Në fakt, Gerhard Progni erdhi si dëshirë e teknikut korçar në merkaton e shkuar të verës, ndërsa Bushiç u largua nga Flamurtari në janar për të vazhduar karrierën e tij te “Djemtë e Detit”.

Në Superligë, Progni luajti 30 ndeshje, ku dhe shënoi 7 gola. Ndërsa Bushiç, u aktivizua 17 ndeshje me Flamurtarin dhe 12 ndeshje me Teutën, duke shënuar 6 gola në total. Të dy lojtarët janë vënë zyrtarisht nën urdhrat e Gentian Mezanit te Gjilani.

Pjesa e parë u mbyll me rezultatin 2 – 1 në favor të skuadrës nga Xhepçishti, por në pjesën e dytë gjilanasit përmbysën rezultatin me golat e Dautajt dhe kroatit Tomislav Bushiç, ky i fundit iu bashkua skuadrës vetëm dy ditë më parë.

Renova 2 – 3 Gjilani
Shënues: Kadriu 20’ , Fetai 43’ / Aziz 40’, Dautaj 62’, Bushiç 90+1’

Kroati ka përvojë të madhe, nga Hajduku i Splitit ku u rrit e deri te Superiorja, ku luajti te Vllaznia, Tirana, Flamurtari e Teuta. Pas ndeshjeve në Europa League, Bushiç kërkoi largimin nga Teuta dhe arriti të gjente marrëveshje, edhe pse kishte edhe 6 muaj kontratë.

Me këtë sulmues Gjilani kompleton repartin e avancuar dhe thuajse është gati për kampionatin, ku synon një ndër 3 vendet e para.

NJOFTIMI – SC Gjilani ju njofton se ka arritur marrëveshje me mesfushorin e krahut të djathtë, Gerhard Progni.

Gerhard Progni i lindur më 6 nëntor të vitit 1986, luan disa pozicione në fushë, por më së shumti ai njihet në pozicionin e mesfushorit të krahut të djatht. Këmba e tijë e preferuar është e djathta.

I lindur në Tropojë, Progni hapat e parë si futbollist i mori tek akademia e Partizanit, nga edhe depërtoi në skuadrën e parë prej ekipeve zingjir të skuadrës nga Tirana.

Progni paraqitjet e tij i vijoj edhe nëpër shumë skuadra të ndryshme në Shqipëri sikurse ajo e Skëndërbeut, Flamurtarit, Kukësit e shumë të tjerave nga liga elite e Shqipërisë, me ç’rast ai kishte realizuar afër 70 gola nëpër klubet ku ai ishte paraqitur.

Gerhard Progni gjithashtu karrier kishte bërë edhe jasht Shqipërisë, që për disa muaj ai kishte mbrojtur ngjyrat e ekipit nga Superliga e Azerbajxhanit, FC Zira, ekip tek i cili ishte paraqitur 17 herë dhe kishte realizuar 2 gola në kampionatin e Azerbajxhanit.

Mesfushori i krahut në skuadrën e Gjilanit vie nga ekipi durrsak i Teutës, ku prej një viti ai ishte aktivizuar tek “djemt e detit” dhe ishte pjesë e formacionit bazë, në dy ndeshjet e skuadrës së Teutës kundër Ventspilis në kualifikimet e Europa Ligës.

Futbollisti më i ri i Gjilanit, Gerhard Progni, gjithashtu ishte pjesë e rëndësishme e shpresave të Shqipërisë, me të cilët kishte bërë mbi 10 paraqitje, duke realizuar edhe dy gola në fanellen e kuq e zinjëve.

Gerhard Progni, nga sot i është bashkangjitur skuadrës në Mavrovë, vend ku Gjilani po i vazhdon përgaditjet parasezonale.

Ju informojmë se prezantimi i futbollistit në fanellën e klubit të Gjilanit, do të bëhet pas disa ditësh, kur skuadra do të rikthehet nga përgatitjet parasezonale nga Mavrova.

Së fundmi në Gjilan ka mbërritur edhe një sulmues dhe ai është Jurgen Peqini. Futbollisti nga Elbasani ishte pjesë e Erzenit në pjesën e dytë të sezonit të fundit. 20-vjeçari u aktivizua në dhjetë ndeshje me shijakasit dhe realizoi vetëm një gol.

Peqini ka spikatur me moshat e Elbasanit dhe më pas kaloi në ekipin e parë, duke shënuar katër gola. Teuta i ofroi kontratë dhe me durrsakët realizoi tre gola në 6 ndeshje (1 titullar). Te “djemtë e detit” sulmuesi nuk pati hapësira, ndërkohë që këtë verë u la i lirë dhe tashmë po provon të bindë Mezanin t’i bëjë një vend te Gjilani.

“Përshëndetje miqtë e mi! Nga sot nuk jam më pjesë e ekipit të KF TIRONËS, edhe pse dëshira ime ishte shumë e madhe që të qëndroja. Desha të bëj një sqarim në lidhje me ‘sms’-të që më kanë ardhur nga tifozët për largimin tim. As kam tradhtuar as s’do ta bëja kurrë, por drejtuesit nuk më kanë ofruar kontratë që të vazhdonim më tej”, shkruan Greca, i cili nuk kursen fjalët e mira për tifozët dhe tregon pse zgjodhi të transferohet te Gjilani.

