“Edhe në Izrael e në Skoci nuk kemi luajtur keq. Vazhdojmë sërish të përmendim këtë gjë. Goli i erdhi për shkak se skuadra humbet ekuilibrat në rastet e caktuara. Islandezët janë shumë të disiplinuar. Më thuaj cili nga dy sulmuesit tanë ka dribluar e ka goditur si lojtari i Islandës. Cili prej sulmuesve goditi në portë dhe vuri portierin sot. Duhet të jemi me këmbë në tokë. Duhet të luajmë futboll modern. Mbajmë topin deri në 3 ose 4 takime dhe pas luajmë me top të gjatë, kështu nuk vazhdohet”.

“Me të vërtetë themi shpesh se kemi probleme në mbrojtje, por unë mendoj se skuadra jonë vuan diku tjetër. Nuk kemi sulm të mirë. Nuk bashkohem me shumë gjëra nga ato që tha trajneri Reja. Nuk mund të thuash që Balaj bëri ndeshje të mirë. Po krijohet një psikozë që sulmuesit tanë vlerësohen për fazën mbrojtëse, nuk po vlerësohen për rrezikshmërinë para portës e rastet që krijojnë”.

Pas ndeshjes kundër Andorrës, fituar 3-0, ish-trajneri i Kombëtares Astrit Hafizi deklaroi se nuk duhej festuar shumë për një fitore të detyruar, ndaj një ekipi amator, ndaj “Sport Ekspres” ka komunikuar me shkodranin, për të folur pak edhe për Shpresat, meqenëse prej tyre pritej gjithashtu fitorja.

– Hafizi, në Andorrë duhej të fitonim edhe me magazinierin, siç u tha me humor. Po Shpresat, pse nuk ia dolën?
– Më vjen keq, është një rezultat shumë zhgënjyes, që flet vetë. Është e lehtë të bësh kritika në këtë moment dhe shumëkush do të sulmojë Alban Bushin, por mendoj se nuk është aq e thjeshtë, që të kufizohemi vetëm tek ai. Janë ndeshje ku vërtet mund të jesh superior në letër, por duhet karakter dhe uri, nuk jemi në balet. Është një barazim si humbje, një disfatë për t’i vënë gishtin kokës e për t’u menduar thellë.

– I habitur nga kjo ecuri e Shpresave, sepse talente kemi plot, duke parë ku luajnë?
– Nuk është një befasi, kemi vite që me Shqipërinë U21 nuk po bëjmë thuajse asgjë. Jemi kënaqur herë pas here me ndonjë ndeshje të mirë, diku 30 minuta, diku një pjesë loje, diku me lojën dinjitoze, që na kthen pas në kohë. Vërtet krenoheshim me humbjet dinjitoze para 20-23 vitesh, por ishin kohëra të tjera, edhe kur kam drejtuar unë, nuk i kishim këto kushte, këtë zhvillim, këtë profesionalizëm e organizim. Tani i kemi gjithë lojtarët që luajnë jashtë, janë rritur në kampionate të rëndësishme në Europë, me infrastrukturë shumë të mirë dhe me mentalitet tjetër, atëherë ku është problemi? Këtu ka diçka që nuk shkon, duhet një analizë e kujdesshme, duke filluar nga seleksionimet që bëhen, që ndoshta nuk janë në nivelin e duhur.

– Dëgjojmë shpesh një frazë “rritim dhe evidentojmë talente për kombëtaren, rezultatet nuk janë prioritet”…
– Nuk jam dakord, normale. Talentet nuk i evidenton kombëtarja Shpresa, i evidentojnë klubet nga vijnë. Shumica janë të afirmuar, rriten në klubet përkatës me të gjitha kushtet dhe kombëtarja i zbulon edhe vetë.

– Si ju duket puna e kryer tek ekipet e moshave?
– Nuk dua të flas keq për ish-lojtarët e mi, duke nisur nga Alban Bushi, që është një djalë shumë punëtor dhe i apasionuar. Nga ana tjetër, nëse flas vetëm mirë, do thonë që e mbaj me hatër dhe nuk flas dot hapur. Ai është trajneri i moshave që ka punuar më gjatë në një post, përveçse ka punuar edhe në poste të tjera pranë kombëtares, si menaxher i kombëtares, është duke fituar eksperiencë dhe po mundohet, edhe pse natyrisht ka shumë punë për të bërë.

