Greca

Doka ndjek Tiranën nga tribuna, situata me të dëmtuarit

Sport Ekspres — Sat, 23 Mar 2019 22:45:49 +0000

Tirana zhvilloi një test miqësor pasditen e sotme ndaj Dinamos, ku triumfoi pastër 2-0. Një test pozitiv në përgjithësi për bardheblutë, të cilët i gëzohen rikthimit të sulmuesit, Namdi Oduamadi. Nigeriani duket se e ka lënë pas dëmtimin dhe u aktivizua në pjesën e dytë.

Ndërkohë, Albi Doka ka disa probleme me gjurin dhe për këtë arsye e ndoqi ndeshjen nga tribuna. Gjithashtu, Bedri Greca mungoi në takimin e sotshëm, por sipas stafit teknik, pritet që anësori të jetë gati për kampionatin.

Uinful Kobinah është i vetmi që shqetëson trajnerin Mema, me sulmuesin që mungoi edhe në sfidën e fundit ndaj Kastriotit. Nga ana tjetër, mesfushorët Karabeci dhe Mauexhe do të mungojnë në ndeshjen e radhës ndaj Laçit si pasojë e kartonëve.

Partizani harron të rinjtë, më shumë “të kuq” ka tek Tirana

Sport Ekspres — Fri, 01 Mar 2019 22:06:10 +0000

Derbi i kryeqytetit midis Tiranës dhe Partizanit nuk nxori fitues. Dy skuadrat u ndanë nga një pikë pas një barazimi pa gola. Trajneri i Partizanit Skënder Gega i kreu të tre zëvendësimet, ndërsa homologu i tij Mema kreu vetëm një të tillë.

Në “shfaqjen” e sotme morën pjesë 26 “aktorë”, 12 te Tirana dhe 14 te Partizani. Te të kuqtë bie në sy se vetëm sulmuesi Jurgen Bardhi është një produkt i akademisë së Partizanit, ndërsa Tirana ka tre produkte bardheblu: Kërçiku, Hoxhallari dhe Doka.

Megjithatë, një tjetër fakt interesant është se në ndeshjen e sotme krahas Bardhit pati dhe dy lojtarë të tjerë të dalë nga “shkolla” e të kuqve. Bëhet fjalë për kapitenin e Tiranës Erando Karabecin dhe sulmuesin Bedri Greca.

Një kampion për Tiranën, prezantohet Greca

Sport Ekspres — Mon, 04 Sep 2017 18:39:36 +0000

Bedri Greca zgjedh Tiranën. Mesfushori 26-vjeçar, i cili sezonin e fundit luajti për Kukësin, duke u shpallur kampion, tashmë zbret një kategori më poshtë, për të veshur fanellën e klubit legjendar.

Greca ka firmosur kontratë dy-vjeçare, pas një muaji stërvitje me bardheblutë, duke bindur trajnerin Ze Maria.

“Jam shumë i lumtur që jam këtu. Ka qenë ëndërr për mua, pasi kam qene gjithmonë tifoz i Tironës. Është një mundësi mjaft e mirë që më është dhëne për karrierën time dhe do të jap maksimumin. Falënderoj klubin që besoi tek mua dhe tani kam si detyrim t’i shpërblej. Shpresoj te rikthehemi shume shpejt aty ku i takon kësaj skuadre te luajë”, ka deklaruar Greca për faqen zyrtare të Tiranës.

Greca, divorci i radhës

Sport Ekspres — Sun, 11 Jun 2017 16:15:24 +0000

Mesfushori Bedri Greca është i larguari i radhës nga kampionët e Shqipërisë. Pas aventurës 1-vjeçare me verilindorët, mesfushori kryeqytetas nuk do të jetë më pjesë e Kukësit, ku dëmtimet e shpeshta nuk e lejuan që të tregonte vlerat e tij. 26-vjeçari tashmë do të nisë një aventurë të re, larg Kukësit. Me kampionët arriti që të luante në 22 takime, mes Kupës, kampionatit dhe ndeshjeve europiane, duke arritur që të shënonte dhe 2 gola. Gjatë dy fazave të para performanca e tij erdhi në rritje, por gjatë fazës përgatitore në Turqi në janar, pësoi një dëmtim që e la për një periudhë relativisht jo të vogël larg fushave të blerta. Në fundin e sezonit Greca e la pas dëmtimin dhe u aktivizua në dy takime, megjithatë kjo nuk ka mjaftuar që bashkëpunimi mes tij dhe Kukësit të vazhdojë. Greca bëhet kështu i larguari i pestë zyrtarisht.

LARGIMET

Kushtrim Lushtaku

Rexhep Memini

Lukas Rangel

Matija Dvornekoviç

Bedri Greca

Skeda

Emri: Bedri

Mbiemri: Greca

Mosha: 26 vjeç

Vendlindja: Tiranë

Pozicioni: Mesfushor

Karriera

2011-2012 Skrapari

2012-2015 Tërbuni

2015-2016 Flamurtari

2016-2017 Kukësi

Greca, divorci i radhës te Kukësi

Sport Ekspres — Sun, 11 Jun 2017 15:40:56 +0000

Me kampionët arriti që të luante në 22 takime, mes Kupës, kampionatit dhe ndeshjeve europiane, duke arritur që të shënonte dhe 2 gola. Gjatë dy fazave të para performanca e tij erdhi në rritje, por gjatë fazës përgatitore në Turqi në janar, pësoi një dëmtim që e la për një periudhë relativisht jo të vogël larg fushave të blerta. Në fundin e sezonit Greca e la pas dëmtimin dhe u aktivizua në dy takime, megjithatë kjo nuk ka mjaftuar që bashkëpunimi mes tij dhe Kukësit të vazhdojë. Greca bëhet kështu i larguari i pestë zyrtarisht.

LARGIMET

Kushtrim Lushtaku

Rexhep Memini

Lukas Rangel

Matija Dvornekoviç

Bedri Greca