Muriqi i zuri vendin, Soldado firmos në Andaluzi

Sport Ekspres — Wed, 10 Jul 2019 07:32:08 +0000

Fenerbahçe nuk pranoi të rinovonte kontratën e sulmuesit Roberto Soldado. Futbollisti spanjoll luajti për dy vite në Turqi me skuadrën nga Stambolli dhe tani ka vendosur të rikthehet në vendlindje, ku ka pranuar ofertën e Granadës.

Ekipi andaluzian është rikthyer në La Liga pas disa vitesh qëndrimin në Segunda Divizion. Klubi në pronësi të një kompanie kineze ka vendosur t’ia besojë “çelësat” e repartit të sulmit sulmuesit 34-vjeçar.

Soldado është një emër i njohur për futbollin spanjoll, ku ka luajtur me skuadra si Real Madrid, Osasuna, Valencia, Getafe dhe Vijareal. Në total spanjolli numëron 109 gola në La Liga.

Manaj, të hënën në Spanjë

Sport Ekspres — Sat, 12 Aug 2017 11:36:33 +0000

Krejt papritur, Spanja është kthyer në një “oaz” për shqiptarët, ose lojtarë të lidhur ngushtë me Shqipërinë. Aty kemi Keidi Baren, shpresa e madhe e futbollit kuqezi, i cili po luan te Atletiko dhe këtë verë ka shkëlqyer nëpër miqësore. Nuk mbaron me kaq, sepse edhe Mervejl Ndokit është transferuar nga Tirana te Getafe, në La Liga.

Edhe djaloshi i Tiranës Elvi Berisha është duke u transferuar te Leganes, pas provës së suksesshme aty, ndërsa tashmë në Spanjë do të shkojë edhe Rei Manaj.

Sulmuesi i talentuar në pronësi të Interit është ende në kërkim të shpërthimit në futbollin profesionist dhe pas një sezoni plot luhatje, me 4 gola të shënuar mes Peskarës dhe Pizës, në A e më pas në Serinë B, tashmë vjen largimi i parë nga Italia.

Corriere dello Sport raporton se Interi ka gjetur praktikisht marrëveshjen me Granadan për huazimin e sulmuesit shqiptar, me spanjollët që do të kenë edhe të drejtën e blerjes në fund të sezonit. Të hënën pritet zyrtarizimi, me Manajn që nuk është kundër transferimit në divizionin e dytë spanjoll, por natyrisht me premtimin se do të ketë shansin të luajë rregullisht.