“Sigurisht që ndikojnë shumë largimet e lojtarëve si Uilliam Kordeiro dhe Rexhinaldo. Ishin dy lojtarë që bënin diferencën. Nuk e kuptoj se si i lanë të iknin. Gjithsesi këtë gjëra i takojnë drejtuesve. Është e pakuptimtë që ata u larguan për gjëra të vogla”.

“Ka ardhur Markovanbasten Çema. Është një futbollist që sapo kishte filluar hapat e parë të karrierës te Dinamo. Ka një gjatësi 2 metra dhe ka një stil të bukur loje. Në bisedimet që bënim për të, përmendej fakti që na kujtonte stilin e Pero Pejiç.

Kanë marrë Kitanovskin, i cili luan mbrojtës të djathtë. Bruno Lujaj është një lojtar i laftë të luajë si mbrojtës i djathtë, mbrojtës qendre dhe para mbrojtjes. Mendoj se merkato në tërësi është cilësore. U bë mirë që nuk u ndërhy në mënyrë masive. Unë mendoj se Çema do të jetë një futbollist cilësor. Kishte vite që Kukësi e kishte në plane dhe më në fund drejtori Nexhipi e mori”.

Zëvendës trajneri i skuadrës së Futboll Klub Kukësit, Rraman Hallaçi nuk do të jetë më pjesë e stafit teknik. Pas një takimi mes ish-Kapitenit dhe Presidentit Safet Gjici, Hallaçi ka kërkuar të drejtojë një skuadër futbolli të moshave.

Numri një i Klubit, i ka ofruar ekipin e dytë, pra FK Kukësin B, pasi presidenti Gjici synon, vitin tjetër, ngjitjen e kësaj skuadre në Kategorinë e Parë dhe kjo do ishte një hap i mirë për karrierën e tij të re si trajner.

Pasi kishin rënë fillimisht dakord për çdo gjë me Presidentin, për një fillim me Kukësin B, Rrahman Hallaçi ka ndryshuar mendjen dhe ka vendosur të largohet nga klubi. Ai u shfaq në një tjetër ekip, duke trajnuar skuadrën e Internacional U-19.

Futboll Klub Kukësi falenderon zëvendës trajnerin Rraman Hallaçi, për kontributin e dhënë si futbollist dhe si numri dy i pankinës së skuadrës sonë dhe i dëshiron shumë suksese në karrierë!

“Është një diferencë shumë e madhe, 9 pikë me 10 ndeshje të mbetura, por në futboll nuk i dihet asnjëherë. Është shumë e vështirë, por do japim maksimumin ndeshje pas ndeshje. Besoj se Partizani do të lërë pikë”.

“Kampionati është shumë mirë me kualitet, ka lojtarë cilësor. Ndihem mirë këtu. Normalisht që do të vazhdoj këtu edhe sezonin tjetër sipas kontratës”, tha Limaj. Të njëjtin mendim me Limajn ndan dhe ish-futbollisti i Kukësit, Rrahman Hallaçi, i cili punon prej dy vitesh në rolin e ndihmës-trajnerit.

“Shpresë kemi pasi e lejon matematika. Nuk ka mbaruar asgjë ende dhe ka shumë ndeshje për t’u luajtur. Edhe ne po të ishim të shkëputur nuk do ishim të qetë. Kuptohet është e vështirë, por nuk jemi dorëzuar akoma”, tha Hallaçi .

Merkatoja – “Do t’i vija notën 9, për të mos e tepruar. Është folur shumë për merkaton e Kukësit këtë verë, por mendoj se skuadra tashmë është mëse e kompletuar dhe do ta shohim që ndaj Tirans.

Rinovimet me rritje të ndjeshme page – “Janë marrëdhënie mes klubit e lojtarëve, shifrat janë konfidenciale. Disa lojtarë kishin pretendime për rritje page, por klubi ka gjetur marrëveshjen dhe kemi mbajtur më të mirët.

Miqësorja e radhës – “Po, ndeshemi të mërkurën, 17.00, me Teutën. Do të jetë një ndeshje e vërtetë, jo thjesht miqësore, sepse Teuta ka një ekip shumë serioz. Kundër Teutës do të luajë formacioni titullar, ndërsa rezervat do të luajnë në Gostivar një ndeshje miqësore kundër një ekipi arab, ku punon edhe një mik i trajnerit. Do të kërkojmë edhe një miqësore tjetër, ndërsa më 30 gusht do të kthehemi në Shqipëri”.