“Falënderoj kolegët e mi për aq sa kemi punuar bashkë. Falënderoj edhe tifozët më të mirë në Shqipëri, të cilët më kanë mbështetur në çdo qytet. Falënderoj edhe të gjitha ofertat që kanë ardhur në drejtim timin, si në SHQIPËRI, ashtu edhe në KOSOVË, por ekipi im i ri, SC GJILANI, më ofroi një projekt shumë premtues, ku në krye është TRAJNER MEZANI, i cili më bindi të firmos për këtë ekip”, përfundoi sulmuesi anësor.

Afrimi i fundit vjen nga Tirana dhe është Bedri Greca. 28-vjeçari largohet nga bardheblutë pas dy sezonesh, aty ku shënoi 18 gola, 14 në Kategorinë e Parë dhe katër në Superiore.

“Skifterat” kanë prezantuar sulmuesin e krahut, i cili është blerja e gjashtë e merkatos. Merkato e klubit dardan nuk ka përfunduar ende dhe drejtuesit premtojnë të tjera surpriza për tifozët.

Anësori i majtë është i lirë, pasi kontrata me Tiranën i ka përfunduar. Me bardheblutë nuk ka asnjë marrëveshje për të vijuar bashkëpunimin dhe normalisht ai mirëpret çdo ofertë. Nga Kosova i kanë mbërritur disa, me Gjilanin që po këmbëngul më së shumti.

Trajneri Mezani e njeh atë, pasi e ka pasur nën urdhra te Flamurtari në sezonin 2015-2016. Greca, tashmë 28 vjeç, sezonin e fundit te Tirana ka shënuar 4 gola, 10 më pak se një sezon më parë në Kategorinë e Parë.

“Oltion Rapa është futbollisti më i ri i skuadrës së Gjilanit. Mbrojtësi i qendrës sot ka nënshkruar me klubin kuqebardhë, që e mbanë atë pjesë të skuadrës së Gjilanit për dy edicionet e ardhshme.

Oltion Rapa, i lindur në Tepelenë, sezonin e kaluar ishte pjesë skuadrës nga Superioria në Shqipëri, KF Luftëtari. Rapa ishte lojtar prezent thuajse në të gjitha takimet e ish-skuadrës së tij, sikurse në ligën elitare të Shqipërisë, gjithashtu edhe në kupë, nga 4 vitet e kaluara sa ishte pjesë e Luftëtarit. Po ashtu Rapa kishte bërë paraqitje edhe në garat europiane me skuadrën gjirokastrite.

Mbrojtësi i ri i Gjilanit, Oltion Rapa, gjithë karrierën e tij e kishte kaluar në Shqipëri, kurse Gjilani do të jetë aventura e tij e parë larg kampionatit shqipëtar, ku ai kishte milituar gjatë këtyre viteve të karrierës së tij, dhe ku u formua si futbollist”, njofton klubi i Gjilanit.

Te Gjilani nuk janë ndjerë mirë për zërat që po qarkullojnë dhe së fundmi kanë dalë me një deklarët ku hedhin poshtë të kenë biseduar me Orelesin dhe Dungën. Jo vetëm kaq, pasi ka edhe “kërcënimë” për mediat nëse vazhdohet të përdoret emri i Gjilanit.

REAGIMI – “Nisur nga raportimet e fundit në mediat shqiptare dhe ato në Kosovë, Sport Club “Gjilani” demanton zërat e fundit që qarkullojnë për transferime të mundshme në klub. SC Gjilani nuk ka shprehur interesim dhe as nuk ka kontaktuar dy lojtarët e shumëpërfolur: Ismael Dungën dhe Nuredin Orelesin.

Zyra për shtyp e SC Gjilanit dëshiron të informojë gjithë opinionin sportiv se nga klubi janë të autorizuar vetëm dy drejtorët, si dhe trajneri, për të biseduar me futbollistët dhe për të ofertuar në lidhje me interesimet eventuale që ka klubi në të kundërtën do të demantojmë dhe do të përballemi ligjërisht me çdo person që tenton të përfitoj duke përmendur emrin e klubit tonë.

SC Gjilani gjithashtu njofton se drejtuesit e klubit janë në bisedime intensive me disa nga futbollistët të cilët janë në plan për edicionin e ardhshëm dhe shumë shpejtë pritet të ketë zyrtarizime të reja”, shkruhet në deklaratën e klubit të Gjilanit.

“Të dashur miq, desha të ju informoj të gjithëve që më keni ndjekur e më keni përcjellë gjithmonë, që prej sot nuk do jem më pjesë e klubit SHKENDIJA pasi që nuk ramë dakord. Njëkohësisht dua t’i falënderoj të gjithë pa përjashtim ata që janë në atë klub. Normal edhe tifozët tonë, sidomos BALLISTËT, dhe u them se gjithmonë do të jenë pjesë e zemrës time. Me respekt, i juaji Izair Emini!”, shkruan Emini në llogarinë e tij në “Facebook”.

OFERTAT – Në Maqedoni janë disa ekipet që e duan Eminin, por gjasat janë që të transferohet në Kosovë. SportEkspres.com mëson se sulmuesi ka marrë një ofertë të mirë nga Gjilani. Trajneri Gentian Mezani e ka parë në aksion Eminin, pasi në të shkuarën ka lujatur te Kukësi në Superiore.

Vlonjati do një sulmues te Gjilani i tij dhe për sulmuesin propozimi i bërë është tundues. Mbetet për t’u parë nëse Emini do të lërë Maqedoninë dhe të provojë të luajë edhe në Kosovë. Futbollisti 33-vjeçar ndjen se është në formë dhe normalisht kërkon të vijojë të jetë protagonist dhe Gjilani po tenton të ndërtojë një skuadër konkurruese.

