë 11 viteve të fundit, pa munguar në asnjë takim. Edhe unë e mendoj shpesh atë gjë dhe sa herë që topi shkonte afër zonës, e shihja veten aty, duke marrë pjesë në aksion, ndaj ka qenë një gjë e sikletshme”.

“Bariç, Kuzhe dhe De Biazi? Bariç ishte personi që më mbushi mendjen që kam aftësi dhe cilësi për më tepër. Lëvizja ime në Austri, i dedikohet edhe atij, pasi ishte Bariç që reklamoi cilësitë e mia dhe vuri në lëvizje klubet austriake.

GOLAT DHE MIKU MË I MIRË – “Dje e kam marrë vesh dhe besoj se është shifër e saktë, që janë 322 gola. Miku më i mirë në futboll? Është shumë e vështirë, pasi kam shumë miq të mirë, por meqë duhet një emër, po them Admir Teli, të cilin e kam pasur prezent nga fillimi i karrierës, deri në fund.

TRAJNERI MË I MIRË DHE I ÇUDITSHËM – “Edhe kjo puna e trajnerëve është shumë e vështirë, pasi kam punuar me trajnerë mjaft të mirë dhe nuk mund t’i ndaj, por për respekt po them për Artan Bushatin, që ngulmoi të më kalonte te ekipi i parë i Vllaznisë. Më i çuditshëm mund të them Peter Pakult, ish trajneri edhe i Kukësit”.

E ARDHMJA – “Këtë vendim nuk e kam marrë sot për nesër, ndaj mund të them se kam menduar shumë edhe për hapat pas kësaj dite. Kemi rënë dakord që të ndihmoj stafin aktual si ndihmës trajner deri në fund të sezonit, ndërsa më pas do të bëj diçka më konkrete. Rruga ime e ardhshme do të jetë ajo e trajningut dhe kam kohë që studioj e mbaj shënime, duke ndjekur disa kurse licencimi. Tani ka ardhur koha që të jem në fushë, më pranë këtij profesioni. Keni një ëndërr ku doni të arrini pas 10-15 vitesh? Po përgatitem për diçka krejt të re dhe kam ëndërr që të arrij si trajner të njëjtat suksese që kam arritur si lojtar”, përfundoi Salihi.

Të shumta ishin komentet falënderuese për bomberin e golave të mrekullueshëm, ndërsa së fundmi ka ardhur edhe reagimi i klubit të Vllaznisë, klubi i qytetit dhe aty ku u rrit Hamdiu.

Deklarata e klubit të Vllaznisë

“MIRËNJOHJE PËR HAMDI SALIHIN

Dita e sotme do të jetë shumë e veçantë për sulmuesin shkodran Hamdi Salihi. Ka vendosur t’i japë fund karrierës si futbollist, një karrierë kjo shumë e suksesshme e cila e ka bërë atë një nga lojtarët më të njohur në vendin tonë por edhe të kombëtares shqiptare.

KF Vllaznia padyshim që është krenar sepse Salihi është rritur dhe formuar si futbollist pikërisht pranë tij dhe po ashtu, ai ka dhënë kontributin e tij për fanellën kuqeblu me lojën dhe golat e shumtë në sezonet 2002-2004.

Mirënjohje për atë çfarë ke dhënë për klubin tonë, por edhe kudo ku ke luajtur tjetër sepse ke përfaqësuar me dinjitet futbollin shkodran!

“Legjenda Hamdi Salihi i jep sot fund  futbollit të Luajtur. 2 sezone bardhekuq, sa shumë emocione në nivel kombëtar dhe ndërkombëtar. Nder dhe krenari që mbajte veshur dhe përfaqësove ngjyrat bardhekuqe… Shembulli perfekt i një lojtari të madh brenda dhe jashtë fushës së blertë. Faleminderit Kampion!”, shkruhet në postimin e korçarëve, që e shoqërojnë me videon e golit të shënuar me roveshatë nga Partizanit.

