Ka qenë vetë futbollisti gjerman që e ka pohuar këtë gjë në një intervistë per medien gjermane “Express”: Do të ishte një ndër i madh nëse do jem pjesë e skuadrës së Gjermanisë në lojërat Olimpike. Kam krijuar një lidhje të fortë me Japoninë gjatë këtyre viteve të fundit.

34-vjeçari luan prej 2 vitesh në Japoni me skuadrën e Visel Kobe. Podolski ka grumbulluar 130 aktivizime me përfaqësuesen gjermane, ku ka shënuar 49 gola.

Një ndër talentet më premtues të futbollit gjerman është i riu me origjinë afgane Nadiem Amiri. Mesfushori me tipare sulmuesi ishte ndër lojtarët më të mirë në Europiani U21 ku Gjermania u rendit e dyta.

Në një intervistë për “Bild”, 22-vjeçari tha se vendi i origjinës e kërkon prej pesë vitesh, por ai është i gatshëm të tregohet i durueshëm për ftesën nga kombëtarja gjermane.

“Dua të luaj për Gjermaninë, kjo është e vetmja gjë që më intereson. Federata e Afganistanit më ka kërkuar që në moshën 17-vjeçare. Megjithatë, durimi im e ka një fund. Nëse vjen një moment, ku për shembull s’kam luajtur ende për Gjermaninë në moshën 28-vjeçare, atëherë është  e qartë që s’do kem më shanse për të luajtur me Gjermaninë. Në këtë rast mund të pranoj që të luaj për Afganistanin”, tha Amiri.

Sfida ka nisur në mënyrë perfekte për iberikët, ku Fabian Ruiz shpalosi të gjithë klasin e tij me një gol fantastik. Festë për “La Rojan”, të cilët e shohin veten në avantazh pas vetëm shtatë minutash.

Gjermania ka shpërthyer në gola në sfidën e sotme ndaj Estonisë. “Panzerat” kanë shënuar plot tetë herë ndaj modestëve të Estonisë dhe kanë mbajtur të paprekur portën te tyre. Italia përmbysi Bosnjën në Torino falë golave të Insinjes dhe Xhekos që zhvleftësuan finalizimin e Xhekos në pjesën e parë.

Armenia zhyt në krizë Greqinë duke mundur në transfertë përfaqësuesen helene me rezultatin 3 –2. Grupi I nuk ka lënë vend për surpriza me Belgjikën, Rusinë dhe Kazakistanin që morën tri pikët në takimet përkatëse.

GRUPI C
Bjellorusi 0 – 1 Irlandë e Veriut
Gjermani  8 – 0 Estonia

GRUPI E
Azerbaixhan 1 – 5 Sllovaki
Hungari 1 – 0 Uells

GRUPI H
Shqipëri 1 – 0 Moldavi
Andorra 0 – 4 Francë
Islandë 2 – 1 Turqi

GRUPI I
Kazakistan 4 – 0 San Marino
Belgjikë 3 – 0 Skoci
Rusi 1 – 0 Qipro

GRUPI J
Greqi 2 – 3 Armeni
Itali 2 – 1 Bosnjë
Lihteshtejn 0 – 2 Finlandë

Kur kishte presionin e dy futbollistëve, Nojer nuk u shqetësua aspak, dribloi të dy (madje duke e rrëzuar njërin në tokë) dhe më pas pasoi saktë te shokët e skuadrës.

