“Dua t’i falënderoj të gjithë ata që më kanë ndihmuar gjatë karrierës time, që nga Jokin Aperrabi, që më dha mundësinë të nënshkruar kontratën time të parë si profesionist, deri te “Cholo” Simeone, i cili më ka ndihmuar shumë në rritjen time.

“Jam shumë i emocionuar dhe mezi po pres të zbres në fushë. Jam vënë përpara një sfide të re dhe jam gati për të gjitha gjërat që mund të jenë pas dere. Dua të luaj çdo ndeshje, me Barcelonën synoj Champions-in, i vetmi trofe që më mungon. Para se të zbres në fushë, kam shumë gjëra për të bërë. Duhet të transferoj familjen këtu, vajzës t’i gjej një shkollë të re.

“Largohem nga Atletiko i mërzitur, pasi aty kam qenë si në shtëpinë time, kam qenë shumë mirë. Nuk kam asgjë tjetër përveçse admirim dhe respekt për Atletikon. Kam dhënë gjithçka për atë fanellë, siç do të jap gjithçka edhe për fanellën e Barcelonës. Nuk kam asnjë pendesë për vendimin e marrë.

“Dokumentari verën e shkuar? Kam bërë shumë gjëra të gabuara në jetën time, por ai dokumentar nuk është një nga ta. “Vendimi” ishte një dokumentar që ju tregon njerëzve prapaskenat, gjërat që nuk merren vesh asnjëherë në media. Nëse tifozët e Barcelonës nuk e kanë pritur mirë dhe presin që unë të kërkoj falje, do ta bëj në fushën e lojës” tha mes të tjerash ylli francez.

“Babai im më ka mësuar kur isha fëmijë që treni nuk vjen vetëm një herë. Tani është koha që ta pranoj këtë sfidë dhe të filloj një aventurë të re në një destinacion të ri. Më në fund, rrugët tona u kryqëzuan. Do ta mbroj fanellën e Barcelonës me të gjitha kushtet, do të jap maksimumin. Ky është synimi im”.

Barcelona derdhi në arkat e Atletiko Madridit plot 120 milionë euro, duke paguar klauzolën e francezit. Klauzola e re e tij te klubi katalanas është 800 milionë euro dhe kontrata është 5-vjeçare. Një përforcim shumë i rëndësishëm për blaugranasit.

Barcelona kërkon që ta paguajë me këste shumën prej 120 milionë eurosh, një praktikë kjo që ndodh shpesh në lëvizjet e merkatos në mbarë botën. Megjithatë, te Atletiko e kanë bërë të qartë në mënyrë publike: Grizman largohet vetëm nëse 120 milionë eurosh paguhet i plotë.

Pavarësisht situatës të tensionuar te Barcelona besojnë se Atletiko do e zbusë qëndrimin e saj dhe për këtë klubi është i gatshë që t’i ofrojë madrilenëve në një shumë më të lartë se 120 milionë, por të ndarë në tri këste që do të paguhen në një periudhë 3-vjeçare.

Klubi madrilen ka reaguar me anë të një komunikate për shtyp ku ka akuzuar Barcelonën dhe lojtarin për negociatat e hershme që kishin filluar midis palëve, që në mars, kur nuk lejohej as me rregullore. Në fund të komunikatës Atletiko ka njoftuar se Grizman duhet të paraqitet në fundjavë në ambientet stërvitore të klubit.

DEKLARATA E BËRË NGA ATLETIKO MADRID

Duke marrë shkas nga deklaratat e bëra sot nga presidenti i Barcelonës Zhozep Maria Bartomeu në lidhje me lojtarin tonë Antuan Grizman, Atletiko kërkon të bëjë publike detajet e mëposhtme:

Më datë 14 maj, Antuan Grizman informoi aksionerin Migel Anhel Hil, trajnerin Diego Simeone dhe drejtorin sportiv Andrea Berta mbi vendimin e tij për t’u larguar nga klubi në fund të sezonit. Në ditët e mëvonshme ne mësuam se lojtari kishte arritur një marrëveshje në muajin mars me Barcelonën, vetëm pak ditë pas eliminimit tonë në Champions League ndaj Juventusit, si dhe negociatat për kushtet e kontratës kishin filluar që në mes të muajit shkurt.

