Sigurisht nuk do shumë mend për të kuptuar që një dietë e tillë është shumë e vështirë për të ndjekur nga një futbollist, për faktin  e thjeshtë se produktet e mishit dhe bulmetit janë të domosdoshme për të plotësuar nevojat kalorike dhe nuitricionale.

Megjithatë, ka disa që ia dalin duke pavarësisht vështirësive të mëdha. Emrat që bien më shumë në sy janë atë të futbollistit të Arsenalit Hektor Bejerin dhe sulmuesit të Bajern Mynihut, Serzh Gnabri.

Problemi më i madh për atletët që zgjedhin këtë lloj diete është plotësimi i  sasisë së duhur të proteinave, që për një atlet profesionist është tejet e lartë. Për të sqaruar këtë enigmë ka ndërhyrë kuzhinieri i Bajernit, Alfons Shubek, i cili shpjegoi se si është dieta që Gnabri ndjek tani: “Serzh (Gnabri) është kthyer në një vegan prej disa javësh. Po mbikëqyrim me kujdes për të bërë të sigurt se po ushqehet siç duhet. Si një atlet profesionist që shpenzon shumë energji ai duhet të marrë me patjetër kaloritë e duhura, është shumë e rëndësishme që të konsumojë ushqime me bazë të lartë proteine. Më kryesoret për të janë thjerrëzat dhe fasulet.

I blerë në verën e vitit 2017 te Verder Bremeni për 10 milionë euro, anësori i krahut të majtë këtë sezon ka arritur të ketë hapësira dhe të realizojë 6 gola në Bundesligë. Në të shkuarën ai ka qenë pjesë e Arsenalit dhe më pas spikati te Verderi dhe Hofenhajmi.

“Ndihem me të vërtetë shumë mirë këtu. Jam shumë i kënaqur me këtë skuadër dhe shpresoj të fitoj shumë tituj dhe të përjetoj momente të mrekullueshme.  Shikoj një të ardhme të mirë me Bajernin”, është shprehur Gnabri për faqen zyrtare të klubit.

Pas paraqitjes nuk mund të mungonin komplimentet e ndryshme nga trajneri Niko Kovaç dhe shokët e ekipit. “Ai luajti shumë mirë ndaj AEK-ut. Dha një asist në pjeën e dytë, ndërsa në pjesën e parë krijoi 2-3 raste për shënim. Tani ka fituar më shumë vetëbesim dhe shpresoj që ai mund të vazhdoj të mbajë këtë ritëm gjatë së ardhmes”, tha tekniku kroat.

Arjen Roben vlerësoi sjelljen e kolegut të tij të ri duke thënë: “Më pëlqen shumë ai djalosh. Tani e kam dhe shok në palestër, e shoh gjithmonë atje, nuk mungon asnjë ditë. Gjithmonë punon për t’u përmirësuar. Ka një profesionisti”.

Forma e mirë e Gnabrit është një problem vetëm për një person te Bajerni. Bëhet fjalë për francezin Frank Riberi, i cili mund të thuhet se ka humbur formacionin ndaj kolegut 12 vite më të ri në moshë.

21-vjecari i lindur në Shtutgart ka qenë pjesë e Arsenalit prej vitit 2012, pa ia dalë mbanë të shpërthente te “Topçinjtë”, por as tek Uest Bromi, ku shkoi pjesën e dytë të sezonit të shkuar.

Megjithatë, në fund të gushtit të vitit të shkuar Arsenali e huazoi anësorin ofensiv tek Verderi dhe ishte lëvizja e duhur: 27 ndeshje, 11 gola dhe një rendiment fantastik!

Niveli i tij ka rënë në sytë e Bajernit, që ka vendosur ta blejë, edhe për faktin se Arsenali ka vendosur ta lëshojë për shkak të vështirësive të lojtarit për t’u përshtatur në Angli.

Blerja e tij bën që Bajerni të dalë nga gara për Aleksis Sançez, një hall më pak për Arsenalin, që duhet të bëjë llogaritë me Mançester Sitin tani.

“Është një nder i madh që bëhem pjesë e Bajernit. Para meje është një e ardhme e bukur, po e pres me padurim”, deklaroi Nabri pas zyrtarizimit të transferimit te Bajerni, ndërsa presidenti Karl-Hainc Rumenige tha: “Jemi të kënaqur që kemi blerë një tjetër futbollist të kombëtares gjermane. Serzh është zhvilluar jashtëzakonisht te Verderi”.

?? Willkommen beim #FCBayern, @SergeGnabry! #MiaSanMia pic.twitter.com/d1Ipaiysj4

— FC Bayern München (@FCBayern) June 11, 2017