Pipita do të niset me Juven në turin e Singaporit dhe Romës do i dihet të presë deri me datë 28 korrik, ditë kur kampionët rikthehen në Itali. Verdhekuqtë nuk kanë alternativa B, pavarësisht se qarkullon edhe ideja Diego Kosta, dhe po presin një përgjigje pozitive nga 31-vjeçari.

4.5 milionë euro rrogë pa llogaritur bonuset i ofron Roma argjentinasit, që përkon me gjysmën e asaj që përfiton te Juventusi (9 milionë euro në sezon). Fonseka e ka telefonuar, duke i bërë të ditur që ai do të jetë pika e referimit të ekipit të tij.

Klubet kanë rënë dakord për formulën e transferimit të Higuain. Huazim 1-vjeçar për 9 milionë euro me të drejtë blerje nga Roma për 27 milionë euro të tjera në fund të sezonit. Në total shuma shkon në 36 milionë euro, ndërsa bomberin e pret një ofertë 4-vjeçare.

Trajneri i ri i Romës Poalo Fonseka është angazhuar vetë për të bindur argjentinasin Gonzalo Higuain. Sipas “Gazzeta Dello Sport”, tekniku portugez ka pasur një bisedë telefonike me “El Pipitën”, ku është munduar ta joshë që t’i bashkohet projektit të tij.

Transferimi i 31-vjeçarit në kryeqytet ka ende shumë pengesa. Paga prej 7 milionë eurosh në sezon ëhstë e papërballueshme nga financat e Romës, ndërsa në të njëjtën kohë duhet gjetur gjuha e përbashkët me drejtuesit e Juventusit.

Gjithsesi, lajmet që lidhin Romën me Higuain e bëjnë të qartë faktin se verdhekuqtë po kërkojnë një zëvendësues për Edin Xhekon. Boshnjaku ka dhe një vit kontratë në kryeqytet, por dita ditës po përflitet gjithmonë e më shumë për një kalim te tij tek Interi ose në kampionatin kinez.

Në pamje shfaqet Ronaldo dhe Higuain duke ekzekutuar një ushtrim, që donte shpejtësi dhe shkathtësi për të shmangur kundërshtarin. Nuk do shumë vëmendje që të dallosh diferencën mes dy lojtarëve.

Higuain është një “makinë” e dalë nga qarkullimi, ndërsa Ronaldo ecën me shpejtësinë e një 20 vjeçari. Ja pse nuk e duan “El Pipitan” në “Allianz Stadium”.

Higuain vs Ronaldo lol pic.twitter.com/MdeWAuzAW2

— Soccer (@Soccer70960452) July 16, 2019

Pa u mbyllur operacioni për ish-madrilenin, Xheko nuk do të zbarkojë në “San Siro”. Ndërkohë, Konte vazhdon të ushtrojë presion mbi klubin për të firmosur sa më shpejt më një bomber. Faza pregatitore ka nisur dhe për trajnerin nuk është gjë e mirë mungesa e një bomberi sepse edhe ambientimi do të vonohej.

Verdhekuqtë kërkojnë ta marrin Pipitën në formë huazimi me të drejtë blerje, por me një kusht: ai duhet të ulë rrogën nga 6.5 në 4.5 milionë euro në sezon. Juventusi është gati të thjeshtësojë largimin e sulmuesit, ndërsa drejtuesit e Romës po mendojnë edhe diçka tjetër.

Ata janë gati t’i ofrojnë 31-vjeçarit shiritin e kapitenit. Largimi i De Rosit bën që shiriti t’i kalojë Alesandro Florencit, por edhe ky është me valixhe gati. Në një situatë të tillë, Higuain do të ishte kapiteni perfekt i ekipit të Fonsekës.

Higuain do të ishte një zgjedhje e mirë ekonomike. Do të përfitonin një lojtar klasi me një shumë jo të kripur. Mbetet për t’u parë sesa seriozisht do e marrin londinezët këtë operacion, duke parë që interesohen edhe për Sebastian Haller nga Ajntrahti i Frankfurtit.

Roma është një nga klubet e interesuara për të dhe te Juventusi, sikurse raporton Corriere dello Sport, po mendojnë të bëjnë një shkëmbim me verdhekuqtë dhe në marrëveshje të përfshihet një nga mesfushorët më të talentuar, Nikolo Zaniolo.

Ky i fundit ndihet disi i zhgënjyer te Roma, që nga ana tjetër po tenton të rinovojë me të. Mesfushori është ndër më pak të paguarit në skuadër, ndërkohë që klubi kryeqytetas nuk e lëshon pa 60 milionë euro.

Normalisht nuk mund të ketë një shkëmbim kokë më kokë me Higuain. Juventusi duhet të shtojë diçka, krahas sulmuesit që duhet të marrë rrugën për Romë. Bardhezinjtë do të duhet ta bindin argjentinasin, pasi kontrata është kontratë…

Lajme të bujshme vijnë nga Argjentina, aty ku zbulohet edhe destinacioni i ri i “Pipitës”. Sipas gazetarit të njohur latin, Diego Borinski, Higuain është objektivi primar i Atletiko Madrid.