Lidhur me një deklaratë të bërë sot nga presidenti Bartomeu, ne duam të informojmë se është e vërtetë që ditën e djeshme ka pasur një takim midis Miguel Anhel Hil dhe drejtorit ekzekutiv të Barcelonës Oskar Grau. Në atë takim Barcelona shprehu dëshirën që të aktivizojë klauzolën e largimit të Antuan Grizman, sapo kjo klauzolë të zbresë nga 200 milionë euro në 120 milionë euro, ndër të tjera u kërkua një shtyrje e pagesës së klauzolës së lartpërmendur.

Natyrisht përgjigja jonë ishte negative, kjo për faktin se sjellja e klubit të Barcelonës dhe lojtarit ka qenë fyese për Atletikon e Madridit dhe fansat tanë.

Si rezultat i gjithë kësaj, sot, Atletiko Madrid, i ka kërkuar lojtarit nëpërmjet motrës së tij që është njëkohësisht agjente e Grizman, që ai të paraqitet të dielën në ambientet e klubit për të qenë pjesë e fazës përgatitore bashkë me pjesën tjetër të shokëve, diçka të cilën e ka të detyruar bazuar në kontratën që ekziston midis palëve.

Me anë të kësaj komunikate për shtyp , Atletiko Madrid dëshiron të shprehë pakënaqësinë e madhe për sjelljen e  Barcelonës, që bindi lojtarin tonë të shkëputej nga ne gjatë zhvillimit të sezonit, në një moment kur klubi ishte në garë në Champions League, por edhe në kampionat ndaj vetë Barcelonës, diçka kjo që mendojmë së është në shkelje të rregullave të vendosura për periudhat e negociatave për lojtarët dhe që cenojnë integritetin e garës.

Forma e mirë e Bernardo Silvës ka bërë që Sane të mos preferohet më nga Pep Guardiola dhe me shumë gjasa, gjermani do të largohet. Mësohet gjithashtu se Lionel Mesi është një admirues i Leroi Sane dhe në krahun e majtë të sulmit, ylli i Mançester Sitit do të bënte një punë të mirë te katalanasit.

E ardhmja e Grizmanit vazhdon të mbetet një mister dhe ylli francez duket se nuk është më i preferuari i Barcelonës. Sane, përveç moshës së re, ka favor edhe rolin ku luan, çka e bën atë objektivin primar të kampionëve të Spanjës.

Krahas dyshes së francezëve, Bajerni do të kryejë dhe disa afrime të tjera në repartin e sulmit. Vendet e lëna bosh nga largimi i Frank Riberi dhe Arjen Roben priten të plotësohen.

Në një intervistë për mediet gjermane fill pas kurorëzimit si kampion i Gjermanisë, presidenti i Bajernit, Uli Hënes, zbuloi se buxheti i mbeturi i Bajernit nuk i kalon të 80 milionë eurot.

Kjo deklaratë e numrit 1 të bavarezëve shuan çdo mundësi të ardhjes së Antuan Grizman në Mynih. Fokusi do të mbetet te transferimi i talentit anglez Kalum Hadson-Odoi. Sulmuesi 18-vjeçar nuk u lëshua nga Çelsi gjatë merkatos së janarit, pavarëisht se për të Bajerni ofroi plot 40 milionë euro.

Ëndrra e madhe quhet Pep Guardiola. Spanjolli ka folur për këtë mundësi, duke sqaruar situatën. Zërat e fundit të merkatos flasin për një interesim të “Qytetarëve” për Antuan Grizman. Francezi do të largohet nga Atletiko e Madridit në fund të sezonit, ndërsa për të interesohet prej kohësh Barcelona.

Guardiola qetëson tifozët katalanas dhe e mbyll me një koment për UEFA-n. Qeveria europiane e futbollit po heton kampionët e Anglisë, trajneri ka besim absolut te drejtuesit e klubit dhe mungesa e provave përkthehet… pafajësi.

“Unë nuk do të shkoj te Juventusi apo në Itali. Kam edhe dy vite kontratë me Sitin. Jam i lumtur këtu dhe nuk dua të ndryshoj ekip. Sezonin e ardhshëm do të jem trajneri i Mançester Sitit.

Grizman? Njerëzit në Barcelonë nuk duhet të shqetësohen. Nuk kemi para dhe nuk do e blejmë Grizmanin. Dënimi nga UEFA? Gjithmonë e kam përsëritur se i besoj klubit tim. Nëse UEFA vendos se kemi gabuar, atëherë do të dënohemi. E di se njerëzit duan të na gjejnë fajtor, por jemi të pafajshëm derisa të gjendet provat. Sot jemi të pafajshëm”, përfundoi Pep Guardiola.

