25-vjeçari ndihet i karikuar në maksimum dhe në prononcimin e dhënë për Gazzetta dello Sport tregon se cilin rol preferon dhe ku mund të japë gjithë potencialin që zotëron.

“Ndihem një numër 10 në rolin pas dy sulmuesve. Kam biseduar me Xhampaolon dhe nuk përjashtohet opsioni që të luaj rolin e organizatorit përpara mbrojtjes. Është diçka shumë interesante. Ky mund të jetë viti im. Lindje e vajzës më ka ndryshuar, tani ndihem më i pjekur”, komenton Hakan Çalhanoglu.

Flasim për Hakan Çalhanoglu. Turku nuk zhvilloi një sezon për t’u mbajtur mend, por Gatuzo e mbrojti deri në fund ne fanatizëm. Trajneri i vlerësonte shumë cilësitë e lojtarit ofensiv, pavarësisht se edhe ai kërkonte më shumë.

Vetë lojtari ka reaguar në rrjetet sociale, duke mos e harruar trajnerin e tij. Besimin që iu dha nuk do e harrojë kurrë dhe do i jetë mirënjohës përjetë për diçka të tillë.

“Faleminderit mister. Faleminderit për gjithçka që ke bërë për skuadrën dhe të gjithë ne. Kemi patur ulje-ngritjet tona, por do të jem gjithmonë mirënjohës për besimin dhe faktin që më ke mbështetur në çdo moment. Të uroj fat për të ardhmen”, përfundon turku i kuqezinjve.

Turku ka folur së fundmi për mediat italiane, teksa është pyetur mbi largimin e Higuain dhe afrimin e Kristof Piatek. Gjithashtu, 24-vjeçari foli dhe për objektivin Champions, ku sipas tij arritja e vendit të katërt është diçka thelbësore për Milanin.

HIGUAIN-PIATEK – “Shkoja shumë mirë me Higuain, jam i mërzitur që u largua, por i uroj më të mirat. Piatek është këtu tani dhe po mësohem me të. E ka nisur në mënyrën më të mirë”.

CHAMPIONSI – “Momentalisht jemi në zonnën Champions, pasi jemi në vendin e katërt, por na duhet të vazhdojmë kështu sepse skuadrat pas nesh janë shumë afër. Është shumë e rëndësishme arritja e objektivit Champions. Milani nuk ka qenë prej shumë kohësh pjesë e kompeticionit”.

Por, dikush ka zgjedhur të frenojë këtë tratativë, ose tenton t’i bëjë presion Milanit për të ulur pretendimet prej 22 milionë eurosh për kartonin e 24-vjeçarit. Ralf Rangnik mban postin e drejtorit sportiv të Laipcigut dhe atë të trajnerit. Në stol do të jetë deri në fund të sezonit për t’i liruar vendin trajnerit të ri Julian Nagelsman.

“E njohim Hakanin, ka luajtur në Bundesligë, por tani është pjesë e Milanit. Operacioni i blerjes së tij është financiarisht i pamundur për ne dhe është e pamundur për të arritur marrëveshjen”, ka folur Rangnik në konferencën për shtyp përpara ndeshjes së fundjavës kundër Dortmundit.

Turku nuk ka qenë në formë të mirë, sidomos sezonin aktual, ku ka marrë shumë kritika për paraqitjet e tij. Destinacioni i mundshëm për mesfushorin është Lajpcig, ku vetë Çalhanoglu ka rënë dakort me drejtuesit gjerman, por largimin e tij duket se po e ndalon pikërisht trajneri Gatuzo.

Për teknikun italian, 24-vjeçari është një ndër lojtarët më të preferuar të tij dhe pavarësisht formës së shfaqur, Gatuzo duket se ka vendosur të besojë përsëri tek ai. Sipas mediave italiane edhe administratori i ri i kuqezinjve, Ivan Gazidis, duket se është dakord me vendimin e trajnerit Gatuzo, kështu që largimi i Çalhanoglus drejt Lajpcigut nuk pritet të ndodhë

Ish-lojtari i Leverkuzen mbetet një prej të besuarve të Gatuzos, me trajnerin që e hedh gjithmonë në fushë prej minutës së parë. Drejtuesi i stolit i ka dalë në mbrojtje, e ka përkëdhelur dhe ka hedhur poshtë të gjitha kritikat. E megjithatë, tani duhet gjetur një zgjidhje.

Çalhanoglu nuk arrin ti japë asgjë skuadrës, madje tashmë është kther edhe në një problem. Nëse dëshiron të luajë titullar, apo edhe të qëndrojë te Milani, turku duhet të rikthehet lojtari i sezonit të kaluar dhe të shërbejë më mirë Higuain e Krutonen. Kastijeho po ngrihet në hirearkinë e skuadrës dhe mund të shndërrohet në zgjedhje të parë.

Pa harruar edhe afrimin e Pakuetas në merkaton e janarit. Një lojtar tek i cili Milani ka investuar shumë dhe jep shpresa për të ardhmen. Afati i Çalhanoglu po përfundon: numri 10 duhet të përmirësohet, në të kundërt rrezikon ta shohë veten në listën e lojtarëve që do të sakrifikohen në merkato.