Diego Simeone e kërkon me çdo kusht në ekipin e tij dhe një ofertë zyrtare pritet t’i bëhet Juventusit në ditët e ardhshme.

Higuain la Realin verën e vitit 2013 për t’u transferuar te Napoli, ndërsa tani mund të vijë rikthimi i tij në La Liga pas 6 vitesh, por në anën tjetër të Madridit, në atë të Atletikos.

Në një postim në rrjetin social Twitter, Nikolas shkroi: Higuain në Itali luan vetwm me Juventusin. Mbeten edhe dy  vite kontratë dhe do respektohen. Tw dielë të mbarë të gjithëve.

Higuain in Italia giocherà solo nella Juventus. Restano due anni di contratto e saranno rispettati. Buona domenica a tutti.

— nicola higuain (@NicolaHiguain) June 30, 2019

Gjatë javëve të fundi kanë qarkulluar lajme se për “El Pipitan” interesohen shumë klube kineze, merkato e të cilëve hapet gjatë muajit gusht. Paga e madhe e lojtarit ka stepur shumë klube, ndërsa mosha e madhe bëhet një pengesë për blerjen e kartonit.

Argjentinasi me shumë mundësi nuk do të kthehet te Juventusi, pasi Sarri po planifikon si sulmues qendror Kristiano Ronaldon. Gjithashtu edhe Manxhukiç shikohet i rëndësishëm, ndaj për “El Pipita”-n nuk ka vend në kampin bardhezi.

Me Xhekon që është drejt largimit, Roma projekton rikthimin në Serie A të Gonzalo Higuain, autor i 117 gola në 192 takime në kampionatin italian. Sezoni i fundit nuk ka qenë i mirë për të, por i besohet nuhatjes së sulmuesit.

Higuain ka oferta nga Spanja dhe Gjermania, por dëshira e tij është që të shkojë në një klub që sipas Corriere dello Sport duhet të plotësoje dy kushte: të jetë një emër i rëndësishëm. Roma në Itali normalisht është një nga klubet që konkurron për vendet e sipërme të tabelës.

Kushti tjetër lidhet projektin teknik, që e sheh atë në qendër të tij dhe pjesë të rëndësishme. Me pak fjalë kërkon të jetë sulmuesi kryesor i skuadrës. Me Xhekon që do largohet, normalisht që Higuain do të ishte numri “9” i Romës.

Juventus e mori në këmbim të 90 milionë eurove në vitin 2016 dhe kërkon të përfitojë sadopak nga shitja e tij. Pas pushimeve ai do të kthehet të “Zonja”, për të marrë vesh qëndrimin e klubit mbi të ardhmen. Roma është një nga klubet e interesuar për të.

Ata e duan për të zëvendësuar Xhekon, i cili do të zbarkojë në “San Siro”, për llogari të Interit. Gjithsesi, vëllai i 31-vjeçarit e përjashton një kalim në klubin nga kryeqyteti. “Në Serie A do të luajë vetëm me Juventusin. Gonzalo ka një kontratë dhe dëshiron ta respektojë atë”, u shpreh ai.

Klubi që interesohet për të është Roma. Edin Xheko pritet të largohet këtë merkato verore. Interi do të jetë destinacioni i tij. Presindenti Palota kërkon të sjellë dikë që ta eliminojë hapësirën e ikjes së sulmuesit boshnjak.

Higuain është një ide e mirë. Për momentin nuk mund të aludohet rreth çmimit që Juventusi mund t’i vërë, por mund të themi që vlera e tij është ulur ndjeshëm pas dështimeve në Milano dhe më pas në Londër me Çelsin.

Niko Zaniolo mbylli një sezon shumë të mirë në aspektin personal me verdhekuqtë dhe klube të mëdha italiane e europiane kërkojnë shërbimet e tij.

Roma nuk dëshiron të humbasë shërbimet e 19-vjeçarit dhe synon të rinovojë me të deri në vitin 2024. Megjithatë, kërkesat e agjentit të mesfushorit janë të larta në krahasim me çfarë ofron klubi kryeqytetas.

Fabio Paratiçi është gati të shfrytëzojë situatën dhe ka gati 50 milionë euro për lojtarin. Për të paguar më pak dhe duke llogaritur faktin që Xheko është drejt largimit, drejtori sportiv i Juventusit ka një propozim tundues për Romën: para plus kartonin e Gonzalo Higuain për Zaniolon.

Roma po mendohet, ndërsa Juventusi po punon paralelisht për të arritur akordin me agjentin e lojtarit të talentuar.

Megjithatë, shpresa e fundit e londinezëve është “CAS”. Krahas procesit ligjor “blutë” e Londrës u duhet të punojnë ne negociata me klube të ndryshme, gjithmonë me shpresë se nga Zvicra do të vijë lajmi i shumëpritur.

Për fatin e mirë të ekipit anglez, dy të huazuarit Gonzalo Higuain dhe Mateo Kovaçciç bëjnë përjashtim nga pezullimi i UEFA-s pasi në kontratat e tyre janë vendosur klauzola blerjeje të cilat e kanë marrë parasysh këtë situatë të veçantë.