Stadiumi dhe kushtet e fushës – “Në atë stadium stërviten e luajnë disa skuadra, fusha vuan edhe kushtet atmosferike mjaft të vështira në dimër. Jemi pak vonë, por për një muaj fusha mund të riparohet. Duhet bërë patjetër ndërhyrje për një fushë cilësore, që është prioritet dhe uroj të kontribuojnë të gjithë, edhe bizneset e Kukësit, për të mundësuar që stadiumi dhe fusha të vijnë në parametra që të luhet në Kukës për kupat e Europës”.

Kapiteni Hallaci u shpreh për “Sport Ekspres” pas ndeshjes se bënë një lojë të madhe dhe se dalin me kokën lartë nga kjo aventurë në Champions League. “E kishim përgatitur mjaft mirë ndeshjen. Zhvilluam një ndeshje të madhe, ashtu si në Moldavi, ndaj një kundërshtari të fortë që ka investuar shumë ndër vite. Duhet të ngremë kokën lart, ta pranojmë rezultatin si profesionistë. Futbolli i tillë është, sulmuam deri në fund. E provuam nivelin e lartë të Champions Ligës dhe treguam që jemi të denjë për të luajtur në këtë nivel. Ndeshjen e parë nuk e njihnim shumë kundërshtarin, pavarësisht se e kishim studiuar me videokaseta. Nuk kishim çfarë prisnim më, duhet të sulmonin pasi ishim në disavantazh. Bëmë një ndeshje të madhe, në pjesën e parë shënuam dy gola, treguam forcën tonë dhe mund të shënonim edhe golin e tretë. E thashë edhe më parë, nuk kemi çfarë bëjmë, duhet ta pranojmë rezultatin”, deklaroi Hallaçi.

SHAMETI – Qendërmbrojtësi gjirokastrit u shpreh pas ndeshjes për gazetën se Kukësi e meritoi kualifikimin. “Kemi bërë një lojë shumë të mirë dhe me rastet që krijuam mendoj se duhet të kualifikoheshim ne. Ndikoi rezultati i ndeshjes së parë. Duhet të kishim më pak fat. Ky Kukës për titull? Tani për momentin duhet të pushojmë dhe të ulemi me klubin për rinovimin e kontratave dhe të shikojmë projektin që ka”.

RRUMBULLAKU – Në të njëjtën linjë me Hallaçin dhe Shametin ishte edhe mbrojtësi tjetër Rrumbullaku. “Ne si lojtarë dhamë maksimumin. Që në minutat e para të ndeshjes hymë në fushën e lojës shumë të mobilizuar duke besuar tek përmbysja dhe ja dolëm deri diku. Por, një shpërqendrim në mbrojtje bëri që ne të pësonim gol. Fati na penalizoi në këtë mbrëmje, krijuam shumë volum loje, dominuam thuajse tërë ndeshjen, shtyllë dhe raste, penallti, por në fund nuk mundëm të kualifikoheshim dot. Kështu është futbolli, një lojë gabimesh. Duhet që të vazhdojmë sërish me kokën lart. Ky i sotmi është Kukësi më i mirë. Besoj që e ëndërronim të gjithë. Besoj se edhe drejtuesit, dhe të gjithë ata sportdashës kuksianë dhe jo vetëm, kanë parë një Kukës si asnjëherë tjetër. Fati nuk donte që ne të kualifikoheshim”.

KUNDËRSHTARI

”Çdo ndeshje ka delikatesën e vet, megjithatë ne në ndeshjen e parë ne dolëm kokëlartë pavarësisht se e humbëm ndeshjen, pasi bëmë një lojë mjaft të mirë. U munduam që të mos mundeshim, por futbolli i tillë është dhe falen dhe gabimet njerëzore, siç i ndodhi mbrojtësit tonë. Tani duhet të gjejmë forca për ndeshjen e kthimit. Si fillim duhet të shënojmë një gol që më pas të mendojmë për golin e dytë. E theksoj se ka një rëndësi shumë të madhe që të gjejmë golin e parë dhe të futemi më pas si të barabartë. Kundërshtari ka një mesfushë dhe sulm shumë të fortë dhe të shpejtë, por dhe në mbrojtje kanë kualitet. Fakti se ne krijuam disa raste atëherë doli sikur nuk janë shumë mirë në mbrojtje. Ata janë shumë të mirë në mbrojtje, por cilësia jonë bëri që të dalim disa herë para porte. I kemi të gjitha mundësitë që ta arrijmë objektivin”.

