Pas ndeshjes 23-vjeçari është parë të largohet nga stadiumi duke çaluar dhe i fashuar në këmbën e djathtë. Mbetet për t’u parë sa serioz është ky dëmtim. Pas kësaj ngrin edhe kalimi i tij te Bajerni. Gjermanët do detyrohen të presin ekzaminimet për të zbardhur sesa do të mungojë gjermani. Më pas pritet një vendim final rreth kësaj blerje.

Leroy Sane leaving Wembley with some strapping on his right leg. Will he be at City come the end of the month? pic.twitter.com/6x11S8ziyH

— Neil Jones (@neiljonesgoal) August 4, 2019

Pas ndeshjes kundër Liverpulit, trajneri foli për mediat angleze, ku tha: “Meguajer ishte shumë i shtrenjtë për ne. I uroj sukses në karrierën e tij dhe respektoj çdo vendim të tijin”. Fjalë që kanë habitur shumë persona, pasi Mançester Siti njihet për shpenzimet faraonike.

Guardiola është i bindur se Mançester Junajtid mund të sfidojë për titullin kampion: “Nuk besoj se do jetë garë vetëm mes nesh dhe Liverpulit. Këtë sezon shoh 5-6 ekipe të kompletuar, edhe Junajtid duket shumë mirë me blerjet e reja”.

Pep Guardiola pas kontestimeve të shumta ndaj vendimeve të gjyqtarit është ndëshkuar me karton të verdhë. Kjo është hera e parë që një arbitër i Premier Ligës merr një ndëshkim të tillë.

Dy qeveritë më të mëdha të futbollit kanë vendosur të fusin disa rregulla të reja në kuadrin e përmirësimit sa më të madh të disiplinës dhe garës sportive. Një prej tyre është edhe ndëshkimi me karton i trajnerit. Nëse plotësohen 3 të tillë, trajneri do duhet të shohë një ndeshje nga tribuna.

Guardiola the first coach to be booked.. Cheers Pep!!#MCFC #CommunityShield #LIVMCI pic.twitter.com/KWb1AWHll4

— Update (@alchoolic911) August 4, 2019

 “Siti ndodhet në një situatë të ngjashme me ne. Edhe ata patën shumë lojtarë që nuk morën pjesë në fazën përgatitore. Aguero dhe disa prej lojtarëve brazilianë u janë kthyer këto ditë, por kam dëgjuar që s’do kenë Fernandinjon. Mendoj se zhvilluan një fazë përgatitore më të mirë se ne. Kam parë ndeshjet e tyre dhe kanë luajtur mirë”.

“Nuk ja kam idenë se çfarë formacioni do zgjedhë Guardiola. Mendoj se dhe ai nuk ia ka idenë se cilët lojtarë do përzgjedh unë. Ata kanë shumë zgjedhje dhe kjo ma bën shumë të vështirë. Fillimi i sezonit është përherë i tillë”, tha Klop.

Pep Guardiola përballet me kampionët e Europës, por nuk ndjen zili për Jyrgen Klop, pasi preferon të konfirmohet në fronin e Anglisë, aty ku sezonin e fundit u ngjit me lumë pikësh e golash.

“Champions League është tmerrësisht i vështirë për t’u fituar. Unë dua sukses për gjatë gjithë sezonit, nuk dua të luaj kumar, duke shkuar në kazino dhe duke vendosur gjithë paratë te 7 ndeshjet e fundit në Champions.

“Prej 1/8-ave në Champions janë vetëm 7 ndeshje dhe e kemi parë çfarë mund të ndodhë, mjafton një gol i pësuar në fund apo pak centimetra që të anulojnë një gol.

“Fituam 4 trofe sezonin e shkuar dhe do firmosja direkt për ta përsëritur atë sezon. Unë dua të jem i lumtur për 11 muaj, dua të fitoj çdo javë dhe ashtu jam më i lumtur, nuk mund të pres shkurtin për të tentuar triumfin në Champions, ku shumë gjëra janë mister.

“Ajo që më vjen keq është se lojtarët e mi nuk vlerësohen për këtë tituj. Kemi fituar 4 kampionate në 8 vitet e fundit, por asnjë lojtar nuk ka fituar çmim. De Brujne ka qenë madhështor sezonin e para dy viteve, por u vlerësua më shumë Salah, ndërsa për Topin e Artë asnjë lojtar i yni nuk ka qenë në garë, edhe pse Bernardo Silva sezonin e fundit ishte magjik dhe fitoi edhe Nations League. Nuk është e drejtë, sepse kështu vlerësohen vetëm ato 7 ndeshjet e fundit në Champions, harrohet çfarë ka ndodhur gjatë gjithë sezonit”.

