Mesfushori anglez gjithsesi u çua në këmbë dhe vijoi ndeshjen si të mos kishte ndodhur gjë, madje dhe shënoi goline  fitores. Ndërkohë, ditën e sotme është dhënë dhe dënimi për tifozin, i cili zbriti në fushë dhe bëri gjestin e shëmtuar.

Dënimi për tifozin është mjaft i rreptë, teksa do t’i duhet të qëndrojë për tre muaj në burg dhe plot 10 vite pa shkelur në stadium. Një rast i bërë shembull nga drejtësia angleze…

Takimi vijoi i qetë dhe sikur ky episod të mos kishte ndodhur kurrë. Shumë tifozë të Birmingamit e qeshën gjatë gjithë takimit numrin 10 të Aston Vilës, por ai që qeshi i fundit ishte vetë Grilish, pasi shënoi golin e vetëm dhe të fitores në këtë derbi.

Pas ndeshjes, për “Sky Sport”, Grilish tha: “Kjo është dita më e lumtur për mua. Jam rikthyer nga dëmtimi dhe kam bërë dy ndeshje të mira. Nuk dua të flas për atë episod, por për faktin që ndihmova skuadrën time të marrë tri pikë shumë të rëndësishme. Shpresoj të ecim kështu dhe të arrijmë sa më parë Premier Ligën”, tha ylli i Aston Vilës.