Klubi verior ka mbetur sërish në Bundesligën 2, në fund të një sezoni të tmerrshëm, ku pritej kthimi i qetë në Bundesligë, pas rënies së parë në histori.

Megjithatë, sezoni i Hamburgut ishte plot luhatje dhe avantazhi i madh ndaj rivalëve në momente të caktuara u shpërdorua turpshëm.

Në rënie të vazhdueshme prej javësh, Hamburgu nuk bëri kthesë as pas ndërrimit të trajnerit dhe pas goditjes së madhe që i dha Mërgim Mavraj me Ingolshtatin javën e shkuar, sot erdhi goditja finale, sepse Paderborni e mundi 4-1 në përballjen direkte që e zbret Hamburgun në vendin e katërt, me golaverazh të tmerrshëm, 42-42, ndërsa Union Berlini i vendit të tretë është +21 me golaverazh.

Nga ana tjetër, Ingolshtadi fitoi 3-0 përballë Darmshtadit në shtëpi. Kjo fitore i siguroi ndeshjet play-out kundër ekipit të një kategorie më poshtë ekipit të Mërgim Mavrajt. Mbrojtësi shqiptar u aktivizua gjatë gjithë ndeshjes dhe u ndëshkua me të verdhë.

Ingolshtadit i dihet fitorja në javën e fundit kundër Heidenhejmit dhe një frenim i Sandhauzenit do e mbante në Bundesliga 2 pa patur nevojën e dy ndeshjeve shtesë.

Ingolshtadi e nisi në mënyrë perfekte ndeshjen, teksa kaloi në avantazh pa u mbushur ende çerek ore lojë, me Dani Lezkanon që shënoi golin e parë.

Më pas, në pjesën e dytë, pas një kundërsulmi fantastik, në minutën e 68-të ishte Pledl, i cili çoi në festë ekipin e tij përsëri.

Katër minuta më vonë ishte momenti i Gaus, i cili fundosi akoma më shumë Hamburgun, që tashmë e sheh akoma më larg ngjitjen për në Bundesligë, ndërsa Ingolshtadi sheh dritë në fund të tunelit për të shpëtuar.

BERLIN! BERLIN! BERLIN!

?? #DieRotenBullen #HSVRBL pic.twitter.com/n6OLW3VC1Z

— RB Leipzig English (@RBLeipzig_EN) April 23, 2019

Sot RB fitoi 3-1 në Hamburg, në një sfidë të pabarabartë, sepse Hamburgu ka një ekip modest dhe po vuan për të mbrojtur vendin e dytë në Bundesligën 2, që e kthen direkt në Bundesligë, pas një viti në purgator.

Një fitore e thjeshtë për Lajcpigun, që shënoi fillimisht me Poulsen dhe ndonëse pjesa e parë u mbyll në barazim 1-1, në të dytën diferencat mes dy ekipeve dolën edhe më shumë në pah dhe një autogol fundosi Hamburgun.

Tashmë Lajcpigu shkon në finalen e Berlinit, ku do të ndeshet me fituesin e Verder-Bajern.

Emri më i përfolur për t’iu bashkuar kampionëve të Gjermanisë është talenti Jan-Fiete Arp. Sulmuesi i Hamburgut po bën paraqitje të shkëlqyera në Bundesligë dhe është një lojtar që konsiderohet lider te skuadrat e moshave të kombëtares së “Pancerave”.

19-vjeçari gjerman ka luajtur 11 ndeshje këtë sezon në Bundesliga dhe shihet si një lojtar me shumë të ardhme. Sipas “Bild”, Bajerni do të paguajë 2.5 milionë euro për shërbimet e tij dhe me shumë gjasa, Arp do të veshë fanellën e bavarezëve në merkaton e verës.

Surpriza më e madhe erdhi nga Hajdenhajmi, që eliminoi bujshëm Leverkuzenin, duke fituar 2-1 me përmbysje. Festë gjigante për skuadrën e Bundesligës 2, që luajti një ndeshje të madhe duke përfituar edhe nga atmosfera e zjarrtë në stadium, ndërsa Leverkuzeni zhgënjeu totalisht në pjesën e dytë, duke vuajtur shumë dhe duke u eliminuar.

Ndërkaq, Hamburgu tregoi se nuk është klub për Bundesligën 2, sepse fitoi 1-0 ndaj Nyrenbergut me gol të Ozkan dhe shkon në çerekfinale.

Klubi verior dominoi totalisht, ndaj një Nyrenbergu të dobët dhe me mungesa, që mendon vetëm për të siguruar mbijetesën e vështirë në Bundesligë.

“Nuk kam dëshirë t’iu rikthehem historive të mbyllura, por te Hamburgu nuk më kanë trajtuar asnjëherë siç duhet. Nuk kemi pasur probleme madhore, por fjala ime nuk dëgjohej asnjëherë dhe nuk më trajtonin siç duhet.