Luis Van Gal është një ekpert i sutdimit të futbollit. Holandezi gëzon një eksperiencë të madhe në botën e futbollit dhe është me vend që një si ai të japë këshilla edhe për një trajner të madh si Guardiola. Van Gal mendon se Guardiola duhet të studiojë kundërshtarin dhe jo vetëm të perfeksionojë lojën e tij për të fituar një kompeticion si Champions League.

“Fitimi i kampionatit për herë të dytë rresht është fantastike. Guardiola ka fituar gjithçka që mund të fitohet në Angli, por niveli më i madh është Championsi. Dhe se ai nuk mundi të fitonte as me Sitin as me Bajernin. Kjo vjen si pasojë e shqetësimit të tepërt në lidhje me lojën e ekipit të tij dhe humbja e kujdesit për lojën e kundërshtarit. Gjithmonë duhet ta respektoni kundërshtarin. Guardiola dhe Ten Hag kanë ekipe me cilësi të lartë për rivalët e tyre brenda vendit, por kjo nuk vlen për Championsin”, u shpreh ish-strategu holandez, që dikur e ka stërvitur si lojtar Guardiolën.

 Gjatë kësaj periudhe Guardiola ka fituar më shumë tituj se Junajtid, Çelsi dhe Liverpul së bashku. “Djajtë e kuq” mbajnë 14 trofe, londinezët 11 të tillë dhe “The reds” një të vetëm. Të tre ekipet bashkë gjatë kësaj periudhe regjistrojnë 26 trofe. Pep gjatë karrierës së tij ka qenë më i suksesshëm se 3 skuadra të një kampionati si Premier Liga. Shifra të çmendura. Të mendosh që akoma nuk ka arritur as mesin e karrierës si trajner.

Një largim i mundshëm i Sane, nuk e ka zënë të papërgatitur Guardiolën, që e ka gjetur zëvendësuesin. Bëhet fjalë për Mike Oziarbal, sulmuesin e Real Sociedad. 22-vjeçari është një nga talentet më premtues spanjollë dhe nën urdhrat e Pep Guardiolës, mund të shkëlqejë në Etihad.

Pa u menduar gjatë, trajneri i Mançester Sitit tha: “Fil Foden. E kam thënë dhe herë të tjera dhe po e përsëris: Ai është lojtari më i talentuar që unë kam parë ndonjëherë. Ai ka vetëm një problem, e dini kush është? Që unë nuk e aktivizoj më shpesh (qesh). Do të jetë një lojtar i madh në të ardhmen, më besoni për këtë gjë”, përfundoi trajneri kampion i Premier Ligës.

Me ikjen e sulmuesit, Siti humbet jo pak fuqi në sulm. Gjithë këtë forcë, sipas “Don Balon”, Guardiola dëshiron ta rifitojë me blerjen e një prej talenteve më të mëdha në “Camp Nou”, Usman Dembele.
Barcelona është në dyshim për ta mbajtur francezin. 22-vjecari pas dy vitesh në “Camp Nou” akoma nuk ka shpërthyer për të justifikuar ato 115 milionë euro të derdhura për të. Barcelona është në një situatë të vështirë financiare.

Nëse nuk shet do të ketë probleme me rregullat e ndershmërisë financiare. Nëse vjen Nejmar, katalanasve do u duhet të rikuperjnë të paktën 200 milionë euro humbje. Kjo është e vetmja arsye që Dembele mund të zbarkojë në “Etihad Stadium”.

Ai ka lënë të kuptohet se kanë nisur oferta drejt Sitit dhe do vazhdojnë të punojnë për të. Drejtuesi bavarez shprehet se Guardiola nuk e di se ç’ndodh në klubin ku punon. “Nuk e di nëse Pep di gjithçka që ndodh në klubin e tij. Sa i përket Sane, në momentin që do të kemi diçka për t’jua komunikuar, do e bëjmë. Për momentin nuk jemi në atë fazë”, deklaroi Rumenige.

“Kevin ishte super. Sezonin e kaluar nuk e patëm për shumë kohë. Ne bëmë mirë edhe pa të, por jemi akoma më të fortë me të. Vitin e kaluar ai nuk pati pushime. Kam bindjen se do arrijë nivelin e tij më të lartë. Ai mendon shumë pozitivisht. Bëri një pjesë të parë të pabesueshme, shumë të mirë. Kevin është një djalë që pëlqen të luajë futboll, një konkurrues i madh. Të rritej fizikisht dhe të mos dëmtohej, kjo ishte gjëja më e rëndësishme për të sonte”, u shpreh tekniku spanjoll.

