Megjithatë, te Ostende kanë menduar për të shtuar konkurrencën në sulm. Mediet belge raportojnë se klubi belg ka arritur akordin me Zulte Varegen për huazimin 1-vjeçar të sulmuesit nga Guinea, Idrisa Syla.

Futbollisti afrikan do të jetë rivali kryesor i Gurit për një vend në formacioni titullar te skuadra belge. Syla, 28 vjeç, ka një ”CV” interesante me eksperienca të mëparshme në ekipe si Anderleht dhe anglezët e  QPR.

Në intervistën e dhënë për mediet belge në përfundim të takimit, Guri vlerësoi besimin e dhënë nga trajneri i ri, Kore Ingebrigtsen, si dhe bëri një krahasim me trajnerët e shumtë që ai pati gjatë sezonit të kaluar, ku Ostende rrezikoi rënien nga kategoria.

GOLI I PARË  – “Të them të drejtën, trajneri më ka thënë që të qëndroj pranë shtyllës së dytë gjatë harkimeve, por si sulmues ndonjëherë e ndjen se ku duhet të jesh në një moment të caktuar”.

“Është një paraqitje që më jep shumë besim dhe më qetëson. Një sulmues që shënon është një sulmues i gëzuar. Trajneri i ri më jep më shumë besim. Tani trajneri udhëzon skuadrën të më pasojë më shumë dhe të luajmë futboll më të bukur. Më duhet ta falënderoj. Sezonin e kaluar trajnerët nuk patën shumë besim tek unë. Vetëm vrapoja pafund.”.

Pas golit të parë të shënuar me kokë, Guri realizon një perlë në minutën e 87-të të sfidës. Brenda zonës, sulmuesi kuqezi e merr mirë topin, driblon kundërshtarin brenda zonës dhe mposht portierin me një diagonale me të djathtën. Thjesht i shkëlqyer…

Në javën e parë, Guri mungoi për shkak dëmtimi, por sot e nisi si titullar takimin dhe iu deshën vetëm 32 minuta për të shënuar. Pasi gjeti rrjetën me një gjuajtje me kokë, Guri i dedikoi golin bashkëshortes së tij, që pret të vijë në jetë fëmija i tyre.

Tifozët e Anderleht përgatitën një koreografi gjigante në nder të rikthimit të Kompani në klub pas më shumë se një dakade.

Sulmuesi shqiptar Sindrit Guri pritej të ishte në formacion e Ostendes në këtë 90-minutësh, por një dëmtim i lehtë i ditëve të fundit e ka bërë të pamundur grumbullimin e shkodranit për këtë takim.

Për momentin Guri është i vetmi qendërsulmues në radhët e Ostendes. Në mungesë të ish-lojtarit të Kukësit, trajneri i Ostendes, iu desh të përshtaste një mesfushor.

https://www.youtube.com/watch?v=NXFJBWzSXVg

Ndeshja mes AZ Alkmar dhe Ostendes u luajt në kushte shumë të vështira atmosferike, pasi kishte reshje të dendura dhe të pandërprera shiu. Megjithatë, kjo gjë nuk e pengoi ish-sulmuesin e Kukësit të gjente rrjetën, në minutën e  43′. Takimi mes ekipit holandez dhe atij belg u mbyll në minutën e 44’, pasi ishte e pamundur të luhej në kushtet e krijuara atmosferike.

Sulmuesi kuqezi i dha barazimin skuadrës e tij në minutën e 56-të të takimit, gol që vendosi dhe rezultatin final të sfidës 1-1. Sezoni i shkuar, ishte me shumë ulje-ngritje për bomberin shkodran, që synon të bëjë një edicion më pozitiv në 2019/20.

Miqësore, 16 korrik 2019 (19:00)

Zulte – Ostende  1-1
Bjordal 45’ / Guri 56’

Kampionët e Greqisë, PAOK, zhvilluan një takim miqësor ndaj danezëve të Nordsjaelland. Dy futbollistët shqiptarë Enea Mihaj dhe Ergys Kaçe e nisën nga minuta e parë këtë takim ku skuadra greke fitoi me rezultatin 3 – 0.

Ylber Ramadani i ka dhënë fund takimeve dhe është rikthyer në Danimarkë te Vejle. Mesfushori shqiptar është aktivizuar në miqësoren e sotme kundër Esbjerg, ku skuadra e tij fitoi 1 – 0.

Ky ishte goli i tretë i gurit në kampionatin belg, ku këtë sezon është aktivizuar në 24 ndeshje kryesisht si zëvendësues.

Norvegjezi Kore Ingebrigtsen është prezantuar sot nga drejtuesit e klubit. Tekniku 53-vjeçar vjen eksperience te Rossenborg në Norvegji, skuadër ku fitoi tri kampione radhazi dhe dy kupa.

Në fjalët e tij të para si trajner i Ostendes, norvegjezi u shpreh se ishte i lumtur që iu dha mundësia të punonte në një klub jashtë atdheut të tij. Ndër të tjera Ingebrigtsen tha para gazetarëve se drejtuesit e klubit kanë një plan ambicioz dhe përforcime janë piketuar që tani.

E ardhmja e Sindrit Gurit te klubi belg mbetet ende në pikëpyetje. Futbollisti shkodran ka shënuar 2 gola në 28 paraqitje në kampionat, ku më së shumti aktivizohet si zëvendësues. Kontrata e 25-vjeçarit me Ostenden zgjat deri në qershor të vitit 2021.

Përveçse goli i mungoi, 25-vjeçari u ndëshkua dhe me karton të verdhë në minutën e 73’. Megjithatë, sulmuesi shkodran bëri një ndeshje të mirë, pasi në golin e vetëm të skuadrës së tij, ishte ai që asistoi, gol që do të ishte shumë i rëndësishëm për rezultatin final të sfidës, e cila u mbyll 1-1.

