Grupi B

Devolli zyrtarizon ngjitjen, Luzi 2008 siguron biletën për në “Play-Off”

Sport Ekspres — Sun, 19 May 2019 17:01:29 +0000

Nuk ka pasur surpriza në javën e fundit të Kategorisë së Dytë. Është mbyllur ccështja e kreut me Grupin B me Devollin që siguron kalimin në Kategorinë e Parë. Ekipi i drejtuar nga Starvri Nica mundi 4 – 1 Tepelënën në Bilisht. Vendi i dytë i këtij grupi i takon Shkumbinit që do të ketë mundësinë të provojë të ngjitet në të parën me anë të ndeshjeve “play-out”.

Në Grupin B, Luzi 2008 arriti të merrte vendin e dytë falë fitores 3 – 0 ndaj Adës së Velipojës. Këtë vit në ndryshim nga vitet e tjera, ekipet humbëse të fazës “Play-Off” do t’u jepet një shans i dytë për t’u ngjitur në të parën, kjo falë dënimit të Kamzës që do të luajë sezonin tjetër në Kategorinë e Dytë.

GRUPI A

Partizani B 2 – 1 Internacional
Luzi 2008 3 – 0 Ada
Kukësi B 1 – 2 Gramshi
Sopoti 4 – 2 Tërbuni
Vllaznia B 3 – 4 Tirana B

GRUPI B

Maliqi 2 – 2 Skrapari
Delvina 1 – 2 Albpetrol
Naftëtari 3 – 2 Memaliaj
Këlcyra 2 – 2 Gramozi
Devolli 4 – 1 Tepelena

Kategoria e Parë | Apolonia fundos Tomorin, Ferhati “ringjall” Elbasanin

Sport Ekspres — Sun, 21 Apr 2019 15:22:55 +0000

Sot janë zhvilluar dy ndeshjet “play-out” në Grupin B të Kategorisë së Parë. Ekipet mike kanë arritur fitore duke siguruar trepikësha të rëndësishëm.

Në Berat u zhvillua ndeshja mes Tomorit vendas dhe Apolonisë. Ekipi fierak mposhti në çdo drejtim vendasit me rezultatin 1-4. Apolonia shënoi dy herë brenda 5 minutash me anë të Gjatës dhe Nakos, ndërsa Beci rindezi shpresat e Tomorit për të mos dalë pa pikë.

Megjithatë, Mihana shënoi dy herë në pjesën e dytë dhe vulosi fitoren e ekipit të Stojkut me “poker” golash. Kjo humbje e zhyt ekipin beratas në vendin e fundit me 10 pikë kur kanë mbetur për t’u zhvilluar edhe 3 ndeshje, pasi është parakaluar nga Elbasani. Po 10 pikë ka edhe Turbina e Cërrikut, që ka për të zhvilluar një ndeshje më shumë.

Një gol i Ferhatit në minutën e dhjetë të pjesës së dytë i ka dhuruar një fitore jetike Elbasanit. Verdheblutë ia dolën të triumfonin në Pogradec, duke u ngjitur në kuotën e 12 pikëve, ndërsa ekipi liqenor qëndron i qetë me 22 pikë.

Tomori-Apolonia 1-4
Shënues: Beci 33’ / Gjata 15’, Nako 20’, Mihana 57’, 89’

Pogradeci-Elbasani 0-1
Shënues: Ferhati 55’

Sëmundja e “shkrirjes” së skuadrave, infektohet klubi i së Dytës

Sport Ekspres — Mon, 25 Mar 2019 11:57:44 +0000

Java e 18-të e Kategorisë së Dytë nuk ka shkuar tërëisht mirë. Veç 12 sfidave që u luajtën në të dy grupet, ndeshja Memaliaj-Termi në Grupin B nuk u zhvillua. Referuar deklaratës së trajnerit të kësaj skuadre, Maringlen Meta, kishte disa ditë që skuadra nuk dilte në stërvitje. Shkak ishte mospagesa e ambienteve stërvitore dhe atyre të zhvillimit të ndeshjeve, ndërkohë që për pagesat e futbollistëve nuk bëhej fjalë!

SportEkspres.com kërkoi një kontakt me drejtuesit e Term, por telefonat e tyre kanë qenë të padisponueshëm që nga dita e diel, duke e bërë edhe më të kuptueshëm mosvajtjen e tyre në Memaliaj për ndeshjen e javës së 18-të. Në fakt, Termi rezistoi në 17 javë kampionat, duke grumbulluar 15 pikë dhe renditet në vendin e 19-të në zonën e ftohtë për mbijetesë.