Gjithashtu edhe Tirana e ka falënderuar sulmuesin shkodran: Hamdi Salihi tërhiqet nga futbolli i luajtur. “Një ikonë e futbollit Shqiptar, i cili për dy vite (2005-2007) mbajti veshur fanellën bardheblu, vendos ti japë sot fund karrierës futbollistike. Mirënjohje dhe falenderime per Hamdi Salihin, për atë çfarë ka dhënë për Tiranen dhe ekipin Kombëtar”.

KOMENTET – “Do mbetesh kampion në fushë dhe jashtë saj, gjithmonë! Faleminderit për të gjitha emocionet që na ke falur!”, shkruan drejtori sportiv i Kamzës, Andi Matraxhiu i cili për disa kohë ka punuar edhe si gazetar sportiv.

Bledar Mancaku, mesfushori ofensiv që ka spikatur me Teutën, shkruan: “O Sal vëllai, kampion ke qenë dhe do ngelesh. Shumë respekt!”. Fjalë të ngrohta edhe nga anësori Ermal Barushi: “Modeli më i mirë i një lojtari profesionist. Të mbaj mend vetëm për gjëra të mira në fushën e lojës. Rrallë shprehje mërzi, mbase kur s’të dilnin roveshatat. Model i mirë për brezat, talent i padiskutueshëm. Do mbahesh mënd vetëm për mirë në kampionatin Shqiptar. Respekt kampion!”.

Amarildo Belisha ka provuar të luajë me Salihin te Vllaznia: “Koleg i dashur, miku im. Të uroj sukseset që arrite në fushe t’i arrish në sfidat e reja që të presin. Je sportisti për t’u marrë shembull nga brezat e ri, si nga edukimi, si nga profesionalizmi. Jam i lumtur që patëm mundësi të luajmë dhe të përjetojmë emocione të ndryshme krah njëri-tjetrit dhe gjithë brezit tonë.

Trajneri i portierëve të Vllaznisë, Ideal Lekiqi, shkruan: “Kampion, të uroj gjithë të mirat në jetë! Ishe shembulli më i mirë për brezat, e padyshim do jesh edhe në vazhdim. Me plot gojë faleminderit për çka i dhe futbollit, Shkodrës, Shqipërisë, e kudo ku dhe kontribut. Sigurisht do të vinte kjo ditë, se fundja çdo gjë e ka një fillim e një fund, por emri dhe kontributi yt është i paharrueshëm. Do jesh gjithmonë njeriu për t’u marrë shembull. Të uroj gjithë të mirat ty e familjes tënde, mik i mirë Hamdi Salihi”.

Valdrin Rashica, shok skuadre me Salihin te Skënderbeu, shkurtimisht shkruan: “Lojtar edhe person shembullor”. Nga Kosova, fjalë të mira për shkodranin shkruan edhe trajneri i njohur Ismet Munishi: “Të dëshiroj suksese në vazhdimësi. Tash fillon një kapitull i ri, të dëshiroj që të jetë po aq i suksesshëm. Ke qenë shembull si sportist. Do të na mungojnë golat e tu Hamdi”.

Mes komenteve të shumta bie në sy edhe ai i gazetarit Elert Yzeiri: “Sulmuesi prolifik i kohëve moderne, goleadori pa limite dhe kampioni i shoqërisë po var këpucët në gozhdë, duke i dhënë fund një karriere brilante. Hamdi Salihi do të mbahesh mend si një futbollist i madh dhe mik shumë i mirë. Suksese në rrugëtimin e ri që ke nisur!”.

Komentet e tifozëve janë të shumta dhe ne kemi veçuar dy prej tyre. Arlind Hadri shkruan: “Isha 12 vjeç atëherë kur t’i na dhurove këtë gol magjik. ditët ecin e koha ikën, por ai moment është i stampuar në memorien time. Faleminderit për gjithçka që i dhurove shqiptarëve, legjenda e kombëtares sonë. Paç fat KAMPION… Gjakovë, Shqipni”.

Mati Mali është një tjetër tifoz që Salihin e ka ndjekur shumë: “Ti Hamdi je legjendë e futbollit shqiptar. Kam qenë adoleshent kur filloi të më pëlqejë futbolli dhe ti atë kohe luaje me Rapid Vienna dhe në kombëtare. Ke qenë i preferuari im dhe mundohesha të gjeja ndeshje në TV kur luante Rapidi, vetëm sepse aktivizoheshe ti. Plus që ke qenë në formë shumë të mirë. Urime Salihi, faleminderit për emocionet që ju ke dhuruar futbolldashësve”.

