Gladbach https://sportekspres.com Gazeta Sport Ekspres, gjithçka online Sat, 02 Mar 2019 19:24:34 +0000 en-US hourly 1 https://wordpress.org/?v=6.9 https://sportekspres.com/wp-content/uploads/2019/08/cropped-logo-32x32.png Gladbach https://sportekspres.com 32 32 VIDEO | Bajerni bind, shkatërron Gladbahun dhe kap Dortmundin https://sportekspres.com/video-bajerni-bind-shkaterron-gladbahun-dhe-kap-dortmundin/ https://sportekspres.com/video-bajerni-bind-shkaterron-gladbahun-dhe-kap-dortmundin/#respond Sat, 02 Mar 2019 19:21:37 +0000 http://sportekspres.com/?p=243636 Bajerni i Mynihut nuk fal dhe pas ndalesës që Dortmund bëri një natë më parë, u treguan të pamëshirshëm ndaj Gladbahut. Fitore e thellë 1-5 e ekipit të Kovaç, të cilët tashmë e shohin veten me pikë të barabarta me kryesuesit e Dortmundit.

Bajerni e nisi me marshin e pestë ndeshjen, teksa vetëm 65 sekonda iu deshën për të kaluar në avantazh. Ishte Havi Martinez, i cili goditi saktë me kokë pas një goditje nga këndi, duke zhbllokuar sfiën.

Më pas, në minutën e 11-të pas një pasimi të Gnabrit, Tomas Myler dyfishoi shifrat. Gjermani u ndal nga portieri Somer fillimisht, por në tentativën e dytë u tregua i saktë duke çuar topin në rrjetë.

Gjithsesi, vendasit e Gladbahut nuk u dorëzuan dhe në minutën e 37-të rihapën takimin. Lars Stindl liroi të majtën e tij dhe ndëshkoi Manuel Nojer, duke çuar ekipet në pushimin mes pjesëve me rezultatin 1-2.

Fraksioni i dytë nisi fotokopje e pjesës së parë, teksa u deshën vetëm 63 sekonda dhe Robert Levandovski shënoi golin që çoi shifrat në 1-3.

Sidoqoftë, bavarezët nuk u mjaftuan me kaq, pasi në minutën e 75-të shënuan dhe golin e katërt, me autor Serzh Gnabrin, i cili shtyu në rrjetë një top të kthyer nga portieri Somer pas goditjes së Levandovskit.

Pikërisht ky i fundit shënoi dhe golin e pestë në minutë e 92-të, duke mbyllur gjithçka në 1-5. Kështu, ekipi nga Mynihu merr një fitore me vlera dhe barazon në krye Dortmundin me 54 pikë.

Bundesliga | Java e 24
Borusia Mynshengladbah 1-5 Bajern Mynih
Shënues: Stindl 37′ / Havi Martinez 2′, Myler 11′, Levandovski 47′, 90+2′(pen.), Gnabri 75′

]]> https://sportekspres.com/video-bajerni-bind-shkaterron-gladbahun-dhe-kap-dortmundin/feed/ 0 Oferta nga kryeqyteti, Hazard drejt kalimit në Serie A https://sportekspres.com/oferta-nga-kryeqyteti-hazard-drejt-kalimit-ne-serie-a/ https://sportekspres.com/oferta-nga-kryeqyteti-hazard-drejt-kalimit-ne-serie-a/#respond Tue, 25 Dec 2018 19:55:53 +0000 http://sportekspres.com/?p=224947 Torgan Hazard po zhvillon një sezon shumë të mirë me Gladbahun, që renditet në vendin e tretë në Bundesligë, nëntë pikë poshtë kryesuesve të Dortmundit. I vogli i familjes Hazard është një nga pikat më të forta të ekipit dhe ka arritur të shënojë 9 gola në kampionat.

Torgan Hazard

Kontrata e tij me klubin gjerman skadon në verën e vitit 2020 dhe belgu nuk ka ndërmend ta rinovojë atë. Për të ka shprehur shumë interes Roma dhe Monçi, drejtori sportiv i klubit italian, ka filluar punën për të arritur akordin me lojtarin dhe Gladbahun.

Kartoni i lojtarit ofensiv vlerësohet 35 milionë euro dhe Roma ka nisur sulmin për të arritur marrëveshjen e transferimit të Hazard në kryeqytetin italian.

