Greqi

Fitore bindëse në Volejboll, Shqipëria mund Greqinë

Sport Ekspres — Tue, 25 Jun 2019 18:57:44 +0000

Kombëtarja U20 e Volejbollit ka regjistruar një fitore bindëse ndaj Greqisë në kuadër të “Kampionatit Ballkanik”. Kuqezinjtë kanë mposhtur përfaqësuesen helene në tri sete (26 – 24, 26 – 24, 25 – 16). Ndeshja u zhvillua në sallën e lojërave “Feti Borova”, Tiranë.

Ky ishte takimi i dytë e Shqipërisë në këtë turne që zhvillohet në Tiranë prej ditës së djeshme. Në sfidën e mëparshme Shqipëria regjistroi fitore 3 – 0 ndaj Kosovës. Ditën e nesërme kuqezinjtë do zhvillojnë ndeshjen e fundit të fazës së grupeve kundër Maqedonisë së Veriut.

VIDEO | Italia rikthehet e frikshme, spektakël “axurr” në Athinë

Sport Ekspres — Sat, 08 Jun 2019 20:49:00 +0000

Italia ka zhvilluar ndeshjen më të mirë të epokës Mançini mbrëmjen e sotme në Athinë ndaj Greqisë. Një fitore e pastër 3 – 0 me të gjithë golat që u shënuan brenda pjesës së parë. Mesa duket në grupin e kombëtares “axurre” do ketë konkurrencë vetëm për vendin e dytë.

Barela thyen i pari mbrojtjen Helene me një gol ku rol kuç luajti Beloti që dha një asist të mrekullueshëm. Vetëm pak minuta më vonë vijnë dy golat e radhës. Fillimisht Insinje realizon një gol fantastik, ndërsa listës së shënuesve i bashkohet dhe mbrojtësi Bonuçi.

GREQI 0 – 3 ITALI
Shënues: Barela 23′, Insinje 30′, Bonuçi 33′

VIDEO | Barela nxjerr “nokaut” kapësin e topave, historia ka një fund të lumtur

Sport Ekspres — Sat, 08 Jun 2019 20:04:29 +0000

Nikolo Barrela u bë protagonist i një ngjarjeje të çuditshme në takimin e sotëm midis Greqëisë dhe Italisë në Athinë. Në nerva e sipër mesfushori italian shkelmon fort topin që më pas përplaset në fytyrën e një prej kapësve të topave që ndodhej shumë pranë futbollistit.

Menjëherë sapo shikon vogëlushin që bie në tokë, Barrela kapërcen tabelat e reklamave për të parë gjendjen e djalit. Fatmirësisht gjithçka ishte në rregull dhe pas një përqafimi Barela rikthehet në fushë.

Il mio capitano pic.twitter.com/93TFIuyUOf

— rowstock (@rowstock09) June 8, 2019

VIDEO | Italia bën ligjin në Athinë, spektakël nga Insinje&Co.

Sport Ekspres — Sat, 08 Jun 2019 19:50:56 +0000

Italia duket se e ka pasur shumë të thjeshtë të tregojë forcën ndaj Greqisë në Athinë. Fraksion i parë i lojës u mbyll me avantazhin 3 – 0 të ekipit “axurr”. Mesfushori Nikolo Barela është ai që tundi i pari rrjetën, ndërsa pak minuta më vonë vijnë golat e Insinjes realizon një “perlë”. Listës së shënuesve i bashkohet dhe qendërmbrojtësi Leonardo Bonuçi.

GREQI 0 – 3 ITALI
PJESA E PARË
Shënues: Barela 23′, Insinje 30′, Beloti 33′

Italia synon “pushtimin” e Athinës, Greqia kërcënon me “tredhëmbësh”

Sport Ekspres — Sat, 08 Jun 2019 18:09:40 +0000

Italia pas pak do të sfidojë Greqinë për eliminatoret e EURO 2020. Kombëtarja axurre qëndron në vendin e parë të Grupit J me dy fitore në dy ndeshje. Ndërkohë edhe Greqia nuk e ka nisur keq, ku regjistrojnë një fitore dhe një barazim.

Formacionet nuk kanë shumë surpriza. Roberto Mançini ka në dizpozicion të gjithë skuadrën, në përjashtim të Donarumës. Surpriza e vetme është mungesa e golashënuesit më të mirë të kampionatit italian, Fabio Kualjarela.