Sipas “Goal.com”, kroati Kovaçiç ka bindur gjatë qëndrimit në Angli dhe negociata për të kanë filluar, megjithatë  situata është krejt ndryshe për Gonzalo Higuain. Argjentinasi pritet të rikthehet te Juventusi, ndërsa reparti i sulmit do t’i besohet francezit Olivier Zhiru, i cili është shumë pranë arritjes së një marrëveshje rinovimi.

Pikërisht ditën e sotme, në mediat angleze dhe italiane është raportuar se Çelsi e ka vendosur që për argjentinasin nuk do ta aktivizojë të drejtën e blerjes dhe për këtë gjë është bindur edhe trajneri Sarri.
Vetëm pesë gola që nga janari për “El Pipitën”, i cili duket krejtësisht i humbur. 31-vjeçari do të rikthehet te Juventusi, rikthim që pritet të zgjasë shumë pak, të paktën deri sa Higuain të gjejë ekipin e ri. Diçka duket e sigurt, sulmuesit i është mbyllur dera nga Çelsi dhe Juventusi.

Argjentinasi ka shënuar vetëm 4 gola më “Blutë e Londrës”, një shifër e ulët për kualitetin e tij, por dikush i del në mbrojtje dhe beson akoma tek ai.

Mauricio Sarri është shumë i lidhur me Pipitën që nga koha kur ishin pjesë e Napolit. Trajneri e lidh formën e dobët me vështirësinë për t’u përshtatur me futbollin anglez dhe merr shembull Luis Suarezin kur u transferua nga Ajaksi te Liverpuli.

“Një sulmues e ka të vështirë të përshtatet në futbollin anglez dhe Premier Ligën. Kjo nuk vlen vetëm për Higuain. Mbaj mend që Suarez shënoi vetëm 3 gola sezonin e parë me Liverpulin. Më pas shënoi 16 dhe pastaj 24. E përsëris, është e vështirë për t’u përshtatur. Jam i sigurt që Higuain do të shënojë shumë gola sezonin e ardhshëm. Do e blejmë atë? Nuk e di, nuk merrem me merkaton, por besoj se po”, përfundon trajneri italian i Çelsit.

Sulmuesi argjentinas zbulon për “ESPN” se ka raste kur detyrohet të mbyllet brenda në shtëpi për të mos dëgjuar komentet negative të tifozëve.

31-vjeçari i “Bluve të Londrës” ka përfunduar shumë herë edhe në “sulmin” e tifozëve argjentinas për paraqitjet e tij me kombëtaren latine. Sadopak është mësuar, por Pipita nuk arrin të kuptojë gjithë këto fjalë dhe kritika që qarkullojnë për të dhe futbollistët në përgjithësi.

“Shpeshherë mbyllem në shtëpi dhe nuk dal jashtë prej frikës se çfarë do të më thonë njerëzit. Ndihem keq për këtë situatë. Ka njerëz që bëjnë gjëra të këqija dhe sillen vërdallë qetësisht pa ndjerë pikë turpi. Pyes veten se pse ne futbollistët, të cilët nuk bëjmë asgjë të gabuar, nuk mund të dalim nga shtëpia?

Njerëzit merren gjithmonë me faktin që fitojmë shumë, por ndjenjat nuk kompensohen me para. Në 14 vitet e fundit kam kaluar Krishtlindjen dhe ditëlindjen time me njerëz të ndryshëm. Për të qëndruar me mua, babait tim i duhet të bëjë 15 orë fluturim. Por njerëzit nuk e vrasin mendjen për diçka të tillë, merren vetëm me golat që shënojmë dhe paratë që fitojmë. Sinqerisht që më duket pak e ekzagjeruar, pavarësisht se tashmë jam mësuar”, përfundon Gonzalo Higuain.

Gjithsesi, gjithçka u zgjidh dhe 31-vjeçari u huazua përsëri nga kampionët e Italisë dhe u ritakua me ish-trajnerin Mauricio Sarri nën drejtimin e të cilit zhvilloi sezonin më të mirë të karrierës, duke shënuar një shifër rekord prej 36 golash me Napolin gjatë sezonit 2015/2016.

Megjithatë, teksa kanë kaluar tre muaj nga transferimi, Higuain nuk ia ka dalë të përligjë besimin e klubit londinez dhe teknikut italian. Në 13 aktivizime me blutë e Londës, “El Pipita” ka shënuar tre gola, këto të realizuar ndaj skuadrave të nivelit të dobët si Fulhem dhe Hadërsfilld. Paraqitjet e dobëta të Higuain u shfrytëzuan nga francezi Olivier Zhiru, i cili tani është pjesë e formacionit titullar.

Sipas së përditshmes angleze “Metro”, drejtuesit e Çelsit nuk janë në favor të blerjes përfundimtare të sulmuesit, por ka një kleçkë. Çelsi është dënuar nga FIFA me pezullimin nga merkatos e verës që vjen  dhe dimrit të 2020-ës. Klubi londinez shpreson që dënimi të hiqet në apel, por nëse kjo nuk ndodh, te Çelsi mund të jenë të detyruar të blejnë argjentinasin.