Gjithsesi, është një kapitull i mbyllur dhe tani jam i lumtur që jam pjesë e Ingolshtadit. Dua t’i falënderoj drejtuesit e Hamburgut për mundësinë që më dhanë, por vetëm kaq”,- përfundoi kapiteni kuqezi.

22-vjeçari u transferua te ekipi gjerman gjatë merkatos së verës nga kampionati skocez, ku luante për skuadrën e Gllasgou Rejnxhërs. Paraqitjet e skocezit në “Bundesliga.2” me Hamburgun kanë sjellë interesin e shumë klubeve në Gjermani.

Nuk përjashtohet mundësia që Bajerni të blejë kartonin e mbrojtësit në merkaton e janarit dhe më pas ta lërë në huazim deri në fund të sezonit te Hamburgu. Me ardhjen e Bejts te bavarezët, reparti i mbrojtjes do të kompletohej me 4 qendërmbrojtës (Boateng, Humels, Syle, Bejts) që do luftojnë për dy pozicione.

Tic erdhi në krye të stolit të Hamburgut në fillim të muajit mars, i promovuar nga ekipi B, skuadër në të cilën e drejtonte prej tri vitesh. Një nga vendimet e para të 47-vjeçarit ishte përjashtimi nga stërvitja e kapitenit të kombëtares shqiptare Mërgim Mavraj dhe mesfushorit brazilian Uallas.

Në një intervistë për “BILD” në muajin shtator, futbollisti shqiptar u shpreh se ende nuk ka marrë asnjë shpjegim për masën drastike që u mor drejt tij nga tekniku gjerman.

HSV trennt sich von Trainer Titz –
Hannes Wolf übernimmt.

Zur Meldung ? https://t.co/hWLvaJLNsG pic.twitter.com/xXeSKLOSA0

— Hamburger SV (@HSV) October 23, 2018

“Nga ana njerëzore ai trajner vlen 0. Te gjithë të tjerët nuk i gjykoj, sa do që shume ja kanë dalë të mos shikojnë më mbrapa. Qoftë dhe vetëm një zyrtar i vetëm i klubit nuk më folur asnjë herë për atë masë që u mor ndaj meje. Trajneri ka të drejtë të përjashtojë lojtarët, por në rrethanat e duhura”.

Rënia  e Hamburgut – “Ishte diçka që ndodhi si pasojë e gabimeve nga njerëz të ndryshëm në të gjitha nivelet e klubit. Më erdhi keq, pasi pas rënies nga Bundesliga, u bëra shënjestër për disa nga fansat, ndërkohë që harruan se vetëm një vit më parë më cilësoni si hero kur shpëtuam në fund nga rënia. Ndoshta rënia nga kategoria ishte qëllimi i drejtuesve të klubi”, përfundon Mavraj duke hedhur akuza të forta.

Takimi ishte programuar të luhej ditën e nesërme në orën 1. Tifozët e Dresdenit kishin avulluar 30000 biletat e takimit, por tani të dy skuadrat duhet ta zhvillojnë ndeshjen në një datë tjetër. Federata gjermane kishte kërkuar që të plotësonte numrin e pakët të policëve me punonjës të policive private, por kjo kërkesë e tyre është mohuar.

Hamburgu është i parafundit, e mundi edhe skuadra më e dobët e Bundesligës dhe sërish rrezikohet seriozisht rënia. Nëse luan me zjarrin, herët a vonë do ta pësosh dhe Hamburgu ka disa vite që shpëton për fije të perit.

Për këtë arsye, klubi i Mërgim Mavrajt ka marrë masa urgjente, duke pushuar nga puna trajnerin Gisdol dhe duke pësuar ish-futbollistin e vet Bernard Hollerbah, i cili ka firmosur deri në verën e vitit 2019, ndërkohë që është specifikuar në kontratë se Hollerbah do të qëndrojë edhe në rast rënieje nga Bundesliga.

Hollerbah ka luajtur për Hamburgun prej vitit 1996 deri në 2004, si dhe ishte për shumë vite ndihmës i Feliks Magatit pas mbylljes së karrierës si futbollist, ndërsa ka ngjitur Vyrcburger Kikers nga kategoria e katërt në Bundesligën 2.

Ky i fundit e urdhëroi Mavrajn të stërvitet me ekipin B ditët e fundit dhe e uli në stol sot, në humbjen 2-0 në Hanovër (golat nga Harnik e Bebu në pjesën e dytë). Ishte humbja e dytë rresht për Hamburgun, që po kthehet skuadra plot luhatje dhe kriza e sezoneve të shkuar, pas startit me dy fitore rresht.

Nuk kuptohet pse Gisdol po e përjashton Mavrajn, por mes tyre do të zhvillohet edhe një takim kokë më kokë, për të sqaruar disa gjëra, pasi me sa duket trajneri nuk i pranon në asnjë mënyrë kartonët e kuq dhe gabimet e një lojtari lider në skuadër si Mavraj.

Sipas Mavrajt, këtë sezon gjërat po shkojnë mbarë dhe Hamburgu po luan shumë mirë, pavarësisht nga humbja në ndeshjen e fundit kundër RB Lajpcigut.