Rikthehet te goli Hamdi Salihi. Shkodrani po luan pak për Nojshtat dhe sot ndaj Austrisë së Vjenës (Amator) realizoi golin e vetëm për skuadrën e tij. Shkodrani u tregua i saktë në shtesë nga pika e bardhë e penalltisë. Sulmuesi shkon në kupton e 5 golave dhe me shumë mundësi këto janë muajt e fundit të tij në futboll. Ai po luan pak në skuadrën austriake, këtë vit ka zbritur në fushë vetëm në dy ndeshjet e fundit.

Amir Abrashi është rikthyer i zakonshmi dhe sot Fajburgu i tij mori një pikë me vlerë ndaj Borusia Mënshengladbah. Mesfushori në fundin e pjesës së parë u ndëshkua me karton të verdhë. Në fushë sot zbriti edhe Ivan Balliu, i cili luajti për 90 minuta në sfidën që Metz fitoi 0-3 në transfertë kundër Niort.

Herdi Prenga i gëzohet fitores së dytë në Letoni, teksa Riga mposhti në transfertë skuadrën e Metta/Lu me shifrat 1-2. Qendërmbrojtësi i kombëtares luajti 90 minuta, ndërkohë që mori edhe një karton të verdhë në minutën e 76-të.

“Sezoni, me thënë të drejtën, nuk ka shkuar ashtu siç e mendonim. Kemi bërë disa gabime rrugës, por përsëri jemi në vendet e para dhe shpresojmë që të rikuperojmë, meqë është luajtur vetëm gjysma e kampionatit”, deklaron Salihi për “A2 News”.

“Largimi nga futbolli? Po e mendoj sepse kam pasur disa oferta për të kaluar në pozicione drejtuese në klub, por edhe si ndihmës trajner”.

“Sezoni, të jemi realist, nuk ka qenë i mirë. Por për mendimin tim kjo ishte e pritshme, pasi ishte një periudhë tranzicioni me ndryshime shumë të mëdha. Unë, por edhe ata që e njohin pak sportin, i prisnin këto luhatje”, përfundoi Salihi.

Salihi nuk e vë në diskutim kënaqësinë e përjetuar për faktin që ka veshur fanellën e Vllaznisë. “As nuk diskutohet kënaqësia që kam pasur të  vesh fanellën kuqeblu. Vllaznia ishte shkolla dhe vendi ku mora mësimet e para të futbollit, ishte shkolla më e mirë e mundshme që mund të kisha bërë ndonjëherë, ishin ato vite që jam kam kaluar me Vllazninë, ato vite që jam stërvit dhe kam luajtur me këtë skuadër”, ëshët shprehur ndër të tjera sulmuesi, i cili aktualisht është pjesë e Nojshtat në Austri.

Te Vllaznia sulmuesi ka pasur mundësinë të luajë me sulmuesi si Sinani e Martini, çka e ka ndihmuar atë.  “Prandaj e thashë se ka qenë shkolla më e mirë e mundshme që një sportist mund të kishte bërë, pasi  kam luajtur me Martinin, me Sinanin, Licin, Zmijanin, Beqirin, Telin, Belishën dhe shumë lojtarë nga të cilët mundesh të mësosh jo vetëm nga ana sportive, por edhe nga ana njerëzore.

VLLAZNIA SOT – Kuqeblutë garojnë në Kategorinë e Parë dhe këtë situata Salihi e komenton kështu: “Vërtetë është një situatë e vështirë dhe këtë e ka ndjerë gjithë qyteti, aq më shumë ata që janë pjesë e sportit. Por, përderisa bahet fjalë për sport, ky është sporti. Ka edhe ai humbjet dhe fitoret e veta. Vllaznia këtë vit ka humbur dhe gjëja e vetme që i ka mbetur është të ringrihet sa ma parë dhe të shkojë aty ku i takon”.

