Golden State

Curry “show” hedh në tapet Rockets, Golden State fluturon drejt finales

Sport Ekspres — Sat, 11 May 2019 07:47:01 +0000

Golden State shkruan historinë. Warriors arritën të mbyllin me fitore një ndeshje spektakolare dhe të luftuar deri në fund. Kampionët në fuqi arritën të mundin Houston Rockets me rezultatin 113-118 për ta çuar serinë e gjysëmfinaleve në 2-4 dhe për të kapur për herë të pestë radhazi finalet e Konferencës së Perëndimit.

Diferencën e bëri Stephen Curry me 33 pikët e shënuara. Në fund të gjashtë finaleve janë shënuar një lumë pikësh me plot 1329 të tilla nga të dy ekipet.

Edhe pse pa Kevin Durant të dëmtuar, Golden State nuk e pati shumë problem sepse pesë lojtarë arritën të shënonin me dy shifra. Stephen Curry (33) dhe Clay Thompson (27) ishin shënuesit më të mirë të “Warriors”. Shënuesi më i mirë i ndeshjes qëndron në krahun e Rockets dhe është James Harden (35). Chris Paul bëri një ndeshje mbi mesataren me 27 pikë dhe 11 rebaunde.

Steph Curry ERUPTS for 33 2nd half PTS as the @warriors advance!

GSW has a postseason record of 29-4 when Steph scores 30+ PTS. This 87.9% win % is the highest in @NBAHistory among the 30 players with at least 20 career 30-point games in the playoffs. #SAPStatLineOfTheNight pic.twitter.com/A3SexZJiIX

— NBA.com/Stats (@nbastats) May 11, 2019

Një fund i jashtëzakonshëm i Stef Curry vendosi fatet e takimit për ta ngjitur për të disatën herë ekipin e tij në “qiellin” e konferencës së perëndimit.

?? @StephenCurry30 goes off for 33 PTS in the 2nd half, leading the @warriors past Houston and into the Western Conference Finals! #StrengthInNumbers #NBAPlayoffs pic.twitter.com/1A26pJfLEk

— NBA (@NBA) May 11, 2019

Kështu basketbollistëve të “Warriors” nuk i mbetet gjë tjetër veçse të relaksohen dhe të presin fituesin e çiftit mes Denver Nudgetts dhe Portland Trail Blazers. Seria është 3-3 dhe sot vendoset gjithçka.

Steph Curry leads the @warriors into their 5th consecutive Western Conference Finals! pic.twitter.com/h1X0K0mvu5

— NBA (@NBA) May 11, 2019

Marshojnë Warriors dhe Raptors, James gëzon me Lakers

Sport Ekspres — Sat, 24 Nov 2018 09:54:26 +0000

Golden State Warriors ka shpartalluar Portlaind Trail Blazers 125-97. Kevin Durant dhe Kaly Thompson morën ekipin për dore, teksa realizuan 32 dhe 31 pikë secili. Një ndeshje që nisi mirë për miqtë, por perioda e dytë deri tek e fundit folën për kampionët në fuqi. Kawhi Leonard (27 pikë) ishte ai që udhëhoqi Toronto Raptors në fitoren 125-107 kundër Washington Wizards. Fitorja e 16-të sezonale për kanadezët, që udhëheqin klasifikimin në Konferencën e Lindjes.

Janë befasuar Milwaukee Bucks dhe Philadelhia 76ers. Të parët u mundën nga Phoenix Suns 114-116. Një ndeshje e balancuar, teksa Giannis Antetokounmpo realizoi 35 pikë. Gjithsesi nuk mjaftuan për të fituar. 76ers e pësoi nga Cleveland Cavaliers, që morën fitoren e tretë sezonale me rezultatin 112-121.

Denver Nuggets likuiduan me sukses Orlando Magic me shifrat 112-87, ndërkohë që festoi edhe LeBron James. Los Angeles Lakers fitoi ndaj Utah Jazz 90-83 dhe “Mbreti” shënoi 22 pikë për skuadrën e tij.

Fitore e rëndësishme për Los Angeles Clippers, ndaj një rivali si Memphis Grizzlies. 112-107 ishte rezultati i takimit, që u vendos në shtesë. Derrick Rose me 25 pikët e realizuar ndihmoi Minnesota Timberwolves të triumfonte 102-112 kundër Brooklyn Nets.