Parimisht akordi ishte arritur, por është biseduar për detajet e kontratës dhe në fund ka ardhur edhe firma. Marrëveshja është 1 vjeçare, me opsion rinovimi edhe për një sezon tjetër. Për portierin kishte edhe disa oferta të tjera, si Llapi në Kosovë dhe Trim&Lum Struga në Maqedoninë e Veriut.

Ruçi, pas eksperiencave me Elbasanin, Bylisin dhe Luftëtarin, është gati të veshë fanellën e katërt në karrierë. Në Gjilan ai do të gjejë edhe brazilianin Xhekson, i cili ka nënshkruar edhe është prezantuar para pak ditësh. Skuadra e kuqe ka në listën e objektivave edhe sulmuesin Ismael Dunga, i cili spikati gjithashtu te Luftëtari dhe trajneri Mezani e dëshiron në skuadrën e tij.

28-vjeçari luajti për një vit e gjysmë te Luftëtari, ku spikati me paraqitjet e tij duke qenë një titullar fiks në formacionin e ekipit gjirokastrit. Drejtuesit e klubit bluzi tentuan të gjenin akordin për rinovimin e kontratën, por braziliani ka preferuar të ndryshojë ambient, duke pranuar ofertën nga kampionati fqinj.

Futbollisti 25-vjeçar njihet mjaft mirë nga Mezani, i cili e ka pasur nën urdhra kur ishte te Laçi. Qaqi sezonin e fundit e nisi te Kukësi, ku u aktivizua në 8 ndeshje (5 titullar). Për më shumë hapësira ai kaloi te Kamza dhe luajti 4 takime dhe më pas skuadra periferike e kryeqytetit u përjashtua.

Qaqi ka spikatur më së shumti kur ishte te Laçit, pasi aty ka luajtur dy sezone rregullisht. Sezonin e parë u aktivizua në 35 takime dhe mungoi vetëm në një ndeshje për shkak kartonësh. Në sezonin pasardhës luajti 29 ndeshje, por në fillim të kampionatit pati një dëmtim që e la jashtë për disa javë. Tanimë Qaqi mund të ribashkohet me Mezanin te Gjilani.

Bien në sy Ansi Nika, Endrien Magani dhe Vilfor Hysa, por edhe ish kapiteni i Kastriotit., Vilson Lila, ish-lojtari i Kukësit Xheferson, por edhe Semir Haxhibuliç që në të shkuarën ka qenë pjesë e Apolonisë. Drejtuesit po punojnë për të bërë përforcime dhe dytë janë hedhur edhe nga Shqipëria për përforcime.

NJOFTIMI I GJILANIT – “Pas përfundimit të edicionit, skuadra e Gjilanit ka vendosur ta ndërpres bashkëpunimin me futbollistët të cilët bartën fanellën e klubit tonë prej edicioneve të mëhershme dhe ai i kaluar. Bëhet fjalë për Fisnik Papuqin, i cili mbrojti ngjyrat e klubit tonë prej dy sezoneve, të cilin e falënderojmë për kontributin dhe korrektësinë e treguar gjatë kësaj periudhe kohore, të cilën sa ishte pjesë e klubit tonë.

Sport Club Gjilani, ju informon se ka mbyllur marrëveshjet edhe me futbollistët të cilët ishin transferuar vitin e kaluar në ekipin tonë. Jefferson Lopes, Wilber Perez, Ansi Nika, Endrien Magani, Vilson Lila, Kledi Koci, Vilfor Hysa, Shpend Asani dhe Semir Hadzibulic, janë futbollistët të cilët nuk do të vazhdojnë paraqitjet e tyre në klubin e Gjilanit. Klubi i falënderon futbollistët e lartpërmendur për kontributin e tyre gjatë këtij udhëtimi të edicionit që e lamë pas dhe ju uron sukses në vazhdimin e karrierës së tyre.

Gjithashtu bordi drejtues i skuadrës është në bisedime me pjesën tjetër të futbollistëve nga edicionet e kaluara, për vazhdimin e bashkëpunimit edhe për të ardhmen. Vlen të theksohet se drejtuesit e klubit po vazhdojnë negociatat edhe me futbollistë të rinj, ku po punohet për afrime të reja në skuadrën e Gjilanit dhe shumë shpejt pritet të ndodhin edhe zyrtarizime të tjera në kampin kuq e bardh”, shkruhet në njoftimin e klubit të kuq.

“Klubi i Futbollit Teuta njofton se do të vazhdojë bashkëpunimit me trajnerin Bledi Shkëmbi dhe stafin e tij. Drejtuesit e Klubit dhe Bledi Shkëmbi kanë arritur me mirëkuptim marrëveshjen e bashkëpunimit dhe për një sezon”.

FRASHËRI – Erlis Frashëri, mbrojtësi korçar i larguar nga Teuta, ka firmosur në Kosove me Gjilanin. Ai ka qenë një kërkesë e trajnerit Gentian Mezani, i cili do të vijojë të jetë në krye të skuadrës së kuq dhe po vëzhgon nga Superiorja për përforcime.

“Sport Club Gjilani njofton se ditën e sotme ka finalizuar marrëveshjen me mbrojtësin e krahut të djathtë, Erlis Frashëri. Mbrojtësi i krahut , 31-vjeçar, i lindur në Korçë, në skuadrën e Gjilanit vjen nga kampionati shqiptar, më saktësisht nga skuadra e Teutës së Durrësit, ku dhe kishte kaluar edicionin e fundit. Frashëri për skuadrën e Gjilanit sot ka firmosur bashkëpunimin për një vit.

