Grupi A

Tension dhe thatësi golash, Venezuelë-Peru marrin nga një pikë

Sport Ekspres — Sat, 15 Jun 2019 20:53:46 +0000

Është mbyllur në barazim pa gola sfida mes Venezuelës dhe Perusë, sfidë e vlefshme për raundin e parë të Copa America në Grupin A. Ndeshja e parë në këtë grup u luajt mes Brazilit dhe Bolivisë, me “Seleçao” që triumfuan pastër 3-0 dhe që morën kreun e grupit.

Ndërsa pak minuta më parë, u mbyll dhe takimi mes Venezuelës dhe Perusë, me të dyja skuadrat që ndanë nga një pikë pas barazimit 0-0. Gjithçka mes dy skuadrave ishte e barabartë, që nga qarkullimi i topit 50%-50%, deri te gjuajtjet në kuadrat, nga pesë për secilën skuadër. Megjithatë, goli mungoi.

Në fundin e takimit, pati dhe tension në fushën e lojës. Futbollisti i Venezuelës, Mago, u ndëshkua me karton të kuq, duke u pezulluar për takimin pasardhës. Pas raundit të parë, Brazili është në krye të grupit A, me 3 pikë, ndërsa vendi i dytë dhe i tretë është për Venezuelën e Perunë, me nga një pikë, ndërsa Bolivia renditet e fundit me 0 pikë dhe -3 golavarazh.

Copa America

Venezuela – Peru 0-0

Devolli zyrtarizon ngjitjen, Luzi 2008 siguron biletën për në “Play-Off”

Sport Ekspres — Sun, 19 May 2019 17:01:29 +0000

Nuk ka pasur surpriza në javën e fundit të Kategorisë së Dytë. Është mbyllur ccështja e kreut me Grupin B me Devollin që siguron kalimin në Kategorinë e Parë. Ekipi i drejtuar nga Starvri Nica mundi 4 – 1 Tepelënën në Bilisht. Vendi i dytë i këtij grupi i takon Shkumbinit që do të ketë mundësinë të provojë të ngjitet në të parën me anë të ndeshjeve “play-out”.

Në Grupin B, Luzi 2008 arriti të merrte vendin e dytë falë fitores 3 – 0 ndaj Adës së Velipojës. Këtë vit në ndryshim nga vitet e tjera, ekipet humbëse të fazës “Play-Off” do t’u jepet një shans i dytë për t’u ngjitur në të parën, kjo falë dënimit të Kamzës që do të luajë sezonin tjetër në Kategorinë e Dytë.

GRUPI A

Partizani B 2 – 1 Internacional
Luzi 2008 3 – 0 Ada
Kukësi B 1 – 2 Gramshi
Sopoti 4 – 2 Tërbuni
Vllaznia B 3 – 4 Tirana B

GRUPI B

Maliqi 2 – 2 Skrapari
Delvina 1 – 2 Albpetrol
Naftëtari 3 – 2 Memaliaj
Këlcyra 2 – 2 Gramozi
Devolli 4 – 1 Tepelena

Lufta për mbijetesë, kalendari i fazës së tretë dhe renditja

Sport Ekspres — Sat, 23 Feb 2019 15:45:45 +0000

Përfundimi i ndeshjeve të javës së 18-të ka bërë që të përcaktohet edhe kalendari për fazën e tretë të Kategorisë së Parë. Përfundimisht është mësuar rrugëtimi që do të kenë skuadrat që luftojnë për mbijetesë, në të dyja grupet.

Grupi A do ta nisë me këtë renditje fazën e tretë: Veleçiku 13 pikë, Burreli 12 pikë, Shënkolli 10 pikë, Iliria 10 pikë, Vora 5 pikë. Sa i takon përballjeve, ato do të luhen sipas kalendarit të mëposhtëm.

KATEGORIA E PARË, KALENDARI I FAZËS SË TRETË

Situata në grupin B pas fazës së dytë është e tillë: Pogradeci 13 pikë, Apolonia 12 pikë, Tomori 9 pikë, Elbasani 6 pikë, Turbina 4 pikë.

KATEGORIA E PARË, KALENDARI I FAZËS SË TRETË

Situata e merkatos në grupin A, Vora “kampione” e transferimeve

Sport Ekspres — Tue, 29 Jan 2019 10:56:17 +0000

Zyrtarisht merkato mbyllet në datën 31 janar dhe skuadrave të Kategorisë së Parë u mbeten 48 orë për të gjetur elementë të tjerë në shërbim të skuadrave të tyre. Gjatë këtij muaji ka patur lëvizje të shumta thuajse nga të gjitha skuadrat e Grupit A, ku në pesë skuadra nuk ka asnjë largim. Duke veçuar këtu Vorën, tek e cila me fillimin e muajit janar u larguan 11 futbollistë, një skuadër e tërë, ku situata financiare ishte shkaku i këtyre largimeve, ndërsa drejtuesit afruan më pas trajnerin e ri Rezart Mahon dhe 6 lojtarë.