Video e tij po bën xhiron në rrjet dhe gardiani i Bajernit vazhdon të tregojë se nuk është i aftë vetëm me duar…

Manuel Neuer ? pic.twitter.com/NTMclNwsvw

— Florian Hollenbach (@fhollenbach) June 8, 2019

Shprehet se duhej patjetër të kishte ndryshime pas figurës së keqe që lanë në Rusi. Draksler beson se ky ekip i ri që po formohet do të kthejë forcën e vjetër të Pancerave. Edhe pse është një nga lojtarët më me eksperiencë në kombëtare, ai nuk pretendon të marrë shumë peshë në ekip.
“Në grumbullimet e mëparshme ka rastisur që të mos jem në gjëndje të luaj. Ndihem shumë i lumtur që jam rikthyer. Kanë ndodhur shumë gjëra gjatë muajve të fundit. Kemi filluar të ndërtojmë një ekip të ri. Duhej patjetër të ndodhte diçka pas paraqitjes së dobët në Kupën e Botës. Kemi fituar motivimin dhe jemi gati të luftojmë për gjërat e mëdha që kemi para. Do duhet të kemi durim për t’u kthyer në skuadrën që ishim në vitet 2014 dhe 2016.”

“Nëse punojmë fort, do e gjejmë rrugën për të rikthyer forcën e vjetër. Jam i kënaqur që do të ndihmoj në formimin e një ekipi të ri. Hirearkia në skuadër ka ndryshuar. Ka shumë lojtarë të rinj. Unë kam 50 ndeshje me kombëtaren. Kam një eksperiencë jo të vogël, por e shoh larg marrjen e të gjitha përgjegjësive të skuadrës”, u shpreh Draksler.

Gjendja e tij është normalizuar për fat të mirë, por ai nuk mund të ulet në pankinë në dy ndeshjet e radhës. “Ndihem mirë, por kam nevojë për pak pushim në ditët e ardhshme. Jam në kontakte të vazhdueshme me stafin teknik të kombëtares.”

Rreth situatës së krijuar foli edhe Oliver Bierhof, menaxheri i “Pancerave”. “Ajo që vlen është rikuperimi i Lëv dhe ai duhet të mendojë vetëm për t’u shëruar. Suorg dhe Këpke e njohin ekipin në perfeksion dhe ata komunikojnë gjatë gjithë kohës me trajnerin.”

Megjithatë, Humels në një intervistë për Sport Bild rrëfen se nuk i mban mëri trajnerit, edhe pse do donte që historia të shkonte ndryshe.

“Edhe unë bëj gjëra që i mërzitin të tjerët, ndaj nuk i mbaj mëri trajnerit. Jam menduar gjatë dhe kam kuptuar diçka: Ndoshta trajneri e kishte të vështirë të gjente rrugën e duhur për të na informuar për mbylljen e karrierës me kombëtaren, në një mënyrë që të gjithë të ishin të vetëdijshëm se gjithcka u bë si duhej“.

Natyrisht, Humels e pranon se vendimi i Lëvit ishte i vështirë për t’u pranuar: “U ndjeva i mospërfillur. Tomas, Zherom dhe unë e ndjenim se mund të tregohej pak më shumë vlerësim për ne. Megjithatë, 8 vitet e mia me Gjermaninë ishin fantastike“.

Fantastike, por jo deri në fund, sepse Humels e ka një peng të madh: “Humbja ndaj Koresë së Jugut ishte një poshtërim për ne dhe ishte edhe faji im. Humba një rast ideal me kokë, po të shënoja do ndryshonte gjithçka, jo vetëm në Botëror, por edhe tani nuk do ndodhnin këto gjëra“.

E ardhmja? “Nuk e mendoj më kombëtaren për momentin, nuk e di në të ardhmen“.

“Pjesa e parë ishte e mrekullueshme, e kishim lojën totalisht në kontroll. Në pjesën e dytë ata shënuan shumë shpejt dhe fituan shumë vetëbesim. Këtë ndeshje patëm fatin që na ka munguar në takimet e fundit. Të fitosh në Holandë në ndeshjen e parë është një fillim shumë i mirë. Kemi  ende shumë punë për të bërë, kjo u pa gjatë pjesës së dytë. Duhet ta menaxhojmë më mirë ndeshjen”.

GOLI I PARË – “Pasi i Nikos (Shulc) nga jashtë zone ishte i jashtëzakonshëm. Për këtë jemi stërvitur gjatë kësaj jave, duam që ta luajmë topin poshtë. Sigurisht goditja e  Sanes ishte diçka e veçantë”.

