Guingamp

Franca jep trofeun e parë sezonal, nuk e merr PSG

Sport Ekspres — Sat, 30 Mar 2019 23:49:56 +0000

Në Francë prej vitesh PSG gllabëron gjithçka, por ndonjë thërrime ua lë rivalëve.

Këtë sezon PSG ka braktisur para kohe Kupën e Ligës, kompeticionin më pak të rëndësishëm në vend, ndërkohë që surprizat pa fund çuan te një finale e çuditshme, Strasburg-Gengomp.

Dy klube pa shumë histori, por me shumë dëshirë për t’u rritur, Strasburgu e Gengompi dhanë gjithçka, në një sfidë tejet të ekuilibruar, që nuk prodhoi gola në 120 minuta.

U desh lotaria e penalltive për të vendosur kush fitonte trofeun dhe Strasburgu ia doli mbanë, duke fituar 4-1.

Strasburgu ka fituar Kupën e Ligës numër 4, vetëm PSG ka më shumë. Më këtë triumf Strasburgu siguron edhe një biletë për në Europa League, diçka fantastike për një klub që rrezikonte falimentimin para pak viteve.

Çmenduri në Paris, vendi i fundit në Ligën 1 eliminon PSG

Sport Ekspres — Wed, 09 Jan 2019 22:40:44 +0000

Nëse PSG është ngopur me triumfet në Francë dhe tashmë mendon vetëm për Europën, bën mire që të shkojë deri në fund në Champions League, sepse përndryshe do të bëhet gazi i botës.

Sot kampionët e Francës u eliminuan bujshëm në çerekfinalet e Kupës së Ligës, duke pësuar humbjen e parë pas 50 ndeshjesh në kupë dhe duke u mundur për herë të parë prej 2012 në shtëpi në kupë.

U duk e lehtë, por Guingamp i vendit të fundit në Ligën 1 fitoi bujshëm 2-1, në një ndeshje të çmendur.

Tuhel hodhi në fushë më të mirët dhe në pjesën e dytë u fut edhe Edinson Kavani, por pas një ore lojë Markus Turam humbi 11-metërsh, duke gjuajtur disa metra mbi traversë. I pafat në atë rast 21-vjeçari, i biri i legjendarit Lilian Turam, por në fund e shleu gabimin.

Pak minuta më vonë Nejmar shënoi dhe u duk se mori fund, por në minutat 83 e 92 Guingamp fitoi edhe 2 penallti të tjera.

N’Gbakoto dhe në shtesë Turam (e fitoi vetë penalltinë, shënoi paksa me fat) nuk gabuan, me Guingamp që mori një fitore të madhe, duke kaluar mes 4 të mirave, ku ka surpriza të mëdha.

Monako fitoi sot me penallti nga Renës dhe tashmë Tieri Henri ëndërron trofeun, por në lojë janë edhe Guingamp, Bordo e Strasburg. Kupa e çudirave…

1 – Guingamp are the first team to defeat Paris in domestic cup competitions since Montpellier in January 2014 (2-1 in the last 32 of the Coupe de France). Earthquake. pic.twitter.com/rhm7aBoRzm

— OptaJean (@OptaJean) January 9, 2019

VIDEO | Depaj fenomenal, shënon një perlë dhe përmbys Guingampin

Sport Ekspres — Sat, 10 Nov 2018 17:52:55 +0000

Olimpiku i Lionit udhëtonte sot në transfertën e Guingampit dhe arriti të merrte një sukses mjaft ë rëndësishëm, pasi tashmë e sheh veten vetëm një pikë larg zonës Champions në renditje. Sfida u mbyll me shifrat 2-4, ku miqtë përmbysën avantazhin e Guingamp në pjesën e parë.

Fraksioni i parë i lojës u mbyll me fitoren e vendasve 1-0, ku vendosi një gol i Turam. Në pjesën e dytë Lion erdhi me një tjetër marsh dhe shënoi tre herë brenda 11 minutave. Dopietë e Memfis Depaj dhe një gol i talentit Aouar. Goli i shënuar në minutën e 73-të, që përkonte me golin e dytë personal të holandezit Depaj, ishte një perlë e vërtetë. Një goditje dënimi e ekzekutuar në mënyrë perfekte, që preku traversën, përpara se të ndalej në fundin e rrjetës.