Një rast i tillë, si me Kevitanin, ndodh se licencimi i tyre është bërë jokorrekt. Kur duhen edhe 8 javë kampionat, lufta për mbijetesë u mbyll, ndërsa Naftëtari me Përmetin do luajnë për “qejfin” e tyre për të mos u renditur në vendin e 13-të.

AGRON KAJA

Lufta për mbijetesë, kalendari i fazës së tretë dhe renditja

Sport Ekspres — Sat, 23 Feb 2019 15:45:45 +0000

Përfundimi i ndeshjeve të javës së 18-të ka bërë që të përcaktohet edhe kalendari për fazën e tretë të Kategorisë së Parë. Përfundimisht është mësuar rrugëtimi që do të kenë skuadrat që luftojnë për mbijetesë, në të dyja grupet.

Grupi A do ta nisë me këtë renditje fazën e tretë: Veleçiku 13 pikë, Burreli 12 pikë, Shënkolli 10 pikë, Iliria 10 pikë, Vora 5 pikë. Sa i takon përballjeve, ato do të luhen sipas kalendarit të mëposhtëm.

KATEGORIA E PARË, KALENDARI I FAZËS SË TRETË

Situata në grupin B pas fazës së dytë është e tillë: Pogradeci 13 pikë, Apolonia 12 pikë, Tomori 9 pikë, Elbasani 6 pikë, Turbina 4 pikë.

KATEGORIA E PARË, KALENDARI I FAZËS SË TRETË

Egnatia befasohet në shtëpi, e ndëshkon Oriku

Sport Ekspres — Sun, 03 Feb 2019 14:54:52 +0000

Egnatia nuk ia ka dalë të ruajë ecurinë e mirë dhe është befasuar në shtëpi nga Oriku. Miqve u mjaftoi një gol i Arbër Dhramit në minutën e 67-të për të siguruar tre pikë shumë të rëndësishme.

Klaudio Rexhepi u ndëshkua me dy kartonë të verdhë brenda shtatë minutash la Egnatian me dhjetë lojtarë. Ndeshja u komplikua për vendasit, ndërsa ekipi vlonjat shfrytëzoi superioritetin numerik duke arritur të shënonte golin e fitores në pjesën e dytë.

Egnatia mbetet në vendin e tretë të grupit B të Kategorisë së Parë me 25 pikë, ndërsa Oriku është ngjitur në vendin e gjashtë me 21 pikë.

Egnatia-Oriku 0-1
(Dhrami 67′)

Lushnja nuk e ka prekur merkaton, Bylis e Besa në garë afrimesh

Sport Ekspres — Tue, 29 Jan 2019 13:55:30 +0000

Ndoshta mund të quhet edhe paradoks fakti që, Lushnja krijoi mundësi financiare të kryente dy javë përgatitje dhe ndeshje miqësore në Malin e Zi, por nuk pati asnjë lëvizje në këtë merkato! Në Grupin B, lushnjarët ndoshta duan të tregojnë se synimet e tyre nuk shkojnë shumë larg dhe do të kenë si bazë ekipin e 14 javëve të luajtura në kampionat. Ndryshe kanë qenë lëvizjet e skuadrave të tjera në këtë grup, ku duhen veçuar dy kryesueset: Bylis e Besa, të cilët duken në garë mes tyre me afrimet që kanë bërë.

Ballshiotët po tregohen më të sigurtë në vetvete për tu ngjitur në Kategorinë Superiore dhe më shumë i kanë besuar lojtarëve në moshë të re, ndërsa Besa, seriozitetin e merkatos e ka nisur me trajnerin Gugash Magani e më pas me futbollistët Efijong Ejo, Sokol Mziu, Ervis Çaço, Sadush Danaj, Xhefri Çinedu Çarls e Senad Hysenaj. Ndërkohë që Bylisi është përgjigjur me Ardit Jaupaj, Eri Lamçja, Mustafa Xhixhiua, Serxhio Ujka, Franci Ymeraliaj, Andi Hadroj, Kevin Aliaj e Shpëtim Moçka.

