Hajduk

Shënoi gol deçiziv, Shaktar Doneck hedh sytë nga lojtari i kombëtares shqiptare

Sport Ekspres — Tue, 12 Feb 2019 19:26:44 +0000

Mbrojtësi i kombëtares shqiptare Ardian Ismajli po kalon një formë të mirë te Hajduku i Splitit. Në takimin e kësaj fundjave 22-vjeccari gjeti golin e parë në kampionat kroat në fitoren me rezultat 2-1 kundër Lokomotivës së Zagrebit.

https://www.youtube.com/watch?v=bfmheig-BJE

Goli ka ardhur në momentin e duhur, pasi në zonën “VIP” të stadiumit të Hajdukut kanë qenë të pranishëm disa skautë. Mediet kroate aludojnë se vëzhguesit ishin nga “gjiganti” i futbollit ukrainas Shaktar Doneck.

Një detaj tjetër që mbështet këtë lajm është dhe fakti që dy ekipet zhvilluan një miqësore gjatë fazës përgatitore në Turqi, ku Hajduku mundi kampionët e Ukrainës me rezultatin e thellë 4-1.

VIDEO | Uzuni i përgjigjet Ismajlit, gola shqiptarësh në Kroaci

Sport Ekspres — Sun, 10 Feb 2019 17:43:50 +0000

Po luhet derbi i shqiptarëve në Kroaci, teksa Hajduku i Splitit, ku luajnë Ardian Ismajli e Françesko Tahiraj, pret Lokomotivën e Zagrebit, ku aktivizohet Myrto Uzuni e Lirim Kastrati.

Aktualisht, është mbyllur pjesa e parë, ku vendasit e Hajdukut udhëheqin 1-0 dhe autor i golit është pikërisht mbrojtësi ynë i kombëtares, Ardian Isamjli. Në minutën e 42-të, pas një goditje nga këndi, mbrojtësi ynë kërceu mbi të gjithë dhe shënoi golin e avantazhin për ekipin e tij. Ky ishte goli i parë për Ismajlin për këtë sezon.

Pas golit të avantazhit që u shënua nga Ismajli, për të barazuar ka menduar Myrto Uzuni. Sulmuesi kuqezi po kalon një sezon shumë të mirë me fanellën e Lokomotivës dhe ka shënuar një tjetër gol në kampionat. Në minutën e 53’, Uzuni ndëshkon portierin e Hajdukut dhe vendos baraspeshën.

Hajduk Split – Lokomotiva e Zagrebit 2-1
Ismajli 42′ / Uzuni 53′

VIDEO | Ismajli rikthehet me asist, mund Alijin dhe ka një mesazh për “dashakeqët”

Sport Ekspres — Sun, 13 Jan 2019 21:03:07 +0000

Ardian Ismajli është rikthyer në fushë me Hajdukun e Splitit pas më shumë se një muaji mungesë. Qendërmbrojtësi i kombëtares shqiptare iu desh kohë të riaftësohej, pasi kreu një ndërhyrje kirurgjikale më 11 dhjetor si pasojë e një dëmtimi në gju.

Ismajli u aktivizua si rezervë në miqësoren e zhvilluar ditën e sotme në Antalia ndaj Dinamos së Bukureshtit, skuadër ku ndodhet lojtari tjetër i kombëtares sonë, Naser Aliji. Ky i fundit u aktivizua në këtë takim gjatë pjesës së dytë.

Ismajli spikati duke asistuar në golin e dytë të kroatëve, ndërsa në përfundim të takimit, 22-vjeçari pati një mesazh interesant për disa persona

“Dikush ishte i gëzuar kur unë u operova dhe ata menduan se nuk do të rikthehesha, por jam përsëri më i fortë se më parë me ndihmën e zotit, vazhojmë përpara”, shkroi Ismajli në “Instagram”.

https://www.instagram.com/p/BslaUnont5E/?utm_source=ig_web_copy_link

Hajduku “peshkon” në Shqipëri, dy talente kuqezi në provë

Sport Ekspres — Sun, 15 Jul 2018 18:59:33 +0000

Klubet kroate prej disa vitesh kanë vendosur “radarët” në kërkim të talenteve nga kampionati shqiptar. “Kuqezinjtë” me të fundit që kanë tërhequr vëmendjen e klubeve janë portieri i Teutës Arlis Shala, si dhe qendërmbrojtësi i Tiranës, Kristi Malo.

Të dy 17-vjeçarët, që aktivizohen edhe me kombëtaret e moshave të Shqipërisë, sapo kanë filluar një provë te klubi i Hajdukut të Splitit. Ajo do të zgjasë për një muaj. Lojtarë si Endri Çekiçi dhe së fundmi Lirim Kastrati, kanë shtyrë klubet kroate të kërkojnë për talente edhe në kampionatet e moshave të Shqipërisë.

Hajduku i Splitit, në Izrael për Albi Dokën

Sport Ekspres — Thu, 29 Jun 2017 16:16:59 +0000

Tirana do të përballet sot në mbrëmje, ora 20.00, me Makabin e Tel Avivit në Netanja, në një ndeshje ku trajneri Ze Maria do të hedhë në fushë një skuadër me thuajse të gjithë lojtarët poshtë moshës 23 vjeç.

Synimi, natyrisht, është figura e mirë përballë një rivali superior dhe përtej kualifikimit, synohet që të reklamohen disa nga emrat më të kërkuar te klubi bardheblu.

“Sport Ekspres” mëson se në stadium do të jenë të pranishëm edhe drejtusit e Hajdukut të Splitit, klubit të famshëm kroat.

Synimi është ndjekja nga afër e Albi Dokës, mbrojtësit të talentuar të Tiranës, që po provohet në mesfushë nga Ze Maria.

Hajduku ka kohë që e ndjek talentin bardheblu dhe i ka bërë edhe një ofertë Tiranës, duke mbetur vetëm detaje të vogla për t’u kompletuar. Me shumë gjasa, Doka pas dy ndeshjeve kundër Makabit do të transferohet në Kroaci, ndërsa nuk dihet ende nëse Tirana do ta shesë tërësisht talentin e vet, apo do të mbajë një përqindje të kartonit në rast rishitjeje, pasi qartësisht Hajduku shpreson ta vlerësojë dhe ta shesë shumëfish.