PJESA E DYTË – “Ishte qartë që holandezët do të vinin ndryshe. S’kishin asgjë për të humbur, u hodhën menjëherë në sulm. Humbëm qetësinë, s’po arrinim ta mbanim topin. Gjithsesi skuadra nuk humbi besimin se ndeshje mund të fitohej. Bëmë një kundërsulm të mirë që rezultoi vendimtar”, përfundoi Lëv.

Në një dalje për shtyp, mesfushori Leon Gorecka u shpreh se ndeshja kundër Holandës do të jetë  shumë e luftuar duke marrë parasysh rivalitetin e vjetër që ka ekzistuar midis dy ekipeve.

“Ndeshjet midis Gjermanisë dhe Holandës kanë qenë gjithmonë interesante për shkak të afërsisë gjeografike. Unë jam rritur duke parë pëtë rivalitet. Do të jetë një ndeshje shumë e luftuar ajo e së dielës”.

LIDERËT E RINJ – “Duhet të tregosh se vlen në fush. Kjo është baza e gjithçkaje. Duhet të bësh paraqitje të mira ndeshje pas ndeshje. Mendoj se në një të ardhme të afërt do të kem dhe unë një rol lideri në kombëtare”.

NOJER / TER SHTEGEN  – Mesfushori i Bajernit u pyet mbi lajmet që po qarkullojnë mbi raportin e përkeqësuar midis dy portierëve të kombëtares gjermane. Gorecka i përgënjeshtroi këto lajme duke e konsideruar të shëndetshme rivalitetin midisx: “Të dy ata janë atletë ambiciozë dhe midis tyre ka konkurrencë të shëndetshme. Nuk mendoj se kjo që ka ndonjë impakt jashtë fushës së futbollit. I pash sot në teksa po hanim mëngjesin. Gjithçka ishte në rregull, ata po bisedonin në harmoni të plotë”, përfundoi Gorecka.

Gazeta më e madhe në Gjermani, “BILD”, ka bërë disa kërkime të hollësishme për të zbuluar koston e produkteve që kishte veshur sulmuesi. Shifra totale është marramendëse 25 mijë euro! Xhupi i përbërë nga lëkura e deles, është produkt i kompanisë së njohur spanjolle “Balenciaga” dhe kushton 4500 euro.

Ndërsa këpucët  “NIKE” janë një model me numër të limituar që kushtonin 2500 euro. Produkti më i shtrenjtë ishte çanta “Louis Vuitton”, model “Christopher GM”, që ka një kosto prej 18 mijë eurosh.

Të dy lojtarët janë ftuar nga trajneri Tomas Nërenberg për ndeshjet miqësore kundër Portugalisë dhe Polonisë.

Ndërsa në listën e kombëtares U21 të Gjermanisë mungon sërish emri i Elvis Rexhbecajt. Djaloshi nga Prizreni ka bërë paraqitje të mira me Volfsburgun, por siç duket nuk ka mjaftuar për të bindur të trajnerin Stefan Kunc.

“Kam shumë pritshmëri për këta lojtarë, ndihem me fat që i kam. Vendimet nuk ishin të lehta për mua, por për duhet të marrim vendime të vështira për të qenë gati për të ardhmen. Duam t’i japim lojtarëve të rinj më shumë përgjegjës. Kemi potencial të madh”.

HUMELS, BOATENG, MYLER – “Ata nuk janë të përjashtuar nga kombëtarja. Nuk është se kanë bërë diçka gabim. Kam folur shpesh në telefon me ta këtë javë. Të jeni të sigurt mes nesh ka akoma respekt të anasjelltë. Ata më thanë që do të jenë gjithmonë të gatshëm për kombëtaren. Nuk e di çfarë do të ndodhë në të ardhmen”.

NOJER – “Manuel Nojer mbetet portieri numër një, kjo gjë s’do të ndryshojë. Marku (ter Shtegen) do të ketë shansin e tij, është e sigurt, por aktualisht Nojer është kapiteni dhe numri një”.

