Ata kërkojnë një verë të gjatë me futboll dhe kujtojnë atë që i bënë Ferencváros verën e vitit 2016. “Do jetë një verë e gjatë dhe plot emocione, duhet vetëm mbështetje dhe besim! Asgjë nuk është e pamundur dhe gjithçka mund të arrihet vetëm duke mos u dorëzuar, gjë që më së miri e tregon rruga që së bashku kemi ndjekur, pa u ndalur asnjëherë përpara asnjë lloj pengese.

Hajde së bashku forca ta kalojmë turin dhe të shkojmë sa më larg! ‘Don’t take me home’ këndohej rrugës për Budapest pa e pasur idenë e magjisë që do të ndodhte disa orë më vonë… Forca Partizan!”, shkruajnë Guerrils në faqen zyrtare në “Facebook”.

Rreth minutës së 60-të të takimit, ultrasit Guerrils dhe pjesa tjetër e tifozërisë së kuqe, kanë ndezur flakadanë të shumtë. Ngjyra? Patjetër që e kuqe. Në “Selman Stermasi”, u krijua një atmosferë fantastike, që shihet vetëm në kampionatet më elitare të Europës.

Ultras Guerrils nuk janë ndalur veç të koreografitë në derbi, pasi kanë përgatitur edhe një fanellë të veçantë për titullin dhe njoftojnë se ato që sot kanë dalë në shitje. Një kujtim i bukur pas një pritjeje 26-vjeçarë për titullin kampion.

“I gjeni te Baza 46, është fanella e titullit dhe kujtimi më i bukur i këtij sezoni dhe në veçanti i ditës së diel 12 maj 2019…Partizani kampion!”, shkruajnë Guerrils në faqen e tyre zyrtare në “Facebook”.

Guerrils, së fundmi kanë lëshuar një mesazh për të gjithë tifozët: “Java e ardhshme luhet në transfertë, ndeshje pas ndeshje numri i tifozëve po rritet, dhe të gjithëve bashkë na pret një organizim dhe një angazhim më i madh, na mungojnë edhe 8 pikë në 5 ndeshje. Nuk ka kohë për fjalë, por është koha për organizim dhe mobilizim të fuqishëm.

Vazhdojmë që tani thirrjet për një nga 3 transfertat e fundit, që sigurisht do jenë më të bukurat e sezonit. Emocionet vetëm po shtohen, adrenalina gjithashtu, zëri, kënga dhe mbështetja jonë duhet të marrë trajta të tjera, jashtë të zakonshmes.

Ndaj bëhuni gati, tifozë të rinj e të vjetër, ky është momenti i gjithsecilit nga ne për të dhënë më shumë se çdo herë, ky është momenti për të sakrifikuar gjithçka dhe për t’i dedikuar gjithë vëmendjen dhe përkushtimin! Së bashku ta marrim titullin dhe së bashku ta festojmë rikthimin e Partizanit atje ku i takon, në majën e futbollit shqiptar”.

Nuk ka munguar ngacmimi për skuadrën korçare, të cilën e etiketojnë me emrin “Skënderbeti”. Sipas grupimit ultras, fakti që Partizani është 9 pikë para nuk do ndikojë në uljen e numrit të pjesëmarrjes në radhët e tyre.

POSTIMI I “ULTRAS GUERRILS”

Dhe 8 ndeshje larg ëndrrës sonë të madhe!

Faza e fundit nis nesër me ndeshjen kundër Skënderbetit, e mërkurë, ora 18:30. Nëse mendoni se një humbje do trembë e keni gabim! Jemi 9 pikë para dhe mbështetja jonë do të vijojë njësoj, e fortë dhe masive sikur edhe kur kemi qenë 9 pikë pas apo në luftë për mbijetesë.

Dashurinë tonë, përkushtimin tonë dhe sakrificën tonë do ta vijojmë njësoj, përtej rezultatit! Partizani ka nevojë për të gjithë ne për të lënë pas shpine një moment të keq dhe ky moment nuk duhet kurrsesi të ndikojë këtë vit fantastik, të cilin pakkush nga ne e kishte shpresuar të ishte i tillë.

Besojmë se ky është viti ynë dhe të mërkurën kemi ndeshjen e radhës.

Asnjë mos të mungojë! Fitojmë, festojmë veç për Partizanin!

Zakonisht në stadiumin “Selman Stërmasi” numri i tifozëve nuk ka qenë i lartë, sidomos për një klub që është në vendin e parë dhe që nuk e ka fituar titullin kampion që në vitin 1993.  Kështu, Guerrils ftojnë gjithë tifozët e Partizanit të rikthehen në stadium dhe të jenë sa më të shumtë në mbështetje të ngjyrës së kuqe.