Belgjikë, java 28

Ostende – Berenven  1-1
Sakala 60′ / Lombaerts ag. 68′

Goli  i fundit i Gurit në kampionatin belg datonte më 5 gusht, ku gjeti rrugën e rrjetës përballë Anderlehtit. Që prej asaj ndeshjeje Guri nuk arriti të gjente golin në 16 ndeshjet e ardhshme ku u aktivizua.

Gjashtë minuta më vonë futbollisti shqiptar fitoi një penallti për të tijtë që u ekzekutua nga belgu Bonen, që edhe pse gaboi në ekzekutim e shleu duke shtyrë topin në rrjetë pas pritjes së portierit. Avantazhi i Ostendes zgjati pak, pasi në minutat e fundit të takimit Kilian Hazard barazoi shifrat në 2 – 2.

Megjithatë në pjesën e mbetur të sezonit Gurit mund t’i jepen akoma më shumë mundësi. Së fudmi skuadra e Ostendes ka zyrtarizuar largimin e sulmuesit serbo-holandez Riçairo Zivkoviç, i cili është shitur për 800 mijë euro te skuadra kineze e Çangçun  Jatait.

Zivkoviç megjithëse në rol natyral është një sulmues krahu, i hapi jo pak probleme Gurit, duke e mbajtur në stol për muaj të tërë.

Vilem II po mposhtej 0-2 nga Groningen në pjesën e parë, por që në startin e së dytës, Vrushaj hapi llogaritë e takimit, duke ngushtuar diferencat.

Në Belgjikë, Sidrit Guri luajti 90 minuta për ekipin e Ostendes, por nuk arriti të lërë gjurmë. Për më tepër, sulmuesi kuqezi u ndëshkua dhe me karton të verdhë, një ndeshje për t’u harruar për të.

Kjo dhe për shkak të alternativave të shumta që ka në repartin e sulmit. Veterani De Suter është i vetmi që nuk qëndron para Gurit në preferencat e trajnerit, por është shumë mbrapa dyshes kryesore Zivkoviç dhe Sakala. Të dy sulmuesit kanë shënuar 5 gola në 37 ndeshje së bashku dhe kanë qenë zgjedhjet e para të teknikut Verhejen.

Guri është aktivizuar në 16 ndeshje, ku ka shënuar tre gola, një në kampionat dhe dy në Kupën e Belgjikës. 22-vjeçari Zivkoviç me shumë gjasa do të largohet nga Ostende, pasi ukrainasit e Dinamo Kiev kanë shfaqur interes për të. Në rast largimi të holandezit, mendohet se do t’i besohet Sidrit Gurit, pasi Ostende nuk ka ndërmend të bëjë merkato gjatë këtij muaji janar. Ndoshta, bomberi shkodran do të rikthehet në formën e tij më të mirë…

Edhe pse nuk ka kaluar një sezon të mirë deri më tani, duket se drejtuesit e klubit belg kanë ende besim te bomberi shkodran. Drejtori sportiv i Ostendes, Hugo Brus pati deklaruar më herët se besimi nuk mungon te Guri dhe tha se duhet t’i jepej kohë për të treguar potencialin e tij

“Po, e di që Guri ka shënuar vetëm një herë, por le t’i japim kohë. Nëse shënon 27 gola në Shqipëri në një vit, do të thotë që e ke idenë si shënohet”,- tha Brus për “Het Nieuçsblad”.

Miqësore

Utreht – Ostende  1-2
Shënues: Venema 64’ / Batalie 74′, Guri 78’

Në ndryshim nga Abazaj, Sindrit Guri ishte si gjithmonë pjesë e listës së të grumbulluarve, por shkodrani nuk aktivizua për asnjë minutë në humbjen 3 – 1 të Ostendes ndaj Standard Liezh.

Zhvendosemi në divizionin e dytë francez, ku Qazim Laçi luajti për 90 minuta në transfertën ndaj Lensit. Skuadra ku luan ish-lojtari i shpresave, Azhakso, befasoi duke fituar me përmbysje 2 – 1.

Muskron 3 – 1 Anderleht
Kristal Abazaj – I pagrumbulluar

Standard Liezh 3 – 1 Ostende
Sindrit Guri – Në stol nuk u aktivizua

Lens 1 – 2 Azhakso
Qazim Laçi – 90 minuta

]]> https://sportekspres.com/ska-minuta-per-gurin-e-abazajn-qazim-laci-feston-ne-france/feed/ 0 https://sportekspres.com/vetem-nga-nje-pike-per-grezden-e-rashicen-guri-feston-nga-stoli/ https://sportekspres.com/vetem-nga-nje-pike-per-grezden-e-rashicen-guri-feston-nga-stoli/#respond Wed, 19 Dec 2018 21:53:07 +0000 http://sportekspres.com/?p=223300 Eros Grezda luajti për 84 minuta në transfertën e Rejnxhërs ndaj Hibernian. Ndeshja u mbyll me rrjeta të paprekura. Ndërkohë, kundërshtarët e Selltik nuk gabuan dhe marrin sërish kreun me vetëm një pikë më shumë.
Nuk ka shkuar më shumë se barazimi dhe Verder Bremeni i Milot Rashicës. Skuadra e sulmuesit nga Vushtria barazoi ndaj Hofenhajmit me rezultatin 1 – 1. Rashica u fut si rezervë në minutën e 63-të.

