Sulmuesi i Panionios ka pasur së fundmi një bisedë me trajnerin e Greqisë dhe e ka bërë zgjedhjen e tij. Gjithsesi për këto dy ndeshje nuk është grumbulluar. Që të luajë me kombëtaren helene më parë duhet që Durmishaj të marrë “OK” nga FIFA.

Futbollisti 22-vjeçar është aktivizuar me Shqipërinë U21 dhe ka procedura që duhen kryer para se të mund të luajë për Greqinë. Me shumë mundësi sulmuesi do të mund të luajë me Greqinë në ndeshjet e qershorit me Italinë dhe Armeninë.

LISTA E GREQISË PËR TAKIMET ME LIHTENSHTEJNIN DHE BOSNJEN
Barkas, Paschalakis, Vlachodimos, Papastathopoulos, Sivas, Rissanis, Bakakis, Koutris, Valerianos, Mavrias, Kolovos, Samaris, Mandalos, Bakasetas, Masoura, Buchalakis, Zekas, Kourbelis, Siopis, Fortunis, Mitroglou, Koulouris, Dionis.

Humbja e fundit me Finlandën i nxori jashtë garës për vendin e parë dhe është parë e rrugës të bëhet një ndryshim. Skibe do t’i lërë vendin Anxhelos Anastasiadis dhe kështu pas tre vitesh Greqia ka një trajner të ri.

“Vendosëm t’i japim fund bashkëpunimit tonë me z. Skibe dhe në të njëjtën kohë është vendosur të emërojmë Anxhelos Anastasiadis. Vendimi i federatës, siç lehtësisht kuptohet, është rezultat i ecurisë së keqe dhe rezultateve të marra kohët e fundit”, u shpreh presidenti i federatës,  Vanxhelis Gramenos.

Anastasiadis prej vitit 2016 nuk drejton një ekip, por ka një eksperiencë të gjatë prej vitit 1995. Ai ka drejtuar PAOK-un, Iraklisin, Panathinaikosin e PAS Janinë, ndërkohë që ka qenë për shtatë vite në krye të Qipros në periudhën 2004-2011. Greqi për herë të parë pas 17 viteve emëron një trajner grek që të mos drejtojë përkohësisht skuadrën, sikurse ka ndodhur në momente të caktuara gjatë këtyre viteve.

Sot Finlanda mundi 2-0 Greqinë me një paraqitje mbresëlënse, ashtu si në tre ndeshjet e mëparshme, sepse ka 12 pikë dhe asnjë gol të pësuar.

Pjesa e parë nuk prodhoi gola dhe Greqia kishte detyrimin minimal të mos mundej në Tampere, ndërkohë që në Finlandë nuk ka fituar kurrë.

Ndonëse favorite në letër, skuadra helene u dërrmua nga goli i Soirit sapo nisi pjesa e dytë, ndërsa Kamara në minutën e 89-të bëri të shpërthente festa në Finlandë, aty ku tashmë ëndërrojnë një vend në Europianin 2020, edhe pse ka ende shumë rrugë përpara.