Holandezët në modë te Barcelona, firmos talenti 18-vjeçar

Sport Ekspres — Sat, 04 May 2019 13:54:54 +0000

Frenki De Jong nuk do të jetë i vetmi holandez që do t’i bashkohet Barcelonës gjatë merkatos së verës. Gazeta prestigjioze “De Telegraaf”, ka zbuluar se klubi katalanas ka arritur akordin për blerjen e 18-vjeçarit Ludovit Reis nga skuadra e Groningen.

Marrëveshja për transferimin e talentit holandez u arrit për shumë e 8 milionë eurove dhe në ditët në vazhdim pritet zyrtarizimi.

Reis, i lindur në Holandë nga prindër sllovenë, aktivizohet si mesfushor qendre dhe shumë vetë e krahasojnë për nga stili i rojës me mesfushorin e njohur katalanas Sergio Buskets.

Reis do të jetë pjesë e ekipit të parë të Barcelonës gjatë turit të miqësorëve të verës, ku trajneri Ernesto Valverde do e vëzhgojë dhe do të japë vendimin për qëndrimin me ekipin e parë ose huazimin në një ekip tjetër ku 18-vjeçari mund të marrë minuta të bollshme.

https://www.youtube.com/watch?v=yyBwc1gJzT8

Ankand japonez, tre klube të mëdha pas talentit të Groningen

Sport Ekspres — Thu, 25 Oct 2018 12:44:34 +0000

Drejtuesit e Juventus janë gjithmonë aktiv në merkato. Ekipi i Alegrit është shumë i fortë në çdo repart, por bardhezinjtë po mendojnë për të ardhmen. Siç citon britanikja “The Mirror”, klubi torinez është vënë në ndjekje të Ristu Doan. 20-vjeçari japonez aktivizohet me holandezët e Groningen dhe shihet si një nga talentët e së ardhmes.

Lojtari aktivizohet në rolin e mesfushorit ofensiv dhe ka nisur sezonin e dytë me Groningen, pas transferimit nga Gamba Osaka në verën e vitit 2017. Gjatë sezonit të parë, Doan shënoi nëntë gola me ekipin holandez, ndërsa këtë sezon ka gjetur njëherë rrugën e golit.

Doan debutoi me kombëtaren e Japonisë me datë 11 shtator të këtij viti dhe ka shënuar 1 gol në 3 ndeshje të luajtura. Për të interesohet prej kohësh Mançester Siti dhe Guardiola dëshiron ta transferojë japonezin në Premier Ligë që në merkaton e janarit. Çmimi i kartonit të tij është 5 milionë sterlina, por futja në garë e Juventusit dhe Atletikos së Madridit do të rrisë vlerën e lojtarit dhe së shpejti mund të nisë ankandi mes palëve për shërbimet e tij.