Në Belgjikë u luajtën çerekfinalet e Kupës. Sindrit Guri pa fitoren e 0 – 1 të Ostendes ndaj Ojpenit nga stoli i rezervave. Sulmuesi shkodran kishte pasur një ecuri të mirë në takimet e mëparshme të kupës, ku kishte shënuar në të dyja takimet e tureve të pëparshme, por mesa duket, cilësia e kundërshtarit ka bërë që trajneri i ekipit belg t’i besojë titullarëve këtë takim.

Në këtë takim ishte i grumbulluar dhe sulmuesi i përfaqësueses së Kosovës, Edon Zhegrova. Lufta e egër për titullin kampion ka bërë që minutat për mëngjarashin e talentuar të jenë të pakta.

Ndërkaq, një tjetër ngjarje e bujshme në futbollit belg është shkarkimi i trajnerit të Anderlehtit Hein Van Hazebruk. Vendimi erdhi pas humbjes 2 – 1 kundër Cercle Bruzh, në këtë takim iu dha shansi i debutimit sulmuesit shqiptar Kristal Abazaj, i cili edhe pse mori elozhe nga Van Hazebruk në fazën përgatitore, u la në harresë nga trajneri belg përgjatë katër muajve të fundit.

Le RSC Anderlecht met fin à la collaboration avec Hein Vanhaezebrouck: https://t.co/1XEQrVY2Cv

RSC Anderlecht beëindigt de samenwerking met Hein Vanhaezebrouck: https://t.co/5Z2dxzisLo pic.twitter.com/Wm0PbXzjdz

— RSC Anderlecht (@rscanderlecht) December 16, 2018

Vazhdon momenti “jo” i Sindrit Gurit në kampionatin belg. Në transfertën përballë kampionëve në fuqi të Klub Bryzh, sulmuesi shkodran u aktivizua për vetëm 12 minuta për Ostenden në ndeshjen që përfundoi me humbjen e thellë 4 – 0 të skuadrës së tij.

Një tjetër sulmues i kombëtares shqiptare që po kalon një moment të keq është Xhakomo Vrioni, i cili fitoren e Venecias në transfertë ndaj Kremonezes. Aktivizimi i fundit i 20-vjeçarit në Serie B, daton më 22 shtator.

Kamer Qaka luajti për 90-minuta në ndeshjen e  fazës së 1/8 të Kupës së Rumanisë. Skuadra e Qakës, Poli Iashi u eliminua nga Vitoruli, në një takim ku gjithçka u vendos nga goditjet e 11-metërshave. Mesfushori shqiptar u tregua i saktë në penalltinë e tij, por nuk pati të njëjtën saktësi një prej kolegëve të tij.

Nga Rusia në Belgjikë. Sindrit Guri e ndoqi nga stoli fitoren e skuadrës së tij Ostendes ndaj Eupen. Trajneri nuk i dha asnjë minutë lojtarit kuqezi në këtë ndeshje. Edhe Bakaj në Bjellorusi nuk ka mundur që të lërë gjurmë në humbjen që skuadra e tij Shaktjor Soligorskit pësoi në transfertë me Islosh Minsk.

Në Greqi, Andi Lila ka fituar derbin me Migjen Bashën. Kavajasi ishte në fushë për 90 minuta, ndërsa Basha u zëvendësua në të 80-ën. Aris u mund nga Janina nga një autogol, por në pjesën e parë nuk miqtë humbën një 11-metërsh. Mërgim Mavraj nuk ishte i gatshëm as për këtë sfidë.

Nga Turqi në Bjellorusi, Elis Bakaj po ashtu nuk ka arritur që të shënojë këtë fundjavë me ekipin e tij, Shahktar Soligorsk. Skuadra e tij ka marrë një barazim pa gola ndaj Dinamo Minsk. Kryeqytetasi ishte në fushën e blertë për 87 minuta.

Sindrit Guri në Belgjikë e nisi si titullar me Ostenden e tij, por nuk mundi që ta gjente rrugën e rrjetës gjatë 58 minutave që ishte në fushën e blertë. Edhe Azdren Llullaku ishte në fushë një ditë më parë me Astrën e tij për 90 minuta në fitoren në transfertë ndaj Dinamos së Bukureshtit. Llulaku është ndëshkuar në këtë sfidë me karton të verdhë.

DEBUTIMI NË NJË NDESHJE ZYRTARE SI TITULLAR

“Ndihem mirë dhe i privilegjuar. Do bëj më të mirën time dhe synoj që të arrij formacionin çdo ndeshje. Sot goli më mungoi, por them se do të vijë shumë shpejt, thjesht më duhet edhe pak fat. Zhvilluam një ndeshje të mirë. Fituam një ndeshje, por nuk u shpallëm kampion. Duhet të shohim përpara.

RASTI I FILLIMIT PËR PENALLTI

“E pashë rastin sapo mbaroi ndeshja. Kemi zhvilluar një ndeshje miqësore me Ostenden me Makabin dhe këtij lojtari i fitova penallti. Duhej të rrëzohesha, pasi do ishte penallti e pastër, Ashtu ma mori mendja dhe vendosa që të vijoj”.

ZËVENDËSIMI NË PUSHIMIN E NDESHJES

“Nuk e prisja të zëvendësohesha pas pjesës së parë. Trajnerit i takon ai vendim dhe unë e respektoj. Mendoj se bëri mirë pasi ekipi reagoi mjaft mirë. Pak rëndësi ka kush luan dhe duhet të japim të gjithë më të mirën për të arritur suksesin. Çdo lojtar ka kohën e vet”.

Në transfertën e ditës së sotme ndaj Sint-Truiden, Guri qëndroi në stolin e rezervave thuajse të gjithë ndeshjes, duke u futur në fushë vetëm në minutën e 89-të për të zëvendësuar ish-talentin e Ajaksit Riçairo Zivkoviç, ndërsa Ostende humbi takimin me rezultatin 1-0.