]]> https://sportekspres.com/oferta-nga-kryeqyteti-hazard-drejt-kalimit-ne-serie-a/feed/ 0 VIDEO: Kthehet Gëce, Dortmundi e mbyll vitin me fitore e spektakël https://sportekspres.com/video-kthehet-gece-dortmundi-e-mbyll-vitin-me-fitore-e-spektakel/ https://sportekspres.com/video-kthehet-gece-dortmundi-e-mbyll-vitin-me-fitore-e-spektakel/#respond Fri, 21 Dec 2018 21:28:34 +0000 http://sportekspres.com/?p=223884 Borusia e Dortmundit e bëri një gabim në Dyseldorf në mesjavë, por nuk mund të gabonte në shtëpi, në ndeshjen e fundit të vitit.

Skuadra e drejtuar nga Lysien Favre ka mundur 2-1 Borusian e Mënçengladbahut, në një sfidë me rëndësi të jashtëzakonshme, sepse përballeshin e para me të dytën.

Nëse Dortmundi është në krye, kjo nuk është rastësi, ashtu si nuk është rastësi që kjo skuadër ka sulmin më të mirë në Bundesligë, me 44 gola të shënuar në 17 ndeshje.

U dëmtua që në fillim spanjolli Alkaser dhe u duk goditje e rëndë, por u fut njeriu i ndeshjes, Mario Gëce, i cili për herë të parë që prej vitit 2013 dha dy asiste në një takim.

Fillimisht, në minutën e 42-të heroi i Gjermanisë në Botërorin 2014 dha pasim të bukur për anglezin Sanço, i cili shënoi një gol spektakolar.

Gladbah barazoi pa kaluar as 4 minuta, sepse në shtesën e pjesës së parë Kramer ekuilibroi gjithçka.

Presioni i Dortmundit u rrit në pjesën e dytë dhe në minutën e 54-t Gëce dha një pasim perfekt për Rojs, i cili nuk mund të gabonte (11 gola e 6 asiste këtë sezon). 2-1 dhe asnjë gol në vazhdim, me të dyja skuadrat që patën shanse, në një ndeshje fantastike.

Tashmë Dortmundi shkon +9 nga Bajerni, që luan nesër në Frankfurt. 42 pikë për “Die Schwarzgelben” në pjesën e parë të sezonit, vetëm një pikë më pak se rekordi i vet, vendosur në sezonin 2010/11. Atë vit Dortmundi fitonte titullin, meqë ra fjala…

]]> https://sportekspres.com/video-kthehet-gece-dortmundi-e-mbyll-vitin-me-fitore-e-spektakel/feed/ 0 Titullar në Konfederata, Dortmundi ia shet Gladbahut https://sportekspres.com/titullar-ne-konfederata-dortmundi-ia-shet-gladbahut/ https://sportekspres.com/titullar-ne-konfederata-dortmundi-ia-shet-gladbahut/#respond Tue, 04 Jul 2017 09:08:49 +0000 http://sportekspres.com/?p=131430 Borusia e Mënshengladbahut ka kompletuar transferimin e futbollistit të kombëtares gjermane Matias Ginter nga Borusia e Dortmundit.

Mbrojtësi 23-vjeçar, titullar në Kupën e Konfederatave, do të firmosë një kontratë 4-vjeçare, me Dortmundin që merr 17 milionë euro, plus bonuse të ndryshme.

Qendërmbrojtësi, i cili te Dortmundi ka luajtur edhe si mesfushor para mbrojtjes, apo mbrojtës i djathtë, kërkohej edhe nga klube si Totenhemi e Hofenhajmi.

Kampion bote pa luajtur në vitin 2014, Ginter ka luajtur 14 herë për kombëtaren gjermane, përveç 103 ndeshjeve me Dortmundin prej vitit 2014, kur u transferua nga Frajburgu.

Gjithsesi, mbrojtësi nuk ndihej titullar i paprekshëm në Dortmund dhe drejtori sportiv i Dortmundit, Mikael Cork, zbulon: “Matias ka komunikoi dëshirën për të lënë klubin, për shkak të konkurrencës së madhe në mbrojtje, ndaj ne ia plotësuam dëshirën. E falënderojmë për gjithçka dhe i urojmë gjithë të mirat për të ardhmen”.

]]> https://sportekspres.com/titullar-ne-konfederata-dortmundi-ia-shet-gladbahut/feed/ 0