GËCE – HEKTOR – “Jam shumë i gëzuar me Mario Gëcen. Ai po rikthehet në formë, po e vëzhgoj. Hektor nuk luan më si mbrojtësi i majtë te Këlni, prandaj nuk e kam thërritur, por gjithsesi ai ka ende interesin tim”.

Lëv ka ftuar për herë të parë në kombëtare mbrojtësin e Lajpcig Lukas Klosterman dhe Niklas Shtark të Hertës së Berlinit. Risi ka pasur dhe në mesfushë ku është ftuar 21-vjeçari i Verder Bremen Maksimilian Egeshtajn.

Portierë
Manuel Nojer, Mark-Andre ter Shtegen, Kevin Trap
Mbrojtës
Matias Ginter,Halshtenberg, Tiho Kehrer, Lukas Klosterman, Antonio Rydiger, Niko Shulc, Niklas Shtark, Niklas Syle, Xhonatan Tah
Mesfushorë
Xhoshua Kimish, Leon Gorecka, Ilkai Gyndogan, Toni Kros, Maksimilian Egeshtajn, Kai Haverc, Julian Brandt
Sulmues
Leroi Sane, Serzh Gnabri, Marko Rojs, Timo Verner

Në intervistë të dhënë sot për mediet gjermane, 24-vjeçari u shpreh se kolegët e tij meritonin një lamtumirë tjetër dhe se ata kanë ende shumë për t’i dhënë Gjermanisë.

“Nga pikëpamja e një lojtari, më duhet të them se mënyra se si u mor vendimin nuk ishte e duhura. E kuptoj krejtësisht zhgënjimin e djemve. Unë ngela i befasuar. Qëkur kam qenë i fëmijë, kombëtaren gjermane e kam njohur vetëm me Boatengun, Humelsin dhe Mylerin. Ata ishin shtylla e kombëtares për më shumë se një dekadë dhe na shpallën kampion bote”.

“Tomasi (Myler) ka 100 ndeshje me kombëtaren, ai meritonte një fund tjetër. Nuk është një çështje i ri ose i vjetër, por i mirë ose i keq. Askush prej djemve nuk mund të konsiderohet si shumë i vjetër për të luajtur në skuadrën kombëtare”.

“Në ndeshjen e sotme (Bajern 6 – 0 Volfsburg) ata treguan se çfarë janë të aftë të bëjnë. Ishin të shkëlqyer, ky ishte reagimi perfekt nga ana e tyre”.

Ish-mbrojtësi i Dortmundit ka zgjedhur “Twitter” për t’u “zbrazur”. Një linjë të përafërt me shokët e tij ka ndjekur edhe 30-vjeçari i Bayern që bie dakord me vendimin e Lëv, por shton se kjo mënyrë largimi nga kombëtarja tregon një mungesë respekti ndaj asaj që treshja ka dhënë për Gjermaninë.

“Unë dua të komentoj vendimin e trajnerit të kombëtares. Mendoj që ka qenë një vendim shumë i vështirë (të cilin e respektoj, natyrisht), por mënyra se si e kam marrë është e pakuptueshme.”
“Sipas mendimit tim, gjithmonë kam pasur një marrëdhënie të mirë me njerëzit e përfshirë në skuadrën tonë dhe ne gjithmonë e kemi trajtuar njëri-tjetrin në mënyrë të drejtë.”

“Tomas, Zherome dhe unë kemi dhënë gjithçka për ekipin kombëtar për vite me radhë dhe për mendimin tim ky vendim nuk është i drejtë ndaj asaj që kemi arritur.”

“Mund të them se ata ishin vite të mrekullueshme, 70 ndeshje ndërkombëtare që tejkalojnë gjithçka që kisha ëndërruar si fëmijë. Një total prej katër turneve të mëdha ku mu lejua të merrja pjesë, ku kurorëzuam edhe fitimin Kupën e Botës 2014.”