Në vend të tij do të zbresë Beloti, Duhet të themi se sulmuesi i Torinos është një pikë kyçe e formacionit. Edhe të Greqia nuk ka surpriza. Trajneri ka zgjedhur më të mirët, ndërsa skema taktike do të jetë 3-4-3.

Greqi-Itali

Kualifikiueset, Euro 2020

Greqia (3-4-3): Vasilis Barkas, Sokratis, Manolas, Dimitros Siovas, Samaris, Zeka, Kurbelis, Stafidhis, Fortunis, Kolovos, Masuras. Trajner, Angelos Anastasiadhis

Italia (4-3-3): Sirigu, Emerson Palmieri, Kielini, Bonuçi, Florenci, Verrati, Zhorzhinjo, Nikolo Barela, Insinje, Beloti, Kieza. Trajner: Roberto Mançini.

Oferta nga Italia dhe Holanda, Mihaj hedh dritë mbi të ardhmen

Sport Ekspres — Wed, 05 Jun 2019 15:26:17 +0000

Qendërmbrojtësi i kombëtares shqiptare, Enea Mihaj, ka dhënë një intervistë për “Supersport”, ku ka folur për gjendjen e kombëtares nën drejtimin e trajnerit italian Edi Reja. Ndër të tjera, 21-vjeçari tregoi në intervistë se interesi për të është i lartë dhe një largim nga skuadra e Panetolikos është mëse i mundshëm.

SISTEMI I EDI REJËS – “Kemi punuar shumë mirë këto dy javë. I gjithë ekipi është i përqendruar te puna. Besoj se me trajnerin e ri dhe sistemin e ri që do të përdorim do marrim rezultate të mira. Sistemi me tre mbrojtës do japë pak më shumë siguri në mbrojtje, por kërkon komunikim më të mirë midis lojtarëve, pa të do kemi shumë probleme. Kemi tre javë që punojmë me këtë sistem dhe besoj se të gjithë lojtarët e dinë se ç’duhet të bëjnë në këtë sistem”.

“Të gjithë lojtarët e kombëtares janë gati. Duhet të presim momentin kur të na jepet mundësia dhe të japim 100%. Kur të jetë radha ime të futem do të jap 100% të ndihmoj kombëtaren”.

E ARDHMJA – “Kam pasur oferta nga dy ekipe në Itali dhe një nga Holanda, ndërsa dy klube gjermane kanë shfaqur interes, por prej tyre nuk ka oferta. Më duhet të pres, nëse do vazhdoj në Greqi ose do të largohem nuk është në dorën time. Klubi do shqyrtojë ofertat”.

VIDEO | Sezon përrallor i PAOK, trofeu i Kupës shkon sërish në Selanik

Sport Ekspres — Sat, 11 May 2019 21:04:26 +0000

PAOK është shpallur kampion i Kupës së Greqisë për të shtatën herë në histori. Skuadra nga Selaniku mundi në finale AEK-un falë golit të vetëm të sulmuesit anglez Çuba Akpom.

Kupa është kthyer në një trofe tejet të preferuar të PAOK-ut gjatë viteve të fundit, pasi ky është viti i tretë radhazi që ky trofe shkon në Selanik. Megjithatë, këtë vit shijon më shumë se çdo herë tjetër, pasi është hera e parë që PAOK-u fiton kupën dhe kampionatin në të njëjtin sezon.

?????????? ??? ??????? ???? ????? ?? ?????! #PAOK #Champions #CupWinners #TheFutureIsHere pic.twitter.com/RItuunnbmz

— PAOK FC (@PAOK_FC) May 11, 2019

VIDEO | Merr fund pritja 34-vjeçare, PAOK-u kthen titullin në Selanik

Sport Ekspres — Sun, 21 Apr 2019 19:15:21 +0000

PAOK është shpallur zyrtarisht kampion i Greqisë për të tretën herë në histori. Klubi nga Selaniku mundi 5 – 0 Levadhiakosin, duke i dhënë fund kështu një pritje 34-vjeccare për titullin kampion.

