Mediet angleze bëjnë të ditur se Xhaka është favoriti kryesor për të marrë shirtin e kapitenit në rast largimi të francezit Lorent Kosielni. Qendërmbrojtësi ka dhe një vit kontratë me ekipin londinez, por gjasat janë që palët të ndërpresin me mirëkuptim kontratën.

Xhaka iu bashkua Arsenalit tri vite më parë në sezonin e fundit të Arsen Venger. Përgjatë tri viteve, futbollisti zvicerano-shqiptar numëron 134 ndeshje, ku ka shënuar 11 gola.

Ofertat tunduese që vijnë drejt shqiptarit e frikësojnë Arsenalin. Për të shmangur një “arratisje” të papritur nga “Emirates Stadium”, drejtuesit kanë menduar ta nderojnë me shiritin e kapitenit. Grinta dhe pasioni që tregon në fushë e kanë bindur trajnerin Emeri për të pasur një kapiten të ri.

Largimi i mundshëm i Koshielnit drejt Arabisë, por edhe dyshimet për të ardhmën e Mustafit, Ozil dhe Mkitarian, e favorizojnë shumë Xhakën për të qenë udhëheqësi i Arsenalit në fushën e blertë. Sesa do e bindë ky post të mos largohet, do e shohim në muajt në vazhdim.

Interes nga Interi? “Unë kam dhe katër vite kontratë me Arsenalin, e kam rinovuar vitin e kaluar. Jam shumë i lumtur atje, familja ime gjithashtu. Për momentin nuk ka asgjë konkrete, jam i fokusuar tek Arsenali, por të shohim të ardhmen”.

FESTIMI ME SHQIPONJË NDAJ SERBISË – “Është e vështira ta shpjegoj me fjalë ndeshjen ose golin. Ka qenë një ndeshje e veshtirë jo vetëm për mua, por edhe për shqiptarët kudo që ndodhen. Ne dimë historinë pak a shumë që kemi me Serbinë. Gjithsesi ajo ishte një lojë normale, s’pati lidhje politike. Shqiponjën nuk e kisha në plan ta bëja, por veprova në emocion e sipër. Jam krenar që fituam, si unë edhe Xherdani (Shaqiri). Absolutisht ka qenë një ndër golat e ndeshjet më të rëndësishme. E fituam atë lojë për Zvicrën, morëm tri pikët, por edhe për të gjithë shqiptarët”.

https://twitter.com/kosovanfooty/status/1139992844096167937

GJOBA PËR SHQIPONJËN – “Të them të drejtën  ne s’kemi paguar fare (qesh). Ka qenë një biznesmen shqiptar në Amerikë që na kontaktoi dhe e pagoi. Paratë e tjera të mbledhura u shpërndanë për gjëra të ndryshme në Kosovë dhe Zvicër”.

Ndonjë koment për ecurinë e Kosovës? “Jam ndier shumë mirë. Jam shumë krenar për shokët e mi. Kosova meriton komplimentet maksimale për ato që ka arritur në dy vitet e fundit”.

Keni luajtur kundër Shqipërisë, po kundër Kosovës do ta keni të vështirë të luani? “Normal që do të jetë një lojë e vështirë nëse vihem përballë Kosovës. Unë prindërit i kam nga këtu dhe të gjithë”.

Do bëheni së shpejti baba, a dihet gjinia e fëmijës? “Po, e dimë, por kemi vendosur që ta mbajmë privat”.

Xhaka dhe Rashica do të jenë kapitenë të skuadrave të tyre. Ditën e sotme janë bërë të ditura emrat  e lojtarëve që do të marrin pjesë në këtë ndeshje. Personalitete nga futbolli, sporte të ndryshme, muzika dhe fusha të tjera do shkelin në fushën blertë.

Bien në sy emrat e reperëve si Ledri Vula dhe MC Kresha, ndërsa ka pjesëmarrës do të jetë basketbollisti i njohur Dardan Berisha dhe boksieri Haxhi Krasniqi. Ermir Lenjani, Mërgim Mavraj dhe Arlind Ajeti jaën gjithashtu pjesë e listës.