Duke e parë jo vetëm në këndvështrimin numerik këtë merkato te skuadrat e Grupit A të Kategorisë së Parë, Vllaznia kryesuese nuk ka shumë lëvizje. Te shkodranët mbetet ende pezull largimi i rumunit Dan Ignat, ndërsa ka afruar Paulin Ndojën si zëvendëstrajner dhe futbollistin Arsid Kruja. Erzeni i vendit të dytë në renditjen e këtij grupi ka afruar 5 lojtarë të rinj: Vjali Mahmutaj, Jurgen Peqini, Myslym Ramilli, Douglas Almeida, Dunmoye Kabiru, ndërsa i është larguar te Tirana mbrojtësi energjik e golashënues, Jurgen Goxhaj.

Dinamo e nisi me drejtorin e ri teknik këtë merkato, Artan Mergjyshin, e më pas me dy futbollistët Erald Kolgega, Ervis Kaja, ndërsa te Korabi, Jurgen Mehidri dhe Ylber Muça janë të afruarit e rinj. Besëlidhja ka dy të afruar dhe largimin afrikanit Dore, ndërsa Veleçiku e Iliria nuk i njohin largimet, duke patur nga tre të afruar. Burreli e ka të barabartë numrin e afrimeve dhe largimeve me nga tre futbollistë, ku janë larguar Mustafa Xhixhiua, Olamba, Baholli, Sadush Danaj, dhe janë afruar Senad Lekaj, Milan Vukmanoviç dhe Emililjano Veliaj.

Shënkolli nuk ka asnjë largim, por do të vuajë si të tillë dënimet e Ilir Çaushaj e Ruben Danaj me nga 1 vit, si dhe Bledjan Zefi e Rinev Danaj me nga 8 ndeshje. Iliria e Fushë-Krujës, pasi zgjidhi ngërçin financiar, këtë muaj ka afruar Skënder Lilaj, Kristian Liçaj, Dunmoje Kabiru.

AGRON KAJA

LËVIZJET GRUPI A

VLLAZNIA
Largime: Dan Ignat?, Brendon Smajli, Sinisha Rajçeviq
Afrime: Paulin Ndoja (Zëvendëstrajner), Arsid Kruja

ERZENI
Largime: Jurgen Goxha, Dunmoje Kabiru
Afrime: Vjali Mahmutaj, Jurgen Peqini, Myslym Ramilli, Douglas Almeida

DINAMO
Largime: ?
Afrime: Artan Mergjyshi (Drejtor Teknik), Erald Kolgega, Ervis Kaja

KORABI
Largime: Elvis Kovaçi
Afrime: Jurgen Mehidri, Ylber Muça

BESËLIDHJA
Largime: Oliver Dore
Afrime: Brilant Hasa, Kristian Gjini

VELEÇIKU
Largime: ?
Afrime: Ditmir Ujkaj, Damian Miculi, Enriko Delaj

SHËNKOLLI
Largime: Serxho Ujka
Afrime: ?

ILIRIA
Largime: ?
Afrime: Skënder Lilaj, Kristian Liçaj, Kabiru Dunmoye

BURRELI
Largime: Mustafa Xhixhua, Xhefri Shimba Olamba, Tedi Baholli, Sadush Danaj
Afrime: Senad Lekaj, Milan Vukmanoviç, Emiljano Veliaj

VORA
Largime: Gerald Çani (Trajner), Odeon Bërdufi, Klodian Nuri, Nertil Ferraj, Emiljano Veliaj, Alvi Gjonaj, Vilson Mziu, Jurgen Mehidri, Andi Sula, Adelajd Thaçi, Artur Sejdini
Afrime: Klajdi Kuka, Gerald Tusha, Laurent Ismailaj, Rezart Maho (Trajner), Kristian Ezike, Elvis Kovaçi

Tre muaj pa paga, ekipi i së Parës drejt shpërbërjes!

Sport Ekspres — Fri, 04 Jan 2019 09:08:04 +0000

Ndërsa dimri të kushtëzon stërvitje dhe merkato për të qenë të gatshëm për pjesën e dytë të sezonit, te Iliria e Fushë Krujës po ndodh e kundërta. Pas mbylljes së javës së 14-të, te kjo skuadër janë rishfaqur problemet me pagat e vonuara, ku disa lojtarë titullarë kanë kushtëzuar vazhdimësinë e tyre vetëm pas pagesave të prapambetura.

Burime pranë kësaj skuadre konfirmuan për SportEkspres.com se problemi i pagesave të futbollistëve (pagat mujore) ka tre muaj që është prezent, me premtime po pa asnjë zgjidhje. Kjo situatë i është bërë prezente trajnerit Fatmir Sala, por edhe drejtuesve të këtij klubi, të cilët deri në mbylljen e vitit 2018 nuk i gjetën mundësitë financiare për pagesat e futbollistëve.

Kështu, duke qenë se tek Iliria futbollistët kanë tre muaj pa u paguar, vitin e ri 2019 ata e kanë kaluar thatë. Por më e veçanta është se kjo situatë e paralajmëruar gjatë vitit të kaluar nuk ndryshoi dhe skuadra duket se po e kap pragun e shpërbërjes së saj.

Iliria renditet në vendin e tetë në Grupin A të Kategorisë së Parë, ku në 14 javë ka grumbulluar 15 pikë.