Mbrojtësi senegalez diskutoi problemet me racizmin, të punuarit me Karlo Ançelotin dhe garën dramatike për titullin e sezonit të kaluar.

DOPIETA NDAJ KIEVOS – “Nuk shënoja prej më shumë se një viti.  Do doja që të thoja se dopieta më e rëndësishme do të jetë kundër Arsenalit, por le t’i lëmë fjalët. Për të kaluar më tutje do të na duhet shumë pëqendrim. Do të kem të gjithë qytetin pas vetes”

ANÇELOTI – “Është një njeri i qetë, që na ka dhënë mentalitetin e duhur. Është një trajneri që i mësuar me këto lloj ndeshjesh, ka fituar jashtëzakonisht shumë, por në fund jemi ne që futemi në fushë dhe për çdo gabim faji bie mbi ne”.

RACIZMI – “Mendoj shpesh për çfarë më ndodhi në Milani (koret raciste në ndeshjen kundër Interit), por ajo ngjarje më ndihmoi të rritem si njeri. Gjithmonë kam forcë brenda vetes për t’i dalë kundër racizmit, por kam mësuar se reagimi në fushë nuk është i duhuri

HIGUAIN – “Ai ishte dhe vazhdon të mbetet një kampion. Ndoshta bëri zgjedhjet e gabuara. Këtu ai ishte një zot”.

TITULLI I VITIT TË KALUAR – “Ishte një javë e vështirë, ku ndodhi gjithçka. Por na duhet të tregohemi të sinqertë, Juventusi ishte skuadra më e fortë dhe titullin e humbëm për shkak të disa ndeshjeve të këqija”.

“Higuain më ka thënë që është e vështirë, sepse nga ana fizike, mbrojtësit në Angli janë shumë të fortë. Arbitrat janë më ndryshe se në Itali dhe është një futboll tjetër, sidomos për portierët dhe sulmuesit, është krejtësisht ndryshe. Mendoj se ka nevojë për kohë, por këtu nuk kemi kohë. Kështu që e duam në nivelet më të larta këto dy muaj.”
“Nuk e di në rast se do të qëndrojë. Dua ta shoh në formën më të mirë të mundshme këto dy muaj. Për momentin është shumë i rëndësishëm për ne. Kemi nevojë për Gonzalon. Nuk është e thjeshtë të mësohet me këtë kampionat”, përfundoi Sarri.

Një problem më vete është edhe dënimi që londinezët kanë marrë, ku nuk do të jenë aktiv dy merkatot e ardhshme për sa i përket blerjeve.
Ky fakt, sjell edhe rikthimin e Higuain te Juventus, pasi “El Pipita” është i huazuar me të drejtë blerje në “Stamford Bridge”. Sipas gjasave, 31-vjeçari po shtyrton destinacion e ardhshëm dhe duket se Italia mund të jetë përsëri e ardhmja e tij.

Siç raportohet nga lajmet e fundit në mediat italiane, Roma është futur në garë për shërbimet e Higuain dhe me sa duket do të bisedojë me drejtuesit bardhezinj. Klubi verdhekuq, gjithashtu është përmendur që kërkon të ketë si trajner për sezonin e ardhshëm, Mauricio Sarrin.
Nëse diçka e tillë do të ndodhte, padyshim kalimi i sulmuesit argjentinas në Romë do të thjeshtësohej akoma më shumë. Gjithsesi, ajo që dihet e sigurt, është se merkatoja e verës do të jetë shumë e nxehtë në kryeqytet.

VENDIMI – “Cikli im me kombëtaren argjentinase ka marrë fund. Tani dua të shijoj jetën dhe familjen time. Për gëzimin e shumë personave cikli im mori fund. Tani mund të heqin dorë nga shqetësimi nëse jam grumbulluar apo jo dhe le të mendojnë për ata që do të jenë me shpresën që të bëjnë mirë për kombëtaren. Kam folur me Skalonin dhe i ka paraqitur mendimin tim.”

KRITIKAT – “Ajo që bëmë ne ishte e mirë, jo dështim. Dështim do të thotë që të mos arrish objektivat, të mos kualifikohesh në Botëror, të mos luash tre finale, pavarësisht se i ke humbur. Gjithçka ka të bëjë me këndvështrimin se si e sheh.”

DHIMBJA – “Flitet më shumë për golat që kam humbur, sesa për ata që kam shënuar. Kam dhënë gjithmonë maksimumin për kombëtaren. Ata që më kritikojnë janë të njëjtën, të cilët kanë festuar golin tim me Belgjikën.”

RIKTHIMI – “Dyert e rikthimit te Riveri nuk mbyllen kurrë. Për momentin jam i lumtur për eksperiencën që po kaloj, por jam rritur te Riveri dhe kam marrë dashuri të madhe aty.”

Në daljen për shtyp pas ndeshjes ndaj Evertonit, ku skuadra e tij u mund me rezultatin 2 – 0,  trajneri i Çelsit Mauricio Sarri theksoi se skuadra e tij po kalon një problem psikologjik.