Siç raporton “El Pais” Kilian Mbape dëshiron që në një të ardhme të afërt të transferohet në të njëjtin klub ku është Guardiola. Francezi e admiron shumë teknikun spanjoll dhe mënyrën e të shpjeguarit të futbollit.

Guardiola e kërkoi atë në vitin 2017, por Mbape zgjodhi të qëndrojë në Francë për të luajtur me Parisin. Sa më shumë kalon koha, aq më tepër Kilian e kupton se “Parc de Princes” nuk është “habitati” i duhur për t’u bërë një legjendë.

Golfi është një ndër hobit e preferuara të trajneri katalanas dhe në Torino ai do të ketë mundësinë të marrë pjesë në një turne të organizuar në mënyrë të përvitshme nga ish-futbollistët italianë Xhanluka Viali dhe Masimo Muaro.

Gjatë turneut pjesëmarrësit “vip” do të bëjnë donacione mbi kërkimin shkencor për kancerin dhe sklerozën amitrofike laterale, kjo e fundit një sëmundje shumë e radhë, por që në Itali është çuditërisht e shpeshtë në komunitetin e ish-futbollistëve.

Pas largimit të Kompani, ka qenë David Silva që e ka mbajtur shiritin e kapitenit. Megjithatë, nuk do të jetë ai kandidati i vetëm. Edhe De Bryjne është dakort ta marrë shiritn nëse e zgjedhin shokët e ekipit.

Silva ka luajtur plot 396 ndeshje me “Qytetarët”, në to 71 gola, duke luajtur një rol lideri që nga ardhja në “Etihad Stadium”. Pep shprehet me superlativa për yllin e tij. Ai shpreson ta shijojë edhe këtë vit me spanjollin. Pranon se Silva e ka ndihmuar shumë në arritjen e sukseseve të tij me Sitin.

“Ai është një nga më të mirët, jo vetëm të futbollit spanjollm por edhe në Evropë. Ka luajtur një dekadë në Mançester. Nuk është aspak e lehtë ta bësh këtë në një kampionat të tillë. Ai e ka bërë mrekullisht mirë. Më ka ndihmuar shumë personalisht në këto tre vite që kemi punuar bashkë. Do të jetë edhe një vit tjetër këtu dhe shpresoj të jetojmë momentë të tjera të bukura”, u shpreh Guardiola.

Kërkesat e numrit një të pankinës së “Citizens” duket se janë të qarta, me spanjollin që kërkon me çdo kusht në ekip një mesfushor. Ideja më e fundit duket se është Isko Alarkon.
Sipas asaj që raporton “Marca”, Guardiola i ka kërkuar drejtuesve të Sitit që të tentojnë mesfushorin, me këtë të fundit që duket me valixhe në duar prej kohësh.

Negociatat mes dy klubeve pritet të nisin mjaft shpejt, me anglezët që mund ta shohin Iskon si një objektiv më të lehtë se Rodri i Atletikos, për të cilin po hasin rezistencë nga madrilenët, por edhe konkurencë të ashpër nga Bajerni i Mynihut.

“Lojtari që Reali ka blerë nga Çelsi është shum, shumë i mirë. Është një nënshkrim i mrekullueshëm. Hazard është një nga futbollistët më të mirë që më kanë parë sytë. Madrilenët do të kenë kënaqësinë ta shohin atë teksa luan”, u shpreh Guardiola.

And Pep Guardiola has seen quite a few decent players. ? pic.twitter.com/SxittkjXLc

— Squawka News (@SquawkaNews) June 13, 2019

Kur Klaudio Bravo, portieri i dytë i Sitit, u dëmtua në fillim të sezonit, Guardiola vendosi t’a rikthejë nga huazimi portierin e Kosovës, që mbronte portën e NAC Bredës në Holandë. 20-vjeçari shihej si zëvendësuesi i Ederson në rast se braziliani do të dëmtohej.

Por me rikthimin e Bravos, Guardiola ka vendosur t’a huazojë sërish portierin e “Dardanëve”, kësaj radhe në Angli, te ekipi i Notingam Forest. Ky huazim do të zgjasë një vit dhe Muriç pritet të ketë shumë herë më shumë minuta se sezonin e shkuar me fanellën e “Qytetarëve”.