Tani Guri i duhet të rikthehet te goli për të përligjur sërish besimin e trajnerit. Konkurrenca në skuadrat e kampionatit belg është tepër e madhe dhe disa muaj përgjumje nga ana e sulmuesit shqiptar mund të shfrytëzohet në maksimum nga të rinjtë e shumtë që ka Ostende në kontingjent.

]]> https://sportekspres.com/vjen-radha-e-gurit-shkodrani-provon-shijen-e-hidhur-te-stolit/feed/ 0 https://sportekspres.com/guri-ne-360-grade-ostende-abazaj-kukesi-dhe-kombetarja/ https://sportekspres.com/guri-ne-360-grade-ostende-abazaj-kukesi-dhe-kombetarja/#respond Wed, 01 Aug 2018 15:35:02 +0000 http://sportekspres.com/?p=179878 Sulmuesi Sindrit Guri e ka nisur mbarë aventurën e tij në Belgjikë. Skuadra e Ostendes i ka besuar shkodranit fanellën me numër 10 dhe në takimin hapës të kampionatit belg, Guri e nisi me një asist. Në një intervistë për “Sport Ekspres”, 24-vjeçari flet për nisjen e aventurës së re, por dhe për takimin e javës së ardhshme, ku do të takojë Kristal Abazajn.

Nuk mund të ishte jashtë vëmendjes së Gurit dhe ndeshja e Kukësit me Karabakun, me sulmuesin që beson te kualifikimi, madje shkon dhe më tej, duke shprehur dëshirën e tij se kush do të donte që ta zgjidhte sfidën e sotme. Në fund, Guri tregohet i sinqertë, duke treguar se ai e pret një ftesë nga Panuçi për ndeshjet e ardhshme të Kombëtares.

Sindrit, si ka qenë kjo nisje e re në Belgjikë?
Është një nisje e mirë për mua edhe pse unë kërkoj më shumë nga vetja sepse e ndjej se mund të jap akoma dhe më shumë.
Jeni përshtatur plotësisht me skuadrën e  re?
Jam përshtatur shumë mirë, por nuk mund të them plotësisht sepse duhet të përshtatem me ekipin po ashtu dhe me atë që kërkon trajneri.
Në ndeshjen e parë arritët që të jepni një asist, por në fazën përgatitore keni shënuar disa gola, kur e pret golin e parë Guri?
E rëndësishme është që të luaj dhe të kontribuoj për ekipin dhe pastaj mendoj se golat do të vijnë vetë.
Mund të vijë ky gol në sfidën me Anderlehtin e Abazajt?
Dëshira është e madhe dhe do mundohem në maksimum të shënoj, por më e rëndësishme është që skuadra të arrijë suksesin.
Keni një mesazh për Kristalin që me shumë gjasa do e takoni në ndeshjen e radhës?
Jam i gëzuar që do e takoj. Nuk kam çfarë t’i them tjetër përveç se t’i uroj më të mira dhe të besojë tek vetja e tij, pasi mund të bëjë shumë mirë me ekipin e tij. Mundësitë i ka ashti si dhe aftësia nuk i mungon.
Kalojmë pak tek Kukësi, sot luan një ndeshje shumë të rëndësishme, beson tek kualifikimi?
E kam ndjekur ndeshjen e parë dhe do ta shoh dhe përballjen e sotme. Mendoj se mundësitë i ka, por duhet pranuar se është një ndeshje e vështirë, por duhet të besojnë se do arrijnë suksesin. Në fund të fundit nuk kanë çfarë të humbasin.
Mendon se me Gurin do e kishin pasur më të lehtë?
Jo, nuk mendoj ashtu. Kukësi ka qenë dhe pa Gurin në të shkuarën dhe ka bërë shumë mirë. Unë mund t’i ndihmoja, pasi njihem mirë me lojtarët dhe kuptonim shumë mirë lojën e njëri-tjetrit. Tani, edhe lojtarët e afruar duan kohën e tyre që të përshtaten.
Kush beson se do të vendosë sot nga ish-shokët e tu?
Dëshira është që ta zgjidhë Musolli së bashku me Shametin, por kjo nuk është e rëndësishme. i rëndësishëm është kualifikimi dhe sikur të realizohet me autogol, do të mjaftonte që ekipi të kualifikohet dhe të ecë përpara. Do gëzohesha shumë, pasi e meritojnë si lojtarët, stafi, presidenti dhe mbi të gjitha tifozët kuksian.
A pret Guri ftesë nga Panuçi për ndeshjet e vjeshtës dhe a ndihet më i sigurt tani që luan jashtë, duke parë që zakonisht futbollistet e Superiores me shumë vështirësi grumbullohen?
Normalisht që e pres një ftesë. Këtë gjë nuk e di unë, pasi është trajneri që duhet të ndjehet më i sigurt apo jo. Kjo nuk më përket mua që ta them.

INTERVISTOI: Jurgen Zela

Sulmuesi i kombëtares sonë, i transferuar këtë verë nga Kukësi në Belgjikë, luajti nga minuta e parë, ashtu si pritej, sepse është një investim i madh i klubit dhe në miqësoret verore ka shkëlqyer.

Muskroni shënoi në minutën e 23-të, duke befasuar, por Ostend dominoi me kalimin e kohës dhe barazoi sapo nisi pjesa e dytë, kur Guri mori pjesë në aksionin e parë të pjesës së dytë dhe dha pasimin e golit shënuar nga Kapon.

https://www.facebook.com/KVOostende/videos/2167107823321977/

Në minutën e 68-të Muskroni mbeti me 10 lojtarë dhe në të 75-tën erdhi edhe goli i dytë për Ostenden.

