Guangzhou Evergrande

Ka probleme familjare, Murinjo refuzon një “thes” me para

Sport Ekspres — Sat, 06 Jul 2019 10:05:38 +0000

Zhoze Murinjo prej disa muajsh është i papunë. Përkundër kësaj, asnjë ofertë nuk ka ardhur në drejtim të tij nga gjigantët evropianë. Të gjitha skuadrat e mëdha janë sistemuar me trajnerët e tyre dhe Murinjos i duhet të shohë për të tjera alternativa. Sipas medieve angleze, Kina ishte një mundësi konkrete për portugezin.

“The Telegraph” raporton se Murinjo ka biseduar në lidhje me marrjen e stolit të klubit kinez të Guangzhu Evergrande. Tekniku është parë të takohet me kryetarin e klubit aziatik. Atij i është propozuar stoli i skuadrës më të madhe në shtetin gjigant dhe në këmbim të kësaj i janë ofruar shumë para në tavolinë.

Gjithsesi, e njëjta medie shprehet se negociatat nuk kanë evoluar aspak, kjo për shkak të refuzimit të menjëhershëm nga ana e “Special One”. Murinjo thuhet të mos e ketë marrë aspak në konsideratë prpozimin, pavarësisht respektit për drejtuesit e klubit. Shkaki i hedhjes poshtë të kësaj ofertë janë arsyet familjare.

Rekordi i radhës vjen nga Kina, plot 4 portierë në fushën e blertë!

Sport Ekspres — Thu, 30 May 2019 20:55:07 +0000

Në futbollin kinez ka ndodhur një rast i paprecedentë. Guanzhu Evergrande, ekipi që drejtohet nga Fabio Kanavaro, është përballur me Beijing Renhe në 1/8 e Kupës së Kinës. Miqtë nuk e kishin marrë shumë seriozisht, pasi mendonin më shumë për kampionatin.

Trajneri Aleksandar Stanojeviç kishte grumbulluar vetëm 14 futbollistë për këtë sfidë, duke harruar një rregull të detyrueshëm të futbollit kinez: çdo ekip duhet të grumbullojë të paktën tre lojtarë të moshës U23, nga të cilët njëri duhet të jetë titullar.

I gjendur në kushte të tillë, trajneri i Bejing ka futur në lojë Peng Liu dhe Çen Li, të dy portierë. Dy gardianët janë aktivizuar në sulm, duke e dërguar në 4 numrin total të portierëve në fushën e blertë. Pasojat? Ekipi i Kanavaros fitoi 5-0, ndërsa eksperimenti i miqve qëlloi totalisht i dështuar.

Hulk dhe Oskar “mbretërojnë” në Kinë, Karrasko e Gaitan gati për “vetëvrasje”

Sport Ekspres — Wed, 07 Nov 2018 14:13:07 +0000

Kampionati kinez ka dhe një javë për të luajtur, por verdiktet duket se janë mbyllur që tani. Kampioni më i ri i Superligës kineze është shpallur ekipi i Shangai SIPG. Klubi ku aktivizohen lojtarë si, Hulk, Oskar apo Akmedov kanë triumfuar ditën e sotme ndaj Bejing Rehne, duke siguruar matematikisht titullin e parë të historisë së tyre.

Shangai kështu, prish hegjemoninë e Guangzhu Evergrandes, të cilët triumfonin dhe dominonin futbollin kinez prej 7 vitesh. Ekipi i drejtuar nga portugezi Viktor Pereira, mori një triumf mjaft të rëndësishëm javën e shkuar në fushën e Guangzhus, duke fituar 4-5, ndërkohë ditën e sotme triumfuan 2-1, duke ia lënë vendin festës.

Guangzhu nga ana tjetër, e cila drejtohet nga legjenda italiane Fabio Kanavaro, ka në ekip mjaft lojtarë me emër si, Paulinjo, Anderson Taliska, po ashtu dhe braziliani Alan, i cili dikur ka luajtur për Salcburg. Ndërkohë, situata duket e keqe për dy ish-lojtarët e Atletiko Madrid, Nikolas Gaitan dhe Ferreira Karrasko, të cilët rrezikojnë të shkojnë një kategori më poshtë me ekipin e tyre Dailan. Javën e fundit do të luajnë ndeshjen e jetës për ekipin e tyre, pasi i duhet të fitojnë patjetër ndaj rivalit të tyre kryesor për të shpëtuar.