Kjo mungesë suksesi në Evropë e ka vrarë atë, por shprehet se tifozët janë një mbështetje e madhe edhe kur ekipi nuk fiton. Gjeniu katalanas mendon se Anglia është vendi më perfekt për të punuar. Në shtetet e tjera ndjen shumë presion nga fansat. E penalizojnë pak kushtet e vështira atmosferike.

“Nuk ka vend më të mirë se Anglia për të punuar. Në Spanjë, Itali dhe Gjermani kur ndodh që skuadra nuk luan mirë në dy apo tre ndeshje, të fërshëllejnë. Në Angli, jo. Këtu, nëse mban një fanellë me ngjyrat e klubit, të gjithë ndihen se je me ta dhe brohorasin për ty. Viti i parë ishte shumë i vështirë dhe tifozët na mbështetën. E vetmja gjë që nuk më pëlqen janë kushtet e vështira të motit në katër pesë muaj të sezonit”, u shpreh Guardiola.

“Guardiola tha pak kohë më parë se Barcelona qëndron besnike filozofisë së lojës së tij, por unë nuk mendoj kështu. Me të në krye po kalonim një moment akoma më të mirë se tani. Është e vërtetë se Barcelona nuk largoi asnjë prej lojtarëve të boshtit të skuadrës, por sot kënaqemi vetëm me golat e Mesit, atëherë ishte ndryshe”.

GRIZMAN – Laporta nuk la pa përmendur dhe bisedimet për Antuan Grizman. Sipas ish-presidentit refuzimi i verës së kaluar nga francezi është një veprim i pafalshëm për të.“Nëse një lojtar do të bënte mua atë çfarë Grizman i bëri vjet Barcelonës, unë kurrë s’do tentoja të merrja përsëri në ekip.”

Ky fakt e ka lënë të zhgënjyer portugezin dhe largimi është shumë pranë. Loja e tij do të përshtatej shumë me stilin e Guardiolës. 24-vjeçari është i aftë të mbulojë të dyja fazat e lojës. 50 milionë paund janë një shifër shumë tunduese për Juventusin, që ka treguar se nuk i reziston të tilla ofertave.

“Me Guardiolën nuk kemi pasur kurrë kontakte dhe as e kemi menduar ndonjëherë, sepse është nën kontratë dhe për 1000 arsye të tjera. Më duket gjithçka shumë e çuditshme, por kjo është bota jonë dhe e pranojmë”.

Po trajneri i ardhshëm? Paratiçi nuk thotë emër, por zbulon praktikisht se Juve po pret fundin e sezonit, për të zyrtarizuar një trajner që është ende në aktivitet. Natyrisht, emri duhet të jetë ai që flitet prej kohësh, Mauricio Sarri, sepse italiani pritet të largohet nga Çelsi në verë.

“Mbi trajnerin i kemi idetë të qarta, po bëjmë vlerësimet tona. Për sa kohë nuk kanë mbaruar gjithë kompeticionet, më duket e drejtë të mos flasim, duke respektuar të gjithë”.

Merkato dhe e ardhmja e Dibalas: “Do presim njëherë të vijë trajneri i ri, nuk kemi pse bëjmë blerje të bujshme apo të përsëritim verën e shkuar. Dibala? Lojtar i madh, është yni dhe kemi shumë besim tek ai”.

Në një prononcim për mediat holandeze, Van Persi është pyetur për ish-skuadrën e tij, Arsenalin, dhe për kampionatin anglez në tërësi, përgjigja e të cilit ishte: “Arsenali është përmirësuar këtë sezon, por ende kanë punë për të bërë. Them që mund të pretendojnë edhe për titullin kampion shumë shpejt, pasi gjithmonë kanë qenë në vendet e para.

Megjithatë, Mançester Siti dhe Liverpuli duken shumë larg të them të drejtën. Pep Guardiola është një trajner i madh dhe largimi i tij do i humbte bukurinë kampionatit anglez. Diferenca mes Liverpulit dhe Mançester Sitit, pa dashur të fyej Klopin, është padiskutim Guardiola”, përfundoi Van Persi.

Mëngjesin e sotëm, disa media në Itali kanë raportuar se Guardiola dhe Juventus kanë arritur marrëveshjen dhe se spanjolli do të firmosë me 4 qershor. Prezantimi i tij do të bëhet në datën 14 qershor.