Në skuadrën e Granit Xhakës do të jetë babai i tij Ragip Xhaka dhe sulmuesi i Bazelit, Albian Ajeti. . Për këtë ndeshje ka nisur edhe shitja e biletave. Në tribunën lindorë një biletë kushton 2 euro, kurse në tribunën perëndimore 3 euro.

Tribuna e tjera do të jenë falas, ndërkohë që të ardhurat do të shkojnë për familjet e varfra. FFK dhe Komuna e Prishtinës e mbështesin këtë aktivizimet, ndërsa sa i takon biletave, ato po shiten në Rave Travel dhe në kioskën e qytetit të Prishtinës.

Ndeshja nis prej orës 20:00, kohë e përshtatshme për të pasur një numër të madh sportdashësish. Për këtë ndeshje ka nisur edhe shitja e biletave. Në tribunën lindorë një biletë kushton 2 euro, kurse në tribunën perëndimore 3 euro.

Tribuna e tjera do të jenë falas, ndërkohë që të ardhurat do të shkojnë për familjet e varfra. FFK dhe Komuna e Prishtinës e mbështesin këtë aktivizimet, ndërsa sa i takon biletave, ato po shiten në Rave Travel dhe në kioskën e qytetit të Prishtinës.

A i praktikoi skuadra penalltitë para ndeshjes?
“Po bëmë disa prova, por mendoj se te penalltitë nuk është vetëm çështje stërvitje. Duhet të kesh dhe pak fat. Jan (portieri Jan Somer) preku një top, por nuk mundi të ndryshonte trajektoren, nëse do ia kishe dalë do kishim fituar ne.

Përfundimet që nxorët nga ky turne?
Jemi krenarë për çka kemi arritur. Luajtëm denjësisht përballë dy skuadrave shumë të mira. Formati i “Nations League” është shumë herë më i mirë se sa miqësoret që bënim më parë. Nuk jemi shumë larg ekipeve të mëdha, na mungojnë shumë pak gjëra. Jam i bindur se do ia dalim të bëjmë gjëra të mëdha në turnetë e ardhshëm”.

Planet për pushimet?
“Fillimisht do iki në Prishtinë të takoj familjen time. Pjesën tjetër akoma nuk e kam planifikuar”.

A është largimi nga Arsenali në planet tuaja?
“Nuk di asgjë për këtë. Kam edhe katër vite kontratë. Sapo rinovova kontratën vitin e kaluar. Jam i lumtur atje, po ashtu edhe familja ime dhe kjo është gjëja më e rëndësishme”.

Do ishte fantastike nëse do të bëheshit kapiteni i Arsenalit?
Do të ishte qershia mbi tortë, sigurisht.

Këtë londinezët duan të rikthehen medoemos në Champions League dhe kësaj radhe kanë ndërmend ta bëjnë këtë gjë nëpërmjet kampionatit. Kanë mbetur edhe pesë ndeshje deri në fund dhe ç’është më e rëndësishmja kalendari i favorizon jashtëzakonisht shumë.

Granit Xhaka e pranon në një intervistë për “The Daily Standard” se është i fokusuar te kampionati dhe Europa League kalon në plan të dytë: “Për mua kampionati është në radhë të parë. Sigurisht do ishte bukur sikur të shkonim në finale e të fitonim trofeun e Europa League, por për ne prioritet është kampionati”.

“Jemi në vend të katërt, kemi dy pikë më shumë se Mançester Junajtid dhe një ndeshje më pak se Çelsi. Totenhemin e kemi vetëm një pikë larg dhe ata ndeshen në fundjavë me Mançester Sitin. Kjo mund të jetë një fundjavë tepër e rëndësishme për ne”.

“Nuk më intereson nëse fitojmë 1 – 0 ose 6 – 0, në fund çdo fitore vlen tri pikë. Më mirë të luajmë thjeshtë e të fitojnë se sa të luajmë më mirë e të barazojmë ose humbim. Na ka ndodhur shumë herë”, përfundoi Xhaka.