Teksa ka mbetur edhe një ndeshje për t’u luajtur kampionët e Greqisë mbeten ende të pamposhtur në kampionat ku kanë regjistruar 24 fitore dhe pesë barazime.

Në fund të ndeshjes në qendër të fushës u montua një skenë ku do të zhvillohet festa e titullit deri në orët e vona të natës.

Mihaj: Greqia ishte zgjedhja ime e parë, i veçantë debutimi me Shqipërinë

Sport Ekspres — Fri, 29 Mar 2019 11:40:15 +0000

Qendërmbrojtësi i kombëtares shqiptare, Enea Mihaj, ka dhënë një intervistë për medien greke “gazeta.gr”. Futbollisti i Panetolikosit foli mbi pranimin e ftesës për të luajtur për kombëtaren shqiptare

ÇËSHTJA E KOMBËTARES – “Është e vërtetë që në fillim dëshira ime ishte që të luaja me përfaqësuesen e Greqisë, por nuk pati interes nga ana e tyre. Shqipëria bëri përpjekje të forta për gati një vit për dhe unë e vlerësova këtë gjë, ndihem krejtësisht i justifikuar për këtë zgjedhje.”

PANETOLIKOS – “Panetolikos më mori nga Rodesi dhe më plotësoi ëndrrën time. U bëra një futbollist profesionist dhe luaj në Superligë. Çdo ditë punoj fort për skuadrën dhe vetën time, që të përmirësohem ndeshje pas ndeshje”.

MOMENTET MË TË VEÇANTA – “Do të veçoja debutimin time në ndeshjen në transfertë kundër PAOK-ut, fitoren ne Agrinio kundër Panathinaikosit dhe pjesëmarrjen në ligën e kombeve në ndeshjen ndaj Skocisë”.

VIDEO | Magjia e futbollit ekziston kudo, shijoni “perlën” e radhës!

Sport Ekspres — Tue, 26 Mar 2019 08:03:27 +0000

Ndonjëherë nuk ka shumë rëndësi kategoria apo niveli i skuadrave për të shijuar gola të mrekullueshëm. Magjia e futbollit është e tillë që mund të dhurojë emocione në fushën e blertë në çdo lloj ndeshje.

Diçka e tillë ka ndodhur në divizionin e tretë të futbollit grek. Luhej ndeshja PAO Vardas-Foivos Kremasti, që përfundoi me fitoren 0-1 të miqve. Goli i ndeshjes është një perlë e vërtetë.

Rreth 90 metra sprint me topin në këmbë nga Lamin de Phoivu, i cili shmang këdo që i del para dhe në fund shënon me një lehtësi për t’u duartrokitur. Festë e madhe për miqtë, të cilët vrapojnë të gjithë pas “heroit” të tyre, ndërsa ky mund të jetë një nga golat më të bukur të vitit 2019.

VIDEO | Kaos në derbin e Athinës, tifozët e Panathinaikos mësyjnë në fushë

Sport Ekspres — Sun, 17 Mar 2019 19:28:07 +0000

Derbi midis Panathinaikos dhe Olimpiakos është shoqëruar me incidente të shumta ku protagonistë janë bërë tifozët e ekipit vendas. Fillimisht ndeshja u ndërpre në minutën e pestë, pasi me dhjetëra tifozë u futën në fushë dhe iu versulën stolit ku po qëndronte stafi i Olimpiakos.

Ndërhyrja e policisë bëri që situata të normalizohej dhe ndeshje arbitri të rifillonte ndeshjen pas 10 minutash. Olimpiakos zhbllokoi sfidën në fillimin e pjesës së dytë, ndërsa më pas tifozët e Panathinaikos rifilluan të shkaktonin trazira çka solli ndërprerjen e dytë të ndeshjes.

Vangjeli: Në 2004-ën refuzova ftesën e Greqisë, ja çfarë i them Durmishajt

Sport Ekspres — Sun, 10 Mar 2019 23:01:42 +0000

Kristi Vangjeli ka qenë i ftuar në një lidhje direkte në emisionin “Zona Gol” në “Supersport”. Mbrojtësi i Skënderbeut foli në lidhje me rastin Durmishaj, ku kujtoi se vite më parë ishte gjendur në të njëjtën pozitë, por në ndryshim nga sulmuesi i Panionios, ai i kishte kthyer përgjigje negative ftesës së përfaqësueses helene.