Përvoja e Frashërit është e mirëseardhur në skuadrën e Gjilanit, ku ai më parë kishte mbrojtur ngjyrat e shumë skuadrave në Superiore, sikurse ajo e Partizanit, Skënderbeut,Luftëtarit dhe shumë ekipeve të tjera nga kampionati shqiptar. Frashëri është pikënisja e projektit të ri të skuadrës së Gjilanit, kurse ditëve në vijim klubi do ju informoj për hapat e mëtutjeshëm dhe zyrtarizimet të tjera të futbollistëve”, njofton klubi i Gjilanit.

Ndeshja u vendos nga një gol i Keita Razak. Sulmuesi nga Bregu i Fildishtë gjeti rrjetën në minutën e 24-ët me anë të një parabole që la në vend portierin Haxhijaj.

Ekipi nga Gjilani administroi avantazhin deri në fund, duke arritur një fitore jetike. Çlirim i madh për djemtë e Mezanit dhe zhgënjim i madh për ekipin pejan, që do tentojë përsëri sezonin e ardhshëm rikthimin në elitën e futbollit dardan.

Gjilani-Besa 1-0
(Keita Razak 24’)

Në takimin tjetër, Gjilani ka marrë një fitore me shumë vlera përballë Lirisë, duke triumfuar 4-0 dhe duke ruajtur shpresat për mbijetesë. Hajdari, Nika dhe dopieta e Razak i dhanë fitoren gjilanasve, që ngjiten në kuotën e 38 pikëve, një më pak se Trepça e vendit të nëntë. Vendi i shtatë dhe i tetë, Drenica dhe Ballkani, janë në kuotën e 40 pikëve dhe lufta për mbijetesë është ashëprsuar shumë në IPKO Superliga.

IPKO Superliga, java e 32-të

Gjilani – Liria  4-0
Hajdari 11’, Razak 20’ 69’, Nika 61’

KEK-u – Ferizaj  2-5
Eminhaziri 25’, Vitija 65’ / Çerkini 20’, Krasniqi 50’, Mehmeti 68’, Dautaj 70’, Luma 89′

Në dy ndeshjet e radhës, Llapi udhëton në kryeqytet për t’u përballur me Prishtinën dhe më pas pret Feronikelin. Dy fitore i garantojnë vendin e parë, ndërsa një hap fals mund të rezultojë fatal për objektivat e klubit.

Flamurtari i Prishtinës ka mundur 1 – 0 në transfertë Gjilanin. Kjo është humbja e katërt radhazi për ekipin e drejtuar nga Gentian Mezani.

Liria e Prizrenit duket se e ka vulosur rikthimin në ligën e parë së bashku me KEK-un e vendit të fundit. Prizrenasit u mundën 3 – 1 nga Ferizaj, ndërsa KEK-u pësoi humbjen e radhës, kësaj here nga Ballkani që mori tri pikë falë fitores me shifrat 3 – 0.

IPKO SUPERLIGA E KOSOVËS – Java 30
E diel, më 5 maj 2019, ora 16:00

Ferizaj – Liria 3-1
Shënues: Krasniqi 45’, Gashi 72′, Jonuzi 90+4′  / Beseni 15’
Gjilani – Flamurtari 0-1
Shënues: Kelmendi 62’
KEK-u – Ballkani 0-3
Shënues: Topalli 24’, 41’, Azdoviç 38’
Llapi-Trepça ’89 4-1
Shënues: Januzi 22’, 87′ 90+6′ Maliqi 45+2’/ Traore 17’

Situata në renditje ka sjellë edhe aludime të shumta në Kosovë në lidhje me të ardhmen e vetë Mezanit. Gjithsesi klubi e ka të qartë se duhet të vazhdojnë t’i besojnë ish-trajnerit të Laçit dhe Luftëtarit. Sigurisht duhet arritur objektivi fillimisht dhe më pas të ndërtohet ekipi për sezonin e ardhshëm.

REAGIMI I GJILANIT – “SC Gjilani informon publikun se pas shkrimeve të fundit që po qarkullojnë nëpër medie dhe gazetat tona, kinse në fundin e sezonit trajneri i ardhur javë më parë, Gentian Mezani, do të largohet nga klubi dhe t’ia lërë postin e kryetrajnerit dikujt tjetër. SC Gjilani ju njofton se këto informata janë të pavërteta dhe nuk qëndrojnë. Kryetrajneri i klubit, Gentian Mezani, e ka besimin dhe mbështetjen e plotë të klubit.

Kjo nënkupton se spekulimet e bëra nëpër mediumet tona janë për emra të përveçëm dhe për interesa të personave të caktuar, ndaj me anë të kësaj komunikate duam t’i hedhim poshtë informatat e publikuara sot nga disa medie”, reagon klubit gjilanas.

Lidhur me këto lajme, ka reaguar vetë klubi i Gjilanit. Me një komunikatë në “Facebook”, Gjilani ka deklaruar se lajmet janë të pavërteta dhe se bëhen për interesa të personave të caktuar.

KOMUNIKATË

SC Gjilani informon publikun se pas shkrimeve të fundit që po qarkullojnë nëpër mediumet dhe gazetat tona, kinse në fundin e sezonit trajneri i ardhur javë më parë, Gentjan Mezani, do të largohet nga klubi dhe ta lërë postin e kryetrajnerit dikujt tjetër.