Për fatin e keq të Xhakës fill pas ardhjes së tij në Londër, Arsenali nuk ia doli të renditej në katër vendet e para pas më shumë se dy dekadash. Gjithsesi kjo gjë mbetet pjesë e së shkuarës dhe ky sezon po rezulton më i miri për mesfushorin e përfaqësueses zvicerane.

Sipas “The Sun”, Xhaka është favoriti kryesor për të fituar çmimin lojtari i sezonit, që përzgjidhet çdo vit nga tifozët e Arsenalit. Vitin e kaluar ky çmim u fitua nga Aron Ramsi, ndërsa para tij fitues u shpallën Aleksis Sançez dhe Mesut Ozill.

Në disa intervista për “The Sun” dallohet qartë se Xhaka ka arritur të fitojë zemrat e tifozëve. Dikush thotë për të: “Urrejeni ose pëlqejeni, është shumë e vështirë për të mohuar se ai tani është pjesë thelbësore e skuadrës sonë. Ka bërë shumë mirë gjatë ndeshjeve kundër ekipeve të mëdha”.

Një tjetër tifoz thotë: “Nuk më besohet që po e them këtë tani, por për mendimin tim Xhaka këtë sezon është i paparë. Ka pasur një përmirësim masiv krahasuar me sezonet e shkuara dhe po luan si një lider. Është një lojtar që lidh mirë mbrojtjen me sulmin”.

LISHTAJNER – “Kam respektin më të madh për Lishtajner dhe karrierën e tij të mrekullueshme. Nëse luan aq shumë vjet për Zvicrën, ke lënë një trashëgimi që s’mund të harrohet”.

KRITIKAT NDAJ TRAJNERIT – “Çdokush që thotë se Petkoviç është një trajneri i keq, nuk ja ka idenë fare futbollit. Nuk dua t’i provokoj personat që mendojnë kështu, por Petkoviç deri më tani ka bërë 80% të punës së arritur nga Hicfeld para tij”.

MOTIVIMI NGA BABAI – “Babai më shikon çdo ndeshje dhe më komplimenton kur bëj mirë, por gjithmonë më thotë që të shikoj për më lart. Më motivon shumë fakti se pak më parë babai im më tha: Granit sot ishe i shkëlqyer! Kjo s’kishte ndodhur kurrë më parë dhe më bën që të punoj akoma më fort. Jam një njeri ambicioz, nuk është e thënë që Arsenali të jep ndalesa e fundit e karrierës sime”, përfundoi Xhaka.

Përveçse rolit si titullar dhe si një lider i mesfushës, 26-vjeçari është vlerësuar së fundmi dhe nga “CIES Football”, që merret me analizën dhe vlerën e futbollistëve. Sipas “CIES Football”, Granit Xhaka është lojtari i katërt më i shtrenjtë në ekipin e Arsenalit, duke lënë pas lojtarë si Ramsej apo Mesut Ozil.

Xhaka vlerësohet 62.9 milionë euro sipas studimet, ndërsa më shumë se ai vlerësohen vetëm Torreira, Lakazet dhe Obamejang. Uruguajani është në vendin e tretë me vlerë prej 74.3 milionë eurosh. 300 mijë euro më shumë, pra 74.6 milionë, vlerësohet sulmuesi Aleksandër Lakazet, ndërsa më i shtrenjti është Obamejang me plot 95.4 milionë euro.

Edhe pse ka tre sezone që luan si titullar i padiskutueshëm në formacion, Xhaka nuk ka bindur për asnjë moment dhe shumë e konsiderojnë si shkaku i rezultateve shumë negative që klubi londinez ka marrë sezonet e fundit.

E për më tepër, Xhaka është konsideruar si shkaktari i situatës jo të mirë të Arsenalit, me shumë tifozë londinezë që i cilësojnë paraqitjet e tij si katastrofale. Gjithsesi, trajneri Unai Emeri i beson mesfushorit me nga Kosova, madje edhe duke i rinovuar kontratën, e cila do e mbajë në Londër deri në vitin 2023.