“Është një lojtar që ka treguar nivel të lartë me Panionios gjatë viteve të fundit. Besoj se do ta vazhdoj në një ekip më të madh brenda ose jashtë Greqisë”.

“Mendoj se Durmishaj s’do jetë kurrë në 100% e tij me kombëtaren greke, me kombëtaren shqiptare do jepte shumë më shumë. Mendoj se e shikon si një vlerë më shumë për të dalë në tregun evropian. Besoj se dhe menaxherët i kanë bërë presion duke e çuar në ekipin e Greqisë”.

“Kur kam qenë me ekipin e Arisit dhe pjesë e shpresave të Shqipërisë, kam marrë një ofertë në thonjëza për të përfaqësuar Greqinë në lojërat olimpike “Athinë 2004”. Kam takuar drejtuesit e lartë dhe i dhashë përgjigjeve negative”.

“Vendimi për Durmishajt nuk ka është marrë nga familja, por besoj se faktor kryesor në këtë zgjedhje të Durmishajt ka qenë menaxheri i tij”, tha lojtari i Skënderbeut.

PEZULLIMI I KAMPIONATIT – “Realisht është diçka e mirë që nuk do të luajmë në Kupë dhe kalojmë në gjysmëfinale. Tani duhet të fokusohemi në kampionat, ku na duhen pikë për t’u afruar vendeve të Kupave të Europës. Kemi një ndeshje të vështirë ndaj Kukësit, skuadër shumë e mirë që ka treguar se di të marrë pikë edhe në Korçë”

GJYQI NË CAS – “Unë nuk di asnjë gjë. Unë po ashtu si të gjithë kam lexuar komunikatën në “Facebook” të klubit. Shpresoj që ky proces të ketë një fund të mirë për Skënderbeun dhe të gjithë futbollit shqiptar. E them këtë, pasi Skënderbeu ishte ekipi që ngriti nivelin dhe këtë vit e kemi parë që është ulur cilësia e kampionatit për shkak të uljes së investimit nga klubi jonë”.

Në Greqi të bindur, Durmishaj do të luajë për kombëtaren helene

Sport Ekspres — Tue, 05 Mar 2019 17:16:38 +0000

Florin Durmishaj po bën një sezon të shkëlqyer me fanellën e Panionios dhe 22-vjeçari flitej shumë edhe për një grumbullim me kombëtaren tonë kuqezi. Megjithatë, sulmuesi duket se ka zgjedhur Greqinë dhe së bashku me menaxherët e tij, kanë nisur plotësimin e dokumenteve përkatëse.

Trajneri i Greqisë, Angelos Anastasiadis e ka thënë publikisht se e do 22-vjeçarin në skuadër. Durmishaj ka luajtur me U-21 e Shqipërisë dhe ky pritet të jetë një problem për grekët, por asgjë që nuk mund të zgjidhet.

Në Greqi, janë të bindur se Durmishaj do të luajë për kombëtaren helene. FSHF do të plotësojë disa dokumente “lirimi” dhe Durmishaj do të aktivizohet për kombëtaren bardheblu.

Befason Durmishaj, braktis Shqipërinë dhe i thotë “po” Greqisë

Sport Ekspres — Mon, 04 Mar 2019 08:40:02 +0000

Fiorin Durmishaj pritej të merrte ftesën e parë nga ekipi kombëtar në grumbullimit e muajit mars, por së fundmi situata ka marrë një kthesë 180 gradë. Sulmuesi i shpresave të Shqipërisë duket se ka zgjedhur të pranojë ftesën e kombëtares greke. Lajmi konfirmohet nga vetë trajneri i përfaqësueses helene.

Tekniku i kombëtares greke Angelos Anastasiadis, konfirmoi në kanalin “Open TV” se futbollisi i Panioniosit i është përgjigjur pozitivisht ftesës së tij. “Fola para disa ditësh me Durmishjan dhe e pyeta nëse kishte dëshirë të vinte në kombëtaren tonë dhe më dha po, pra ai kërkon të jetë në skuadrën tonë kombëtare”, tha trajneri i Greqisë.

Në lidhje me Durmishajn ka folur dhe drejtori teknik i kombëtares greke, Angel Basinas: “Kemi biseduar me lojtarin dhe agjentin e tij . Besoj se javën tjetër do mbyllëm me pozitivisht këtë punë”.