Për Gurin një ndeshje e mirë, por fati nuk e deshi, sepse e kërkoi me ngulm golin, duke rrezikuar disa herë në pjesën e parë me gjuajtjet e tij.

Në minutën e 58-të shkodrani pati një mundësi të shkëlqyer, por u vonua shumë për të goditur portën, ndërsa në minutën e 66-të lëvizja e tij e bukur jashtë zone u pasua nga një goditje e bllokuar nga një mbrojtës. Ishte e qartë që sulmuesi ynë po e kërkontte me ngulm golin, që nuk erdhi, por ndoshta në javët e ardhshme do të vijë goli i parë belg.

Në ceremoninë e nënshkrimit ishte i pranishëm edhe presidenti i klubit, Peter Kallant. Në mbrëmje Ostende do të publikojë edhe intervistën e rastit me Gurin, i cili do të jetë në dispozicion të Kukësit vetëm për ndeshjen e fundit të sezonit me Flamurtarin, por është e qartë që tani e tutje prioritet është Ostende dhe zor se do të luajë edhe në javën e fundit.

Koment nga Anton Cicani

E dimë që e ke të vështirë t’i japësh mundësi lojtarëve të Superligës. E dimë dhe se i beson më shumë atyre që luajnë jashtë vendit dhe që mund të marrësh dy lojtarë si Gavazaj dhe Abazaj dhe t’i stërvitësh duke mos i dhënë mundësi.

E dimë dhe që në dhomën tënde, më shumë televizori dhe laptopi qëndrojnë në Bundesligë, Serinë A, Zvicër e kështu me radhë, teksa ndeshjet e kampionatit shqiptar kalojnë në plan të dytë.

Por, këtë herë, mos bëj sikur nuk e ke mendjen mister Panuçi! Jo, këtë herë, mos e bëj. Sepse, në Kukës, luan një djalë i urtë dhe punëtor, që është vetëm 24-vjeç dhe që po flet nga java në javë me gjuhën e golave, sepse ai është zanati i tij.

Dhe, duke qenë se ty mister Panuçi të pëlqejnë shumë shifrat dhe statistikat, siç edhe ke thënë, atëherë djali i quajtur Sindrit Guri ka shënuar sot tripletë ndaj Partizanit dhe ka shkuar në kuotën e 15 golave. Do të thuash, epo në Shqipëri luan…

E vërtetë, por niveli i tij është aq i mirë saqë mund të luajë padiskutim në Greqi, Serinë B italiane, Zvicër, në kategorinë e dytë gjermane, Rusi, por sidomos në Rumani… Praktikisht, a nuk janë këto vendet ku kemi peshkuar dhe vazhdojmë që të peshkojmë?

Guri është duke bërë padiskutim një ndër sezonet më të mirë të karrierës (ashtu si me Korabin në Kategorinë e Parë), por deri tani, vetëm 24 vjeç, në Superlige ka zhvilluar 99 ndeshje dhe ka shënuar 19 gola. Në Kategorinë e Parë shënoi 20 me Korabin, por zëre se nuk i quajmë ato, sepse janë pikërisht Kategoria e Parë.

I shpejtë, teknik, i fortë me kokë dhe nga ato sulmues elegantë, që dinë se çfarë do të bëjnë. Mund të shkonte në Kore, por preferoi të qëndronte, pasi do të humbiste. Duhet kurajo dhe guxim edhe për këtë zgjedhje dhe Guri e ka.

Tani, mister Panuçi, nuk të mbetet vetëm se ta bësh zemrën “Gur”-i… Në qershor, merre në Zvicër për përgatitjet dhe miqësoret…

“Ndeshja më e mirë? Është e vërtetë. Kjo ndeshje erdhi në momentin e duhur. Këto gola ishin një shkëndijë më tepër që të vijoj me këtë ritëm e të shënoj akoma dhe më tepër”.

“E kam thënë gjithmonë që është ëndërr që të përfaqësojmë kombëtaren, për çdo lojtar që luan në Superiore. Nuk mërzitem që nuk jam thirrur më parë. Unë mundohem të bëj sa më mirë e të vazhdoj me këtë ritëm, në mos 3, 2 ose më1 gol për ndeshje. Tani besoj se jam gati dhe nuk i dihet asnjëherë”.

“Jam në kontratë dhe duhet të flas me drejtuesit. Kemi një konkluzion që të dalim të kënaqur të dyja palët. Edhe drejtuesit duhet të përfitojnë, pasi financojnë për skuadrën”.

“Këtë top mori gjyqtari dhe më tha eja ta marrësh. Doja të përshëndetja dhe lojtarët kundërshtar”.

“Ishte një kontakt, ndoshta jo 100%. Ishte i lehtë, por isha shpejt dhe nuk mund të mbaja këmbën në tokë, pasi d t thyeja këmbën. Kërcimi i tepruar i imi ndoshta bëri që gjyqtari të bënte që të mos akordonte penallti. Besoj se ishte penallti. Ishte penallti dhe kam shenjat në këmbë që kishte kontakt”.

“Trajneri më tha që kisha mundësi të shënosh më tepër, por ruaj për ndeshjet e tjera”.

Guri është një nga lojtarët më të spikatur në këtë sezon dhe me siguri në verë do e shohim të transferohet në një nga kampionate e mëdha europiane. Deri atëherë Gurit do i duhet që të bëjë mirë të kampionët e Kukësit.

Edhe drejtori sportiv Nderim Nexhipi, i cili u pyet sot në konferencë për shtyp në lidhje me Gurin sqaroi: “Guri nuk ka asnjë mundësi të largohet deri në fund të sezonit, pasi është një lojtar i rëndësishëm për ne”.