KUPA E BOTËS – “Nga një anë jamë krenar për arritjen, por nga ana tjetër nuk e arritëm objektivin tojnë. Suedie ishte një kundërshtar që duhet ta kishim mundur. Bëmë një ndeshje shumë të dobët ndaj tyre, edhe unë për fat të keq nuk bëra një paraqitje të mirë.

DEBATET MBAS FESTIMIT ME SHQIPONJË – “Çfarë u diskutua mbas ndeshjes ndaj Serbisë më zhgënjeu shumë. Ai ishte një takim i mbushur me emocional, por mbas arbitri i ra bilbilit në fund të ndeshjes, Botërori i Zvicrës mori fund. Nuk u fol më kurrë për futboll pastaj. Për jave e muaj të tërë gjithçka u ekzagjerua. Jam i sigurt se shumë nga ato që u thanë dhe u shkruan ndikuan te disa lojtarë të përfaqësueses.

KARRIERA DHE TRAJNERI UNAI EMERI – “Tani po kaloj momentin tim më të mirë te Arsenali. Trajneri ka pasur një efekt shumë të madh në lojën e skuadrës. Kemi një plan konkret, e dimë se çfarë duhet të bëjmë kur kemi topin dhe kur nuk e kemi atë. Unai Emeri ngjason shumë me Lysien Favre (ish-trajneri i Xhakës te Gladbah, tani drejton Borusian e Dortmundit.), metoda e tyre e punës është shumë e ngjashme.

MBROJTËSI I MAJTË – “Ndoshta trajneri ka dashur që t’i bëj konkurrencë Rikardo Rodrigezit në kombëtaren zviceran (qesh).  Gjithçka është çështje besimi. Ai më pyeti: ‘Granit a mund ta bësh këtë rol?’unë i thasë ‘Po, pse jo’. Nuk kisha luajtur kurrë si mbrojtës i majtë më parë.

Tashmë 26 vjeç, Graniti sheh edhe më larg dhe ëndrra e tij e madhe është që të jetë trajner. Por jo vetëm kaq, ai do të donte të punonte së bashku me vëllanë e tij, Taulantin. Pikërisht të ndjekin shembullin e Hakan dhe Murat Jakin. “Për mua, do të ishte një ëndërr të isha trajner së bashku me Taulantin. Edhe pse nuk e di nëse ai e sheh veten si trajner në të ardhmen apo jo”, ka deklaruar Graniti për bzbasel.ch.

SI U BË PJESË E BAZEL – Gjithçka ndodhi kur Graniti ishte 12 vjeç dhe Bazeli donte Taulantin, por i ati Ragipi u tregua i zoti, duke e luajtur mirë lojën. “Është një histori për të qeshur. Unë u lejova të bëhem pjesë e Bazelit falë vëllait dhe babait tim. Taulanti ishte gjithashtu në Congeli dhe Remo Gaugler e donte atë te Bazeli. Por jo mua. Babai im i tha Remo-s: ‘Më vjen keq, por ose i merrni të dy djemtë, ose asnjërin’. Kështu unë përfundova te Bazeli”.

I PADËSHIRUARI – Asokohe Graniti ishte fëmijë dhe shumë gjera nuk i kuptonte, ndërkohë që tregon se prindërit i aktivizuan në futboll për të mos marrë rrugë të keqe. “Unë nuk e kuptoja atëherë. Në atë kohë, nuk e kuptoja se nëse nuk shkoja te Bazeli, kurrë nuk do të bëhesha një lojtar profesionist. Gjithsesi kjo nuk kishte shumë rëndësi për prindërit e mi. Në fillim ata na përfshinë në futboll sepse donin të na pengonin të shkonim në rrugë të keqe. Pas kësaj ata më pas donin që njëri prej nesh me çdo kusht të bëhej futbollist dhe tjetri të vazhdonte shkollën. Unë isha relativisht mirë në shkollë, ndaj qëllimi ishte që Taulanti të bëhej futbollist profesionist. Falë Zotit i eci, sepse në shkollë nuk ishte edhe aq i mirë (qesh). Në futboll, Taulanti ishte gjithnjë talenti më i madh nga ne të dy. Tani ia dolëm mbanë të dy, aq më mirë”.