“Partizani-Luftëtari nesër në orën 18:45, luhet një nga 9 finalet që na ndajnë nga objektivi i shumë dëshiruar. Tani është radha e tifozerisë të tregojë masivitetin e vet dhe të mbështesë fort ekipin në këto ndeshje me shumë rëndësi.

Asnjë ndeshje nuk është e lehtë dhe tani e tutje janë të gjitha vendimtare. I bëjmë thirrje gjithë tifozerisë të rikthehet fuqishëm në stadium, çdo fitore na afron akoma më shumë drejt vendit që i ka takuar gjithmonë Partizanit! Shihemi nesër!”, shkruhet në thirrjen e ultrasve të kuq.

Në shënjestër ishte presidenti Safet Gjici i Kukësit. Ofendimet për të ishin të rënda, ndërkohë që ultrasit e kuq kishin modifikuar edhe monedhën 10 mijë lekëshe, duke e zëvendësuar imazhin e Pjetër Bogdanit me atë të numrit një të klubit verilindor. Ndërkohë mbrëmë vonë pati edh enjë postim në faqen zyrtare në “Facebook”, teksa shkruhej: “Përtej tarifës”

TËRBIMI I KUKËSIT – Menjëherë sapo ka mbaruar ndeshja, presidenti i Kukësit, Safet Gjici, ka kërkuar të sigurohen pamjet e ndeshjes, ku dëgjohen tifozët e Partizanit që ofendojnë atë. Kjo nuk është kapërdirë mirë prej tij dhe klubit verilindor do të reklamojë në Komisionin e Disiplinës atë që ka ndodhur dhe pret që Partizani të dënohet. Një hakmarrje dorë për dorë, por që varet nga organet disiplinore në FSHF.

Nuk duhen harruar Guerrils. Nuk shpalosën ndonjë mesazh, por protesta e tyre nga çmimit të biletave ishte origjinale. Nuk u pa nga TV, por në pistën e stadiumit “Loro Boriçi” u hodhën plot prerje 1000 lekëshe, sigurisht imitime. E gjithë si një kundërpërgjigje për Kukësin, që rriti ndjeshëm çmimin e biletave.

Më pas situata u qetësua me ndërhyrjen e forcave të sigurisë. Gjithashtu edhe anëtërë të Guerrils shkuan aty për të qetësuar gjakrat. Tashmë ultrasit e kuq kanë dalë edhe më një qëndrim zyrtar në faqen e tyre në “Facebook”.

QËNDRIMI I GUERRILS – “Incidenti i ndodhur në ndeshjen e djeshme nuk pasqyron sjelljen e përgjithshme të tifozerisë së Partizanit. Shkak i ngjarjes u bënë disa provokime, të cilat gjithsesi nuk e justifikojnë kurrsesi sjelljen pasuese nga individë të caktuar.

Akte të tilla nuk i kanë hije tifozerisë sonë dhe gjithmonë mundohemi t’i evitojmë. Grupimi ynë u kujdes që ai incident të shuhej sa më shpejt, edhe pse ndodhi shumë larg tribunës tone. Kjo gjë që na e bëri të pamundur parandalimin.

Ne si tifozeri kemi dhënë shembull dhe do vazhdojmë të japim shembull, duke ju përmbajtur kulturës sonë tifozerike. Një rast sporadik nuk duhet të përdoret për të etiketuar gjithë tifozerinë e Partizanit”, shkruhet në deklaratën e Guerrils.

Me rregullore, referuar kapacitetit të stadiumit të Laçit, bardhezinjtë kanë detyrim të lënë në dispozicion të miqve rreth 150 bileta. Nuk do të ndodhë kështu dhe diçka të tillë e njoftojnë “Ultras Guerrils”. Laçi u ka lënë në dispozicion të gjithë tribunën pas porte tifozerisë mike.

“Me kënaqësi ju njoftojmë se i gjithë sektori mbrapa porte është vënë ne dispozicion te tifozerisë sonë nga klubi i Laçit. Ndaj ka vend dhe bileta për të gjithë! Mos mungoni! Nesër publikojmë edhe detajet e organizimit dhe nisjes së autobusëve! Festa ka filluar tashmë! Forca Partizan”, njoftojnë Guerrils përmes faqes së tyre zyrtare në “Facebook”.

Një ditë më parë, kompania “blinibileta.com” ka dalë me njoftim për çmimet e biletave të përballjes Laçi-Partizani. Çmimet janë ato të zakonshmet, teksa në tribunën kryesore një biletë kushton 500 lekë, kurse në dy tribunat e tjera kushtojnë 200 dhe 300 lekë.