Oferta e Juventusit është e çmendur, me Guardiolën që pritet të bëhet trajneri më i paguar në Botë, teksa do të përfitojë 24 milionë euro në sezon, me kontratën që do të jetë 4-vjeçare. Thënë ndryshe, për qëndrimin e tij në Torino, tekniku spanjoll do të përfitojë plot 96 milionë euro.

Protagonisti i ndeshjes ishte Rahim Stërling me tripletën e tij, ndërsa në listën e shënuesve pati vend për David Silvën, Zhesus dhe De Brujn.

https://www.instagram.com/p/BxnPeRTn1go/?utm_source=ig_web_copy_link

Me këtë triumf Mançester Siti plotëson tripletën e trofeve lokal në Angli, duke u bërë ekip i parë në Angli që fiton në një sezon, kampionatin, Kupën e Ligës dhe “Fa Cup”.

Mançester Siti 6 – 0 Uotford
Shënues: Silva 26’, Stërling 38’, 81’, 87’, De Brujn 61’, Zhezuz

Barcelona është skuadra që e kërkon më me ngulm francezin. Blerjen e tij katalanasit e shohin si zgjidhjen e problemeve të pareshtura në sulm që nga ikja e Nejmar.

Paratë e ekipeve si Siti apo PSG i shqetësojnë katalanasit. Megjithatë Pep Guardiola i qetëson tifozët katalanas me deklaratën e tij të fundit për mediat. Spanjolli e nxjerr Mançester Sitin nga gara për Antuan Grizman. “Tifozët e Barcelonës mund të qëndrojnë të qetë, ne nuk duam ta blejmë Grizmanin. Nuk kemi para për të”, është shprehur strategu spanjoll.

Pa pikë dyshimi, ai është trajneri më i mirë në botë. Ai ka një mënyrë speciale për t’u lidhur me lojtarët e tij dhe të gjithë e respektojnë. Normalisht, kur je kampion dhe arrin gjëra të mëdha, shumë skuadra duan të të kenë në krye të pankinës së tyre. Ndoshta këtë verë, Pep do të largohet nga Anglia.

Spanja i intereson shumë, është rritur atje. Në Spanjë ka dhe familjen, nuk është e lehtë të qëndrosh larg” tha Rivaldo. Ndërsa vetë Pep Guardiola, pasi fitoi titullin e dytë radhazi me Mançester Sitin, tha: “Mezi po e pres sezonin e ardhshëm. Skuadra është aty ku duhet dhe kemi krijuar diçka shumë të mirë për të ardhmen. Do të rritemi edhe më shumë”, ishin disa nga fjalët e teknikut spanjoll, çka sugjeron se ai mund të qëndrojë në Angli, pavarësisht fjalëve të Rivaldos.

Trajneri spanjoll është trajneri i parë në histori që arrin të mbrojë titullin në Angli, Spanjë dhe Gjermani. Arritje kjo që tregon edhe një herë që 48-vjeçari është “mreti” i kampionateve. Në të gjithë karrierën e tij ai nuk ka arritur të fitojë vetëm dy vite në Ligat ku ka konkuruar.

Kështu ai meritë merr për herë të dytë rresht çcmimin “Trajneri i vitit” në Angli pas votimit të tifozëve dhe një paneli ekspertësh futbolli. Për këtë çmim ai mundi konkurencën e Klop, Poçetinos dhe Espirito Santo, që drejton Uolvërhempton. Guardiola shprehet i nderuar për çmimin dhe ja dedikon lojtarëve dhe stafit të tij.

“Është nder që marr këtë çmim. Dua ta ndaj me lojtarët sepse ata janë artistët e çdo gjëje. Shkon një dedikim edhe për stafin tim. Kemi luftuar shumë ndaj kundërshtarëve si Klop. Ai ka qenë një konkurent i pabesueshëm deri në fund”, u shpreh Guardiola.

“It’s an honour to receive this award”

Back-to-back @BarclaysFooty Manager of the Season awards for Guardiola ?? https://t.co/tO7LJyfhdd pic.twitter.com/ecJIivxKsX

— Premier League (@premierleague) May 14, 2019

Fundjavën që lamë pas, strategu spanjoll siguroi edhe Premier Ligën me Mançester Sitin e tij dhe në videot e festës pas përfundimit të ndeshjes ndaj Brajton, shihet Kevin De Brujnë që i drejtohet trajnerit të tij me një deklaratë epike.

“Je një trajner m***, ti gjithmonë fiton!” Guardiola i habitur e pyet përsëri lojtarin e tij, se çfarë tha, ndërsa më pas të dy e kalojnë me të qeshura. Momentin e deklaratës e gjeni në videon e mëposhtme.