SITUATA

”Moralin e kemi lart dhe së bashku me presidentin, trajnerin dhe lojtarët kemi qëndruar bashkë. E theksoj se atje kemi bërë një ndeshje të mirë, trajneri ka bërë maksimumin për t’i ngritur kokën çdo lojtari dhe për ta bindur se ne i kemi mundësitë për ta kaluar këtë sfidë shumë të rëndësishme. Kemi eksperiencë, pasi kemi disa vite që luajmë në Europa League, por është hera e parë që jemi pjesëmarrës në Champions League, ndaj është detyrë e çdo lojtari që të bëjë maksimumin në këtë ndeshje. Ne kemi lojtarë që luajnë prej vitesh në nivele shumë të larta mendoj se i kemi të gjitha mundësitë që të luajmë si të barabartë me Sherifin, edhe pse kanë shumë eksperiencë dhe kanë shkuar disa herë në grupet e Europa League-s. Ne do të bëjmë maksimumin tonë për një investim të dhënë”.

TIFOZËT

”Tifozeria kuksiane gjithnjë na ka mbështetur, në çdo sezon. Ne i bëjmë thirrje që të na mbështesin sepse gjithçka është e hapur dhe vetëm një gol na ndan që të jemi të barabartë dhe më pas golin e dytë duke pasur mbështetje të madhe do të synojmë golin e dytë që të arrijmë tek kualifikimi”.

SHANSET

“Nuk besoj se Sherifi është shumë i favorizuar, pavarësisht se ka një gol diferencë, mendoj se me skuadrën, kualitetet dhe blerjet që kemi bërë, shanset janë 50 me 50”.

Ai 11-metërsh ishte vendimtar dhe kapiteni e pranon se ndoshta sot do ishte duke folur për të tjera llogari: “E dinim se përballë do të kishim një kundërshtar mjaft të fortë, megjithatë për mënyrën se si shkoi ndeshja besoj rezultati nuk është i drejtë. Ne bëmë një paraqitje dinjitoze. Nëse nuk do të ishte bërë ai gabim e them me bindje se barazimi do të ishte rezultati më i drejtë. Ne nuk jemi një skuadër pa eksperiencë në kupat e Europës, pasi jemi pjesëmarrës të rregullt në kupat e europës prej katër sezonesh dhe kemi kaluar ture thuajse çdo vit. Në ndeshjen e kthimit duhet të jemi shumë të përqendruar dhe mund të them se e kemi analizuar ndeshjen e parë, që të evitojmë gabimet e bëra. I kemi idetë e qarta për atë që duhet të bëjmë në ndeshjen e kthimit dhe mund të them se kualifikimi është i arritshëm nëse do të kemi një përqendrim maksimal dhe të shfrytëzojmë mundësitë që do të na krijohen”, përfundoi kapiteni i Kukësit, Rraman Hallaçi.  

Mbrojtësi i djathtë më pas është pyetur mbi luhatjet e tij, por ai nuk ka pranuar që te ketë pasur, madje sezonin e shkuar, kur Klodian Duro drejtonte ekipin, ai është ulur padrejtësisht në stol. “Luhatje unë nuk kam pasur aspak, por edhe kur ndoshta jam ulur në stol, jam ulur padrejtësisht. Këtë e them me pastërti, sepse e kanë treguar ndeshjet këtë gjë. Gjithsesi i kam harruar të gjitha. Pikërisht pas këtyre problemeve unë e tregova që jam i zoti për të arritur atë që kisha premtuar, të marr trofe me Kukësin. Besoj se e kam bërë mirë. Unë kam qenë profesionist dhe do të jem gjithmonë. Pavarësisht se e mbajti dikush tjetër shiritin e kapitenit, unë sërish dhashë maksimumin. Nuk ishte ideja që unë me patjetër të isha kapiten, thjesht nuk doja që askush të më hante hakun. Këtë e kam treguar më së miri dhe jam tani kapiten. Të gjithë janë kapitenë, nuk ka asnjë problem për mua, por ishte shumë e rëndësishme për të treguar se nuk ishte vendi im për të qëndruar në stol, por vendi im është në formacion. Mendoj se kam bërë mirë dhe e kam treguar këtë gjë”, shtoi ndër të tjera Hallaçi, që në fund foli edhe për të ardhmen: “Kam ende për të dhënë, po e tregoj në fushë që kam gjendje të mirë fizike. Shumë e rëndësishme për mua ka qenë se nuk kam pasur asnjë dëmtim. Dua të jem në fushë pse jo edhe dy vite. Do bisedoj me drejtuesit dhe na duhet merkato. Do mbetem te futbolli, kam përfunduar kurset UEFA B dhe UEFA A për trajner. Kam biseduar me presidentin Gjici, e kam mikun tim dhe më ka thënë që deri në momentin që ti do thuash jo, do kesh mundësinë të luash dhe gjej rastin ta falënderoj. Më pas më ka premtuar që do jem në stafin drejtues”.