LAÇI – PARTIZANI (17.02.2019, ora 14:00; Stadiumi “Laçi”)
Tribuna kryesore – 500 Lekë të reja
Tribunat B – 200 Lekë të reja
Tribuna C (Miqtë) – 300 Lekë të reja

Bojkotimi i tyre i ka frymëzuar ultrasit e kuq, që shkruajnë: “Sa rrinë yjet larg ‘Honës’ rrinë tifozat larg Tironës”. Një modifikim i shprehjes së ultrasve bardheblu: “Si rrinë yjet rreth honës, rrinë tifozët pranë Tiranës”.

Ndërkohë ka edhe një gjetje tjetër që vjen nga një tifoz i Partizanit, që ka futur një “mi” në tribunën kryesore, sikurse edhe shihet edhe në foton që kemi siguruar.

Pas shënimit të golit të Tiranës, tifozët e Partizanit iu vunë në mbështetje ekipit me një “show” me mjete piroteknike.

Banderola e radhës e ultrasve të kuq ishte në gjuhën angleze: “Part time Ultras, full time idiots”, një ngacmim ky i drejtpërdrejtë për tifo-grupin kundërshtar.

Ishin vetëm një “celulë”, por luftuan si partizanë të vërtetë. Rrezikonin edhe vetë të mos ekzistonin. Kushedi sa prej atyre djemve kanë lënë veten pas dore vetëm për Partizanin. “Se kur jemi gjithë së bashku, asgjë s’na ndalon”, thotë një këngë e tyre. Ato vite nuk ishin gjithë së bashku, por Guerrils ishin si një trup qiellor që gjithë energjinë e kishin te bërthama. Ajo ishte e fortë dhe nuk u shpërbë në asnjë moment. Sot ata djem që mbajtën gjallë dashurinë për Partizanin dhe jo vetëm, gëzojnë dhe kanë arsye të jenë krenarë.

Kisha disa kohë që nuk ndiqja një ndeshje nga tribuna, nga ajo ku këndohet, nga ajo ku ndizen flakadanët e futur fshehurazi, nga ajo ku të rinj e të reja, baballarë që përçojnë dashurinë për Partizanin te fëmijët, janë të gjithë të veshur me të kuqe në çdo aspekt. Në tribunë ka shumë partizanë. Lufta kërkon vetëmohim dhe në ditët e sotme nuk është më aq e vështirë, duke parë një Partizan që lufton dhe dominon.

Me Skënderbeun u përjetuan momente jo të mira, por aty në tribunë kishte nga ata që as nuk e dinin çfarë po ndodhte në fushë. Pas banerit, me pamje të bllokuar. Katër ushtarë, nuk po i përdor fare thonjëzat, po bënin luftën e tyre. Tupani gjëmonte, zërat jehonin në qiell. Ushtarë të tjerë këndonin. Gjithsesi Disiplina i ndaloi ato zëra për dy ndeshje. Edhe vetë ata e dinë se bënë gabimet e tyre. Gjithmonë ka ndonjë që del nga rreshti. Është e vështirë të jesh mbret i një vendi ku të gjithë janë mbretër.

Por partizanët nuk janë vetëm në tribuna, janë edhe në fushë. “Demat e kuq” nuk është se shkëlqejnë, por kanë një komandant si Skënder Gega që ndërton strategji. Është luftë dhe në fund fiton ai që triumfon në sa më shumë beteja. Telushi është ushtari numër një dhe herë pas here e tregon në fushë. Shënoi ndaj Kamzës dhe festa ishte e gjitha “ushtarake”. Vlonjati nuk është i vetëm, e ndjekin edhe ushtarët e tjerë. Nderojnë me “gati tu” dhe lartësojnë emrin e Partizanit. Thellë në zemrat e Guerrils ka gëzim, kjo është ajo që duan më së shumti: njerëz që luftojnë si ata, për një emër, për një ngjyrë. Janë krenarë që për këtë kanë dhënë kontributin e tyre ndër vite. Tani është koha për titullin dhe ushtarët e fushës janë ata që e kanë në dorë…

/VLADIMIR PRENGA

Ultrasit e kuq janë kundër klubit të tyre dhe duke parë reagimin, këto pjesë të deklaratës së klubit të kuq nuk u kanë pëlqyer: “Klubi i Partizanit, jo vetëm që reagoi menjëherë në stadium për të larguar një paçavure shkruar keq nga disa rrugaçë që nuk kanë lidhje me tifozerinë tonë, por ishte i pari që u distancua publikisht nga kjo rreckë, e cila çuditërisht u bë shumë e famshme ditët që pasuan, dhe kjo jo vetëm në opinionin sportiv. Klubi i Partizanit nuk ka bërë rolin e sehirxhiut, por shumë shpejt do të zbulojë dhe identifikojë autoret e vërtetë të këtij akti që nuk ka lidhje me sjelljen tonë, si për rivalët sportivë, ashtu edhe për fqinjët tanë politike dhe gjeografike”.