“Un entrenador de mierda”. #ElDíaDespués pic.twitter.com/REoUgsvDFx

— El Día Después en Movistar+ (@ElDiaDespues) May 13, 2019

Nga çdo lojtar, qoftë edhe nivel mesatar ai ka marrë më të mirën. Në ekipet e tij vetëm një njeri ka arritur të ngrejë krye dhe të dallohet mbi të tjerët, Leo Mesi. Në të gjitha rastet e tjera Pep ka krijuar skuadra, që bazohen në forcën e grupit dhe të gjithë janë aftë të shënojnë sa njëri-tjetri. E ka bërë këtë te Bajerni dhe po e bën tani te Mançester Siti.

Marselo Bielsa ka folur mbi këtë aftësi të trajnerit spanjoll dhe e ngre në qiell me deklaratën e tij. Trajneri i mirënjohur argjentinas ndihet injorant përpara një gjeniu si Guardiola. Ai shpjegon se është shumë e vështurë të kopjosh stilin e Pep edhe pse në pamje të parë të duket e lehtë.

“Argumenti im për të shpjeguar madhështinë e Guardiolës është se bukuria e lojës së ekipeve të tij nuk mund të kopjohet. Sigurisht që lojtarët e Barcelonës, Bajernit dhe Sitit janë shumë të mirë. Por aftësia e këtij trajneri për të futur stilin e tij në mendjet e tyre është më e rëndësishme se cilësia e lojtarëve.”

“Kur shoh ndeshjet e Mançester Sitit ndiej brenda meje se jam injorant. Sheh që dhjetë lojtarë lëvizin rrufeshëm topin për të gjetur hapësirën. E shikon dhe përpiqesh ta kuptosh dhe ta kopjosh, por nuk mund t’ja arrish qëllimit. I bën shumë pyetje vetes, por kurrë nuk e gjen një përgjigje sesi ekipet e Guardiolës e gjejnë gjithmonë një zgjidhje në momentet e vështira”, përfundoi Bielsa, që aktualisht drejton Lids Junajtid në Championship.

Pas një serie të gjatë suksesesh në Spanjë me Barcelonën dhe në Gjermani me Bajernin, Guardiola e ka fituar dy herë rresht kampionatin anglez, pas një gare fantastike me Liverpulin e Jyrgen Klopit, që e mbylli me vetëm një pikë më pak, në një sezon historik, ky dy skuadra kaluan kuotën e 95 pikëve.

Për këtë arsye, Guardiola ka pasur fjalë të mëdha për rivalët: “Duhet ta përgëzojmë Liverpulin dhe ta falënderojmë, sepse na detyruan që të shkonim në limitet tona, për të arritur standarde më të larta.

“Është e pabesueshme, 98 pikë, dy tituj rresht. Na u deshën 14 fitore rresht në fund për të arritur te ky titull, nuk mund të bënim asnjë gabim, sepse Liverpuli ka qenë fenomenal.

“Është trofeu më i vështirë që kam fituar deri tani në karrierën time.

“Sezonin e ardhshëm do jetë edhe më e vështirë, por do të jemi edhe më të fortë, sepse kjo skuadër po fiton gjithnjë e më shumë besim te vetja, po rritemi gradualisht. Ky është realiteti, më vjen keq. Kam parandjenjën se sezonin e ardhshëm do jemi sërish në majë, do mundohemi të dalim kampionë”.

Akuzës së trajnerit të Mançester Sitit i është përgjigjur natyrisht Xhemi Karrager, sepse atij i ka djegur më shumë, duke qenë analist dhe ish-legjendë e Liverpulit.

Me një artikull të publikuar në Telegraph, Karrager shkruante ndër të tjera: “Nuk ekziston një komplot anti-Siti, edhe pse nëse unë përfshihem te gazetarët nën akuzë, e pranoj pa turp e frikë se anoj nga Liverpuli, duke qenë se kam luajtur mbi 700 ndeshje për këtë klub. Dua që titullin ta fitojë Liverpuli, lutem që të ndodhë, por vetëm kaq, fjalët mbeten fjalë. Edhe kolegu im Geri Nevil do të njëjtën gjë për Mançester Junajtid”.

https://twitter.com/GNev2/status/1126839895526445056?s=19

Kaq është dashur që Geri Nevil t’i përgjigjet në Twitter: “Ti dhe tifozët e Liverpulit jeni 75% e medias. Në 2 muajt e fundit ka qenë e vështirë për mua të punoja në Liverpool TV”.