E bujshme | Dënim ekzemplar nga UEFA, përjashtohen kampionët e Greqisë

Sport Ekspres — Fri, 22 Feb 2019 18:06:54 +0000

Përballja midis AEK-ut të Athinës dhe Ajaksit të Amsterdamit më 27 nëntor, mori vëmendje të madhe nga mediet botërore për përplasjet midis dy tifozerive. Dhunë brenda e jashtë stadiumit dhe madje sulme me bombë molotov, të gjitha këto kanë mjaftuar që UEFA të japë një dënim ekzemplar.

Kampionët në fuqi të Greqisë janë dënuar me një pezullim një vjeçar nga kompeticionet e UEFA-s, që do të hyjë në fuqi në edicionin e radhës, ku klubi nga Athina do të kualifikohet.

UEFA nuk është mjaftuar vetëm me kaq. Krahas përjashtimit AEK do të luajë më dyer të mbyllura dy ndeshjet e ardhshme në Europë, ndërsa klubi do t’i duhet të paguajë dhe një gjobë prej 80 mijë eurosh.

https://twitter.com/ultrastyle01/status/1067489890462511109

PAMJE TË RËNDA

VIDEO | Festë në Selanik, PAOK mund Olimpiakosin dhe marshon drejt titullit

Sport Ekspres — Sun, 10 Feb 2019 19:26:45 +0000

Në Selanik besojnë më shumë se kurrë se pritja 34-vjeçare e PAOK-ut për një titull kampion po vjen drejt fundit. Në përballjen e sotme ndaj rivalëve të Olimpiakosit skuadra selanikase fitoi bindshëm me rezultatin 3 – 1.

Me tri pikët e siguruara ditën e sotme, PAOK çon diferencën me Olimpiakosin në nëntë pikë, ndërsa mbeten dhe 10 javë kampionat.

Në “Toumba Stadium” nuk kishte si të mungonte mbështetja e zjarrtë e tifozëve të PAOK-ut, që nuk lënë ndeshje pa dhënë spektakël në tribuna. Vierinja dhe Bisevar shënuan për vendasit në minutën e 3-të dhe 19-të, ndërsa Akpom shënoi golin që vulosi takimin në minutën e 83-të.

PAOK 3 – 1 Olimpiakos

Shënues: Vierinja 3, Bisevar 18′ Apkom 83’/ Podence 88′

Futsall | Sukses me aromë kualifikimi për kuqezinjtë, mposhtin Greqinë

Sport Ekspres — Fri, 01 Feb 2019 19:25:35 +0000

Skuadra e Shqipërisë në Futsall ka mundur bindshëm rivalët e Greqisë, me rezultatin 5-3. Të besuarit e Erind Resulit kanë bërë një ndeshje shumë pozitive dhe kanë arritur të marrin fitoren e dytë radhazi, pas asaj kundër San Marinos, dhe janë kualifikuar në raundin tjetër të këtij kompeticioni.

Golat nga Halimi, Mejzini, Alimi dhe dopieta e Selmanajt i dhanë triumfin kuqezinjtë tanë. Kjo ishte vetëm faza e parë e kualifikuesve për Botërorin “Lituani 2020”.

Shiqpëri – Greqi 5-3
Halimi, Mejzini, Alimi, Sellmanaj x2

VIDEO | Magji e Durmishajt, bomberi vazhdon të shënojë në Greqi

Sport Ekspres — Wed, 30 Jan 2019 14:26:45 +0000

Florin Durmishaj po kalon momente shumë të mira në kampionatin grek të futbollit dhe është shndërruar në lojtarin më të mirë te skuadra e Panionis. Sulmuesi 22-vjeçar ka shënuar edhe në takimin e sotëm përballë Asteras Tripolis.

Bomberi shqiptar i dha avantazhin skuadrës së tij në minutën e 37’ të takimit, me një supergol. Ky ishte goli i gjashtë i Durmishajt në kampionatin greg të futbollit dhe është golashënuesi më i mirë i skuadrës së tij. Ky gol i Durmishajt i dha fitoren skuadrës së tij, e cila mori tri pikë shumë të rëndësishme për objektivat që ka.

