griezman

Nejmar apo Grizman? Suarez e shpreh qartë dëshirën e tij!

Sport Ekspres — Tue, 18 Jun 2019 21:44:07 +0000

Nejmar apo Antuan Grizman? Kjo është dilema më e madhe e Barcelonës aktualisht, me katalanasit që janë në garë për të dy yjet. Kësaj çështje duket se i ka dhënë zgjidhje Luis Suarez.

Sulmuesi i blaugranave, i cili ndodhet në grumbullim me Uruguajin e tij në Copa America ka folur së fundmi edhe për temën e nxehtë Nejmar-Grizman, ku me sa duket e ka shprehur qartë të preferuarin e tij, duke thënë se me çdokush ka dëshirë të luajë me Nejmar.

Nejmar – “Ishte një privilegj që të ndaja vitet më të mira të karrierës sime me lojtarin më të mirë në botë, që është Leo Mesi, dhe me Nejmar, i cili ishte i dyti më i miri në botë kur luante te Barça. Kush është ai që nuk dëshiron të shijojë lojtarë si Nejmar”.

Grizman – “Për Grizman e kam thënë që vitin e kaluar se çfarë cilësish ka si lojtar, por është i Atletikos së Madridit dhe preferoj që ai të flasë vetë për këtë gjë”.

Valverde kundër lojtarëve, merret vendimi për çështjen “Grizman”!

Sport Ekspres — Wed, 05 Jun 2019 08:59:45 +0000

Merkatoja e Barcelonës pritej të hapej prej kohësh, me Antuan Grizman që supozohej të ishte një lojtar i katalanasve tashmë. Gjithsesi, javën e shkuar bëri bujë lajmi që lojtarët blaugrana nuk e duan francezin në “Camp Nou”.

Sidoqoftë, është trajneri i Barçës që mendon ndryshe. Siç raportojnë mediat spanjolle, Ernesto Valverde ka dhënë dritën jeshile për Grizman, me drejtuesit e klubit që pritet të nisin sulmin për të siguruar shërbimet e tij.

? No genera consenso en el vestuario
? Ya lo esperaba el año pasadohttps://t.co/kY3w9ALNJY

— AS (@diarioas) June 5, 2019

Pavarësisht se lojtarët nuk e pëlqejnë një lëvizje të tillë, numri një i stolit katalanas duket se e ka marrë vendimin dhe tashmë, Grizman duket gjithnjë e më pranë Barcelonës.

Grizman: Ronaldo i mahnitshëm, ata superiorë në çdo nivel

Sport Ekspres — Tue, 12 Mar 2019 22:52:21 +0000

Antuan Grizman foli para gazetarëve pak momente pas mbarimit të ndeshjes në Torino. Sulmuesi francez komplimentoi Juventusin dhe Kristiano Ronaldon për ndeshjen e sotme dhe mori përgjegjësit e tij për paraqitjen e dobët.

“E dinim që do të ishte e vështirë. Ishte një ditë e keqe për ne dhe e katranosëm. Më vjen keq për paraqitjen që bëmë, secili ka përgjegjësitë e veta, unë i pari, sepse nuk arrita dot të futim në ritmin e ndeshjes në ndryshim nga takimi i parë”.

“Ndodhi pak nga gjithçka. Ata ishin superior në çdo nivel, nuk duhet që ta rrihnin 3 me 0. Nuk ishte dita jonë. Nuk më ngelet gjë tjetër veçse t’i uroj”.

AI I MORËT MASAT PËR RONALDON ? – “Ronaldo i merr masat për çdo ekip. Është një lojtari i mahnitshëm. Në ndeshjen e parë i morëm masat për të dhe ai nuk shënoi, sot pati të tre raste për shënim dhe bëri tre gola”.