Sindrit Guri është njeriu i momentit te Kukësi: gola e asiste, sulmues që bën repart i vetëm, Pero Pejiç është harruar me shpejtësinë e dritës te kampionët në fuqi, që këtë sezon në sulm nuk kanë pasur fare probleme dhe çuditërisht kanë çaluar në prapavijë. Tani duket se Kukësi ka shansin të imitojë Skënderbeun, sepse pasi shiti Elis Bakajn për rreth 100 mijë euro në Bjellorusi, te Shahter Soligorsk, tashmë mund të shesë edhe Gurin. Burime brenda klubit kampion në fuqi bëjnë të ditur se nga Koreja e Jugut ka ardhur një ofertë e jashtëzakonshme, rreth 400 mijë euro, për sulmuesin e fuqishëm, autor i 17 golave këtë sezon.

GANGUON FC – Në Korenë e Jugut kampionati sapo ka nisur dhe merkatoja mbyllet më 29 mars. Janë luajtur 3 javë kampionati dhe klubi që e kërkon Gurin është një ndër më të mirët në këtë moment, sepse bëhet fjalë për Ganguon FC, që i ka fituar 3 ndeshjet hapëse të kampionatit. Tani Ganguon kërkon përforcime, pavarësisht se ka disa sulmues cilësorë dhe mes tyre edhe një serb e një brazilian. Për Gurin oferta vlen vetëm për një javë, deri në fund të muajit, përndryshe gjithçka do të shtyhet për në korrik, sepse më 2 korrik hapet sërish merkatoja. Guri vetë nuk do të ishte kundër për një transferim në Korenë e Jugut, atje ku ka luajtur edhe Sokol Cikalleshi dhe të ardhurat janë fantastike, edhe pse nuk është e lehtë për një shqiptar që të ambientohet me jetën dhe mentalitetin.

KUKËSI NË DILEMË – A mund të shitet sulmuesi më i mirë i ekipit pasi është shitur fillimisht shënuesi më i mirë? Pas Bakajt, e ka radhën Guri dhe sërish oferta joshëse detyron Kukësin të vendosë mes aspektin sportiv dhe atij financiar. Gjithçka pezull, vendi i dytë dhe kupa e Shqipërisë janë objektiva tepër madhorë për të shitur sulmuesin kryesor, por nëse oferta kap gjysmë milionë euro, si mund të thuhet jo? Nga ana tjetër, Guri del i lirë në treg në verë, pra Kukësi do të humbiste një shans të pabesueshëm për të përfituar miliona.

Jurgen Zela

Kukësi ka rilindur, së paku këtë ka reflektuar gjatë ndeshjeve miqësore në Antalia. Tashmë të gjithë shpresojnë që të bëjnë më mirë se në 16 javët e para, madje edhe besojnë shumë. Sulmuesi i Kukësit, Sindrit Guri, është një nga ata. Shkodrani është lojtari i cili këtë edicion ka më shumë minuta në skuadër. 24-vjeçari, për “Sport Ekspres” tregon atë çfarë ka ndryshuar në skuadër, duke veçuar punën e  trajnerit Peter Pakult me skuadrën. Në të njëjtën kohë nuk mund të mungojë dhe një koment në lidhje me interesimin që ka pasur për të, por dhe për titullin kampion. Besimi është i madh se Kukësi mund t’ia dalë edhe sivjet.

-Sindrit, keni koleksionuar rezultate pozitive gjatë fazës përgatitore, si ka qene kjo periudhë për ju?

Faza përgatitore shkoi shumë më mirë seç e prisnim. U fut një frymë e re në ekip. Trajneri na dha besimin që na mungonte. Patëm tre ndeshje miqësore ndaj ekipeve me nivel të lartë dhe këtë i kaluam më së miri, duke marrë tre rezultate pozitive. Ishte një provë e kaluar për ne. Shpresoj të vazhdojmë kështu dhe në kampionat.

-E nisni me një trajner të ri, cilat janë përshtypjet tuaja për Pakult?

Është një trajner, i cili ka rregullat parimin kryesor. Në stërvitje do seriozitet maksimal, se fundja është punë. Pas stërvitjes bëjmë shaka dhe është afruar shumë me lojtarët në një periudhë të shkurtër.

-Ku ndryshon Pakult nga Milinkoviç?

Ndryshimi është se Pakult është afruar me grupin në një periudhë shumë të vogël, ndërsa Milinkoviç nuk arriti ta bënte këtë gjë. Nga ana profesionale janë të dy shumë trajnerë të mirë dhe profesionistë.

-12 pikë nga Skënderbeu dhe drejtuesit besojnë te titulli…

Besojnë drejtuesit, por besojmë dhe ne. Besojmë fort madje. Do bëjmë gjithçka që ta arrijmë titullin, pavarësisht se e dimë se nuk do të jetë e lehtë. Duhet t’i marrim ndeshjet një e nga një.

-Në aspetin personal, këtë sezon jeni lideri i skuadrës. Si ka qenë ky edicion?

Ishte një fillim jo i mirë, pra jo ai që ne kërkonim. Besoj se këtë fazë të mbetur të kampionatit do bëj më mirë unë dhe skuadra. Normalisht besoj se do bëj shumë më mirë. Tani kam më shumë besim, kam marrë dhe minutat që më duheshin dhe normalisht kam dhe besimin e drejtuesve.

-Performanca juaj në Turqi nuk kaloi pa rënë në sy, mund të na zbuloni diçka më shumë për ofertat?

Unë jam në kontratë me Kukësin dhe çdo ekip që interesohet për mua duhet të flasë me drejtuesit e klubit. Di se drejtori Nexhipi ka pasur kontakte me disa klube në Turqi, që kanë shfaqur interes për shërbimet e mia. Tani ngelet të shohim si do rrjedhin ngjarjet.