– Sipas jush, a është normale që të kërkohen rezultate vetëm tek ekipi A i kombëtares?
– Normale nuk është, ashtu si nuk është normale mungesa e kontrollit tek ekipet e moshave. Aktualisht kemi një drejtor të ekipeve kombëtare, Xhemal Mustedanagiç, i cili ka rreth një dekadë që punon në Shqipëri, ka drejtuar U17 dhe ka arritur një kualifikim shumë vite më parë, më pas rezultate mediokre, ndërkohë që tani është drejtues i lartë, në një kohë që ende nuk di shqip. Kjo nuk shkon fare, për mendimin tim, sepse nuk po flasim për ndonjë legjendë të futbollit ballkanas, që do na ndihmonte me emrin dhe autoritetin e vet, si ish-yjet e Kroacisë për shembull. Nuk e di me cilin komunikon dhe si komunikon Mustedanagiç, i cili bën platformën dhe ne i besojmë të ardhmen e futbollit tonë.

Për mua këtu është zanafilla e gjithë problemeve, peshku qelbet nga koka, nuk mund të ndalemi e të kritikojmë vetëm trajnerët e moshave. Edhe pse pa eksperiencë të madhe, trajnerët e moshave janë ish-futbollistë të kombëtares, që po mundohen të rriten si trajnerë dhe kjo praktikë ndiqet kudo nëpër botë, shpesh ish-futbollistë caktohen drejtues në ekipet e moshave. Nëse këta trajnerë nuk kanë ende CV të pasur, të paktën Mustedanagiç si drejtuesi i tyre duhej të kishte një CV shumë të pasur, të ishte një personalitet i trajningut në futbollin ballkanas, gjë që nuk e ka. Që këtu fillon gjithçka, dikush duhet të flasë për këtë çështje, dikush që ka përgjegjësinë dhe vendos për emërimin e drejtorit të kombëtareve dhe më pas trajnerëve.

Më duket se presidenti i FSHF-së nuk bën ndonjë analizë kur mbaron një edicion, nuk e kuptoj çfarë po ndodh me ne, ku fle lepuri. Ne kemi pasur futboll gjithnjë, në vitet ’80 të rinjtë shkuan mes 8 më të mirave të Europës, me djem të rritur në Shqipëri, ndërsa tani nuk rritim askënd në Shqipëri, i marrim nga jashtë thuajse gati dhe zero rezultate. Le të nisë krasitja dhe kërkesa e llogarisë që nga maja, të analizohet gjithçka, para se të shkojmë direkt e te kritika për trajnerët e kombëtareve.

“Kemi gabuar totalisht te goli i parë, e pafalshme që këto gabime i bëjnë lojtarë që luajnë në Serinë A. Më pas, Çalhanoglu bën 40 metra me top në këmbë dhe askush nuk e ndal, derisa shënon.

“Nuk them që kudo ka faj trajneri, por shumë gjëra nuk i kuptoj. Provohen 55 lojtarë, nuk kemi një ekip stabël. Luajmë pa e goditur asnjëherë portën kundërshtare”.

“Panuçi më duket pak i largët me lojtarët. Edhe tipi i tij si futbollist nuk ka qenë perfekt. Mënyra e sjelljes së tij, nuk ka arritur që të ketë një komunikim që të bëjë për vete lojtarët. Edhe Simeone ka pasur një karakter të ngjashëm me Panuçin si futbollist, por tani si trajner dallohet që ka një lidhje të fort me skuadrën e tij, ndërsa ky jo”.

“Ai ka thënë se do të grumbullohen lojtarët me më shumë minuta, por nuk ka qenë shumë i drejtë në këtë aspekt. Ka pasur dallime dhe këtu ka dalë i paqartë. Më kujtohet rasti i Alijit që është thërritur disa muaj më parë kur ishte pa skuadër, ndërsa kemi pasur lojtarë të tjerë që kanë luajtur më shumë se futbollistët e tjerë dhe nuk janë grumbulluar. Pra ka një dallim me atë që thotë trajneri dhe atë që realizon”.