“Si mundet të ngarkohemi me përgjegjësi për mungesë organizimi në një stadium të licencuar pa kontroll nga FSHF-ja, ku fort mirë dihet se nuk ka sistem kamerash sipas standardeve për identifikimin dhe skedimin e personave që s’kanë lidhje me tifozerinë dhe vijnë në stadium vetëm për të shkaktuar probleme?!”.

Për t’u rikthyer te qëndrimi i Guerrils, ata shkruajnë: “Thirrjet e klubit tonë për të ndërtuar sistem vëzhgimi dhe sistem skedimi të personave që hyjnë në stadium është po aq i turpshëm sa çdo vendim i komisioneve për të dënuar një ndeshje pa tifozë. Thirrjet për të dënuar individualisht tifozë të ndryshëm penalisht dhe etiketimet si rrugaçë nuk i kanë hije klubit që frymon bashkimin e njerëzve. Ne si grupim dënojmë veprimin, por nuk mendojmë që dënimi i individëve është përbashkues, por një mënyrë për të larguar vëmendjen nga humbja dhe përgjegjësitë. Arroganca dhe sulmet etiketuese paragjykuese nuk i kanë hije klubit Partizani e gjithashtu as dëshira e censurës, vëzhgimit dhe përzgjedhjes së tifozëve! Ultras Guerrils”.

Mesfushori ndihet borxhli ndaj tifozëve, të cilët ishin më të shumtë se zakonisht në stadium. Sot ai ka bërë një postim në llogarinë e tij në “Facebook” dhe në njëfarë mënyre falënderon “Ultras Guerrils”, që mbrëmjen e djeshme krijuan atmosferë në mbështetje të skuadrës.

Telushi është kthyer në një nga lojtarët më të dashur të tifozëve të Partizanit. Këtë sezon ai ka arritur të shënojë tre gola me fanellën e kuqe, duke dhënë kështu një kontribut të vyer në ecurinë pozitive të skuadrës së Skënder Gegës këtë sezon.

Kjo ngjarje ka nxitur që të ketë edhe banderola në stadiume. Konkretisht në ndeshjen Partizani-Skënderbeu është shpalosur një e tillë dhe ka qenë me terma nacionaliste. “1 grek më pak, 1 bastard më pak”. Sigurisht kjo ëshët komentuar edhe në mediat greke dhe Ultras Guerrils kanë dalë me një qëndrim.

DEKLARTATA E GUERRILS – “The shoë must go on ! *Sqarojmë se tifozeria e organizuar e Partizanit dhe grupimi Ultras Guerrils nuk ka lidhje me parulla raciste të shfaqura nga individë në stadium. Nuk i mbështesim parulla të tilla që na barazojnë me nivelin e një ekstremisti.  Nuk mund të identifikojë veprimi i disa individëve një tifozeri të tërë! I bëjmë thirrje mediave të promovojnë koreografitë dhe elementët pozitive e mos të instrumentalizojnë parulla të tilla që nuk përfaqësojnë qëndrimin e tifozerisë së kuqe”, shkruhet në deklaratën e ultrasve të kuq.

Nuk kishte si të mungonte dhe një koreografi e bukur e tifogrupit “Ultras Guerrilis”. Një ngacmim për Skënderbeun, pasi nën koreografin e gurëve të shahut shkruhet: “Torra që u bë mbret u kthye prapë në realitet”.

Ata kanë një mesazh për tifozët e tyre, por edhe për median.“Nesër është ndeshja e radhës ndaj Kukësit, që luhet në Elbasan në orën 13:45. Bileta kushton 500 lekë. U bënë shumë vite që ndjekim çdo ndeshje të Partizanit në çdo qytet, në çdo stadium, në çdo orar, kudo, kurdo dhe pa kushte”, shkruhet në fillim të deklaratës së Guerrils.

Më tej në të thuhet: “Ndaj për nesër nuk kemi arsye të gjejmë justifikime apo të ankohemi ashtu siç nuk i ka hije Partizanit dhe tifozerisë së tij. Kuptojmë që shumica e tifozëve tanë janë në pune, shkollë apo universitet. Kush nuk ka asnjë mundësi të vijë, të tregojë të njëjtën dëshirë në ndeshjet e ardhshme që luajmë në kryeqytet!