-Sa ju bindin afrimet e fundit dhe a e shihni skuadrën të kompletuar?

Goditjet ishin pak dhe saktë. Për mendimin tim janë mjaftueshëm dhe afrime cilësore. Një tjetër alternativë në sulm? Pse jo, dhe një sulmues do ishte mirë, do i shërbente ekipit.

-Skënderbeu duket se komandon, duhet të ndjehet i kërcënuar nga Kukësi i ri?

Mendoj se është në favorin tonë të mendojë Skënderbeu se komandon. Ne do bëjmë punën tonë, do luajmë gjithmonë për fitore, pasi jemi ekipi kampion në fuqi. Mendoj se ekipi ka ndryshuar dukshëm nga pjesa e parë e kampionatit.

Gjithsesi, sulmuesi 24-vjeçar nuk dorëzohet dhe beson se Kukësi do të rikthehet te fitorja që nga ndeshja e ardhshme: “Nuk është se festova te goli, si për faktin se luaja përballë Vlalznisë, po ashtu dhe se ekipi nuk ishte në avantazh. Ishim në disavantazh të dy golave dhe nuk ishte koha të festonim. E filluam ndeshje 0-2. Shënova dhe ngushtuam diferencën dhe në pjesën e dytë barazuam. Ta fillosh ndeshjen 0-2, nuk është gjë e vogël. Shpresonim ta fitonim këtë ndeshje dhe të vazhdonim me ecurinë pozitive, por tani s’kemi çfarë të bëjmë, në futboll ka tre rezultate. Kemi ndeshjen e ardhshme në Vlorë dhe kampionati është i gjatë. Do të kërkojmë të marrim maksimumin që nga ndeshja e ardhshme. Ne jemi skuadra kampione dhe kudo që shkojmë, luajmë vetëm për fitore”.

PROBLEMI – Alijev po luan në majë të sulmit, poshtë tij është Elis Bakaj që është në pozicionin e tij natyral, në krahun e majtë të sulmit Kale, ndërsa “i sakrifikuari” i madh është Sindrit Guri. Shkodrani, pozicionin e tij natyral e ka si sulmues pykë, pikërisht në vendin që po luan Alijev. Milinkoviçi po e përdor si sulmues krahu të djathtë, një pozicion që nuk e lejon të japë më të mirën në fushën e lojës. Shtatlartësia e tij nuk e favorizon në atë rol, pavarësisht teknikës dhe shpejtësisë. 23-vjeçari nuk po dhuron paraqitje të mira dhe fakti që po luan si sulmues krahu po e penalizon. Nga ana tjetër, Alijev nuk ka bërë asgjë për të rënë në sy për mirë. Loja e tij deri tani ka qenë zhgënjyese, pasi nuk po arrin të bëjë diferencën, e aq më pak të marrë ekipin përdore duke e nxjerrë nga situatat e vështira.

MILINKOVIÇ – Trajneri ka vështirësi në lidhje me këtë situatë, pasi është “i detyruar” të fusë Alijevin, pasi është afruar me bujë dhe besimi te ai është i madh. Megjithatë, me një zgjedhje të tillë po humbet Gurin. Kjo do të jetë një situatë që do e mundojë teknikun serb edhe në vazhdimësi. Kampionët e Shqipërisë kanë humbur me Skënderbeun dhe këto probleme kanë dalë edhe më shumë në pah.

GOLI – Kukësi po vuan edhe për të gjetur golin, pasi nga treshja e sulmit po arrin të shënojë vetëm Bakaj. Guri dhe Alijev ende nuk e kanë provuar shijen e golit, këtu nuk futet gjuajtja e azerbajxhanasit ndaj Laçit, pasi është cilësuar si autogol. Një tjetër emër, Elton Kale, po bind me paraqitjet e tij. Braziliani është në formë dhe po bën mirë në krah.

Gjici nuk i ka kursyer batutat në pushim të ndeshjes, kur i ka thënë Gurit “duhet të shënosh dhe një gol”. Guri ia dëgjoi këshillën, sepse në pjesën e dytë shënoi edhe një gol, ndërsa tentoi pa fund të shënonte sërish.

MUNGESAT – Enea Koliçi dhe Rraman Hallaçi kanë kryer stërvitje të diferencuar për pak minuta dhe më pas janë zhvendosur në tribunë për të ndjekur takimin. Edhe Shameti pas terapisë me mjekun e skuadrës Mel Ostreni, kishte zgjedhur që të ndiqte ndeshjen nga stadiumi. Pas ndeshjes dhe lojtarët e stolit kanë kryer disa minuta stërvitje të lehtë, por dhe gjatë ndeshjes kanë kryer nxehje për gjatë gjithë pjesës së dytë.

Më parë Kukësi ka refuzuar oferta goxha të mira financiare për Gurin, lojtar që te Vllaznia do të kishte një aktivizim më të rregullt dhe do ta ndihmonte skuadrën e qytetit të tij për të ecur përpara. Guri mbeti vetëm një dëshirë e Vllaznisë, që për sulmit, bëri përpjekje për të marrë edhe një portier dhe një qendërmbrojtës. Nga sa mësohet, në listën e federimeve për Vllazninë do të ketë vende të lira, që mund të plotësohen këto ditë me ndonjë përforcim të mundshëm.

