Halimi

Bashkëpunimi drejt fund, Brondbi “përzë” Halimin

Sport Ekspres — Thu, 11 Jul 2019 20:51:01 +0000

Lojtari i përfaqësueses së Kosovës, Besar Halimi, nuk po kalon një moment të mirë. Mesfushori i përfaqësueses së Kosovës nuk është më në planet e danezëve të Brondbit dhe nga klubi i është komunikuar që të gjejë një klub të ri për të vazhduar karrierën e tij.

Halimi iu bashkua Brondbit vetën e kaluar. Pas një viti në huazim klubi ra dakord t’i paguante Maincit 300 mijë euro për kartonin e të mesfushorit shqiptar, por kjo lëvizje nuk rezultoi e frytshme për të dyja palët.

Futbollisti mori vetëm gjysmën e minutazhit të sezonit të mëparshëm. Mbetet për t’u parë se si do të jetë ndarja midis dy palëve, pasi Halimi ka dhe një vit kontratë me klubin danez, që natyrshëm ka të drejtë të kërkojë para për kartonin e lojtarit. E ardhmja e lojtarit mund të jetë në Gjermani, vend ku ka lindur dhe është formuar si futbollist.

Halimi dhuron spektakël në parket, driblim dhe finalizim fantastik

Sport Ekspres — Mon, 14 Jan 2019 08:46:20 +0000

Besar Halimi është një ndër lojtarët më të rëndësishëm të përfaqësueses së Kosovës dhe skuadrës së Brondbit në Danimarkë. Mesfushori me tipare sulmuese njihet për elegancën e tij me topin dhe aftësitë e tij di të tregojë edhe në parket.

https://www.instagram.com/p/Bsgw0QFAIYw/?utm_source=ig_web_copy_link

Në Danimarkë u zhvillua një turne miqësor midis skuadrave të moshave dhe në mënyrë simbolike morën pjesë dhe disa lojtarë të ekipeve të para. Një ndër to ishte dhe Besar Halimi.

Fantazisti e pati të lehtë të tregonte cilësitë e tij në driblim, teksa shënoi një gol fantastik. Sigurisht niveli i kundërshtarëve ia bëri shumë të thjeshtë, megjithatë goli fantastik i Halimit nuk duhet humbur.

Zyrtare/ Mainci shet mesfushorin e Kosovës, firmos në Danimarkë

Sport Ekspres — Fri, 31 Aug 2018 12:50:35 +0000

Një lajm shumë i mirë vjen për kombëtaren e Kosovës nga Danimarka. Mesfushori Besar Halimi sapo është zyrtarizuar te skuadra e Brondbit. Ekipi danez ka blerë kartonin e 23-vjeçarit nga Mainci, por shifrat e këtij operacioni janë mbajtur të fshehta.

Halimi ishte i huazuar te Brondbi gjatë sezonit të kaluar, ku spikati me 7 gola në 27 aktivizime. Kontrata e re e mesfushorit të Kosovës zgjat për 2 vite. Mesfushori i lindur në Gjermani është një ndër të preferuarit e trajnerit të Kosovës Bernard Shaland dhe transferimi në Danimark mund t’i shërbejë atij si një trampolinë për të ardhmen.

Og nogle ord fra den nye nummer 5 her:https://t.co/pedZoMTI33 pic.twitter.com/mTpe5nqrj4

— Brøndby IF (@BrondbyIF) August 30, 2018

Halimi pranë rikthimit te Brondbi, trajneri e thotë hapur

Sport Ekspres — Tue, 28 Aug 2018 18:43:56 +0000

Besar Halimi kreu një sezon të shkëlqyer te Brondbi në Danimarkë, ku në 29 aktivizime gjeti shtatë herë rrugën e rrjetës. Mesfushori i kombëtares së Kosovës është rikthyer te Mainci, por trajneri, Sandro Shvarc, e ka bërë të qartë se 23-vjeçari nuk është në planet e tij.

Në një intervistë për “Canal 9”, trajneri i Brondbit, Aleksandër Zorniger, pohoi se do të ishte shumë i kënaqur nëse Halimi do rikthehej në skuadër, pasi mesfushori kosovar e ka treguar se mund të bëjë diferencën në futbollin danez.

Tani kur kanë mbetur dhe pak ditë nga mbyllja e merkatos pritet që të vendoset e ardhmja e Halimit. Sipas medieve gjermane, agjenti i mesfushorit po tenton t’i gjejë lojtarit të tij një kontratë në Bundesligën e dytë, por koha nuk premton dhe te Brondbi dyert për të janë të hapura.