“Pjesën e parë luajtëm futbollin më të mirë që kemi bërë ndonjëherë, po të vazhdojmë të luajmë ashtu dhe në pjesën tjetër të sezonit nuk kemi pse të shqetësohemi. Pjesa e dytë ishte për t’u harruar. Mendoj se kemi një problem mentaliteti. Krijuam gjashtë  ose shtatë raste për shënim, në futboll është e pafalshme po të mos shënosh me kaq shumë raste”.

“Mund ta kapim vendin e katërt. Nuk e kuptoj pse flitet sikur është diçka e pamundur. Na mbeten edhe tëtë ndeshje deri në fund. Por e përsëris duhet që në këto tetë të ndeshje të luajmë si në pjesën e parë”.

HIGUAIN – “Higuan po vuan në këto momente, kjo është  e dukshme. Ka pasur probleme këtë javë në stërvitje dhe ende s’mund të luajë 90 minuta. Sigurisht që mund të bëjë më mirë, duhet të përmirësohet nga ana fizike dhe mendore”, tha Sarri.

Vendimi i FIFA-s, që me shumë mundësi do të apelohet nga Çelsi në CAS, i heq mundësinë londinezëve ta blejnë sulmuesin Gonzalo Higuain. Momentalisht argjentinasi ka shkuar në huazim nga Juventusi, por Çelsi nuk e paguan dot klauzolën e blerjes së sulmuesit.

Bardhezinjtë mund ta kundërshtojnë FIFA-s, pasi ata penalizohen në këtë histori. Aty u hiqet mundësia për të shitur “Pipitën” në bazë të marrëveshjes së bërë me klubin që garon në Premier League. E njëjta situata edhe me Mateo Kovaçiç, që do të duhet të kthehet në verë tek Reali i Madridit, pasi Çelsi nuk e blen dot mesfushorin kroat për shkak të bllokimit të merkatos nga FIFA.

Argjentinasi zgjodhi të bashkohej me Mauricio Sarrin, me të cilin ka punuar dhe kaluar shkëlqyeshëm te Napoli. Kartoni i Pipitës zotërohet nga Juventusi dhe në marrëveshjen mes bardhezinjve dhe Çelsit parashikohet blerja e lojtarit për shumën e 36 milionë eurove.

Klubi londinez është gati ta bëjë një gjë të tillë dhe siç raporton “Espn Fc”, akordi mund të arrihet për një shumë më të vogël se 36 milionët.

Çelsi pagoi 9 milionë euro për huazimin deri në fund të këtij sezoni, ndërsa do të paguajë dhe 18 milionë të tjera për huazimin e vitit të ardhshëm. Nëse duan të blejnë kartonin e plotë, atëherë sipas lajmeve që vijnë nga Spanja, marrëveshja mund të arrihet për një shifër më të ulët.

Juventusi është i detyruar ta bëjë diçka të tillë duke marrë parasysh moshën e lojtarit (në dhjetor mbush 32 vjeç) dhe faktin që ai do të kthehej në një barrë nëse kthehej në Torino. Por e ardhmja e Higuain me Çelsin varet shumë dhe me atë të Mauricio Sarrit, i cili rrezikon postin e tij në këto momente të vështira për të dhe djemtë e tij.

Gjithsesi, aventura e tij e re nuk ka nisur ashtu siç pritej. Pavarësisht dy golave të shënuar ndaj Hadërsfilld, Higuain dhe Çelsi i tij janë kritikuar shumë, sidomos pas humbjes turpëruese ndaj Mançester Sitit me shifrat 6-0.

Sikur të mos mjaftonin rezultatet, shtypi britanik ka publikuar ditën e sotme dhe një video, ku “El Pipita” pështyn në tunelet e “Etihad Stadium”, përpara se të zbresë në fushë. Gjesti i bërë nga argjentinasi ka marrë komente dhe kritika të shumta nga tifozët por jo vetëm. Edhe nga mediat, Higuain është etiketuar si një njeri mosrespketues dhe i vrazhdë.

Lidhja mes tyre është e fortë që nga koha kur ishin pjesë e Napolit dhe Pipita nuk u mendua dy herë për të braktisur Milanin. Në një prononcim për “Sky Sport”, Higuain flet për aventurën e re, trajnerin Sarri, gjashtë vitet e kaluara në futbollin italian dhe vështirësitë e hasura me ekipin e Gatuzos.

ÇELSI-SARRI – “Jam shumë i lumtur që kam ardhur te Çelsi, që është një klub i madh me një stadium të bukur, aty ku provon një eksperiencë fantastike si futbollist. Shpresoj që kjo skuadër të arrijë rezultatet që meriton me kalimin e kohës. Sarri është trajneri që ka nxjerrë më të mirën time në karrierë. E njoh mirë dhe më njeh mirë. Shpresoj që të rikthehem në nivelin që kisha te Napoli dhe kjo është ideja kryesore. Sarri më njeh, më ndihmon dhe di të nxjerrë më të mirën time.”