“Unë do ta mbaj atë ndjenjë përgjithmonë dhe unë me të vërtetë do të doja të bëja gjithçka për të përsëritur diçka të ngjashme”, perfundoi 30-vjeçari, që e mbyll karrierën me kombëtaren e tij në kuotën e 70 ndeshjeve, 5 golave, me mirënjohje të pamasë dhe “skalitjen” e emrit të tij në legjendat e futbollit gjerman. Ndoshta Lëv e “harroi” lehtë, por tifozët nuk bëjnë të tilla gabime.

Në komunikatën e nxjerrë sot nga klubi, drejtuesit e Bajernit thonë se nuk mund të ndërhyjnë te zgjedhjet e trajnerit të kombëtares, por ata kanë ngelur të çuditur dhe të irrituar për kohën dhe rrethanat në të cilat është bërë i ditur ky lajme për lojtarët dhe publikun e gjërë.

DEKLARATA E PLOTË E KLUBIT TË BAJERNIT

Trajneri i skuadrës kombëtare Joakim Lëv ka vendosur të mos marrë më në konsideratë për të ardhmen lojtarët tanë Tomas Myler, Mats Humels dhe Zherome Boateng. Në parim, ne nuk komentojmë vendimet e trajnerit të kombëtares, e drejta e përzgjedhjes së lojtarëve është përgjegësi vetëm e Joakim Lëv.

Gjithsesi, ne e konsiderojmë kohën dhe rrethanat e lajmërimit të këtij vendimi për lojtarët dhe publikut shumë të çuditshme. Ndeshja e fundit e kombëtares gjermane ishte më datë 19 nëntor. Fakti që lojtarët tanë u informuan për këtë vetëm pak ditë para dy ndeshjeve të rëndësishme ndaj Volfsburgut dhe Liverpulit, na irriton. U surprizuam kur pamë drejtorin e kombëtares Bierhof dhe trajnerin Lëv në kompleksin tonë stërvitor ditën e djeshme.

Tomas Myler (100 ndeshje me kombëtaren), Mats Humels (70 ndeshje me kombëtaren) dhe Zherom Boateng (76 ndeshje me kombëtaren) kanë luajtur së bashku 246 ndeshje me Gjermaninë, ata kanë qenë kontribuar në një ndër dekadat më të suksesshme të kombëtares sonë, që kulm pati fitoren e titullit kampion bote në 2014-ën. Klubi i Bajernit të Mynihut ka respektin më të madh për të gjitha meritat sportive të Tomasit, Matsit dhe Zheromit në kombëtare dhe futbollin gjerman.

Karl-Hainc Rumenige (Drejtor Ekzekutiv) & Hasan Salihamixhiç (Drejtor Sportiv)

Sipas legjendës gjermane vendimi i trajnerit të kombëtares është i kuptueshëm, por koha kur u dha njoftimi  e irriton atë, pasi Bajerni i Mynihut do të ndeshjet javën që vjen me Liverpulin.

“Çfarë më irriton është koha që Lëv zgjodhi për të bërë këtë njoftim, vetëm një javë para ndeshjes me Liverpulin. Humels dhe Boateng kanë shumë pak kohë për ta lënë pas këtë lajm”.

“Gjithsesi, përveç këtij detaji, vendimi është 100% i kuptueshëm. Kemi të bëjmë me një revolucion në kombëtare, pasi Lëv po mendon një plan afatgjatë për të ardhmen. Dua të shtoj që të tre ata nuk janë më lojtarët e dikurshëm. Për shembull Boateng dhe Humels kanë humbur shumë nga shpejtësia e tyre”, tha Mateus.

Me anë të një postimi në “instagram”, qendërmbrojtësi i Bajernit shpjegoi se e kupton vendimin e trajnerit për t’i hapur rrugë brezit të ri, por do të dëshironte që lamtumira midis tij dhe kombëtares të ishte ndryshe.

DEKLARATA E BOATENG

Ditën e sotme trajneri i kombëtares Joakim Lëv më tha në bisedë të sinqertë se nuk do të jem më pjesë e përfaqësueses gjermane. Ai dëshiron t’u japë një shans emrave të rinj për t’u bërë gati për turnetë e radhës.