Sindrit Guri u afrua në verën e vitit 2016 te Kukësi, me synimin që të ishte një alternativë për Pero Pejiçin dhe Izair Eminin. Muskujt e tij nuk arritën ta mundnin eksperiencën e viteve që kishin mbi shpinë dy goleadorët e Kukësit, megjithatë në çdo moment që i jepej mundësia, bënte maksimumin. Nëse në kampionat nuk pati shumë minuta në dispozicion, shkodranit iu dha mundësia në Kupat e Europës. Ndonëse jo në pozicionin e tij natyral, Guri u adaptua në rolin e një mesfushori krahu mjaft mirë, duke i surprizuar të gjithë. Përshtatja në ketë pozicion nxori më së miri në pah aftësitë e 23-vjeçarit, i cili në të dy takimet bëri mjaft mirë dhe me inkursionet e tij vuri shpesh në vështirësi kundërshtarin, madje një nga lojtarët më të fortë të Sherifit, si braziliani Kristiano. Performanca e tij e mirë nuk kishte si të mos hynte në konsideratë të klubit moldav, që e veçoi Gurin dhe për shkak të moshës së tij premtuese.

OFERTA – Siç “Sport Ekspres” ka raportuar prej ditësh, trajneri i Sherifit të Tiraspolit, Roberto Bordin, u ka kërkuar drejtuesve të skuadrës të interesoheshin veçanërisht për sulmuesin, i cili “ja vështirësoi jetën” mbrojtësit të tyre. Menjëherë klubi ka kontaktuar lojtarin, duke u interesuar për kontratën dhe periudhën kur i përfundon ajo. Shkodrani kishte firmosur një kontratë 1+1, që ishte rinovuar automatikisht, duke e bërë të pamundur largimin nga Kukësi. Në këtë pikë, 23-vjeçari bisedoi me presidentin Gjici, por nuk gjeti mundësinë të largohej si lojtar i lirë. Sapo Sherifi ka mësuar diçka të tillë, ka përgatitur dhe ofertën zyrtare për klubin e Kukësit, që arrin shifrën 100 mijë euro. Fakti se Guri është angazhuar në kampionat vetëm në pesë takime si titullar dhe në 25 të tjera si zëvendësues, kushtëzojnë depozitimin e një shifre më të konsiderueshme. Kukësi nuk e ka pranuar në momentin e parë këtë ofertë, duke kërkuar fillimisht 300 mijë euro, por tashmë mësohet se pretendimet janë ulur, duke kërkuar 200 mijë euro. Duket e vështirë që kundërshtari që i eliminoi nga Kupat e Europës të rrisë ofertën e tij. Në këtë pikë Kukësi ka një mundësi të artë të rrisë buxhetin e klubit, por mbi të gjitha, të futet në tregun e shit-blerjeve, që e ka harruar prej vitesh. Tre sezone më parë Kukësi shiste për të njëjtën shifër Sokol Cikallehsin te RNK e Splitit dhe që asokohe nuk ka arritur që të fitojë të ardhura nga shitja e lojtarëve. Duket një mundësi fantastike, që i hap udhë për të tjera transferime, pasi do të ishte një hap shumë i madh për t’u bërë një klub europian. Mbetet për t’u parë nëse presidenti Gjici do ta marrë në konsideratë këtë mundësi ideale për t’u rikthyer në treg dhe për të mbushur arkën.

Skeda

Emri: Sindrit

Mbiemri: Guri

Mosha: 23 vjeç

Vendlindja: Shkodër

Pozicioni: Sulmues

Sezoni          Klubi    Ndeshje    Titullar   Gola

2016/2017 Kukësi         25           5           2

2015/2016 Korabi         27           27         20

2014/2015 Vllaznia         7            4           0

2014/2015 Kastrioti       11           10          0

2013/2014 Besa            27           17          1

2011/2013 Vllaznia         13           3           1

Jurgen Zela

Në të dy takimet me Sherifin e Tiraspolit, Sindrit Guri, u aktivizua në rolin e një mesfushori krahu, ku siç e panë të gjithë u përshtat mjaft mirë. Paraqitja e tij ka lënë përshtypje të mirë dhe tek kundërshtarët, të cilët e kanë veçuar sulmuesin nga pjesa tjetër e skuadrës. Burime të sigurta për “Sport Ekspres” bëjnë me dije se drejtuesit e Sherifit kanë kontaktuar dy ditë më parë shkodranin dhe i kanë paraqitur atij një ofertë konkrete. Stafi teknik e ka në listën e dëshirave lojtarin, megjithatë në mes është Kukësi, me të cilin Guri ka dhe një vit kontratë.

PROBLEMATIKA
Guri u afrua një sezon më parë në radhët e Kukësit, duke firmosur një kontratë 1+1. Pas përfundimit të kupave të Europës, një pikë e klauzolës ka bërë që kontrata të rinovohet automatikisht dhe së paku deri në verën e vitit 2018 do të jetë pjesë e kuksianëve. Normalisht që oferta e ardhur nga Sherifi do të merret në konsideratë nga lojtari, por siç mësohet moldavët nuk kanë shprehur gatishmërinë që të blejnë kartonin e lojtarit. Fillimisht Guri duhet që të shohë mundësinë për të ndërprerë me mirëkuptim kontratën me Kukësin, çka do t’i hapte rrugën drejt Moldavisë, ku e presin. Mbetet për t’u parë nëse Kukësi do të gjejë mirëkuptimin, apo nuk do të lejojë që të privohet nga shërbimet e një lojtari. Me siguri Gjici do ta shohë si mundësi për të mbushur arkat e klubit, duke shpresuar tek shitja e Gurit, por nuk duket dhe aq shpresëdhënëse se këmbëngulja e moldavëve do të jetë kaq e madhe. 23-vjeçari gjatë sezonit që u mbyll u aktivizua në 25 takime, nga të cilat vetëm 5 si titullar, duke arritur që të shënojë dhe dy gola.