Batutës se hidhur Karrager i ehete përgjigjur flakë për flakë: “TV i Liverpulit, por të kemi lejuar gjithsesi të ankohesh çdo javë për Ed Uoduord. A ka ndonjë shans që të kesh b*ole dhe të drejtosh gishtin te pronarët e Man Utd, familja Glejzers?”.

Tekniku katalanas nuk i kurseu batutat, ndërkohë që lëshoi dhe një “thumbin” për skuadrën e Jyrgen Klop, duke thënë se Liverpuli e ka pasur shumë më të lehtë se ata kampionatin për shkak të mungesës së presionit.

Si u ndjetë në momentin e golit të Kompani?
“Natyrisht u gëzova kur shënuam golin, por e dija që loja ishte e akoma e hapur. Leisteri u tërhoq mbrapa dhe nuk është e lehtë të kalosh mbrojtjen e tyre. Portieri, Shmajkëll, është lojtari i jashtëzakonshëm e lexon shumë mirë lojën e kundërshtarëve. Nuk e patëm të lehtë t’i sulmonim gjatë pjesës së parë. Na duhet dhe një fitore që të shpallemi kampion”.

Kur Kompani u çoi topin përpara, ishit i mendimit që ta gjuante?
“Jo jo. Në mendjen time s’duhet ta gjuante, por ai u tregua i zgjuar që nuk ndoqi mendimet e mija. Goli i pabesueshëm”.

Rëndësia e Vinsent Kompanisë?
“Ky klub ka lojtarë shumë të rëndësishëm. Ky klub ka krijuar histori me tituj. Këto trofe kanë ardhur si pasojë e lojtarëve që i kanë dhënë formë këtij klubi. Xho Hart, Pablo Zabaleta dhe Vinsent Kompani është një prej tyre. Fatkeqësisht dëmtohet shpesh, por kur është në formë është një mbrojtës i kompletuar, ka një personalitet lideri. E falënderojmë për golin, ishte shumë i rëndësishëm”.

“Na mbetet të shkojmë e të fitojmë kundër Brajtonit. Janë një ekip shumë i fortë, tani janë dhe më të lirshëm pasi kanë siguruar qëndrimin në Premier League. Barazuan në trasnfertë ndaj Arsenalit, ndërsa na hapën punë në në gjysmëfinalen e “FA Cup”. Gjithsesi e kemi në duart tona. Dikur ishim 7 pikë mbrapa, fituam 13 ndeshje radhazi dhe ja ku jemi”.

PRESIONI – “Në ndeshjet e fundit kemi fituar me vetëm një gol, por kemi kontrolluar krejtësisht lojën, nuk u kemi lënë skuadrave kundërshtare qoftë edhe një godijte këndi ose një gjuajtje në portë. Në tre muajt e fundit kemi qenë skuadra më e mirë. Nëse nuk fitonim një ndeshje, titulli do të na ikte, ndërsa Liverpuli luan pa presion, pasi ata e dinë që nuk e kanë në dorën e tyre, ata e kanë pasur të lehtë në ndeshjet e tyre, ndërsa ne jo. E meritojmë të ndodhemi këtu ku jemi”.

Kompani nuk shënonte nga jashtë zonës së rreptësisë prej pesë vitesh. A besoni se ishte shkruar ?

“Jo, jo aspak. Sa mbaroi pjesa e parë i thashë Kompanisë, shko përpara dhe gjuaj (qesh). Futbolli është një lojë e paparashikueshme, ka dhe gola të tillë”.

Objektivi i parë dhe kryesor i “Citizens” është Bruno Fernandes. Portguezi, i cili aktivizohet me Sportingun e Lisbonës ka bërë një sezon të shkëlqyer dhe ka mahnitur me paraqitjet e tij.

Sipas lajmeve të fundit, duket se drejtuesit e Sitit janë në bisedime të avancuara me drejtuesit portugezë dhe marrëveshja thuhet se do të mbyllet për 50 milionë euro. Mbetet vetëm për t’u diskutuar për sa i përket kontratës së 24-vjeçarit, me ekipin e Guardiolës që bëjnë të tyrin një lojtar me vlera, për një çmim që në ditët e sotme është mjaft normal.