Jam i trishtuar nga ky lajm pasi ka qenë ndjesia më e bukur për mua që të përfaqësoj vendin tim. Gjithsesi, unë e respektoj këtë drejtim që po merr kombëtarja dhe e kuptoj vendimin e trajnerit.

Kam qenë i ri vetë dhe më është dashur që lojtarët më të mëdhenj në moshë të më linin hapsira. Personalisht jam i bindur se mund të vazhdoj të luaj në nivelet më të larta dhe do ta bëj këtë në vitet e ardhshme

Do të kujtoj gjithmonë me shumë kënaqësi momentet që kam kaluar te kombëtarja gjermane. Kam qenë gjithmonë pafundësisht krenar kur kam veshur fanellën e kombëtares dhe veçanërisht kurrë s’do ta harroj atë verë të vitit 2014-ës. Gjithsesi dëshiroja një lamtumirë tjetër për ne.

I uroj fat skuadrës në të ardhmen!

Në një dalje për shtyp, Lëv shpjegoi se ky vendim vjen si pasojë e një strategjie për t’i hapur rrugën brezit të ri në skuadër dhe në fund i falënderoi të tre lojtarët për kontributin e tyre.

“2019-ta është viti që sinjalizon një fillim të ri për kombëtaren e Gjermanisë. Duam të vazhdojmë me planin e ndryshimeve që vazhduam gjatë fundit të vitit të kaluar. Boateng, Humels dhe Myler nuk do të jenë më në skuadër. Erdha sot në Mynih për t’ia komunikuar atyre personalisht këtë gjë”, tha gjermani para mediave.

“Ata mbeten lojtarë klasi, të cilët janë liderë te klubet e tyre. Janë futbollistë të mëdhenj, që kanë luajtur për një kohë të gjatë për kombëtaren gjermane. Kanë kaluar shumë vite më ne. I falënderoj për vitet e paharrueshme që kaluam së bashku”.

“Është koha që të vëmë bazat për të ardhmen. Duam t’i japim skuadrës një fytyrë të re. Jam i bindur se ky është vendimi i duhur. Po jap një sinjal të qartë për rinovimin e skuadrës. Lojtarët e rinj do të kenë hapësira që të përmirësohen. Ata duhet të marrin përsipër përgjegjësitë që të jep fanella e kombëtares”, përfundoi Lëv.

Kompania e cila është shitësi më i madh i makinave në botë, ka bindur federatën gjermane me një ofertë prej 30 milionë eurosh në sezon, plus 6 milionë euro të tjera në formë bonusesh në varësi të paraqitjeve të kombëtares.

“Mercedes-Benz” ka qenë sponsori i kombëtares gjermae për 45 vite. Tani me kontratën e re, stema e e “Volkswagen” do të jetë në të gjitha produktet e kombëtares gjermane.

Lëv ka folur për “ZDF”, duke lëshuar sinjalet e para të largimit nga kombëtarja. Dëshira e gjermanit është të drejtojë një klub jashtë Gjermanisë dhe emri i parë që të vjen në mendje është Reali i Madridit.

Lëv ishte pranë stolit madrilien pas largimit të Zidan, ndërsa Perez mund t’i rikthehet përsëri kësaj piste pas deklaratave të vetë trajnerit.

 “Ka kaluar pjesa më e madhe e kohës time si trajner i Gjermanisë. Vjen një moment kur duhet të mendosh se çfarë do të bësh më vonë. Unë vazhdoj të jem i interesuar për të drejtuar një klub dhe mendoj se mund ta bëj një gjë të tillë jashtë Gjermanisë. Reali i Madridit? Është një klub interesant për çdo trajner...”, përfundon trajneri i kombëtares gjermane.

