Kjo gjë i ka irrituar së tepërmi turqit, të cilët reaguan menjëherë. Gjithsesi, islandezët i janë kundërpërgjigjur. Ka qenë kapiteni Gunarson, i cili aktivizohet me Kardif në Angli që ka kundërshtuar turqit.

Sipas mesfushorit, e njëjta gjë i ka ndodhur në vitin 2015 Islandës, kohë kur përballej me Turqinë për kualifikueset e Euro 2016. “Nuk e kuptoj. E njëjta gjë na ka ndodhur neve në aeroport në Turqi, kur udhëtuam për të luajtur për kualifikueset e Euro 2016“.

“I gjithë ekipi është në gjendje të mirë. Kemi pasur pesë lojtarë me shqetësime, por besoj se do të jenë të gatshëm për të luajtur. Jemi ekipi pritës dhe na duhet fitorja medoemos, natyrisht që kjo ndeshje ka më shumë presion për ne, por jam në këtë profesion prej dekadash dhe di si të përballem me presionin”.

Së bashku me trajnerin Hamren në konferencë ishte kapiteni Aron Gunarson, i cili u kthyer pas në kohë duke rikujtuar dy përballjet e mëparshme me kombëtaren tonë në kualifikueset e Botërorit “Brazil 2014”.

“Ndeshjet kundër Shqipërisë kanë qenë gjithmonë të barabarta. Kemi vuajtur shumë. Tani vijnë me një trajner të ri dhe nuk e dimë çfarë mënyrë loje do të ndjekin. Është një test shumë i vështirë për ne. E dimë se kanë ardhur për të marrë tri pikët”.

“Është folur se kemi pësuar rënie, por kemi ende për të dhënë. Gjithçka është në dorën tonë. Duhet të rikthejmë atmosferën që skuadra dhe tifozët patën gjatë Europianit dhe Botërorit të kaluar. Nëse do ia dalim të rikthejmë atë atmosferë do jetë një ndihmë e madhe”.