Greqi, Super League

Panionios – A. Tripolis 1-0
Durmishaj 37’

VIDEO I pafati Kaçe, traversa i mohon një gol fantastik

Sport Ekspres — Sun, 13 Jan 2019 22:04:14 +0000

Ergys Kaçe luajti për 90 minuta në takimin midis Panathinajkosit dhe Ksanthit. Ndeshja u mbyll me rezultatin 2 – 2, me ekipin vizitor që barazoi shifrat në minutën e shtatë të kohës shtesë.

Mesfushori shqiptar ishte shumë pranë shënimit të golit këtë takim, por fati nuk ishte me të. Kaçe ka ndarë në llogarinë e tij në “Instagram”, videon e rastit të shkëlqyer, ku gjuajtja e tij nga distanca u ndal nga traversa.

https://www.instagram.com/p/BslsPmPATk6/?utm_source=ig_web_copy_link

Futbolli grek në kaos, pezullohet kampionati

Sport Ekspres — Thu, 20 Dec 2018 20:32:45 +0000

Dhuna ndaj arbitrit Thanasis Tzilos ishte një nga lajmet që tronditi futbollin grek mëngjesin e ditës së djeshme. Gjyqtari i FIFA-s, u rrah nga katër persona të paidentifikuar dhe siç është raportuar ka pësuar plagë në kokë edhe në trup. Ditën e sotme 35-vjeçari la spitalin e Larisës dhe lidhur me këtë çështje federata greke ka marrë një vendim.

Ndeshjet e programuara të Superligës greke, për këtë fundjavë do të shtyhen, teksa për momentin kampionati është pezulluar. Fillimisht në komunikatë doli shoqata e arbitrave, të cilët u shprehën se ngjarja ishte e turpshme dhe se do të tërhiqeshin nga aktiviteti deri në një njoftim të mëtejshëm.

Gjithashtu shoqata më tej shtoi se, nuk do të lejonte që ngjarje të tilla të terrorizojnë arbitrat në punën e tyre. Më pas ishte federata greke që reagoi duke thënë se ndeshjet e programuara për t’u luajtur në datat 22 dhe 23 dhjetor do të shtyhen për një datë të pacaktuar.

Skandal në futbollin grek, arbitrin e njohur e rrahin në pritë

Sport Ekspres — Wed, 19 Dec 2018 22:32:43 +0000

Gjyqtari i njohur grek Thanasis Tzilos është rrahur mëngjesin e së mërkurës nga katër persona të paidentifikuar. Ngjarja ndodhi në qytetin e Larisës dhe mësohet se 35-vjeçair ka pësuar plagë në trup dhe në kokë.

Mendohet se shkaku për këtë incident të shëmtuar të ketë qenë ndeshja midis Ksanthit dhe Olimpiakos, të cilën e arbitroi dhjetë ditë më parë. Takimi përfundoi 1 – 1 dhe u shoqërua me shumë tension.

Tzilos nxorri tetë kartonë të verdhë në atë takim dhe një të kuq për sulmuesin portugez të Olimpiakos Daniel Podense, i cili grumbulloi dy kartonë të verdhë në harkun e tetë minutave. Mediet në shtetin fqinj janë të bindur se sulmi ka ndodhur për shkak të profesionit.

Ndeshja në fjalë.

Rikthimi zgjati fare pak: Jaja Ture largohet nga Olimpiakosi, zbulohet shkaku!

Sport Ekspres — Tue, 11 Dec 2018 13:59:47 +0000

Rikthimi i Jaja Ture tek ekipi i Olimpiakosit në verë krijoi një entuziazëm të madh në Pire. Të gjithë dolën në rrugë për të pritur mesfushorin 34-vjeçar, i cili luajti gjatë sezonit 2006-2007 në Greqi, por, si shpeshherë, rikthimet nuk rezultojnë veprimet e duhura.

Siç raporton “Sport24”, lojtari nga Bregu i Fildishtë ka ndërprerë kontratën me klubin grek dhe po kërkon për një destinacion të ri në janar. Ture u largua nga Barcelona për shkak të raporteve të krisur me Pep Guardiolën dhe një gjë e tillë i ka ndodhur dhe me trajnerin e Olimpiakosit.