SERIE A – “Mendoj se rrugëtimi im në Itali u kompletua pas 6 viteve. Pas Napolit kalova te Juventusi dhe fitova dy tituj kampionë, pa harruar finalen e Champions Ligës. Është e vërtetë, kalova muaj të vështirë me Milanin, por nuk mendoj se niveli im ra me kuqezinjtë. Pas sezonit rekord me Napolin, ka qenë e vështirë të jetoja me krahasimin e bërë.”

MILANI – “Pas gjashtë muajve të komplikuar, shpresoj të rifitoj formën time më të mirë me Sarrin dhe Çelsin. Arrita shumë objektiva në gjashtë vitet e kaluara në Itali. Thirrja nga Anglia ishte shumë joshëse për t’u refuzuar. Nuk ngurova asnjë moment përpara mundësisë për të rigjetur Sarrin. Jam krenar që ndodhem në këtë klub të madh dhe shpresoj të jap më të mirën time.”

Megjithatë, ai ka folur për të përditshmen “The Times”, ku ka vlerësuar trajnerin italian, Maurisio Sarri dhe la të kuptohej se e ardhmja e tij mund të jetë në Londër, pasi ai dhe ish-tekniku i Napolit kanë ide të njëjta për mënyrën e të luajtur futboll.

Belgu ka thënë: “Sarrit i pëlqen zotërimi i topit, është shumë i dhënë pas statistikave, numrave, gjuajtjeve dhe mundësive për gola. Në të shkuarën ne luanim me kundërsulme më shumë. Është ndryshe tani me Sarrin, nuk është e njëjtë si me Konten apo edhe me Murinjon. Ndonjëherë mbajmë topin më shumë dhe unë e kuptoj se tifozët duan që ne të sulmojmë, por edhe kjo është pjesë e futbollit.”

“Akoma po vazhdojmë që të mësojmë nga idetë e tij, po bëjmë mirë dhe më pëlqen ky lloj i futbollit. Sarri është një trajner i shkëlqyer. Ai ka eksperiencë dhe mënyra si mendon lidhur me futbollin, është e njëjtë me timen”, ka deklaruar sulmuesi belg. Hazard po bën mjaft mirë këtë sezon me londinezët, ku në gjitha kompeticionet ka arritur qetë gjejë rrugën e rrjetës 15 herë në 31 ndeshje të zhvilluara.

HIGUAIN  – Eden Hazard foli edhe për blerjen e janarit, sulmuesin argjentinas Gonzalo Higuain. Ai e vlerësoi atë si lojtar, por vuri në dukje faktin që i duhet kohë të përshtatet me stilin e lojës që bëhet në Premier Ligë. Gjithsesi ai beson se do të bëjnë mirë së bashku dhe “Pipita” do shënojë shumë gola me Çelsin.

“Kam luajtur vetëm dy ndeshje me Higuainin dhe e di që mund të bëjmë gjëra të mëdha së bashku. Në fakt jo vetëm me të, por edhe me sulmuesit e tjerë dhe anësorët. Ai duhet të përshtatet pak me futbollin anglez, sepse këtu kemi të bëjmë me futboll tjetër në krahasim me Italinë dhe Spanjën. Ai ka shumë eksperiencë, ka shënuar kudo. Është një djalë i mirë dhe i qetë. Sigurisht që do të shënojë edhe këtu shumë gola”, përfundoi belgu.

Në një prononcim për “Chelsea TV”, Hazard analizon duelin kundër ekipit të Guardiolës dhe vlerëson shumë sulmuesin argjentinas. Pipita ndryshon shumë me Zhiru dhe fantazisti ka besim se Higuain, i cili gjeti dygolëshin e parë me “Blutë e Londrës”, do të shënojë dhe shumë të tjerë në vazhdim..

SITI – “Do të jetë një ndeshje ndryshe nga ajo e para dy muajve. Ata do të zotërojnë topin, Siti ka këta lloj futbollistësh, të cilët luajnë bashkë dhe ndërtojnë aksione korale. Ne do të mbrohemi mirë dhe më pas do të shënojmë një ose dy gola. Na pret një muaj i vështirë, por ne jemi Çelsi dhe mund të mposhtim çdo kundërshtar.”

HIGUAIN – “Ai është padyshim një sulmues shumë i fortë. Luan më pak brenda zonës krahasuar me Zhiru, por ka një kontroll të mirë të topit dhe i pëlqen të luajë me një takim. Gonzalo është një futbollist shumë inteligjent dhe brenda zonës është i pabesueshëm. Mendoj se ai do të shënojë me të vërtetë shumë gola.”

Elozhe për Pipitën ka thënë dhe Ngolo Kante. Mesfushori dhuroi dy asistet e dygolëshit të Higuaini dhe vlerëson shumë faktin që ai i njeh mirë kërkesat e Sarrit dhe e ka të qartë punën që duhet të bëjë ekipi për të mbërritur te fitorja.

“Unë kërkoj t’i shërbej sulmuesve në mënyrën më të mirë të mundshme dhe kjo është pjesë e rolit tim. Jam i lumtur për dy asistet. Gonzalo e ka të qartë se çfarë kërkon trajneri dhe e kupton se çfarë duhet të bëjë ekipi”, përfundon kampioni i botës në fuqi me Francën.