Houston Rockets është mposhtur 116-111 nga Detroit Pistons, pavarësisht se James Harden bëri një ndeshje të mirë dhe shënoi 33 pikë. Clint Capela gjithashtu shkëlqeu, me 29 pikë dhe 21 topa të rikuperuar, por në fund ishin Pistons ata që festuan.

Boston Celtics bënë detyrën kundër Atlanta Hawks, duke fituar me rezultatin 96-114. New York Knicks ishte në lartësinë e duhur në shtëpi kundër New Orleans Pelicans dhe triumfoi114-109. Josh Richardson ishte në një formë të mirë kundër Chicago Bulls, teksa shënoi 27 pikë. Me rezultatin 96-103 Miami Heat doli me kokën lart nga parketi.

Oklahoma City Thunder është në rrugë të mbarë, pasi kaloi Charlotte Hornets me shifrat 109-104. Russell Westbrook ishte njeriu i ndeshjes me 32 pikë, 8 asiste dhe 12 topa të rikuperuar. LaMarcus Aldridge (33 pikë, 3 asiste, 14 rikuperime) nderoi San Antonio Spurs, që mposhti Indiana Pacers 100-111.

Brooklyn Nets-Minnesota Timberwolves 102-112
Los Angeles Clippers-Memphis Grizzlies 112-107
Detroit Pistons-Houston Rockets 116-111
Philadelhia 76ers-Cleveland Cavaliers 112-121
Atlanta Hawks-Boston Celtics 96-114
Toronto Raptors-Washington Wizards 125-107
New York Knicks-New Orleans Pelicans 114-109
Chicago Bulls-Miami Heat 96-103
Oklahoma City Thunder-Charlotte Hornets 109-104
Indiana Pacers-San Antonio Spurs 100-111
Milwaukee Bucks-Phoenix Suns 114-116
Denver Nuggets-Orlando Magic 112-87
Los Angeles Lakers-Utah Jazz 90-83
Golden State Warriors-Portlaind Trail Blazers 125-97

Durant-Curry, të pandalshëm! Fitore dramatike ndaj Utah Jazz

Sport Ekspres — Sat, 20 Oct 2018 08:39:42 +0000

NBA ka nisur dhe në orët e para të ditës së sotme në SHBA dhe në mbarë botën shumëkush ka pasur mundësinë që të shijojë magjinë e basketbollit amerikan. Padyshim ndeshja më e rëndësishme ka qenë Utah Jazz-Golden State Warriors.

Kampionët në fuqi fituan vetëm me një pikë diferencë dhe vendosi një “ish” këtë takim. Jonas Jerbeko, suedezi që këtë verë la Utah Jazz për Warriors, ishte autor i dypikëshit që përmbysi rezultatin në 123-124.

Vendasit bënë mirë, teksa ishin disa lojtarët që me koshat e shënuar për pak sa nuk i thyen kampionët në fuqi. Gjithsesi Durant e Curry janë super si zakonisht. I pari shënoi 38 pikë, ndërsa tjetri 31 pikë. Në fund festa ishte e ligjshme dhe Warriors regjistruan fitoren e dytë sezonale.

New Orleans Pelicans morën gjithashtu fitoren e dytë. Ata kaluan me sukses Sacramento Kings në ndeshjen që pati më së shumti pikë: përfundoi 149-129. Spikati Nikola Mirotiç, i cili realizoi 36 pikë. Edhe Anthony Davis ishte në formë të mirë, me 25 pikë të shënuara.

Kawli Leonard (31 pikë, 10 rebounde) udhëhoqi Toronto Raptors kundër Boston Celtics, në një ndeshje që nisi mirë për miqtë. Gjithsesi në fund gjithçka u mbyll 113-101 për Raptors. Emocionues edhe takimi Brooklyn Nets-New York Knicks. Vetëm dy pikë i ndanë skuadrat në fund.

Minnesota Timberëolves mori fitoren e parë dhe këtë e bëri ndaj Clevelend Cavaliers, që ende nuk njohin fitore. Jimmy Butler ishte njeriu i ndeshjes me 33 pikë, 3 asiste dhe shtatë topa të rikuperuar. Kevin Love (25 pikë) dhe Cedi Osman (22 pikë) nuk u mjaftuan Cavaliers, që u thyen 131-123.