Ndeshja me Teutën nuk pati interesin e duhur, sa për të rikujtuar dhe për të bërë një autokritike. Deri tani në organizimin e bërë nga ana jonë pritet një numër i konsiderueshëm dhe ftojmë të gjithë ato që duan dhe do e gjejnë mundësinë të na bashkohen. Nisja bëhet në orën 12:00 tek pallati i sportit. Gjithashtu theksojmë që kush vjen, vjen për tifo dhe mbështetje maksimale! Kjo është ndeshje me rëndësi dhe së bashku duhet të arrijmë ta fitojmë!

Gazetat, gazetarët, portalet që shkruajnë pallavra që demotivojnë tifozerinë, e fjale që ne nuk i kemi shprehur, ju lutem injorojini. Kudo qa lu, ti vetëm s’je!”.

Të këtij mendimi janë edhe Guerrils, që duan t’i fitojnë të gjitha takimet, t’i mundin të gjithë kundrshtarët. Ata kanë lëshuar një mesazh për ekipin para sfidës me Kukësin, që me shumë gjasa do të luhet në “Elbasan Arena”.

“Vazhdojmë me fitoret, vazhdojmë me organizimet, ndeshja e radhës është vendimtare ndaj duhet mbështetje nga të gjithë! Na mbetet ne tifozëve, që euforinë ta kthejmë në mbështetje dhe vështirësitë t’i kthejmë në karikim. T’i lejmë anash festimet e parakohshme. Lojtarët, ekipi e tifozët duhet të përqendrohen dhe së bashku të fitojmë çdo ndeshje, të thyejmë një nga një çdo ekip, dhe të mbajmë deri në fund vendin që na takon! Sot më shumë se asnjëherë, forca Partizan”, shkruajnë Guerrils në faqen e tyre zyrtare në “Facebook”.

Përveç koreografive nuk kishte si të mungonin dhe flakadanët e shumtë, tymi i të cilëve shtyu për pak minuta fillimin  e takimit.

Birra, këngë dhe shumë atmosferë do të nisë në rrugën “Federik Shiroka, ndërkohë që më pas do të nisë edhe marshimi drejt stadiumit “Selman Stërmasi”, ku Tirana dhe Partizani përballen prej orës 19:45.

“E gjithë rruga Federik Shiroka prej Oslos tek Baza e më tej do jetë e bllokuar dhe do të kthehet në shesh tifozerik. Ju ftojmë të gjithëve të na bashkoheni sa më parë të jetë e mundur dhe jo më vonë se ora 17:30. Do të keni mundësinë të blini birra në të gjithë lokalet dhe dyqanet përreth me çmim të reduktuar e po ashtu do të montohen fuçitë e birrës në hyrje të Bazës.

Do shpërndajmë stickerat, flamuj dhe surpriza të tjera, që do i përdorim në stadium. Kësaj radhe atmosfera është ndryshe, është e fortë dhe serioze. Hajdeni të gjithë! I njëjti film, e njëjta histori!”, shkruajnë ultrasit e kuq.

Ata vënë në dukje faktin që askush nuk del hapur të marrë hapur përgjegjësitë, apo edhe të shpallë objektivat. Të lodhur në pritje të titullin kampion, Guerrils para nisjes së sezonit janë të qartë me mesazhin e tyre për drejtuesit.

“Për momentin klubi është mjaftuar me një merkato të vakët, pa ndërhyrje të forta për përforcime në pozicionet ku skuadra ka nevojë dhe me emra të paafirmuar. Për të mos i hyrë teknikaliteteve apo për të mos marrë rol specialistësh, mjaftohemi me këtë koment. Ndërkohë që ajo që na duket më shqetësuese është mungesa e deklarimit të objektivave dhe shmangia totale nga drejtuesit kur vjen puna tek marrja e përgjegjësive. Drejtori dhe drejtuesit duhet të dalin të marrin përgjegjësi për lojtarët e afruar, për objektivat, dhe të impenjohen maksimalisht për arritjen e objektivit titull dhe kupë. Është e pa tolerueshme të shohim një përsëritje të gabimeve të sezonit të kaluar, kur mendjemadhësia dhe njëkohësisht mendjelehtësia drejtuese me eksperimentimet dhe gafat na çoi në një sezon të dështuar totalisht. Kjo është një rikujtim pasi kemi qenë dëshmitarë të shumë gabimeve dashakeqe apo jo, dhe që vit pas viti përsëriten nga aktorë të ndryshëm. Me pak fjalë, thirrja e fundit: Duam titullin dhe kupën ! Nuk ka më kohë e vend për fjalë të bukura. Dje, sot, përjetë!”, shkruhet në deklaratën e Guerrils.