SC Gjilani ju njofton se këto informata janë të pa vërteta dhe nuk qëndrojnë.Kryetrajneri i klubit, Gentjan Mezani, e ka besimin dhe mbështetjen e plotë të klubit.

Bardhekaltrit bënë detyrën në shtëpi ndaj KEK-ut të vendit të fundit. Pritej ndonjë fitore me goleadë, por nuk ka ndodhur kështu. Prishtina i është falur një goli të shënuar nga Boshnjaku dhe ka marrë pikët e plota. Ato ishin me më shumë rëndësi.

Llapi, pas fitores me Gjilanin, e sheh veten në garë për titullin kampin. Diferenca prej dy pikësh me Feronikelin e Prishtinën ia jep këtë mundësi. Sa i takon ndeshjes, skuadra e drejtuar nga Tahir Batatina arriti të kalonte në avantazh me Mentor Zhdrellën. Pjesën e parë Llapi e mbylli në avantazh, ndërkohë që me nisjen e 45 minutave të dyta ishte Endrien Magani që shënoi dhe vendosi baraspeshën. Gjithsesi vendasit nuk u dorëzuan dhe me anë të Behar Maliqit shënuan golin e fitores.

IPKO SUPERLIGA – Java 27
E shtunë, më 13 prill, ora 15:30

Feronikeli-Ferizaj 1-2
Shënues: Prekazi 41’ / Krasniqi 78’, 93′
Llapi-Gjilani 2-1
Shënues: Zhdrella 21’, Maliqi 76’ / Magani 52’
Prishtina-KEK-u 1-0
Shënues: Boshnjaku 36’

I pari u ndëshkua Ansi Nika. Shkodra, aktualisht pjesë e Gjilanit, e la skuadrën e tij me 10 futbollistë që në minutën e 16-të. Në fundin e pjesës së parë ishte Haxhi Neziraj ai që u ndëshkua. Forcat u barazuan në fushë dhe skuadrat nuk ia dolën të shënonin golin që do të vendoste fituesin në këtë derbi.

Në lidhje me kartonin e kuq, Ansi Nika ka reaguar dhe e quan të padrejtë vendimin e arbitrit të ndeshjes. Gjithsesi ai kërkon falje që e la ekipin e tij më një lojtar më pak. “Kjo ishte për karton të kuq ? As në balet nuk është faull. Gjithsesi i kërkoj ndjesë Skifterave, edhe pse jo për fajin tim mbetëm me 10 lojtarë”, shkruan Nika në llogarinë e tij në “Facebook”, ndërkohë që ka postuar edhe videon e rastit kur ndëshkohet.

https://www.facebook.com/sportiktvzyrtare/videos/653653928397846/?v=653653928397846

Numri i tifozëve të pranishëm në stadium ishte i konsiderueshëm po të marrësh faktin se ndeshje e sotme ishte një transfertë për të dyja skuadrat. Në tribuna nuk munguan as koreografitë nga tifo-grupi i Skifterave dhe Intelektualëve.

Pjesa e parë pati pak raste për shënim. Në këtë fraksion loje, arbitri ndëshkoi nxori me të kuqe Ansi Nikën e Gjilanit dhe Haxhi Nezirajn e Dritës. Gjatë pjesës së dytë të dyja skuadrat rrezikuan, por pa mundur të zhbllokojnë rezultatin.

Kjo nuk është pritur mirë nga grupimi ultras i Prishtinës, “Plisat”, që i kërkojnë FFK-së të mos lejojë ekipe të tjera të luajnë në shtëpinë e tyre. Gjithashtu ata kanë një mesazh edhe për kryetarin e komunës, Shpend Ahmetin, si dhe për drejtuesit e klubit bardhekaltër.

QËNDRIMI I PLISAVE– “Kryetari Agim Ademi paska marrë vendim që ndeshja Drita – Gjilani të luhet në stadiumin e Prishtinës! Stadiumi i Prishtinës, sipas Agim Ademit, mund të shndërrohet në pronë e cila lëshohet për këdo që dëshiron të luaje në fushe të mirë!

Nuk është faji i Prishtinës që qytetet tjera i kanë stadiumet si ara patatesh. Stadiumi i Prishtinës është vetëm për ndeshjet e Prishtinës dhe Kosovës dhe asnjë ekip tjetër nuk duhet të lejohet që të vijë këtu sepse pasojat po i bartim gjithmonë vetëm ne.

Po ashtu, i bëjmë apel kryetarit të Komunës së Prishtinës, Shpend Ahmetit, që komuna së bashku me klubin e futbollit Prishtina, ta marrin në menaxhim stadiumin e Prishtinës e të mos mbetet në mëshirë të dallavereve e manipulimeve të FFK-së!”, shkruhen në komunikatën e Plisave.

Deklarata e plotë e klubit të Gjilanit: “Gentjan Mezani, finalist i kupës dhe revolucionar i futbollit shqiptar

Gjilan, 20 mars – SC Gjilani ka bërë të ditur se ka arritur marrëveshje me trajnerin 43 vjeçarë nga Vlora, Gentjan Mezanin. SC Gjilani prezanton teknikun vlonjat përballë publikut dhe opinionit të gjerë në vend:

Mezani, 43 vjeçari është nga Vlora dhe karrierën e ka nisur pikërisht në vendin e tij të lindjes me moshat e Flamurtarit, për të marrë në vitin 2016 edhe zyrtarisht detyrën e shefit të shtabit teknik në ekipin e parë të kësaj skuadre dhe duke vazhduar të punojë deri në fundin e edicionit 2017.

