Hysaj jashtë listës së Napolit, nuk ka panik

Sport Ekspres — Fri, 05 Jul 2019 13:54:10 +0000

Napoli nis ditën e nesërme përgatitjet për sezonin e ri. Ekipi i Karlo Ançelotit do të nisë stërvitjen dhe do të grumbullohet në Val di Sole.

Trajneri ka shpallur listën e 25 lojtarëve, ndërsa bie në sy mungesa e Elseid Hysajt. Shkodrani është më larg sesa afër Napolit, por nuk është ky shkaku i kësaj mungese.

Të gjithë lojtarët që janë pjesë e kombëtareve janë lënë disa ditë më shumë pushim. Në listë mungojnë edhe emra si Insinje, Milik, Zielinski dhe të tjerë.

Fakti që ata luajtën në ndeshjet e eliminatoreve të Euro 2020 në ditët e para të qershorit ka ndikuar që Karlo Ançeloti t’ua zgjasë edhe pak pushimet atyre.

Lista | Kombëtarja U-20, Vllaznia ruan traditën e talenteve

Sport Ekspres — Mon, 28 Jan 2019 15:35:35 +0000

Sot, kombëtarja U-20 e futbollit, e drejtuar nga Ilir Biturku, është grumbulluar për të bërë një fazë përgatitore në Durrës, në kompleksin “Tropikal”. Trajneri Biturku ka grumbulluar 18 futbollistë, ku katër nga ta janë të Vllaznisë. Djemtë kuqezi nën 20-vjeç do të luajnë edhe një ndeshje miqësore përballë Partizanit B, me datë 30 janar.

Partizani ka vetëm një lojtar te kjo kombëtare, portierin Livio Malaj. Edhe Skënderbeu, përfaqësohet vetëm nga një futbollist, i riu Gavazaj, ndërsa Tirana nuk ka asnjë lojtar në këtë grupmoshë.

Lista e plotë e lojtarëve

grumbullimi

Hysaj jashtë listës së Napolit, nuk ka panik

Lista | Kombëtarja U-20, Vllaznia ruan traditën e talenteve