Mesfushori ka luajtur shumë pak, vetëm 5 ndeshje me ekipin grek: dy në kampionat, dy në Europa League dhe një në kupë. Raporti i tij me Andre Martins, trajnerin portugez të ekipit nga Pireu, është thyer dhe Jaja Ture ka bërë gati valixhet.

Mosha e tij nuk premton shumë, por ai ka kualitet dhe eksperiencë. Çdo klub mund ta ofrojë në ekip pa shpenzuar para, ndërsa afrikani po pret një ofertë të re për të nisur një tjetër eksperiencë.

Festë për Balajn dhe Berishën në Çeçeni , ditë “jo” për Durmishajn

Sport Ekspres — Mon, 10 Dec 2018 21:14:53 +0000

Akhmat Grozni ka fituar me rezultatin 2 – 0 ndaj Arsenal Tulës, duke e mbyllur kështu me sukses gjysmën e parë të kampionatit rus. Bernard Berisha e nisi nga minuta e parë këtë takim, ndërsa Bekim Balaj pa të gjithë ndeshjen nga stoli i rezervave.

Me fitoren e sotme ekipi çeçen shkon në kuotën e 23 pikëve dhe largohet gashtë pikë larg zonës play-out. Me Odise Roshin e dëmtuar dhe Bekim Balajn që ka humbur prej javësh vendin e titulluart, Bernard Berisha është shqiptari që po merr më shumë minuta te Akhmat. Kampionati rus tani fillon pushimin dimëror që zgjat deri në muajin mars.

Zhvendosemi në kampionatin grek, ku Panionios, skuadra ku luan sulmuesi shqiptar Fiorin Durmishaj është ndalur në një barazim 1 – 1 kundër Levadiakos. Futbollisti vlonjat luajti për 90 minuta në këtë takim, por pa mundur të lërë shenjë.

Basha dhe Kaçe ndahen në paqe, Manaj e nis nga stoli

Sport Ekspres — Sun, 02 Dec 2018 22:06:53 +0000

Tre shqiptarë kanë luajtur në takimin midis Aris dhe Panathinakos. Dy mesfushorët e kombëtares Migjen Basha dhe Ergys Kaçe u vunë përballë njëri-tjetrit që nga minuta e parë, ndërsa Mërgim Mavraj u fut si zëvendësues gjatë pjesës së dytë.

Ndeshja përfundoi në barazim, 1- 1, rezultat ky që i shkon në më përshtat skuadrës kryeqytetase që barazoi shifrat në minutat e kohës shtesë edhe pse me 10 lojtarë.

Rei Manaj luajti vetëm 12 minuta në fitoren e Albasetes ndaj kryesuesve të Alkorkon. Sulmuesi lushnjar nuk ka qenë pjesë e skuadrës në dy grumbullimet e fundit dhe rikthimi në formacionin titulluar nuk do të jetë aspak e lehtë për të.

VIDEO | Durmishaj rikthehet te goli, por në fund feston Larisa e Andonit

Sport Ekspres — Sat, 01 Dec 2018 20:25:57 +0000

Panionis, ku aktivizohet sulmuesi ynë kuqezi Fiorin Durmishaj, udhëtonte sot për të luajtur në transfertën ndaj AEL Larisa, ku luajnë dy shqiptarë të tjerë, Andoni dhe Sahiti. Përballja u mbyll me fitoren e Larisës me shifrat 4-2, por ajo që ra në sy ishte goli i Fiorin Durmishajt.

Sulmuesi 22-vjeçar, shënoi në minutën e 93-të një gol, që më shumë kishte vlera personale për të se sa për ekipin, pasi rezultati ishte 4-1 në favor të Larisës në atë kohë. Durmishaj që rikthehet të shënojë pas dy ndeshjesh. Ky ishte goli i katërt për djaloshin kuqezi këtë sezon.

Ndërkohë, Andi Lila nuk arriti më shumë se një barazim me Janinën e tij në shtëpi. Mbrojtësi ynë luajti si titullar për 90 minuta, ku dhe u ndëshkua më një karton të verdhë në pjesën e dytë.

