U largua nga Partizani, vjen firma te kampionët e Bosnjës

Sport Ekspres — Wed, 09 Jan 2019 19:08:39 +0000

Largimi i parë i merkatos së dimrit te Partizani ishte mbrojtësi Renat Gojkoviç. Klubi i kuq dhe mbrojtësi boshnjak ndërprenë kontratën me konsensus kontratën pas një bashkëpunimi që zgjati pothuajse një vit.

Me ardhjen e Skënder Gegës te Partizani, 23-vjeçari humbi vendin e formacionit dhe aktivizimet për të qenë të pakta, konkretisht vetëm katër takime gjatë këtij sezoni.

Ditën e sotme, boshnjaku është prezantuar tek ekipi i tij i ri, Zrinjski Mostar, skuadra kampione në fuqi e kampionatit të Bosnjës. Klubi i Mostarit njofton se Gojkoviç ka nënshkruar një kontratë që do të mbajë të lidhur për një vit e gjysmë.

Partizani luan “tenis” ndaj Tomorit

Sport Ekspres — Sat, 04 Aug 2018 18:00:06 +0000

Aventura e Partizanit në Kupat e Europës ishte e shkurtër, pasi shorti vendosi që ta përballte që në raundin parë të Europa Leagues me ekipin e Mariborit. Pas aventurën në Europë tekniku Gega vendosi që skuadra të grumbullohet në Elbasan për fazën përgatitore.

“Demat” kanë zhvilluar sot një takim miqësor me skuadrën e Tomorit, ku kanë arritur një sukses të thellë 6-1. Gjithsesi, duhet të veçohet që në formacion titullar ishin shumë emra të rinj, por dhe disa nga afrimet e kësja vere.

Që në sekondat e para ishte Klejdi Daci, i cili shënoi sapo ishte mbushur një minutë lojë. Më pas kanë qenë beratasit ata që kanë arritur të barazojnë shifrat.

Në pjesën e dytë trajneri Gega ka aktivizuar një pjesë të madhe të titullarëve dhe rezultati flet vetë më pas. Progni shënoi sapo startoi pjesa e dytë dhe më pas Gojkoviç, Hila e Trashi si dhe një autogol i skuadrës së Tomorit.

PARTIZANI 6 – 1 TOMORI

Shënues: Daci 1′, Progni 46′ , Gojkoviç 52′, Hila 54′ , autogol 87′, Trashi 90′

Formacioni i Partizanit: Xhika, Lala, Bitri, Shaqiri, Hysenaj, Kodra, Statoviç, Henri, Bardhi, Zhdrella, Daci.

U aktivizuan: Hoxha, Atanda, Gojkoviç, Kalari, Ibrahimi , Hila, Mala, Telushi, Trashi, Progni