“Tani jemi më stabël, nuk kalojmë më nga ndeshje të shkëlqyera në disfata zhgënjyese. Edhe në humbjen 2-0 përballë Lajpcig, si skuadër u paraqitëm mirë. Sigurisht që do të ketë edhe ulje-ngritje, por objektivi jonë do të jetë që të kemi sa më pak zhgënjime. Unë shoh një skuadër e cila në fushë punon shumë, shumë mirë. Nuk e lëmë veten të dalim nga rruga që kemi nisur dhe faktorët e jashtëm tani nuk luajnë më një rol të madh. Kemi mungesa të rëndësishme, por skuadra ka treguar në të shkuarën se i përballon mirë këto probleme. Është një mundësi e madhe për ata që nuk luajnë rregullisht, çdo lojtar ka shansin e vet”.

Mavraj flet edhe për kombëtaren shqiptare, që nuk ia doli mbanë të kualifikohej për në Kupën e Botës, ku shanset ishin thuajse zero, në një grup me Spanjën e Italinë: “I druheshim diçkaje të tillë. Grupi me Italinë dhe Spanjën ishte brutal. Ndonëse shpresonim për më shumë, jemi të kënaqur me vendin e tretë në grup. Ky është një sukses i jashtëzakonshëm për vendin tonë dhe më i rëndësishëm se kualifikimi për njerëzit tanë ishte që të renditeshim para Maqedonisë. E arritëm këtë gjë. Por, do të më pëlqente shumë që të luaja në Euro 2020”.

Debutim sezonal në Osnabruk, rival i divizionit të tretë, ende pa fitore pas 4 ndeshje të para të sezonit të ri.

Kthesa e pabesueshme erdhi sot, triumf 3-1 ndaj Hamburgut, që bëri të pamundurën për të mos fituar.

Osnabryku mbeti me 10 lojtarë që në fillim të ndeshjes, por nuk ndryshoi asgje. Sulmi i Hamburgut inekzistent, fantazia dhe shpejtësia zero, rivali u mbrojt shkëlqyeshëm dhe shfrytëzoi mjaft mirë rastet e pakta, në një ndeshje ku Hamburgu pati thuajse 80% zotërim topi.

Mërgim Mavraj ishte titullar, së bashku me Papadhopulos në qendër, por të dy dolën blof në fund të pjesës së parë, kur Sangare i shmangu dhe i dhuroi topin e golit sulmuesit Savran. Në minutat 61 e 71 erdhën edhe dy gola të tjerë vendas, ndërsa amerikani Ud shënoi nga pika e bardhë një gol pa vlerë për Hamburgun në minutën e 73-të.

Në një rrëfim për Sky, Mavraj i është kthyer periudhës plot vuajtje bë pranverë, kur pati momente që u mendua se Hamburgu do të binte në Bundesligën 2 për të parën herë në histori.

“Ishte një sezon shumë i vështirë, mbijetuam në fund, në një periudhë shumë delikate. Personalisht, besoja shumë se do t’ia dilnim, vetëbesimi është shumë i rëndësishëm për mua. Jam munduar të tregohem gjithnjë shumë i qetë në mendimet e mia, shpesh kam medituar dhe kjo është e rëndësishme për çdo futbollist, që të njohë më mirë veten dhe të gjejë qetësi të brendshme.

“Muajt e fundit të sezonit ishin të çuditshëm, shpesh mendoja se do të luaja sezonin e ri,  në Bundesligën 1 apo 2, mendoja edhe për kombëtaren shqiptare, por gjithsesi jam mësuar, sepse shpesh në karrierë kam hasur situata të tilla”.

Hamburgu është stërvitur fort këtë verë, mes alpeve në Austri: “Kushte ideale, në çdo drejtim. Jemi përgatitur mirë fizikisht, por ambienti fantastik na ka bërë të ndihemi si me pushime. Nga ana mendore kjo fazë përgatitore na ka vlejtur shumë”.

Megjithatë, tifozë të pakënaqur ka kudo dhe ndër më të pakënaqurit janë ata të Hamburgut.

Klub i madh, një herë kampion Europe, por prej vitesh në vorbullën e mbijetesës, ndaj shumë tifozë janë lodhur.

Këtë sezon Hamburgu vuajti deri në fund dhe pati momente kur u mendua më e keqja, por fitorja ndaj Volfsburgut në javën e fundit evitoi ndeshjet play-off.

Tani klubi do të marrë masa për tifozët tradhtarë. Janë rreth 600 të abonuar që nuk kanë plotësuar kriterin minimal, praninë në të paktën 12 ndeshje nga 17 të tilla në stadiumin e Hamburgut.

Për pasojë, klubi do t’u fshijë abonimin dhe do t’ua kalojë tifozëve që janë në listën e pritjes, listë e gjatë, pasi janë 1500 tifozë në pritje dhe duket se do të hidhet short për të zgjedhur cili do të përfitojë abonim.