TAULANTI MË I TALENTUAR – “Ai ka qenë gjithmonë më i talentuar, që në fëmijëri. Dhe sipas mendimit tim, ai është edhe sot më i talentuar. Unë jam ai që punoj më fort. Nëse Taulanti dëshiron ta shtyjë diçka për nesër, unë preferoj të bëj atë gjë sot edhe nesër. Meqë unë isha ai me më pak talent, kurrë nuk besoja se do të bëhesha futbollist. Ishte një ëndërr, asgjë më shumë.

MENDIMI PËR T’U BËRË PROFESIONIST – “Sinqerisht nuk kam besuar kurrë që do të bëhesha, derisa erdhi momenti. Kam qenë gjithmonë i vogël, i hollë dhe nuk mund të dominoja asnjëherë.  Ndërkohë që të tjerët nga datëlindja ’92 bashkoheshin me ekipin e parë, unë qëndroja me moshatarët e mi. Pastaj në moshën 15-vjeçare këputa ligamentin dhe atij momenti i jam mirënjohës edhe sot. Pse? Sepse ai më ka forcuar jashtëzakonisht shumë në aspektin mendor. Forca që unë kam sot vjen prej asaj që ndodhi”, shprehet Graniti, i cili më pas fitoi titullin me Bazelin dhe u shpall kampion bote Zvicrën U17. Nga ai moment, Torsten Fink u bë fans i Xhakës dhe më pas mori rrugë karriera e tij si futbollist profesionist. Sot është pjesë e Arsenal dhe të gjithë e njohin më së miri.

Pjesa e dytë nisi mirë për djemtë e Unai Emeri, të cilët barazuan me anë të mesfushorit shqiptar. Xhaka shënoi nga një goditje dënimi në minutën e 51-të, ndërkohë që pesë minuta më vonë, Arsenali gjeti dhe golin e dytë me anë të francezit Lakazet.

Nga një pozicion i prirët në krahun e djathtë, Xhaka goditi fort me topin që përfundoi në trekëndësh. Një gol i mrekullueshëm dhe i dyti për 26-vjeçarin në kampionat në këtë sezon.

“Si fillim dua të them se falënderoj Zotin çdo ditë që kam një vëlla si ty që mbi të gjitha je një shok, shoqërues i mirë. Uroj që çdo moment i jetës tënde të jetë i mbushur me gëzim, të kesh shëndet dhe shumë suksese .Vëlla i dashur, gjaku i gjakut tim, të uroj edhe 100 vite të lumtura”, shkruan Taulant Xhaka në llogarinë e tij në “Instagram”.

https://www.instagram.com/p/BoOC7rpA7cc/?utm_source=ig_web_copy_link

Xherdan Shaqiri, Granit Xhaka, Stefan Lishtajner, Johan Zhuru, Klaudio Sulser, Jan Somer janë ulur përkrah trajnerit të tyre, ndërsa të tjerët kanë preferuar të ndjekin konferencën të ulur në një nga zona e sallës së konferencës.

Dy lojtarët me origjinë shqiptare dhe kapiteni Lishtajner kanë folur për mediat, duke iu rikthyer dhe njëherë festimit me shqiponjë gjatë ndeshjes së fituar me Serbinë në Botërorin e Rusisë. Ata kanë kërkuar falje për veprimin e bërë për herë të parë, duke mbyllur përfundimisht polemikat e krijuara.

“Do të isha budalla nëse do e bëja përsëri një veprim të tillë. Diçka e tillë nuk do të ndodhë më kurrë”, ka qenë komenti i Granit Xhakës. Për ngjarjen në fjalë ka folur edhe sulmuesi i Liverpulit, Xherdan Shaqiri. “Sigurisht, kërkoj falje, nëse njerëzit u ndjenë të sulmuar, duke e parë neshjen nëper male…”