Tashmë do të ketë vetëm stjuartë dhe Policia do të ndërhyjë vetëm në rast kur lindin incidente. Ndërkohë, Ultras Guerrils, ka dalë me një deklaratë, ku ndihen fitimtarë të kësaj lufte, madje sqarojnë se kërkesë e tyre ka bërë që FSHF të reagojë dhe marrë vendimin për të mos pasur policë mes tifozëve në ndeshjet e Superiores.

“Ishim ne ata që të parët u përballëm me masën represive të identifikimit dhe ishim të parët që e kundërshtuam atë duke i rezistuar deri në fund. Hapat ishin konkrete, të karakterizuar jo me braktisje të stadiumit, por me refuzim të identifikimit dhe për pasojë qëndrimin jashtë. Deri sa me mënyrat tona, nëpërmjet këmbënguljes, shpjegimit, artikulimit dhe pa ndihmën e askujt ja arritëm ta fitonim këtë betejë! Ndërkohë ajo e radhës ishte largimi i uniformave jashtë rrethimit të stadiumit, ku veçanërisht insistuam me të gjitha mënyrat në ndeshjen e parë europiane ndaj Mariborit dhe në fakt ashtu ndodhi. Arritëm të paret të shijojmë një ndeshje në kushtet që ne duam, në liri të plotë, pa praninë e uniformave, shkopinjve dhe pistoletave! Pa polici s’ka as probleme ! Pas dërgimit si kërkesë, me referencë shembullin e ndeshjes me Mariborin, kemi marrë përgjigje nga ana e FSHF që tashmë nuk do ketë policë brenda rrethimit në asnjë stadium të Superiores”, shkruajnë “Guerrils” në faqen e tyre zyrtare.

Megjithatë, duket se durimi ka sosur te ultrasit e kuq, që titullin e ëndërruar prej vitesh mund ta marrin vetëm si dhuratë nga FSHF, ndërsa edhe në Europë erdhi një eliminim i hidhur, me një Partizan që kishte hije e vetvetes dhe që u dobësua shumë pas largimit të disa titullarëve në maj.

Sot “Ultras Guerrils” kanë dalë me një qëndrim të ashpër, duke akuzuar Sulejman Starovën dhe Edmond Haxhinë për ecurinë e keqe të Partizanit.

“Ne nuk jemi specialistë futbolli, ne jemi specialistët e fushës sonë, aty jemi më të mirët, por kur shohim blerje pa fund që largohen si dështime, të tipit Volas, Azubel apo Bonifejs, dhe kur mungesa e afrimit që pretendohej krijon vakuum në ekip, atëherë kemi të drejtën e të gjithë botës të mendojmë se drejtuesit ose janë të mefshtë, ose të paaftë. Por duke parë që janë të gojës në televizione dhe gazeta, na mbetet të mendojmë se është kjo e dyta!”, shkruajnë “Ultras Guerrils” ndër të tjera, duke paralajmëruar edhe futbollistët, që të mendojnë më shumë për fushën e blertë, sesa për rrjetet sociale.

DEKLARATA E PLOTË

“Nuk kemi dashur kurrë që të ndërhyjmë në punët e klubit dhe, me ndonjë përjashtim të rrallë, i kemi lënë gjithnjë të qetë në punët e tyre, për të pritur më pas fundin e sezonit dhe për të vënë pikat mbi “i”, për atë që tifozët e Partizanit presin dhe për atë çka drejtuesit u kanë servirur.

Për ne ky sezon është një dështim total!

Që në krye të herës na duhet të përdorim tone të ashpra karshi atyre që ne cilësojmë përgjegjës për zhgënjimin e radhës. Këshilltari-trajner, Sulejman Starova, dhe drejtori i papërcaktuar në klub, Edmond Haxhia, sipas gjykimit tonë modest, janë përgjegjës për dështim dhe fajtorë në shpërdorim të financave të klubit. Ne nuk jemi specialistë futbolli, ne jemi specialistët e fushës sonë, aty jemi më të mirët, por kur shohim blerje pa fund që largohen si dështime, të tipit Volas, Azubel apo Bonifejs, dhe kur mungesa e afrimit që pretendohej krijon vakuum në ekip, atëherë kemi të drejtën e të gjithë botës të mendojmë se drejtuesit ose janë të mefshtë, ose të paaftë. Por duke parë që janë të gojës në televizione dhe gazeta, na mbetet të mendojmë se është kjo e dyta!

Ndaj, mendojmë se Starovës i ka ardhur koha që të dalë realisht në pension, ndërsa Haxhia duhet të largohet përfundimisht nga Partizani.

Familja jonë e madhe meriton më shumë sesa kaq.

