Në një dalje për shtyp, mesfushori Leon Gorecka u shpreh se ndeshja kundër Holandës do të jetë  shumë e luftuar duke marrë parasysh rivalitetin e vjetër që ka ekzistuar midis dy ekipeve.

“Ndeshjet midis Gjermanisë dhe Holandës kanë qenë gjithmonë interesante për shkak të afërsisë gjeografike. Unë jam rritur duke parë pëtë rivalitet. Do të jetë një ndeshje shumë e luftuar ajo e së dielës”.

LIDERËT E RINJ – “Duhet të tregosh se vlen në fush. Kjo është baza e gjithçkaje. Duhet të bësh paraqitje të mira ndeshje pas ndeshje. Mendoj se në një të ardhme të afërt do të kem dhe unë një rol lideri në kombëtare”.

NOJER / TER SHTEGEN  – Mesfushori i Bajernit u pyet mbi lajmet që po qarkullojnë mbi raportin e përkeqësuar midis dy portierëve të kombëtares gjermane. Gorecka i përgënjeshtroi këto lajme duke e konsideruar të shëndetshme rivalitetin midisx: “Të dy ata janë atletë ambiciozë dhe midis tyre ka konkurrencë të shëndetshme. Nuk mendoj se kjo që ka ndonjë impakt jashtë fushës së futbollit. I pash sot në teksa po hanim mëngjesin. Gjithçka ishte në rregull, ata po bisedonin në harmoni të plotë”, përfundoi Gorecka.

Ndërkohë, Manuel Nojer është stërvitur i diferencuar nga ekipi dhe pritet të rikthehet të premten, siç është shprehur trajneri i Kovaç. Lista e gjatë e dëmtimeve për bavarezët vazhdon me Alaba dhe Gorecka, që pritet të rikthehen të shtunën. Kovaç mbi gjendjen e dy yjeve të tij u shpreh: “Do të duhet të shohim se çfarë do të ndodhë, do mundohemi ta menaxhojmë situatën me shumë kujdes”.

Pavarësisht rikthimeve, ka ende lajme jo pozitive për trajnerin bavarez. Veterani Frenk Riberi po vuan shumë nga dëmtimet e njëpasnjëshme dhe është në dyshim për ndeshjen kundër Borusia M’Gladbah.

Mesfushori refuzoi të rinovonte me Shalken dhe në janar arriti marrëveshjen me kampionët e Gjermanisë, ndërsa presidenti i Bajernit Karl-Hainc Rumenige tha atëherë se vetëm oferta e Bajernit e mbajti mesfushorin 23-vjeçar në Bundesligë, sepse kishte oferta të rëndësishme.

Vetë Gorecka ka konfirmuar se Barcelona e kërkoi me ngulm: “Ishte një nder, natyrisht. Kisha disa opsione dhe m’u desh të mendohesha gjatë, por mendoj se bëra zgjedhjen më të mirë të mundshme duke firmosur për Bajernin.

“E shoh veten si numër 8, por jam elastik në fushë. Jam gati të luaj në pozicione të ndryshme. Kam një përshtypje shumë pozitive nga trajneri Kovaç, të tjerat do të vijnë me kalimin e kohës”.

Gorecka luajti një ndeshje në Botërorin tragjik të Gjermanisë: “Kam menduar shumë për Kupën e Botës. Më ndihmoi shumë të pasurit njerëz afër meje, si prindërit e mi. Ozil? Ata që deshën të flisnin, folën. Unë dua të përqendrohem te Bajerni, nuk dua të komentoj për atë çështje”.

Mesfushori 22-vjeçar i Shalkes, i cili u transferua në Gelsenkirshen në vitin 2013 për 3.3 milionë euro nga Bohumi, ka vendosur të mos rinovojë me Shalken, ku është një lojtar kyç. Kontrata e tij përfundon në qershor dhe Gorecka ka zgjedhur të shkojë falas te Bajerni, ku shpreson të vazhdojë procesin e rritjes dhe të bëhet një lider edhe te kombëtarja gjermane, ku që tani është një lojtar goxha i rëndësishëm.

Goreckën e kërkonin shumë klube, nga Anglia deri në Itali, por Bajerni u futur fuqishëm në lojë pas Kupës së Konfederatave verën e shkuar, ku Gorecka shkëlqeu.

Shalke fillimisht mohoi çdo transferim, duke shpresuar të rinovimi ose shitja që në janar, por ishte e pafuqishme përballë dëshirës së vetë Goreckës.

Drejtori sportiv i Shalkes, Kristian Hajdel, deklaroi sot: “Me keqardhje u bëjmë të ditur se dje Karl-Hainc Rumenige na telefonoi, duke na njoftuar se Gorecka ka kaluar kontrollet mjekësore dhe ka firmosur, që do të thotë se humbasim një lojtar shumë të mirë. Leon do të kalojë te Bajerni prej 1 korrikut 2018, edhe pse bëmë gjithçka për ta mbajtur”.

Emri i fundit që ka vendosur të zgjedhë Bajernin, sipas lajmeve që vijnë nga Gjermania, është Leon Gorecka.

Mesfushori 22-vjeçar i Shalkes, i cili u transferua në Gelsenkirhsne në vitin 2013 për 3.3 milionë euro nga Bohumi, tashmë ka vendosur të mos rinovojë me Shalken, ku është një lojtar kyç. Kontrata e tij përfundon në qershor dhe Gorecka ka zgjedhur të shkojë falas te Bajerni, ku shpreson të vazhdojë procesin e rritjes dhe të bëhet një lider edhe te kombëtarja gjermane, ku që tani është një lojtar goxha i rëndësishëm.

Goreckën e kërkonin shumë klube, nga Anglia deri në Itali, por Bajerni është futur fuqishëm në lojë pas Kupës së Konfederatave këtë verë, ku Gorecka shkëlqeu.