SKEMA – “Në kohën e De Biazit përdornim skemën 4 – 3 – 3, por në të vërtetë ishte një vendosje 4 – 5 – 1. Loja sulmuese është më vështirë për t’u bërë se sa loja e lehta. Është më e lehtë të shkatërrosh se sa të ndërtosh”.

REPARTI MË I MIRË – “Mbrojtjen duhet ta kemi më të mirë, pasi lojtarët që kemi në mbrojtje aktivizohen me minuta të plota në kampionatin italian. Aty kemi pasur probleme për shkak të harmonizimit”.

ASPIRATAT – “Mendoj se lojtarët duhet të jenë më të rezervuar me deklaratat e tyre. Fitoren të gjithë e duam, por secili duhet të jetë me këmbë në tokë. Ne shpesh humbim ekuilibrat gjatë ndeshjes, nuk arrijmë të vendosemi mirë ose të mbajmë topin për distanca të gjata kohore.”

“Në fazën e kualifikueseve të “Euro 2016” ne nuk ishim skuadër më e mirë se Serbia dhe Danimarka, por ndodhën disa situata që shkuan në favorin tonë. Nëse mendojmë se do të jemi dy herë me fat  e kemi shumë gabim”.

BREZI MË I MIRË I KOMBËTARES –“Brezi i viteve 2000 me lojtarë si Strakosha, Rraklli, Murati, Xhumba, Fakaj, Kola, Lala, Shulku, Haxhi etj. Ishin një grup shumë mirë që më jep shumë nostalgji. Më pëlqen dhe brezi i viteve 80-të, ishte një grup bio. Ata erdhën nga kombëtarja shpresa, ku ishin në tetëshen me të mirë të Europës. Fatkeqësisht ata u ndodhën në një kohë tjetër”.

“Partizani ka shënuar vetëm një gol për ndeshje. Nuk është se po tregojmë një supremaci. Kukësi është duke bërë hapa galopant, Teuta po ecën mirë gjithashtu. Me grupin e lojtarëve që ka Partizani do e quaja  një sukses edhe po të renditeshin në vendin e dytë”.

“Skuadra e Kukësit është me kompletuar se Partizani. Patën disa vështirësi në fillim për shkak të ndeshjeve në kupat e Europës. Më pëlqen që kanë marrë lojtarë brenda kampionatit. Tani kanë marrë disa elementë të mirë nga Luftëtari”, tha Hafizi.

“Nëse analizojmë grupin, çfarë mendon Islanda dhe Turqia. Ata duan vendin e dytë. Franca është veç, nuk kanë ndryshime nga Botërori. Ju ikën vetëm Zhiru. Me ta kemi luajtur vetëm një ndeshje zyrtare. Kemi zhvilluar më pas miqësore. Na kanë mundur në ’90, 0-1 dhe 5-0. Me Islandën i kemi humbur dy ndeshjet zyrtare. Po flas për rezultatet, atje shënuam dhe na bënë dy”.

“Me Turqinë kemi luajtur miqësore. Mendoj se duhet të llogarisim 12 pikë me Moldavinë dhe Andorën. Nëse vazhdojmë me këtë gjendje, edhe Islanda nuk ka dalë mirë, me ndryshimet që do të bëjmë të shkojmë në vendin e tretë. Islanda ka marrë pjesë në botëror, edhe Turqia. Ne duhet të marrim 12 pikë fillimisht”.

“Ata nuk e kanë problem të futin lojtarët që luajnë jashtë. Ne na vijnë pa luajtur dhe pretendojmë të luajnë mirë. Ata s’i kanë problemet që kemi ne. Të dyja ekipet nuk kanë bërë mirë në Nations League. Franca dobët? Është tjetër histori. Ne kemi probleme, luajnë apo jo, por edhe probleme dëmtimesh. Kemi Roshin, Abrashin të dëmtuar”.

Hafizi shkon akoma dhe më larg, duke bërë një krahasim se nëse do të ishte një trajner shqiptar do të ishte shkarkuar mbase dhe në avion siç edhe ka ndodhur. Në emisionin “Kuq e Zi” në “Supersport”, 65-vjeçari u shpreh:

“Kjo ndeshje është e Panuçit. Mua më duket sikur është me një këmbë në varr nëse mund të thuhet kështu. Nëse do të kishte qenë një trajner shqiptar mund të ishte shkarkuar që në avion siç edhe ka ndodhur”.

