Golazo

VIDEO | Gol i pabesueshëm, talenti ukrainas thyen ligjet e fizikës

Sport Ekspres — Wed, 13 Feb 2019 19:27:58 +0000

Heorhi Tsitaishvili është një ndër milionat të rinjtë e këtij planeti që ëndërrojnë të bëhen futbollistë profesionistë. Talenti ukrainas ende pret të debutojë me ekipin e parë të Dinamos së Kievit, por te skuadra e 19-vjeçarëve po spikat ndeshje pas ndeshje.

Së fundmi 18-vjeçari ka shënuar një gol tejet të veçantë. Një goditje e fuqishme me të majtën nga e cila topi merr një trajektore të pabesueshme. Në pamje të parë të duket sikur kemi të bëjmë me një video montazh, por jo është thjesht një gjuajte nga ato që ndodhin një në një milion herë.

VIDEO | “I treti i vërteti”, goli që po shtang gjithë botën

Sport Ekspres — Mon, 28 Jan 2019 08:53:30 +0000

Golat akrobatik të tipit “rofeshatë” janë gjithmonë të bukur për t’u parë. Një i tillë ka ndodhur në kampionatin palestinez, në takimin midis Al Aksës dhe Xhamai Rafah. Megjithatë, kemi të bëjmë me një gol shumë të veçantë.

Sulmuesi i Xhamai Rafah, Ibrahim Naxhar, ishte lojtari i tretë që tentonte një roveshta brenda tre sekondash dhe në këtë rast vlejti shprehja “I treti i vërteti”, pasi Naxhar i dha avantazhin skuadrës së tij.

VIDEO | “Siluri” i javës vjen nga Afrika e Jugut, goditje perfekte

Sport Ekspres — Tue, 06 Nov 2018 14:43:24 +0000

Një gol nga kampionati i Afrikës së Jugut po bën xhiron e botës. Gjithçka ndodhi në ndeshje midis “Kaizer Chiefs” dhe “Supersport United”, ku në minutën e 38-të mbrojtësi Ramahlue Mfahlele shtangu portierin e “Supersport United” me një goditje që i ngjason shumë asaj që kemi parë në serialin vizatimor “Oli dhe Benxhi”.

Goli Mfaheleles rezultoi deçiziv, pasi takimi u mbyll me shifrat 1-0. Goditja u realizua në perfeksion dhe është e sigurt se 28-vjeçari do ta mbajë mend gjatë këtë gol, pasi në të gjithë karrierën e tij, që ka filluar më shumë se një dekadë më parë, ka shënuar vetëm 4 gola.

Spektakël në Irlandë, qendërmbrojtësi shënon golin e vitit

Sport Ekspres — Tue, 09 Oct 2018 09:20:55 +0000

Një gol fantastik është realizuar në mbrëmjen e kaluar në kampionatin irlandez. Në takimin midis Korkut dhe Bohemians, të pranishmit në stadium kanë ngelur të shtangur nga goli fantastik i qendërmbrojtësit Ajan Morris.

Një goditje nga 40 metra që gjeti trëkëndëshin e portës së Korkut dhe ngushtoi diferencën në 2-1. Në momentin e shënimit të golit, pati një konfuzim, pasi nuk u kuptua nëse topi e kaloi ose vijën fatale. Goli ka bërë xhiron e botës dhe me siguri do të jetë një ndër kandidatët për çmimin Puskas.

Goal of the season contender from Ian Morris who drags Bohemians back into game with extraordinary strike from 40+ yards pic.twitter.com/0SQtqIUuqp

— Soccer Republic (@SoccRepublic) October 8, 2018

Shtangu 60000 tifozë, shijoni perlën e talentit spanjoll

Sport Ekspres — Thu, 27 Sep 2018 17:50:23 +0000

Fitorja e Vijarealit në Bilbao ishte një ndër shumë surpriza që rezervoi jave e gjashtë e kampionatit spanjoll. “Nëndetësja e verdhë” mposhti në stadiumin në “San Mames” vendasit me rezultatin 0-3, ku golin e parë të takimit e shënoi mesfushori Pablo Fornals, i cili goditi fluturimthi topin nga më shumë se 40 metra për t’i zhbllokuar shifrat.

Goli i 22-vjeçarit mori edhe duartrokitjet e publikut vendas dhe me siguri i ka siguruar atij një nominim për çmimin “Puskas”. Fornals konsiderohet si një ndër talentet më premtues të futbollit spanjoll dhe mund të jetë çështje kohe para se trajneri i përfaqësueses spanjolle, Luis Henrike, të vendosi t’i bëjë një telefonatë.

Eder sërish hero, kësaj radhe shënon golin e vitit në Rusi

Sport Ekspres — Thu, 27 Sep 2018 15:29:43 +0000

Sulmuesi portugez, Eder, do të mbahet mend gjatë për golin e tij në finalen e Euro 2016-ës, që i dha trofeun përfaqësueses luzitane. Prej dy vitesh Eder luan në kampionatin rus me skuadrën e Lokomotivës së Moskës

Ditën e djeshme, 30-vjeçari shënoi një gol fenomenal në takimin e Kupës së Rusisë ndaj skuadrës së Baltikës. Një finalizim fantastik me një gjysmë rrofeshatë në ajër dhe nga një largësi e konsiderueshme. Jo keq për një lojtar që kishte që nga fillimi i sezonin pa gjetur rrugën e rrjetës.

Video | 6 driblime në 6 sekonda, talenti ukrainas shënon për “Puskas”

Sport Ekspres — Fri, 07 Sep 2018 17:45:35 +0000

Marian Shved, sulmuesi i Ukrainës U21 sapo ka shënuar golin më të bukur të karrierës së tij. 21-vjeçari, i cili aktivizohet me Karpati Lviv në kampionatin ukrainas dhuroi spektakël duke me aftësitë e tij në ndeshjen ndaj Letonisë U21.

Goli i fundit i Shved rrit akoma dhe më shumë interesin për të, pasi ukrainasi cilësohet si një ndër talentet më të mëdha të kampionatit vendas dhe një kalim në një kampionat elitar evropian mund të vijë që në merkaton e janarit.

Video | La Liga nis me spektakël, Levante gol për “Puskas” që në start

Sport Ekspres — Sat, 18 Aug 2018 07:51:49 +0000

Edicioni i ri i La Ligas filloi ditën e djeshme me përballjet Zhirona – Real Vajadolid dhe Betis Levante. Takimi i parë u mbyll në një barazim pa gola, ndërsa ndeshja në tokën andaluziane rezultoi një 90-minutësh tipik spanjoll.

Skuadra e Levantes në të cilën bën pjesë edhe sulmuesi i kombëtares tonë, Armando Sadiku, befasoi të zotët e shtëpisë me fitoren 0-3. Fillim më të mirë për valencianët nuk mund të kishte. Rezultati të gënjen disi, pasi Betis dominoi gjatë pjesës dërrmuese të takimit, por Levante u tregua dinake duke qenë mos falur para porte në të gjitha rastet që iu dhanë.

Një e veçantë e mbrëmjes ishte dhe goli i dytë, ku sulmuesi 31-vjeçar Hoze Morales kreu një mrekulli të vërtetë duke bërë një sprint 80 metra, gjatë të cilit dribloi disa kundërshtarë, një “perlë” që e vetëm futbolli spanjoll na e ofron.