Klubi katalanas ka gati planin B, nëse nuk arrihet akordi me Grizman. Tre janë objektivat, të cilët luajnë në Premier Ligë. I pari është Markus Rashford. Ernesto Valverde pëlqen shumë karakteristikat e 21-vjeçarit, të cilit i përfundon kontrata me “Djajtë e Kuq” në fund të sezonit të ardhshëm.

Rinovimi nuk po vjen dhe Barcelona ka gati 100 milionë sterlina për Rashford. Pëlqim ka edhe për dyshen e Arsenalit: Lakazet-Obamejang. Të dy bashkë kanë shënuar 50 gola këtë sezon.

Francezi u shpall lojtari më i mirë i Arsenalit këtë sezon, ndërsa sulmuesi nga Gambia ndau çmimin e golashënuesit më të mirë në Premier bashkë me Salah dhe Mane të Liverpulit (nga 22 gola secili). Për Obamejang interesohet edhe Reali i Madridit, që ka gati 74 milionë sterlina për “topçinjtë”.

Me anë të një postimi në llogaritë zyrtare të klubit në rrjetet sociale, klubi madrilen ka bërë të ditur se lojtari ka shprehur dëshirën për t’u larguar nga ekipi “rojiblancos”.

.@AntoGriezmann ha comunicado al club que no seguirá como rojiblanco la próxima temporada.

— Atlético de Madrid (@Atleti) May 14, 2019

Destinacioni i ardhshëm i 28-vjeccarit do të jetë Barcelona. Në ditët në vazhdim pritet që klubi katalanas të aktivizojë klauzolën e largimit prej 120 milionë eurosh.

Sipas katalanases “Sport.es”, drejtuesi i klubit bardhekuq do organizojë sot një takim me sulmuesin e kombëtares franceze. Ai pritet t’i kërkojë Grizman të zbardhë të ardhmen e tij dhe jo ta mbajë atë pezull. Gil Marin do të jetë i shoqëruar nga trajneri Diego Simeone dhe drejtori sportiv Andrea Berta. Sulmuesi 28-vjeçar pritet të deklarojë vendimin e tij përfundimtar në ditën e sotme.

Barcelona e pëlqen shumë lojtarin dhe është e gatshmë të hedhë në arkat e Atletikos shifrën e 120 milionë eurove. Katalanasit kanë patur probleme me lojtarët e sulmit. Kutinjo nuk ka pasur nivelin e pritur dhe Dembele është penalizuar shumë nga dëmtimet. Grizman pritet të sjellë stabilitet në këtë repart dhe më në fund Mesi do të ketë një partner ideal në ofensivë.

Klubi katalanas ishte gati për të paguar klauzolën prej 90 milionë eurosh, por ishte vetë lojtari që “hodhi në erë” planin e kampionëve të Spanjës duke refuzuar transferimin. Madje këtë e bëri në një mënyrë të padëgjuar më parë, duke përgatitur një dokumentar enkas për këtë çështje.

Kur dukej se palëve nuk mund të kishte më mundësi pajtimi, një lajm befasues vjen nga Franca. Sipas revistës prestigjioze “L’Equipe” në orët e fundit drejtuesit e Barcelonë i kanë dorëzuar 27-vjeçarit një ofertë “faranike”.

Bëhet fjalë për një kontratë 5-vjeçare prej secilës Grizman do të paguhet 16 milionë euro (neto) në sezon. Në ditët në vazhdim do të fillojnë edhe bisedimet ndërmjet drejtuesve të klubeve për të parë nëse ky transferim mund të kryhet me sukses.

“E dinim që do të ishte e vështirë. Ishte një ditë e keqe për ne dhe e katranosëm. Më vjen keq për paraqitjen që bëmë, secili ka përgjegjësitë e veta, unë i pari, sepse nuk arrita dot të futim në ritmin e ndeshjes në ndryshim nga takimi i parë”.

“Ndodhi pak nga gjithçka. Ata ishin superior në çdo nivel, nuk duhet që ta rrihnin 3 me 0. Nuk ishte dita jonë. Nuk më ngelet gjë tjetër veçse t’i uroj”.

AI I MORËT MASAT PËR RONALDON ? – “Ronaldo i merr masat për çdo ekip. Është një lojtari i mahnitshëm. Në ndeshjen e parë i morëm masat për të dhe ai nuk shënoi, sot pati të tre raste për shënim dhe bëri tre gola”.