Pasi drejtoi Flamurtarin deri në fundin e edicionit Mezani i ndau rrugët me ekipin e fëmijërisë, derisa nga viti 2017 u bë pjesë e Laçit, ekip me të cilin shkruajti historinë.

Mezani drejtoi Laçin për 31 ndeshje, me ç’rast arriti ta plasonte në finalen e Kupës së Shqipëris (1-0 humbje nga Skënderbeu) dhe arriti të siguronte pozitën e katërt njëherit siguroi edhe pjesëmarrjen ne Evropë për ekipin kurbinas.

Mezani në edicionin e fundit drejtoi ekipin e Luftëtarit të Gjirokastrës deri në janarin e vitit 2019.

Ne i urojmë mirëseardhje edhe njëherë Mezanit dhe i urojmë shumë suksese me klubin tonë.”

Te skuadra që garon në Ipko Superliga e Kosovës ai pritet të bashkohet me Ansi Nikën, shkodranin të cilin e kishte nën urdhra në Superiore te Laçi. Mezani, në vendin tonë ka rënë në sy për mënyrën se si skuadrat e tij luajnë dhe në Kosovë janë të bindur se është një zgjedhje e mirë për ta.

Mbetet vetëm të vijë zyrtarizmi te Gjilani, skuadër që këtë sezon nuk ka ndonjë objektiv të rëndësishëm. Që tani po mendohet për kampionatin e ardhshëm dhe puna nis me emërimin e trajnerit.

Ekipi nga Drenasi ishte i papërmbajtshëm në pjesën e dytë, duke shënuar edhe katër gola të tjera. Djemtë e Ramadanit janë ngjitur në kuotën e 55 pikëve dhe Llapi i vendit të dytë është 7 pikë më pak.

KEK-u ishte pranë marrjes së pikës së dytë në kampionat, por Gjilani shënoi dy gola në minutat shtesë. Asani dhe Perez rikthyen vendasit te fitorja, që mungonte që nga 12 janari (1-0 përballë Ferizajt). Ky trepikësh e ngjit Gjilanin në vendin e pestë me 32 pikë, ndërsa miqtë mbeten në vendin e fundit me 1 pikë.

IPKO SUPERLIGA E KOSOVËS – JAVA 23

E diel, më 17 mars 2019, ora 14:00

Gjilani-KEK-u 2-0
Shënues: Asani 90+3′, Perez 90+5′

Feronikeli-Trepça ’89 5-0
Shënues: Pllana 29’, Hoti 47’, Karioka 51’, Silva 60’, Rexha 84′

Sa i takon përballjes së Feronikelit, ishte Kastriot Rexha ai i cili arriti të shënonte dy herë më fraksionin e parë të lojës. Yll Hoxha shërbeu dy herë për shtatlartin dhe ai nuk gaboi. Në minutat e fundit kishte kohë edhe për një gol të Mevlan Zekës.

Prishtinë gjithashtu nuk gaboi dhe e zgjidhi ndeshjen shumë shpejt. Miftaraj që në minutën e shtatë kaloi në avantazh bardhekaltrit, ndërsa 20 minuta më pas ishte Armend Dallku autor i golit të dytë përmes një 11-metërshi. Qerimi në fillim të pjesës së dytë veçse e ngushtoi diferencën, pasi Prishtina e ruajti epërsinë dhe mori pikët e plota.

Liria kërkon të mbijetojë në Ipko Superliga, por nuk arriti të fitonte kundër Drenicës në Prizren. Bardhezinjtë shënuan të parët përmes Karahodës, por avantazhi zgjati vetëm shtatë minuta. Pasoma prishi planet e bardhezinjve, që morën vetëm një pikë. Në orën 17:00 u përball edhe Flamurtari me Ballkanin, në një sfidë që përfundoi 0-0.

IKPO SUPERLIGA E KOSOVËS – JAVA 22

E diel, më 10 mars 2019

KEK-Prishtina 1-2
Shënues: Qerimi 53’ / Miftaraj 7’, Dallku 27’ (pen.)
Feronikeli-Gjilani 3-0
Shënues: Rexha 24’, 38’, Zeka 85’
Liria-Drenica 1-1
Shënues: Karahoda 24’ / Pasoma 31’
Flamurtari-Ballkani 0-0

E shtunë, më 9 mars 2019
Drita-Ferizaj 1-0
Llapi-Trepça ’89 3-1

Besa e Kavajës zhvilloi ditën e sotme një ndeshje miqësore ndaj skuadrës së Gjilanit. Ekipi që militon në IPKO Superligën e Kosovës arriti të mundte skuadrën e Gugash Maganit falë golit të Shpend Asanit në minutën e tretë të takimit.

Kategoria e Parë fillon fundjavën e ardhshme. Kavajasit e nisin 2019-ën me një përballje në trasnfertë ndaj Elbasanit, ndërsa Apolonia pret Pogradecin në “Loni Papuçiu”.

Apolonia 1 – 0 Albpetrol
Shënues: Sota 60′

BESA  0 – 1 Gjilani
Shënues: Asani 3′

Mesfushori fierak ka arritur marrëveshjen me drejtuesit e klubit dhe palët janë ndarë midis tyre. 26-vjeçari nisi në verë aventurën me Gjilanit, por nuk arriti të mbyllë sezonin. Muçaj ka dalë tashmë lojtar i ri dhe është në pritje të ofertave për të vazhduar karrierën me një tjetër klub.

