Krahas dyshes së francezëve, Bajerni do të kryejë dhe disa afrime të tjera në repartin e sulmit. Vendet e lëna bosh nga largimi i Frank Riberi dhe Arjen Roben priten të plotësohen.

Në një intervistë për mediet gjermane fill pas kurorëzimit si kampion i Gjermanisë, presidenti i Bajernit, Uli Hënes, zbuloi se buxheti i mbeturi i Bajernit nuk i kalon të 80 milionë eurot.

Kjo deklaratë e numrit 1 të bavarezëve shuan çdo mundësi të ardhjes së Antuan Grizman në Mynih. Fokusi do të mbetet te transferimi i talentit anglez Kalum Hadson-Odoi. Sulmuesi 18-vjeçar nuk u lëshua nga Çelsi gjatë merkatos së janarit, pavarëisht se për të Bajerni ofroi plot 40 milionë euro.

Me anë të një postimi në llogaritë zyrtare të klubit në rrjetet sociale, klubi madrilen ka bërë të ditur se lojtari ka shprehur dëshirën për t’u larguar nga ekipi “rojiblancos”.

.@AntoGriezmann ha comunicado al club que no seguirá como rojiblanco la próxima temporada.

— Atlético de Madrid (@Atleti) May 14, 2019

Destinacioni i ardhshëm i 28-vjeccarit do të jetë Barcelona. Në ditët në vazhdim pritet që klubi katalanas të aktivizojë klauzolën e largimit prej 120 milionë eurosh.

Grizman shkon në kuotën e 130 golave, duke lënë pas ish-kolegun e tij Fernando Torres. Vendi i katërt dhe i tretë mbahen nga Hoze Garate dhe Pako Kampos, me nga 136 dhe 146 gola secili, shifra këto që Grizman mund t’i kapë brenda këtij sezoni.

Vendi i parë mbahet nga një legjendë spanjolle si Luis Aragones. Grizman i duhet të shënojë 42 gola për të rrëzuar nga “froni” i golashënuesve të ndjerin Aragones.

Golashënuesit më të mëdhenj në historinë e Atletikos së Madridit
Luis Aragones: 172
Adrián Eskudero: 169
Francisko ‘Pako’ Kampos: 146
Hoze Garate: 136
Antuan Grizman 130
Fernando Torres 129

Në një intervistë, lojtari francez ka zbuluar për mediat spanjolle, se fillimi i tij te Atletiko ishte shumë i vështirë, kjo më së shumti për shkakun e filozofisë së lojës që përdor Diego Simeone. Gjithsesi, Grizman pranon se shokët e ekipit e ndihmuan shumë, por mbi të gjithë veçoi një.

“Në fillim ishte shumë e vështirë që të përshtatesha me filozofinë e Simeones. Përfshinte shumë direktiva mbrojtëse, duhet të vrapoje shumë, por në fund me punë çdo gjë arrihet, normal dhe shokët e ekipit më ndihmuan shumë. Diego Godin ishte ai që më ndihmoi pak më shumë nga të tjerët”.

Ndeshja nisi me një Atletiko mjaft kërkuese, ku që në minutat e para madrilenët kërkuan golin. Përpjekjet e të besuarve të Simeones u shpërblyen në minutën e 25-të, ku Santiago Arias krosoi mirë për Nikola Kaliniç, i cili u tregua i saktë dhe dërgoi në avantazh ekipin e tij. Goli i shënuar nga kroati qëndroi deri në fund të gjysmës së parë, me ekipet që iu drejtuan dhomave të zhveshjes.

Në fraksionin e dytë, Alavesh u fut më e motivuar, teksa dominoi në kontrollin e lojës, por rastet që krijoi nuk u konkretizuan. Nga kjo gjë përfitoi Atletiko, ku në minutën e 81-të ishte Antuan Grizman, i cili shënoi pas një kundërsulmi, me pak fat, pasi topi u përplas fillimisht në shtyllë. Dy minuta nga fundi, ishte momenti dhe për Rodrin, i cili çoi shifrat në 3-0.

Kështu, Atletiko merr një sukses mjaft të rëndësishëm dhe tashmë ngjitet në krye së bashku me Barcelonën në kuotën e 28 pikëve. Katalanasit do të luajnë mbrëmjen e sotme derbin ndaj Espanjol, në një transfertë të vështirë, pasi forma që po kalon kjo e fundit është ndër më të mirat e viteve të fundit për klubin.

Të shumtë shohin Luka Modriç si pretendent serioz, por ndërkohë Franca fitoi Botërorin dhe lojtarë si Grizman e Mbape mahnitën, ashtu si në klubet përkatëse këtë vit.

Pikërisht sulmuesi i Atletikos, Antuan Grizman, është më i hapuri nga të gjithë kur bëhet fjalë për Topin e Artë, sepse nuk mundohet të tregohet diplomat, duke e thënë hapur se ka bërë gjithçka për të merituar trofeun.

Ndërkohë , France Football ka kryer një intervistë me kampionin e botës, duke e vendosur në faqen e parë të revistës, me titullin domethënës: “Topi i Artë duhet t’i shkojë një francezi!”.