Nuk mund të dalësh të përkëdhelësh tifozët kaq dendur si kurrë më parë pikërisht kur e ndjen se toka poshtë këmbëve të ka rrëshkitur. Nuk mund të dalësh e të thuash se ky sezon që lamë pas ishte i suksesshëm pasi suksesin e fundit në kampionat e kemi në vitin 1993 dhe në trofe në vitin 2004! Nëse përsëritja e arritjes së një sezoni më parë cilësohet sukses nga ata që pretendojnë se bëjnë gjoja më të mirën për Legjendën, atëherë duhet të themi pa e zgjatur shumë se rrugët tona ndahen këtu! Të tillë drejtues nuk do mund të gëzojnë më kurrë mbështetjen tonë! Ne pretendojmë shumë, meritojmë shumë më tepër, por mos bëni gafë ta ngatërroni pasionin tonë pa kufi me pranimin e një situate që nuk na pëlqen! Ne nuk do të bëhemi vegla të askujt. Ne mbështesim Partizonin dhe jo Starovën dhe jo luftën e tij për pushtet me kundërshtarë të caktuar. Drejtuesit shkojnë e vijnë, Partizani dhe tifozëria mbetet!

Ndaj përgjigjen e kësaj sapo e morët.

Së dyti, për të gjithë lojtarët e “Instagram”-it dhe “Facebook”-ut, për të gjithë ata që më shumë sesa djersë në fushë derdhin djersë si “kampionë” të rrjeteve sociale. Ju kemi mbështetur gjithnjë, është koha të mendoni atë çfarë nuk keni dhënë në fushë për të na bërë neve të lumtur. Mos kujtoni se mbështetja jonë e pakonpromis është diçka që ju mund ta anashkaloni kaq lehtë si me një duartrokitje në fund të takimit.

Jo më!”.

Sot e ka pasur radhën grupi i Ultras Guerrils të hasë në probleme, sepse në doganën bullgare u është krijuar pengesë dhe sipas njoftimit të Ultras Guerrils, po tentohet t’u ndalohet udhëtimi për në Burgas.

Fakti që Ultras Guerrils udhëton për në Bullgari tregon forcën e këtij grupimi, që nuk e braktis skuadrën as pas humbjes dëshpëruese pësuar një javë më parë, por duket se ky udhëtim mund të shërbejë edhe si një larje hesapesh me B-Ultras, grupimi ultras i Botevit, që ka sfiduar tifozët e kuq për përsëritje të betejës së javës së shkuar, ku për fat nuk pati konfrontim fizik pas ndërhyrjes së shpejtë të policisë.

Edhe sot në Burgas masat e marra nga policia vendase janë ekstreme dhe tifozët e Partizanit nuk do të lejohen të lëvizin lirisht nëpër qytet.

Me një statut të gjatë në Facebook, Guerrilsat shpjegojnë pse nuk u vjen keq që në kryeqytet ka mbetur vetëm Partizani në Superiore, duke thumbuar se “u vjen keq vetëm se humbasin pikë të sigurta sezonin e ardhshëm, që i kishin të garantuara në derbi”.

POSTIMI

S’ka Dinamo, as Tiranë, por ka vetëm Partizan!

Nuk i rrëzuan, ranë. Nuk ua bëri kush, ia bënë vetes. Nuk kishin armiq, por mullinj ere. Nuk luajtën futboll, po u vetëprostituuan. Nuk ishin pa fat, e merituan! Nuk ua kishte fajin stadiumi, as “kamunisti”, as “katunari”, as “maloku”, as “jabonxhiu”, por skizofrenia…

Ranë nga kategoria për (pa)meritë sportive!

Askush nuk i hodhi, askush nuk i sulmoi, askush nuk u pati faj, thjeshte konfirmuan nepermjet ketij sezoni qe nuk kane pasur dhe nuk do te kene kurre identitet, qe u kthyen ne nje ekip paterice aleancash, i vulosur si prostitucion edhe nga Federbet. Ishin ai ekip i shemtuar qe ka dy faza kampionati qe nuk fiton nje ndeshje te vertete. Eshte ai ekip qe ruajti 5 jave kampionati lojtaret dhe qe shpresonte te kapte nje barazim me ne ! Eshte ai ekip sharlatan, i nje klubi sahan, me tifoze hajvane. E merituan renien qe ju vinte verdalle prej sezonesh me radhe. E meritonin ne kohen e fitores se fundit ne derbin e falur. E meritonin qe atehere me nje sezon ku te gjitha ekipet i jepnin lemoshe pikesh. E stermerituan kesaj radhe kur vendosen te behen ekipi i dores se dyte, paterice pa objektiva dhe identitet. Duke u zvarritur ndaj Kukesit, me pak fjale e bene si ajo shprehja “po djeg shtepine time qe komshiu te mbetet pa komshi “. E meritonin dhe heqjen e pikeve si ne rastin e Flamurtarit. E kane merituar prej shume sezonesh por jo, federata i perkedhel ndersa keta viktimizohen. E meritonin mbase edhe per faktin se nuk ju punonte faksi apo koka.