“Ky është kampionati më  i fortë ku unë kam punuar, kjo për shkak të kualitetit të rivalëve tanë. Vitin e kaluar grumbulluar 100 pikë, por këtë sezon është diçka më e veçantë. Ky Liverpuli po bën diferencën. Pashë ndeshjen në “Camp Nou”, dhe më pëlqeu shumë si luajtën, natyrisht meritat i shkojnë Barcelonës që i mundën 3 – 0. Kanë humbur vetëm një ndeshje në Premier League”.

“Në karrierën time kam luajtur përballë skuadrave jashtëzakonisht të forta, por veçoj vetëm dy. Një është ndër to Barcelona e Luis Enrikes, që kishte në sulm Mesin, Saurezin dhe Nejmarin, ndërsa ekipi i dytë është ky Liverpuli i tanishëm. Ata kanë gjithçka, janë të fortë nga ana fizike, vrapojnë fushë, ndërsa janë përmirësuar shumë në mbrojtje në krahasim me vitin e kaluar. Ishim 7 pikë mbrapa në një moment, shumë vetë menduan se mbaroi”, pëfundoi Guardiola.

https://www.youtube.com/watch?v=D3HTnyQAN38

“Ndeshja ishte e shkëlqyer, të dyja skuadrat bënë një ndeshje të madhe! Liverpuli bëri një ndeshje të pabesueshme, urime atyre. Ata kanë luftuar shumë këtë sezon dhe kanë treguar se janë një skuadër e madhe, si në Champions, ashtu dhe në kampionat.

“Titulli besoj do të vendoset vetëm në fund, kam një parandjenjë se Liverpuli nuk do të na ndahet. Ata do të luajnë kundër Njukasëllit, një sfidë shumë e vështirë për ta, por dhe ne kemi një ndeshje shumë të fortë përballë Leisterit. Për momentin, nuk po mendoj për titullin kampion, ka ende punë për të bërë”, përfundoi spanjolli.

“Kam kuptuar se të shënoj gola është pika ime më e fortë. Është diçka që më pëlqen shumë dhe nuk mund ta mohoj, gjithmonë kur shënoj jam i lumtur. Sezonin e shkuar, i vura qëllim vetes të shënoj 15 gola në kampionat, ndërsa këtë sezon, doja të shënoja edhe më shumë.

Të luash nën urdhrat e Guardiolës, nëse nuk përmirësohesh, nuk luan në formacion. Prandaj, qëllimi im është të shënoj 20 gola. Është e vështirë për një sulmues anësor që të shënojë, sidomos pasi ke bërë një sezon të mirë edicionin e shkuar, pasi të markojnë 2 ose 3 futbollistë. Megjithatë, jam i lumtur për aq sa kam shënuar”, tha Sterling.

“Në këtë nivel fitoret janë gjithmonë të vështira. Në pjesën e parë e kishim në të vështirë, por është normale pasi po ndjenim presionin, në të dytën sulmuam më shumë. E dinim që duhet ta fitonim lojën”.

SANE – “Fernandinjo kishte disa probleme muskulore, prandaj futa Sanen më shpejt se sa e kisha parashikuar. Ishte i mahnitshëm,na e bëri lojën më të shpejtë. Sulmi në krah është specialiteti i tij. Shpesh jam shumë kritik me të, pasi e di potencialin e tij dhe duhet ta ndihmoj në zhvillimin e tij me lojën e top dhe pa të. Sot luajti në një nivel shumë të lartë”.

TITULLI – “Siç e kam thënë dhe në ndeshjet e fundit, titulli është në duart tona. Nuk mendoj se Liverpuli do të humbë. Kemi fituar 10 ndeshjet e fundit, është e mahnitshme çfarë kanë bërë djemtë. Po ta kishim fituar këtë ndeshje në nëntor ose dhjetor do të festonim më shumë, por nesër gjithçka ka mbaruar. Duhet të jemi shumë të përqendruar. Tani duhet të shkojmë te Bërnli, ku në dy sezonet e shkuara kam kaluar momente shumë të vështira”.

Fitorja e sotme në “Old Trafford” vendos dy rekorde historike. Siti bëhet i pari ekip që prej themelimit të formatit “Premier League” në vitin 1992 që mund Junajtid në “Old Trafford” me rezultatin 2 – 0. Një gjë e tillë nuk kishte ndodhur asnjëherë në 516 ndeshjet e mëparshme.

Rekordi tjetër i takon trajnerit Pep Guardiola, i cili bëhet trajneri i parë në histori që fiton tri ndeshje kampionati radhazi në “Old Trafford”. (1 – 2, 10 dhjetor 2017), (1 – 2, 10 shtator 2016).