Orlando Magic-Charlotte Hornets 88-120
Minnesota Timberwolves-Cleveland Cavaliers 131-123
Memphis Grizzlies-Atlanta Hawks 131-117
Milwaukee Bucks-Indiana Pacers 118-101
Los Angeles Clipers-Oklahoma Cuty Thunder 108-92
Brooklyn Nets-New York Knicks 107-105
Toronto Raptors-Boston Celtics 113-101
New Orleans Pelicans-Sacrameto Kings 149-129
Utah Jazz-Golden State Warriors 123-124

VIDEO | Curry e Durant udhëheqin kampionët, Boston bën detyrën

Sport Ekspres — Wed, 17 Oct 2018 09:11:33 +0000

Ka nisur magjia e NBA. Dy ndeshjet e para janë luajtur në orët e para të ditës së sotme dhe Boston Celtics kanë triumfuar kundër Philadelphia 76ers, kurse Golden State Warrios kaluan me sukses Oklahoma City Thunder.

Kampionët në fuqi të NBA u udhëhoqën nga Stephen Curry, i cili arriti të realizonte 32 pikë për Warriors. Në lartësinë e duhur ishte edhe Kevin Durant, me 27 pikë, 6 asiste dhe 8 rebounde. Ndeshja nisi mirë për Golden State, që e mbylli periodën e parë me tetë pikë avantazh (31-23).

Oklahoma reagoi, por sërish kampionët ishin më lart dhe gjysma e parë e lojës u mbyll me rezultatin 57-47. Perioda e tretë foli për miqtë, që shënuan katër pikë më shumë se Golden State. Këta të fundit nuk lanë t’u ikte ndeshja nga duart, pasi në periodën e katërt shënuan më shumë pikë dhe gjithçka u mbyll 108-100.

Paul George ishte më i miri për Oklahoma, teksa shënoi 27 pikë. Dennis Schroder realizoi 21 pikë, kurse Steven Adams 17. Gjithsesi këto shifra nuk mjaftuan për të mundur Golden State Warriors.

BOSTON CELTICS – Fitore bindëse, me rezultatin 105-87. Jayson Tatum ishte ai që spikati mbi të tjerët, me 23 pikë dhe 9 rebounde. Por ishin disa lojtarë që shënuan pikë me shifra dyshe, duke bërë që Philadelphia 76ers të mposhtej.

Joel Embid (23 pikë, 10 rebounde) dhe Ben Simmons (19 pikë, 15 rebounde) bënë të pamundurën t ndihmonin ekipin e tyre, por pa sukses. Vetëm perioda e parë ishte e barabartë (21-21), pasi më pas Boston Celtics i mbylli të tjerat në avantazh, konkretisht duke triumfuar 26-21, 30-24 dhe 28-21.

Golden Stejt e kthen në dinasti, sërish kampion në NBA

Sport Ekspres — Tue, 13 Jun 2017 11:46:08 +0000

Golden Stejt Uoriërs mposhti mbrëmje Kleveland Kavaliers, duke rifituar titullin në NBA, me një triumf 4-1 në serinë finale.

Uoriërs triumfuan 129-120 dje, duke fituar titullin e dytë në tre sezonet e fundit dhe duke mbyllur në mënyrë perfekte një ecuri thuajse të pandalshme në play-off.

Në vitin 2015 Golden Stejt mposhti pikërisht Klevelandin në finale, por u mund vjet nga i njëjti rival, duke shpërdoruar avantazhin 3-1.

Lojtari më i Çmuar i Finaleve (MVP) u shpall sulmuesi Kevin Durant, lojtar kyç për Uoriërs, që fituan 16 e humbën vetëm një ndeshje në play-off, një rekord në historinë e NBA-së.

Durant, i transferuar këtë sezon nga Oklahoma Siti dhe Golden Stejt, shënoi 29 pikë në ndeshjen e djeshme, ndjekur nga i zakonshmi Stefën Këri, me 34 pikë.

LeBron Xhejms, MVP vitin e shkuar, udhëhoqi Kavaliers me 41 pikë, 13 ribaunde dhe 8 asiste, po nuk mjaftoi.