Grizman shkon në kuotën e 130 golave, duke lënë pas ish-kolegun e tij Fernando Torres. Vendi i katërt dhe i tretë mbahen nga Hoze Garate dhe Pako Kampos, me nga 136 dhe 146 gola secili, shifra këto që Grizman mund t’i kapë brenda këtij sezoni.

Vendi i parë mbahet nga një legjendë spanjolle si Luis Aragones. Grizman i duhet të shënojë 42 gola për të rrëzuar nga “froni” i golashënuesve të ndjerin Aragones.

Golashënuesit më të mëdhenj në historinë e Atletikos së Madridit
Luis Aragones: 172
Adrián Eskudero: 169
Francisko ‘Pako’ Kampos: 146
Hoze Garate: 136
Antuan Grizman 130
Fernando Torres 129

Sipas “afp”, punonjësit social të qytetit të Brives, ku jeton çifti, kanë paditur prindërit, pasi sipas tyre emri i fëmijës është i papërshtatshëm. Me shumë gjasa gjykatësi i çështjes do të detyrojë prindërit të gjejnë emër tjetër për fëmijën e tyre.

Rasti në fjalë ka bërë bujë në të gjitha mediet franceze dhe të gjithë po shpresojnë që foshnjës t’i vendoset një emër normal, që nuk do ta bënte objekt talljeje në të ardhmen.

Monako mund të kishte ngushtuar diferencën, por Falkao nuk u tregua i saktë në një 11-metërsh të ekzekutuar në minutën e 83-të. Aventura e klubit nga principata tani mund të quhet e marrë fund, pasi vetëm një skenar i çmendur mund t’i mbajë ata në lojë vendin e tretë që mbahet momentalisht nga Klub Bryzh.

Lokomotiva e Moskës siguroi fitoren dhe pikët e para në grupin e saj. Kampionët në fuqi të kampionatit rus mundën homologët turq të Galatasarajit me rezultatin 2 – 0. Me këtë rezultat skuadra ruse mban gjallë shpresat për vendin e tretë që i çon automatikisht në fazën e 1/32 të Europa League.

Por, krahas futbollit francezi është i marrosur dhe “NBA” dhe basketbollistit të Minnesota Timberëolves Derik Rouz, të cilin Grizman e konsideron si idhullin e tij më të madh. Drejtuesit e emisionit të famshëm francez “Canal Football Club” e dinin mjaft mirë këtë dhe vendosën ta surprizonin 27-vjeçarin me një video-mesazh special nga vetë Rouz.

"C'est mon idole…" ?

Quand @AntoGriezmann parle de @drose (@Timberwolves) dans le @CanalFootClub ?#CFC @TrashTalk_fr pic.twitter.com/N1VlPMaDRi

— CANAL+ Foot (@CanalplusFoot) November 18, 2018

“ Tonio si je ? Bravo për Botërorin dhe sezonin tënd. Kam një kërkesë shumë të veçantë. Dua që të më gjesh një shtypi, pasi kam ndërmend të vij e të jetoj në Francë. A më ndihmon dot vëlla?”, tha Rouz me shaka.

Grizman dukej i qartë i prekur nga video. “Falë tij fillova të ndiqja ‘NBA’. Është një lojtar që e adhuroj e admiroj. Kam shumë respekt për të”, tha futbollisti francez gati i përlotur pas mesazhit nga idhulli i tij.

https://www.instagram.com/p/BdIg6yogHEV/?utm_source=ig_web_copy_link

https://www.instagram.com/p/Bo2IUtvCxP2/?taken-by=433

Francezët kanë një skuadër mjaft cilësore, me emra si Pogba, Grizman apo Mbape. Normalisht që kur gjërat shkojnë mirë ka vend dhe për argëtim. Dje, Mbape, Grizman, Pogba dhe Dembele kanë udhëtuar drejt “Disneyland”-it për të kaluar një ditë ndryshe.

Një ditë ndryshe për kampionët e Francës që kanë shijuar ditën në maksimum, çka shihet dhe nga foto dhe videot e postuara. Mbape duket se ka kaluar më miri se të gjithë, kjo dhe për faktin se është më i vogli nga grupi, por me trenin e shpejtësisë si ka gjërat mirë.

Mickey Mouse & World Champions ?? @disneylandparis pic.twitter.com/UeiD8uaut5

— Kylian Mbappé (@KMbappe) October 12, 2018