Guendouzi

Çudi në “Emirates”, ja çfarë i kërkon tifozi lojtarit të Arsenalit (VIDEO)

Sport Ekspres — Mon, 11 Mar 2019 15:55:58 +0000

Arsenali mori një fitore shumë të rëndësishme kundër Mançester Junajtid mbrëmjen e së dielës, kur mposhti 2-0 “Djajtë e Kuq”. Granit Xhaka shënoi golin e parë, ndërsa goli i dytë mbajti firmën e Emerik Obamejang. Pikërisht te goli i sulmuesit, ka ndodhur diçka shumë e veçantë.

Para se Obamejang të godiste, disa tifozë i kanë kërkuar dy lojtarëve të Arsenalit që po kryenin nxehjen, Aleks Iuobit dhe Mateo Guenduzi, të ulen, pasi po i bllokonin pamjen. Dhe të dy futbollistët e rinj e dëgjuan tifozin dhe u shtrinë në fushë, duke i lënë një pamje të lirë. Tifozi i “Topçinjve” e filmoi këtë rast dhe e ka shpërndarë në rrjetet e tij sociale, video që është bërë virale në rrjet.

Cheers for ducking down for us lads. Got a lovley view for that penalty @alexiwobi @MatteoGuendouzi ? #ARSMUN #arsenal pic.twitter.com/InBxqMkNn4

— Nawaz Alamgir (@8T3) March 10, 2019

Genduzi flet për incidentin me Felainin: Është xheloz!

Sport Ekspres — Fri, 07 Dec 2018 17:21:41 +0000

Në mesjavë, konkretisht mbrëmjen e së mërkurës, Mançester Junajtid dhe Arsenali u ndanë në një barazim spektakolar 2-2, në ndeshjen e luajtur në “Old Traford”. Sfida ishte mjaft e luftuar dhe me shumë duele, teksa mbi të gjithë spikati përballja e Felainit dhe mesfushorit të talentuar të “Topçinjve”, Mateo Gundeguzi.

Në minutën e 86-të mesfushori belg i Junajtid shkaktoi një faull ndaj 19-vjeçarit të Arsenal. Një faull që bëri xhiron e botës, teksa Felaini tërhoqi nga flokët francezin duke e plasur në tokë. Lidhur me këtë incident ka reaguar pikërisht Gundeguzi, i cili e ka marrë me të qeshura, duke thënë se Felaini duhet të ndihet xheloz për flokët ndaj shkaktoi atë faull.

“Mendoj se ka të bëjë dhe fakti që është xheloz. Ndoshta, ai nuk e pranon dot që ka vendosur ti pres flokët e tij”, foli shkurt francezi i Arsenalit.

Fillim katastrofik, por tek Arsenali kanë fituar një super talent

Sport Ekspres — Thu, 23 Aug 2018 12:34:11 +0000

Dy humbje të njëpasnjëshme ndaj Sitit dhe Çelsit, kanë bërë që situata në klubin e Arsenalit të jetë e zymtë. Por, pavarësisht rezultateve zhgënjyese tifozët e “topçinjve”, në dy ndeshjet e para është vënë re forma e mirë e talentit francez, Mateo Genduzi.

Vetëm 19-vjeç, Genduzi u mor ble për 10 milionë euro pas paraqitjeve të mira që tregoi me ekipin e Lorientit në divizionin e dytë francez. Fillimisht u mendua që mesfushori të huazohej përsëri në Francë, por paraqitjet e mira në ndeshjet përgatitore bën që ai të fitonte besimin e trajnerit Unai Emeri.

Dalja në skenë e Genduzit i ka prishur shumë punë blerjes tjetër të Arsenalit, Lukas Torreiras. Uruguaiani u ble për mbi 30 milionë euro nga Sampdoria dhe pritej të ishte një titullar i padiskutueshëm përkrah Granit Xhakës. Francezi e ka filluar me këmbën e mbarë te “topçinjtë”, të shohim se si do të vazhdojë historia e tij.