Haxhibuliç  është një emër i njohur në Kategorinë Superiore, pasi ka luajtur vite me parë me Apoloninë, Gramozin, Besën dhe së fundmi me Vllazninë në sezonin 2015/2016. Në dy vitet e fundit, boshnjaku ka luajtur në kampionatin e Ishujve Faroe.

Skuadra e Gjilanit ka një numër të lartë lojtarësh, të cilët në të shkuarën kanë pasur eksperienca në Kategorinë Superiore, si ish-mesfushori  i Kukësit Xheferson, dhe lojtarët të tjerë si Ansi Nika, Ledion Muçaj, Vilfor Hysa, Vilson Lila dhe Endri Magani.

Ai u largua nga krutanët dhe tashmë do ta vijojë karrierën në Kosovë. Një tjetër futbollist lë kampionatin tonë dhe ai është Klejdi Koçi. Vetëm 19 vjeç, mesfushori ka qenë pjesë e Termit në Kategorinë e Dytë.

NJOFTIMI I GJILANIT – Ditën e sotme skuadra e Gjilanit ka arritur marrëveshje edhe me dy futbollistë të tjerë. Bëhet fjalë për Vilson Lilën dhe Klejdi Koçin. Vilson Lila, i cili luan pozitën e mbrojtësit të qendrës, vjen nga klubi i Kastriotit nga Superliga e Shqipërisë. 29-vjeçari ka bërë karrierë brenda Shqipërisë, ku më parë ishte edhe pjesë e Kukësit.

19- vjeçari Klejdi Koçi, i cili luan pozitën e mesfushorit, vjen nga shkolla e futbollit nga Tirana, KF Term Tirana, ku ndër vite ishte lojtar i dalluar në gjeneratën e tij dhe kishte spikatur me paraqitjet e tij në kategorinë e juniorëve në Shqipëri.

Pjesën e parë të sezonit shkodrani ka qenë një nga më të spikaturit dhe është një nga lojtarët më të dashur të tifozëve. Së fundmi ka pasur lajme për një largim të tijin nga Gjilani, gjë që është mohuar nga klubi dhe nga vetë Nika.

“Me anë të kësaj shkrese mohojmë informacionet e fundit të dala nga mediumet online, për largimin e futbollistit tonë Ansi Nika. Futbollisti në fjalë ka kontratë me klubin deri në qershor të vitit të ardhshëm dhe ai do të jetë pjesë e skuadrës të paktën deri në këtë afat kohor. Gjithashtu klubi njofton se përveç lojtarëve të larguar ditëve të fundit, pjesa tjetër e ekipit momentalisht mbetet e pa prekur”, shkruan klubi i Gjilanit.

Në të njëjtën linjës është edhe Nika, që në llogarinë e tij në “Facebook” shkruan: “Për të gjithë Skifterat, jam pjesë e Gjilanit dhe do jem të paktën deri në përfundim të kontratës. Respekt për Skifterat, jeni të mrekullueshëm. Forca Gjilani”.

Sulmuesi Brunild Pepa, i cili sezonin e shkuar është aktivizuar me Lushnjën në Superiore, është larguar nga Gjilani. Gjithçka është zyrtare dhe klubi dardan ka e ka njoftuar përmes faqes zyrtare në “Facebook”, teksa theksohet se marrëveshja është mbyllur me konsensus.

“Ka përfunduar aventura e sulmuesit Brundil Pepa me Gjilanin,i ardhur nga Shqipëria gjatë afatit kalimtarë të verës në klubin e Gjilanit. Mbyllja e këtij bashkëpunimi mes klubit dhe sulmuesit ka ardhur në mirëkuptim të dy anshëm, ku sot përfunduan para kohe marrëveshjen e finalizuar muaj më parë. Klubi e falënderon sulmuesin për angazhimin dhe kontributin e dhënë gjatë pjesës vjeshtore të këtij edicioni dhe i uron sukses në vazhdimin e karrierës së tij”, thuhet në komunikatën e Gjilanit.

Pepa, veçse me Lushnjën, në Shqipëri është aktivizuar edhe me skuadrën e Teutës, Flamurtarit dhe Vllaznisë dhe Bylisit. Sezoni më i mirë për të ka qenë ai 2010-2011, kur me durrsakët arriti të shënonte në Superiore 13 gola.

Dashuria për Dritën dhe Gjilanin nis që në vegjëli. “Ultra-tifo.net” ka postuar dy foto shumë domethënëse: disa fëmijë në stadium që mbështesin plot pasion ngjyrën e kuqe. Sapo kanë nisur të ushqejnë dashurinë e tyre për Gjilanin.

https://www.facebook.com/ultrastifo/photos/a.176821197465/10155808675032466/?type=3&theater

Gjithashtu faqja e madhe e ultravse ka postuar edhe një tjetër foto “pikante”. Një i moshuar, i veshur me ngjyrat e Dritës. Intelektuali në moshë tregon që dashuria për klubin e zemrës nuk i shteron, pavarësisht moshës. Shembull, sikurse fëmijët…

https://www.facebook.com/ultrastifo/photos/a.176821197465/10155808618687466/?type=3&theater

Sulmuesi tiranas po kalon një formë shumë të mirë dhe këtë e tregoi edhe sot, kur me një goditje nga distanca e kaloi Prishtinën në avantazh. Goli i pestë në gjashtë ndeshjet e fundit për Morinën. Fitoren e hipotekoi Korenica, i cili realizoi edhe golin e dytë.