“Urimi për 100 vjetorin? Janë 100 vite plot sukses, plot krenari për çdo shkodran. Por do të thosha edhe për çdo shqiptar, sepse Vllaznia është krenaria edhe e Shqipërisë. Unë uroj që edhe në vitet e ardhshme vetëm të vazhdojë kjo traditë e deritanishme dhe pse jo edhe të përmirësohet”.

34-vjeçari shfrytëzoi një pasim të Manuel Seidl, duke mposhtur portierin e Hornit. Miqtë shkurtuan rezultatin me anë të Milosheviç, por Nojshtadi arriti të shënonte golin e tretë në minutat shtesë me anë të Tartarotit, duke vulosur fitoren dhe duke u ngjitur përkohësisht në vendin e pestë të divizionit të dytë të futbollit austriak me 21 pikë, nëntë më pak se kryesuesit e Vatens.

Goli i katërt në kampionat në këtë sezon për Salihin, i cili u zëvendësua në minutën e 80 nga trajneri Felner. Për herë të fundit kishte shënuar me 25 shtator në ndeshjen e kupës kundër Deutschlandsberger, ndërsa tani rikthehet të shënojë dhe në kampionat.

Humbje dhe për Gllasgou Reinxhërs, që humbi në transfertë përballë ekipit të Livingstonit me rezultatin 1-0. Menga shënoi golin e fitores për vendasit, ndërsa Eros Grezda ishte i pranishëm në stol. Trajneri Xherard vendosi të mos i jepte asnjë minutë gjakovarit, ndërsa kjo humbje e mban Reinxhërsin në vendin e gjashtë me 11-të pikë, shtatë më pak se kryesuesit e Hartsit.

Një fitore historike për Livingston, që arrin të triumfojë përballë Reinxhërs pas 16 viteve. Gjatë ndeshjes së sotme ndodhi dhe një episod negativ, ku tifozët e Reinxhërs goditën anësorin e ndeshjes.

Play halted in Rangers v Livingston game as Assistant Referee is struck by an objecthttps://t.co/vEJrLoFaGv pic.twitter.com/HJq6AQqLTl

— Scottish Sun Sport (@scotsunsport) September 30, 2018

Pa pikë e ka mbyllur dhe Donis Avdijaj i Uillem II, që u mposht në transfertë me De Gras’shafin me rezultatin 2-1. 22-vjeçari ka luajtur gjatë të gjithë takimit, por pa arritur të ndihmojë ekipin e tij që të shmangë humbjen. Uillem II e mbylli ndeshjen me nëntë lojtarë, pas daljeve me të kuqe të Akainak në minutën e 18-të dhe Palasios në minutën e 64. Miqtë ishin të pafat, pasi Ljuis shënoi autogol një minutë përpara fundit, duke i dhuruar tre pikët vendasve.

Shkodrani, edhe pse në moshë, vijon të shënojë në Austri dhe një ditë më parë i dha triumfin dhe kualifikimin Nojshtatit në Kupën e Austrisë. Një ndeshje dramatike që u mbyll me rezultatin 3-4. Vendosi Salihi në shtesë dhe Deutshlansberger.

Soue gjithashtu shënoi në shtesë. Sulmuesi nga Gambia e nisi nga stoli në takimin që CSKA Sofie fitoi kundër PFC Montana me rezultatin e pastër 0-2. Ish-lojtari i Skënderbeut u aktivizua në minutën e 81-të dhe në shtesë Soue realizoi golin e dytë i vetëm me portierin.

Nojshtad luante në transfertë kundër Vorvarts Steir dhe shkodrani ishte në fushë nga minuta e parë si zakonisht. Me fillimin e pjesës së dytë, konkretisht në minutën e 56-të, Salihi arriti të gjente rrugën e rrjetës.

Ai gol u pasua edhe nga një tjetër në shtesë dhe Nojshtad mori pikët e plota. Kjo ishte fitorja e parë sezonale për skuadrën e sulmuesi shqiptar. Vjet Salihi arriti të shënojë plot 22 gola në ligën e dytë austriake dhe do tentojë të realizojë sa më shumë edhe sivjet.