Sakrifica e Gjonit shkoi dëm, pesë qepje për një pikë

Sport Ekspres — Sun, 23 Dec 2018 08:59:24 +0000

Gjatë ndeshjes mes Teutës dhe Laçit, mbrojtësi Eglentin Gjoni pësoi një çarje në kokë. U desh që për disa minuta shtatlarti të qëndronte jashtë fushe, por me këmbëngulje vendosi që të kthehej dhe të përfundonte ndeshjen.

Nuk ishte një dëmtim dhe aq i lehtë për të, pasi çarja kishte qenë e thellë dhe gjatë gjithë ndeshje luajti i fashuar. Pas ndeshjes, Gjoni ka udhëtuar drejt spitalit për të marrë një mjekim më të specializuar.

Vetë lojtari i kurbinasve tregoi se ka marrë 5 qepje për plagën, por në të njëjtën kohë veçon se e gjithë kjo nuk mjaftoi për të marrë pikët e plota.

ZYRTARE | Besëlidhja gjen trajnerin e ri, Gjoni merr drejtimin e ekipit

Sport Ekspres — Tue, 27 Nov 2018 19:02:34 +0000

Do të jetë Vladimir Gjoni trajneri i ri i skuadrës së Besëlidhjes. Burime të sigurta tregojnë se tekniku 48-vjeçar do të jetë timonieri i ekipit dhe marrëveshja është arritur.

Ish-trajneri i Egnatias do të marrë drejtimin e skuadrës duke nisur që nesër. Pas largimit të Ndriçim Kashamit, vendin e tij e mori Gledis Lani, i cili e mbajti rolin e trajnerit në mënyrë provizore, derisa drejtuesit të gjenin një teknik tjetër.

Gjoni më parë ka arritur që të ngjisë nga Kategoria e Dytë në të Parën Egnatian, por ka dhënë kontributin e tij edhe për ekipin e Burrelit, si dhe për skuadrën e Luftëtarit. Lezhjanët kanë si objektiv ngjitjen në Superiore dhe Gjonin e pret një mision jo i lehtë.