Gjilani i është falur Vilfor Hysës në takimin me Drenicën. Sulmuesi shtatshkurtër realizoi pak minuta nga fundi i takimit. Skuadra e kuqe ngjitet në këtë mënyrë në vendin e katërt në klasifikim. Tre pikë me shumë vlera për Gjilanin.

Trepça ’89 ka bërë detyrën ndaj KEK-ut, duke fituar me rezultatin 4-1. Miqtë befasuan me një gol të shpejtë të Gashit, por Mersini e vendosi shumë shpejt baraspeshën. Në pjesën e dytë ishte Rusi që gjeti dy herë rrugën e rrjetës për skuadrën nga Mitrovica. Në fund Manaj plotësoi “pokerin” për Trepça ‘89.

IPKO SUPERLIGA – JAVA 15

Gjilani-Drenica 1-0
Shënues: Hysa 84’
Prishtina-Ballkani 2-0
Shënues: Morina 65’, Korenica 69’
Trepça ’89-KEK-u  4-1
Shënues: Mersini 13’, Rusi 49’, 51’, Manaj 88’ / Gashi 8’

Gjithsesi Drenica nuk u dorëzua edhe me anë të Mëziut arriti të barazonte pak nga fundi i pjesës së parë. Me rezultatin 1-1 skuadrat iu drejtuan dhomave të zhveshjes. Feronikeli e kishte të qartë që duhet të fitonte dhe ia doli falë golit të shënuar nga Kastriot Rexha. Pikërisht për të zgjidhur “telashet” ia morën Dritës në verë goleadorin shtatlartë.

Llapi është befasuar në shtëpi nga Ballkani dhe ka humbur terren me Feronikelin kryesues. Një gol i shënuar nga Gashi i ka dhënë tre pikët skuadrës vendase dhe për skuadrën nga Podujeva ka marrë një goditje të rëndë.

Gjilani ka bërë detyrën ndaj KEK-ut të vendit të fundit, teksa ka fituar me rezultatin e pastër 2-0. Perez në pjesën e parë zhbllokoi ndeshjen, ndërkohë që Vilfor Hysa ishte ai që pak minuta para fundit të takimit i mbyll llogaritë e këtij takimi me golin e shënuar.

IPKO SUPERLIGA – JAVA 13

Gjilani-KEK-u 2-0
Shënues: Perez 33’, Hysa 86’

Feronikeli-Drenica 2-1
Shënues: Karioka 33’, Rexha 78’ / Mëziu 43’

Llapi-Ballkani 0-1
Shënues: Gashi 71’

Mesfushori, i cili ka luajtur në Superiore me Kukësin, ka fituar “derbin” me Kariokën, madje duke qenë protagonisti absolut me golin e realizuar. Kështu Feronikeli ka vetëm dy pikë më pak se Prishtina e vendit të dytë.

Në Mitrovicë nuk kishte fitues. Trepça ’89 dhe Llapi shënuan nga një gol në pjesën e parë dhe ndanë nga një pikë. Guçev ishte ai që kaloi në avantazh skuadrën e drejtuar nga Gugash Magani, por epërsia zgjati vetëm 10 minuta.

Alidema ishte ai që shënoi për Llapin, ndërkohë që të dyja skuadrat e mbyllën ndeshjen me nga një lojtar më pak. Zhdrella fillimisht dhe më Guçev u ndëshkuan me kartonë të kuq. Pjesën e dytë të dyja ekipet e luajtën me nga 10 futbollistë.

IPKO SUPERLIGA – JAVA 11

Gjilani-Feronikeli 1-0
Shënues: Xheferson 66’
Trepça ’89-Llapi 1-1
Shënues: Guçev 18’ / Alidema 28’

Llapi me këtë fitore është ngjitur momentalisht në vendin e dytë, në pritje të Prishtinës që ende nuk ka luajtur. Kundër Gjilanit ata e zhbllokuan ndeshjen shumë shpejt, duke realizuar me të zakonshmin Alidema.

Pjesa e parë u mbyll me rezultatin minimal 1-0, ndërkohë që në fraksionin e dytë të lojës gjetën rrugën e rrjetës edhe Sinani e Zeqiri. Endrien Magani për Gjilanin ngushtoi shifrat në 3-1, rezultat me të cilin u mbyll i gjithë takimi.

Drita ka bërë detyrën kundër Ballkanit, duke marrë fitoren e dytë radhazi në kampionat. Hera e parë për ta këtë sezon. Haxhimusa dhe Gërbeshi me penallti shënuan dy herë në pjesën e parë, ndërkohë që më pas Shaqiri dhe Kukaj me autogol i çuan shifrat në 4-0.

Nuk mbyllet me kaq, pasi Krasniqi shënoi edhe golin e pestë për Dritën. Baftiu për Ballkanin shënoi golin e nderit, kurse Haxhimusa mbylli të gjitha llogaritë. 6-1 për skuadrën e drejtuar nga Shpëtim Duro.

IPKO SUPERLIGA – Java 10

Drita-Ballkani 6-1
Shënues: Haxhimusa 12’, 89’, Gërbeshi 36’ (pen.), Shaqiri 47’, Kukaj 59’ (aut.), Krasniqi 75’ / Baftiu 86’

Llapi-Gjilani 3-1
Shënues: Alidema 6’ , Sinani 55’, Zeqiri 66’ / Magani 76’