Një veprim i tillë bie ndesh me politikën e klubit londinez, që nuk i ofron më shumë se 1 vit kontratë lojtarëve mbi 30 vjeç. Rasti i fundit është Çesk Fabregas me spanjollin që përfundoi te Monako në Francë.

“Daily Telegraph” zbulon një episod të ndodhur në verën e vitit 2016. Në stolin e Çelsit ishte Antonio Konte dhe italiani kërkonte Higuain për repartin e sulmit. Ai ishte 28 vjeç dhe drejtuesit e klubit u përgjigjen shkurt: “shumë i vjetër dhe shumë i shtrenjtë”.

Transferimi nuk ndodhi dhe argjentinasi kaloi tek ekipi i Juventusit. Sot është 31 vjeç, por Mauricio Sarri ia ka dalë të bindë drejtuesit e klubit dhe të sigurojë shërbimet e Pipitës.

Sulmuesi kishte një çmim kartoni më të lartë në atë periudhë (76 milionë sterlina), sot është tre vite më i vjetër dhe do të përfitojë dyfishin e rrogës që i ishte ofruar në verën e vitit 2016.

“Jam i lumtur që Higuain u largua. Nuk i pëlqej mercenarët, kudo që të jenë ata, si në politikë ose edhe në futboll. Angazhimi për të nderuar fanellën është diçka thelbësore. Ai u largua, ndërsa ne fituam, kështu që mund të largohet ku të dojë”, tha Salvini.

Duhet përmendur se në të shkuarën deklarata e Salvinit kanë turbulluar ambientin në skuadrën e Milanit. Disa muaj më parë pas barazimit 1-1 ndaj Lacios, politikani lëshoi një seri ofendimesh drejt trajnerit Xhenato Gatuzo. Tekniku kalabrez iu kundërpërgjigj, duke i kujtuar atij se Italia ka boll probleme që ai të merret me futboll.

Në kuadër të sfidës së nesërme, ka folur për mediat pikërisht numri një i pankinës së Çelsit, Mauricio Sarri. Tekniku italian ka deklaruar se ekipi duhet të reagojë pas humbjes ndaj Arsenalit, si dhe ka zbuluar në rast se Higuain do të luajë nesër.

FORMA E EKIPIT – “Duhet të reagojmë në fushë. Diskutova dhe me lojtarët dhe do provojmë të bëjmë më mirë dhe të motivohemi më shumë. Po mundohemi të ndryshojmë disa gjëra, pasi na duhet të reagojmë patjetër në fushë”.

HIGUAIN – “Është një sulmuesi i fortë, sidomos në sezonin tim të parë në Napoli. Ai bëri një super sezon. Padyshim, është një ndër sulmuesit më të mirë që kam pasur në karrierë. Ka eksperiencën e duhur për të luajtur këtu”.

MUNDËSIA E HIGUAIN PËR TË LUAJTUR NESËR – “Është shumë afër firmosjes me ne. Shpresoj që të rikthehet të shënojë dhe të jetë në formën e tij më të mirë. Ndaj Totenhemit është e pamundur të luajë, pasi dhe transferimi nuk do të jetë finalizuar, kështu që nesër nuk luan”.

Siç duket dhe nga fotot, “El Pipita” pak momente më parë ka qenë në aeroport, ku do të fluturojë nga Milano drejt Londrës. Ndërkohë nga ana tjetër, Kristof Piatek ka lënë shtëpinë e tij në Xhenoa një natë më parë dhe mesditën e sotme pritet që të zyrtarizohet si lojtar i Milanit.

? EXCLUSIVE??Gonzalo #Higuain from Milan to London #Chelsea #CFC #transfers pic.twitter.com/hH4EBEbKWE

— Michael Cuomo (@MichaelCuomo7) January 23, 2019

Kështu, mbyllet edhe një nga telenovelat më të përfolura të kësaj merkatoje, ku Higuain do të jetë i Çelsit, ndërsa Piatek do të firmosë për Milanin, ku 35 milionë euro do të kalojë në arkat e Xhenoas.

Mosgrumbullimi për ndeshjen e nesërme ndaj Xhenoas gjithashtu ishte një shenjë e qartë, se “El Pipita” është i larguar. Mbrëmjen e sotme ose nesër pritet që sulmuesi të udhëtoje drejt Londrës për t’u zyrtarizuar si lojtari më i ri i Çelsit.

Kujtojmë, Higuain u bashkua me Milanin verën e vitit 2018, teksa aventura e tij në Milano zgjati vetëm gjashtë muaj. Drejtuesit e Milanit e morën 31-vjeçarin në huazim për 18 milionë euro dhe të drejtë blerje për 37 milionë të tjera, por marrëveshja u prish dhe tashmë “El Pipita” do të bëhet një lojtar i Çeslit.

Te “Blutë e Londrës” janë të lumtur që kanë siguruar shërbimet e Higuainit, por ka dhe të tjerë që mendojnë ndryshe. Anglezja “The Sun” është hapur me foton e sulmuesit dhe një koment thumbues për Çelsin.