Apolonia afroi rreth 20 futbollistë në provë, por 48 orë para mbylljes zyrtare të merkatos ka vetëm trajnerin Rade Miliç dhe futbollistët serbë Kazar Vladisavljeviç e Jordan Jovanoviç. Egnatia duket më e veçantë në këto lëvizje, ku fillimisht e nisi me trajnerin Bledar Sinella dhe më pas ka afruar futbollistët Franc Bakalli, Ervis Troka, Jurgen Vogli, Armand Pasha, Xhuljo Mirani. Turbina dhe Orikumi kanë nga një largim dhe tre afrime, ndërsa Tomori ka bërë kompensime, pasi tre të larguarit i ka zëvendësur me tre të afruar, trajnerin dhe dy futbollistë.

Pogradeci ka mbetur peng i borës në përgatitje e në merkato, dhe nuk ka patur mundësi në treg për afrime, ndërsa te Elbasani vetëm në javën e fundit janë afruar futbollistë nga ekipet e të rinjve, por edhe të tjerë që rikthehen te kjo skuadër pasi nuk kanë gjetur mundësi të tjera.

Gjithsesi, deri më 31 janar në orën 24:00 kur do të mbyllet zyrtarisht merkato, të gjitha skuadrat kanë kohën që të shohin buxhetet për mundësitë që ai i afron në interes të synimeve të tyre.

AGRON KAJA

LËVIZJET GRUPI B

BYLIS
Largime: Vjali Mahmutaj, Xhulio Tushi, Gëzim Hyska
Afrime: Ardit Jaupaj, Eri Lamçja, Mustafa Xhixhua, Serxhio Ujka, Franci Ymeraliaj, Andi Hadroj, Kevin Aliaj, Shpëtim Moçka

BESA
Largime: Gentian Begeja (Trajner), Alken Agalliu, Albi Koldashi
Afrime: Efijong Ejo, Sokol Mziu, Gugash Magani (Trajner), Ervis Çaço, Sadush Danaj, Senad Hysenaj

EGNATIA
Largime: Ilir Duro (Trajner)
Afrime: Bledar Sinella (Trajner), Franc Bakalli, Ervis Troka, Jurgen Vogli, Armand Pasha, Xhuljo Mirani

POGRADECI
Largime: Franci Alimadhi, Rigers Mertkola
Afrime: Jurgersi Liçkollari

LUSHNJA
Largime: ?
Afrime: ?

ORIKU
Largime: Geri Hoxha
Afrime: Aldo Mitraj, Adelajdo Dulaj, Aleksandër Çapoj

APOLONIA
Largime: Erlando Mehmeti, Klevis Përkeqi, Erald Kolgega, Franc Bakalli, Ervis Troka, Agim Meto
Afrime: Rade Miliç (Trajner), Kazar Vladisavljeviç, Jordan Jovanoviç

TOMORI
Largime: Bledar Devolli (Trajner), Ardian Gega, Ervis Çaço
Afrime: Santiliano Dule (Trajner), Oliver Dore, Elhan Galica

ELBASANI
Largime: Kristian Ezike, Brixhid Brahimaj, Kleo Fejzaj
Afrime: Xhulio Jaupi, Gledis Hida, Nertil Hoxhaj, Klodian Nuri, Fatjon Çollari, Albi Koldashi

TURBINA
Largime: Efijong Ejoh
Afrime: Klevis Hasanbelli, Endri Bakiu, Xhynejt Çutra

Bylisi thyen Pogradecin, kreu një pikë larg

Sport Ekspres — Sun, 28 Oct 2018 15:25:12 +0000

Bylisi mori tre pikë të arta dhe tanimë renditen në vendin e dytë në klasifikim. Ballshiotët ia kanë dalë të mundin me rezultatin minimal 1-0 Pogradecin dhe në fund festa kanë qenë e gjitha e tyre.

Në stadiumin “Adush Muçaj” është zhvilluar një ndeshje mjaft e luftuar dhe gjithçka është vendosur nga nigeriani Beji Anthoni, i cili ka arritur të realizojë në minutën e 36-të të takimit pas një pasimi të Zefit.

Ballshiotët kanë qenë më kërkues gjatë gjithë ndeshjes dhe u shpërblyen. Ata u përpoqën të gjenin edhe golin e dytë, por po ia arritur dot qëllimit. Gjithsesi goli i shënuar nga Anthoni mjaftoi për të fituar dhe Bylisi shkoi në kuotën e 13 pikëve, një më pak se Besa e vendit të parë.

Kategoria e Parë – Java 7

E diel, më 28 tetor 2018, ora 14:00
Stadiumi “Adush Muçaj”, Ballsh

Bylisi-Pogradeci 1-0
Shënues: Anthoni 36’