Grizman i ka idetë e qarta, por në votimin final do të shihet sa vlejnë mesazhet e tij.

Gruaja e futbollistit të Atletikos ideoi një surprizë të bukur, ku ndërthuri pasionin më të madh të bashkëshortit, futbollin. Francezi e mësoi gjininë e fëmijës së tij të dytë duke goditur me top një tabelë, që më pas solli që një tufë tullumbacesh të dilnin nga një kuti e fshehur. Ngjyra e tullumbaceve ishte blu, për të treguar se së shpejti familjes së tyrë do t’i bashkohet një djalë.

Antoine Griezmann se enteró que su segundo hijo será nene. ¿Cómo? Así. HERMOSO. ????pic.twitter.com/RuU2qT0b1d

— Ataque Futbolero (@AtaqueFutbolero) October 6, 2018

Sulmuesi francez ishte zgjedhja e parë e Mançester Junajtid për sulmin, para Lukakut, me Murinjon që ishte gati të ofronte edhe 100 milionë euro.

Edhe vetë Grizman shpesh kishte deklaruar se Junajtid i pëlqente, por ndalej aty, duke sqaruar se nuk do të bënte asgjë pa aprovimin e Atletikos.

Para pak javësh gjithçka ndryshoi, sepse FIFA i bllokoi merkaton Atletikos dhe KAS konfirmoi. Kjo do të thotë që nëse Atletiko shet këtë verë, nuk lejohet të blejë, ndaj shitja e Grizmanit do të varfëronte ndjeshëm skuadrën.

Sulmuesi 26-vjeçar u takua me klubin dhe trajnerin Simeone, të cilët i thanë: “Antuan, ne duam që të qëndrosh. Nëse të shesim, nuk kemi askënd në sulm, ndaj të lutemi të qëndrosh të paktën edhe një sezon”.

Grizman jo vetëm që ka pranuar, por edhe ka rinovuar, duke treguar me vepra se e dashuron Atletikon.

Problem? Asnjë, fundja nëjanar ose verën e ardhshme ofertat për Grizmanin do të shtohen. Ah, po, ka një problem: prokuratori i Grizmanit prej 12 vitesh, Erik Olhats, ka mbetur i dëshpëruar nga veprimi i Grizmanit dhe duket se ka pasur debate të ashpra me të, duke arritur deri tek divorci.

“Vendimet e fundit të Grizmanit nuk përputhen me planet që kisha në mendje për marrëdhënien tonë profesionale. E falënderon për besimin që ka pasur tek unë gjatë gjithë këtyre viteve dhe i uroj gjithë të mirat në këtë kapitull të ri të karrierës së tij”, ka deklaruar Olhats për L’Equipe. Pikërisht Olhats e ka zbuluar Grizmanin, në moshën 14 vjeç në një ndeshje të ekipeve të moshave të Monpeljesë, ndërsa më pas e transferoi te Real Sociedadi, klub me të cilin bashkëpunon dhe është ende zbulues talentesh.

Përtej shpjegimit të Olhats, nuk është aq e thjeshtë kjo histori, sepse me sa duket agjenti e ka premtuar Grizmanin në Mançester dhe do ketë pasur edhe një komision të frikshëm për vete, që tani e humbet. Nëse mendohet historia e Donarumës me Milanin…

Edhe vetë Grizman kohët e fundit kishte lëshuar disa deklarata të paqarta (“Ka 60% mundësi që të largohem), duke u hapur rrugë spekulimeve, por sot ka marrë fund gjithçka, sepse sulmuesi ka rinovuar me Atletikon deri në vitin 2022.

Kontrata e re është një vit më e gjatë se e mëparshmja dhe tani e tutje Grizman bëhet futbollisti më i paguar i Atletikos, por klauzola prej 100 milionë euro për prishjen e kontratës nuk është ndryshuar.

Një nga arsyet që çuan te rinovimi është edhe bllokimi i merkatos së Atletikos këtë verë nga FIFA, që do të thotë se nëse Grizman shitej, nuk mund të blihej një zëvendës për të deri në janar.

Vetë Grizman foli sot për faqen zyrtare të klubit: “Së pari, kërkoj falje nëse deklaratat e mia janë keqkuptuar. Ndoshta jam shprehur gabim, ose mediat kanë abuzuar, por që kur kam ardhur kam dhënë gjithçka për këtë klub dhe jam shumë i lumtur që do të vazhdoj të jem këtu. Do t’iu falënderoj të gjithë duke dhënë gjithçka në fushë, si zakonisht”.

Sulmuesi 26-vjeçar u transferua tek Atletiko në sezonin 2014-15 nga Real Sociedadi dhe që atëherë ka shënuar 83 gola për “Colchoneros”.

???? L’Atleti est heureux d’annoncer la prolongation du contrat d’@AntoGriezmann jusqu’en 2022 ???#Griezmann2022 #AúpaAtleti pic.twitter.com/8RtJNC7GZy

— Atlético de Madrid (@AtletiFR) June 13, 2017