Dikush ngasherehet shtirur e guxon dhe krahason largimin me force te Partizanit nga superioria me renien e turpshme te ekipit te Toptaneve. Mjafton ti kujtojme flamurin e ngritur te Arian Malit dhe malin me padrejtesi qe ju be Partizanit, ekipit te papaguar, qe mbahej e paguhej teresisht me kontributet e tifozeve, nismen e gjimnazisteve , pa president, i nxjerre me force nga ambientet

e klubit nga pushteti i atehershem me kompromis politikanesh te djathte e te majte, me qellim zhdukjen e emrit te Partizanit dhe qe ndertuan te ish-kompleksi yne palletet e tyre te turpit. Kjo e fundit pa sukses, arsyet dihen dhe gjenden tek dashuria e tifozerise se kuqe qe qendroi me krenari kunder presidentit, por gjithnje krah ekipit. Ndersa minjte sperdridhen ndaj nje presidenti qe deri dje i shperndante tollumba korce (kernacka), dasma, synetlliqe e ahengje, por nga ana tjeter e braktisin ekipin e tyre se te kuqte i “zune” stadiumin. Prandaj ajo elegjia kolektive neper studio e emisione nuk ju ngjit. Prandaj nuk ja ngrefni askujt me romanticitetin e futbollit te bukur, qe Tirana i duhet kampionatit. Na thoni cila Tirane? Ajo qe zvarritet, qyrravitet, zhgarravitet ? Ajo qe ndaj Partizanit shkaterrohet per te marre nje barazim dhe qe humb me Lacin, Luftetarin e Korabin dhe qe hap kembet ndaj Kukesit?

E meritojne dhe bindesh me shume qe e kane stermerituar dhe qe nuk ju mbetet me asnje lloj justifikimi, kur me bisht nder shale e kokulur shpresojne thelle nen vete ndonje amnisti, ripeshkim a zgjerim kampionati. Gjera te pamundura sipas logjikes, sipas ligjit. Por kurre mos thuaj kurre ! Eksperienca e “sistemit” qe ata evokojne si te viktimizuar ne cdo moment na e kujton vitin 74 te larget kur byroja i shpikte play-off vetem qe ti mbante “te persekutuarit”. Ne 2014 FSHF dhe klubet qe te falnin lemoshe rrezuan Ballshin ne mes te kampionatit nga kategoria qe minjte te shpetonin dhe siguruan mbijetesen me ndeshje te paluajtur ndaj Kavajes. E njejta gje kerkohet te behet serish, te shpiket nje menyre shpetimi per skuadren pa shpetim, qe nese do t’i kishte mbetur pak nder (dyshojme se ka pasur ndonjehere), do pranonte fatin e saj!

Ne fund nje mesazh per tifozet me vija, do ishim hipokrite te medhenj nese nuk do ua kujtonim qe ne ju futem ne krize me nje deklarate, u perziet u hodhet perpjete per stadiumin e rikonstruktuar nga firma Refikut. Nuk duronit dot qe ne te luanim e te fitonim ne ate fushe ndersa ju e dinit qe s’do mundeshit te ishit si ne. E dinit qe s’do e mbushnit sa ne, e dinit qe nuk i masnit dot forcat me ne. Shpiket bojkotin, i iket perballjes me ne, i iket perballjes me ekipet kundershtare edhe perballjes me presidentin tuaj. Shkurt ekipi ra se “ty ta boni koka”. Vazhdoni luften me Refikun dhe bejini fresk Lut Nurit, vec kte intrige bejeni pak me fshehur se bini kollaj ne sy. E pate Edin e famshem te “Fear of the red” aty te strukur ne Xhomllik? U cmendet kur stadiumi yt, tempull sic e quanit u shnderrua i kuq flake e shkruhej me germa te medha emri qe sundon qytetin prej ’46. Nuk guxove edhe pse u mundove shume te dilje perballe. Ne fund fituam ne ! Fituam por nuk gezojme, bile qajme piket e sigurta qe do ua merrnim vitin tjeter. Koha tregoi qe fituam qe ne fillim … tani nuk ju mbetet gje tjeter vec se te merrni arkivolin serish, te dilni ne kortezh e kesaj radhe mos e lini bosh, merreni te gjithe skizofrenine tuaj futeni ne te dhe varroseni diku mbase do shpetoni …