Një prej të ftuarve në panel ishte dhe ish-trajneri i kombëtares shqiptare, Astrit Hafizi. Ai tha se për të mos pasur më të tilla situata, kombëtarja shqiptare nuk duhet të ftojë shqiptarë të Kosovës, një ide kjo që nuk u mbështet nga pjesa tjetër e panelit.

“Duhet t’u vëmë fre këtyre lëvizjeve që po bëjmë duke marrë  lojtarë nga Kosova. I ka ikur koha kësaj, më përpara ishte e domosdoshme, pasi Kosova nuk kishte as federatë dhe lojtarët kishin leverdi të përmendeshin e të dilnin në skenë dhe ne bëmë shumë mirë që i morëm”

“Sot, unë mendoj se duke ardhur ky lojtari i Kosovës (Dermaku), i zihet vendi një lojtari tjetër nga Shqipëria. Kjo nuk është zgjidhje. Si frenohet? S’duhet t’i marrim më”, tha Hafizi.

“Duke marrë shkas nga konferenca për shtyp e Panuçit, edhe orari i pazakontë, pa diskutim tregon mungesë respekti për kampionatin shqiptar. Është mungesë respekti dhe vlerësimi për kampionatin dhe për Shqipërinë.

“Më bën shumë përshtypje edhe tensioni i trajnerit në konferenca. Drejtuesi i stolit duhet të japë shembullin dhe të jetë korrekt, jo të flasë me tendenca. Aq më tepër që ai është i huaj. Po të ishte trajner shqiptar, mediat tona mund ta kishin masakruar”.

“Të them të drejtën nuk e kuptoj: edhe kur do të justifikojë mosgrumbullimin e një lojtari, çfarë deklaratash jep në një anë dhe çfarë thotë në krahun tjetër. Trajneri dikur mori Alijin që nuk luante, edhe pse të gjithë e pyetën përse e grumbulloi. Në anën tjetër, për Abazajn thotë nuk e marr sepse nuk po luan. Përse flitet me standarde të ndryshme”.

“Abazaj, Guri, Gavazaj, sapo ikën nga Shqipëria për të luajtur jashtë, u grumbulluan menjëherë në Kombëtare. Cila është arsyeja? Kohët e fundit kemi pasur një rritje të nivelit. Kjo ndodhi edhe me Uzunin dhe mendoj që bëhet fjalë për mungesën e respektit për kampionatin”.

“Pjesa e parë nuk më pëlqeu, ishte një Shqipëri e trembur, e kujdesshme, pa shpirt iniciative. Portieri Berisha ishte lojtari më i mirë në fushë për ne dhe kjo është shqetësuese. Në pjesën e dytë zëvendësimet ndryshuan shumë gjëra dhe skuadra fitoi besim në vetvete, por pas golit të parë duhej ta kishim shënuar golin e qetësisë. Më shqetëson fakti që në dy ndeshje rresht kombëtarja luan ndeshje me dy fytyra, nga njëra pjesë loje në tjetrën. Për mendimin tim, është shumë një si Roshi, na duhen lojtarë të tjerë që marrin iniciativa drejt portës kundërshtare. Vetëm me të nuk ia dalim dot. Duhet të kemi edhe lojtarë të tjerë si puna e Roshit, duhen shumë lojtarë në fazën sulmuese.

“Mavraj u tregua i sinqertë, kërkuam pikët dhe ato kanë rëndësi. Ajo që më shqetëson është loja, nuk mund të ecet përpara duke menduar vetëm për pikët, jo për lojën, për plan, iniciativë. Penalltia e Maqedonisë ndoshta nuk duhej dhënë, por Maqedonia pati edhe disa raste të pastra, ndaj nuk duhet t’i lëmë gjërat në dorën e fatit. Maqedonia ka ndërtuar një skuadër më të re në moshë, punon për të ardhmen, luajti shumë mirë sesa në ndeshjen e vajtjes në Shkodër, çka tregon që e kanë një plan dhe po punojnë mirë”.