“Largohen të rinjtë dhe vijnë të vjetrit”, shkruan “The Sun” në faqen e parë. Situata ka lidhje me afrimin e Pipitës dhe largimin e Hudson-Odoi (me shumë mundësi drejt Bajernit). I pari është 31 vjeç, ndërsa anglezi është 18 vjeç. Anglezi luan në rolin e sulmuesit të krahut dhe cilësohet si një nga talentët më të mëdhenj të futbollit anglez.

Çelsi luan nesër derbin kundër Arsenalit, ndërsa të mërkurën është derbi tjetër kundër Totenhemit në Kupën e Ligës, aty ku Higuain do të debutojë me ekipin e ri. “Blutë e Londrës” kanë arritur akordin me Juventusin, ndërsa Milani ka miratuar këtë transferim.

31-vjeçari do të huazohet deri në fund të sezonit, ndërsa më pas do të rinovojë për një vit tjetër në bazë të prezencave dhe golave të shënuar. Nga ana tjetër, Milani është shumë afër blerjes së Kristof Piatek, i cili ka shënuar 13 gola në kampionat dhe gjashtë në kupë deri në këtë moment me ekipin ligur.

Leonardo po punon prej ditësh për sigurimin e shërbimeve të sulmuesit të Xhenoas. Braziliani është takuar në fshehtësi me presidentin Preciozi, siç raportojnë mediat italiane, ndërsa sot do të ketë takimin vendimtar me drejtorin sportiv Perineti.

23-vjeçari polak do të huazohet te Milani deri në fund të sezonit për t’u blerë në verë për shumën e 40 milionë eurove. Xhenoa ka pranuar këtë marrëveshje, por kërkon që Milani të jetë i detyruara ta blejë Piatekun në fund të sezonit, ndërsa kanë mbetur për t’u përcaktuar dhe pjesa e bonuseve. Të hënën luhet ndeshje Xhenoa-Milan, por sulmuesi nuk do të luajë për shkak të kartonëve.

Daniele Fusko është një tifoz i thekur i Milanit dhe në vitin e kaluar vendosi të blinte bluzën e Leonardo Bonuçit, ndërsa në fillimin e këtij sezoni vendosi të blinte bluzën e Higuain. Të dy janë larguar dhe kjo gjë e ka trishtuar Fuskon.

Tifozi ka zgjedhur një mënyrë origjinale për të protestuar për këtë fakt. Ai ka postuar në rrjetet sociale dy foto me bluzat e ish-milanistëve. “I kërkoj zyrtarisht klubit të Milanit dëmshpërblimin e dëmeve”, shkruan në mënyrë ironike Fusko. Ai është gati të blejë një bluzë tjetër, por tashmë duhet të mendohet dy herë para se të zgjedhë emrin e ri…

 

View this post on Instagram

 

C’è qualcuno di voi messo peggio?

A post shared by Rompipallone.it (@rompipallone.it) on Jan 17, 2019 at 5:27am PST

Pikërisht, në kohën që Milani ka mbërritur në Malpensa, gazetarët kanë pasur si objektiv vetëm “El Pipitan”, të cilin e kanë pyetur në lidhje me kalimin e tij në Londër. Gjithsesi, Higuain, duket se ka treguar klas edhe në përgjigjen ndaj mediave, duke i dribluar me përgjigjen e tij.
Pyetja që iu drejtua nga gazetarët ishte: “Gonzalo, jeni i lumtur për ribashkimin me Sarrin, tani te Çelsi?” Ndërkohë, Higuain u shpreh: Në qoftë se po kërkoni probleme me mua, nuk do t’i gjeni kurrë”, teksa më pas u largua duke mos thënë asnjë fjalë më tepër.

Tani priten zhvillimet e radhës në telenovelën “Higuain”, që ende mbetet një enigmë.

“Më duhet t’i bëj komplimente skuadrës, pasi siç e thashë edhe më parë na duhej të ngjitnim një mal dhe u përpoqëm ta bënim këtë gjë”, tha Gatuzo fillimisht.

“Nuk më takon mua të gjykoj mbi rastet e dyshimta. E pranoj se kartoni i kuq i Kesies ishte i merituar. I vetmi shqetësim që unë kam është mënyra e përdorimit të teknologjisë. Skuadra tregoi karakter sot, duke luftuar fort ndaj një kundërshtari të madh. Tani mbetemi pa dy lojtarë ndaj Xhenoas (Kesie dhe Kalabria të pezulluar për shkak kartonësh). Pavarësisht paraqitjes, ka gjithmonë pendesë kur humbet një finale”.

“Higuain ka qejnë i pafat. Atë e kapi një e ftohur ditën e djeshme dhe në bëmë gjithçka për ta përmirësuar gjendjen e tij, por në fund vendosa të aktivizoj një lojtar më të freskët. Mund të duket sikur po tallem, por sinqerisht, kjo është e vërteta”.

Më pas Gatuzo u pyet nëse kjo ishte ndeshja e fundit e Higuanit me fanellën e Milanit, pyetje të cilës kalabrezi iu përgjigj me një mënyrë të çuditshme duke thënë: “Tani na duhet të kujdesemi për plagët tona, nesër të shikojmë çdo të ndodhi”, përfundoi trajneri i Milanit.