Mavraj mungon në përmbysjen e çmendur të Arisit, Lila i gëzohet fitores

Sport Ekspres — Sun, 25 Nov 2018 20:49:23 +0000

Tre shqiptarë kanë luajtur në dy takime të sotme të Superligës greke. Mesfushori i kombëtares sonë, Andi Lila luajti për 90 minuta me Janinën, Migen Basha u zëvendësua në minutën e 70-të te Aris, ndërsa Mavraj e pa të gjithë ndeshjen nga stoli i rezervave .

Janina e Andi Lilës ka marrë një fitore shumë të rëndësishme në garën për mbijetesë. Skuadra ku luan kavajasi mundi me rezultatin 2 – 0 “mysafirët” e Lavadiakos, duke marrë kështu tre pikë që e largojnë Janinën përkohësisht nga zona e ftohtë.

Aris i Migjen Bashës dhe Mërgim Mavrajt fitoi në mënyrë dramatike në transfertën e ishullit të Kretës, ku mundën OFI-in me përmbysje falë dy golave të tunizianit Junes në limitet e kohës shtesë.

Nata e çmendur e Arda Turan: Sherr në lokal dhe më pas futet me pistoletë në spital

Sport Ekspres — Wed, 10 Oct 2018 18:28:53 +0000

Arda Turan nuk ka mundur t’i shpëtojë polemikave edhe në vendlindjen e tij. Mesfushori, i cili tashmë aktivizohet me skuadrën e Bashakshehirit në Stamboll, është përfshirë në një sherr në një lokal.

Mediet turke raportojnë se futbollisti po ngacmonte gruan e një këngëtari të famshëm turk dhe kur këngëtari në fjalë e ka konfrontuar, Turan e ka goditur me disa grushte duke bërë që ai të përfundonte në spital.

Por, historia nuk mbaron me kaq. Sipas medies turke “Haberler”, Turan ka shkuar më pas në spitalin ku ishte shtruar këngëtari i rrahur me një pistoletë, që më pas ia ka dhënë gruas së këngëtarit duke i thënë: Më vrit! Një histori e denjë për një film hollivudian.

VIDEO | Momenti i Durmishajt, sulmuesi “shpërthen” në Greqi

Sport Ekspres — Sun, 30 Sep 2018 15:16:30 +0000

Fiorin Durmishaj rikthehet te goli. Sulmuesi, i cili aktivizohet në Greqi me klubin e Panionosit, ka shënuar të dy golat në fitoren 2-0 të skuadrës së tij në transfertën ndaj Apollon Smirnas. Gola që vijnë në momentin e duhur, pasi 21-vjeçari nuk kishte mundur të gjente rrugën e rrjetës në pesë aktivizimet e mëparshme të këtij fillim sezoni.

Në të dy episodet Durmishaj tregoi se zotëron një “nuhatje” për golin. Goli i parë erdhi në minutën 37-të. Sulmuesi i kombëtares së shpresave shfrytëzoi më së miri një top të Spiridonoviç dhe tundi për herë të parë rrjetën në këtë sezon në kampionati grek. Goli i dytë erdhi vetëm pesë minuta pas fillimit të pjesës së dytë. Përsëri nga një top i harkuar, që Durmishaj e çoi drejt portës së kundërshtarëve më një goditje me kokë.

https://twitter.com/yunanfutbolu/status/1046414650718527488

Zyrtare/ Jaja Ture rikthehet në Greqi pas 12 vitesh

Sport Ekspres — Sun, 02 Sep 2018 19:02:24 +0000

Jaja Tyre është rikthyer të luajë në Greqi pas një periudhe 12-vjeçare. Mesfushori nga Bregu i Fildishtë do ta vazhdojë karrierën e tij te skuadra e Olimpiakosit, i njëjti ekip me të cilin luajti në sezonin 2005/2006, kohë kur doli në skenë dhe tërhoqi vëmendjen e të gjithë klubeve elitare nëpër Europë.

Rikthimi i Tures te Olimpiakos ka ekzaltuar tifozerinë e klubit grek, që i tregoi 35-vjeçarit një mikpritje shumë të ngrohtë, sapo avioni i tij u ul në Athinë.

? ?????? ??? ?????? ????????? ??? ?????? ?????! / Olympiacos fans welcome @YayaToure!#olympiacos #YayaToure pic.twitter.com/w0LsxXBcEv

— Olympiacos FC (@olympiacosfc) September 2, 2018