Në Gjermani është hapur prej kohësh debati nëse Andre ter Stegen meriton më shumë hapësirë dhe Lëv është dakord: “Ter Stegen është portier i klasit botëror tashmë, por nëse nuk ndodh diçka e jashtëzakonshme, Manuel Nojer do të jetë portieri ynë titullar deri në Euro 2020, absolutisht”.

Me pak fjalë, Ter Stegen mbetet spektator: “Padyshim që ai do të ketë shanset e tij vitin e ardhshme, sepse po luan në nivele të jashtëzakonshme, por Nojer është kapiteni ynë dhe është jashtëzakonisht i rëndësishëmpër lojtarët dhe për ekipin. Nuk dua të ul vlerat e Ter Stegen, por Nojer ështënumri 1, të paktën edhe për 2 vite”.

OZIL – Trajneri i Gjermanisë ka prekur edhe çështjen e Mesut Ozil: “Mbeta jashtëzakonisht i zhgënjyer që ai nuk më informoi personalisht, kur vendosi tëbraktiste kombëtaren. Të gjithë e dinë që unë jam gjithmonë gati të bisedoj,por duhen dy persona për të pasur një bashkëbisedim. Deri tani nuk kam pasur asnjë sinjal prej tij, do të më pëlqente të sillej ndryshe”.

KOMBËTARET E MËDHA – Belgjika ndodhet në vendin e parë në renditjen botërore të FIFA-s edhe për këtë muaj. Në dhjetë skuadrat e para ka ndryshuar pozicion Portugalia, që është ngjitur në vendin e gjashtë. Një pozicion poshtë tyre ka zbritur Uruguai.

Podiumi plotësohet nga Franca dhe Brazili, që ruajnë pozicionet e tyre. Kroacia është poshtë tyre, në vendin e katërt. Argjentina ka ngjitur një shkallë dhe tani renditet në vendin e 11-të. Gjermania ka zbritur me dy pozicione në renditjen e FIFA-s dhe tashmë pozicionohet e 16-ta. Holanda është ngjitur e 15-të, kurse Suedia në vendin 14-të. Tre vende të ngjitura prej tyre. Edhe Italia është përmirësuar me një pozicion dhe tashmë është në vendin e 18-të.

Por, këto nuk kanë qenë humbjet e vetme të kombëtares së pancerave në këtë vit. Në 13 ndeshje të zhvilluara, Gjermani numëron 4 fitore, 3 barazime dhe 6 humbje. Një bilanc tepër negativ që thyen dhe rekordin e 33 viteve më parë.

Ishte viti 1985 dhe në stolin e kombëtares ishte Franc Bekenbauer. Gjatë atij viti, Gjermania zhvilloi 11 ndeshje me një bilanc prej 4 fitoresh, 2 barazimesh dhe 5 humbjesh.

Hoakim Lëv ka përdorur 33 lojtarë gjatë këtij viti, ndërkohë që kanë debutuar 5 të tillë (Petersen, Haverc, Shulz, Kehrer, Uth). Në të 13 ndeshjet, Gjermania ka shënuar 14 gola, ndërsa një vit më parë shënonte 43 gola në 15 ndeshje. Vetëm Toni Kros, Leroi Sane dhe Timo Verner kanë arritur të shënojnë më shumë se 1 gol.

13 ndeshjet e Gjermanisë gjatë vitit 2018

23 Mars           Gjermani – Spanjë        1-1 (Miqësore)
27 Mars           Gjermani – Brazil         0-1 (Miqësore)
2 Qershor         Austri – Gjermani         2-1 (Miqësore)
8 Qershor         Gjermani – Arabia Saudite       2-1 (Miqësore)
16 Qershor       Gjermani – Meksikë     0-1 (Kupa e Botës)
23 Qershor       Gjermani – Suedi          2-1 (Kupa e Botës)
27 Qershor       Korea e Jugut – Gjermani        2-0 (Kupa e Botës)
6 Shtator          Gjermani – Francë        0-0 (Liga e Kombeve)
9 Shtator          Gjermani – Peru           2-1 (Miqësore)
13 Tetor           Holandë – Gjermani     3-0 (Liga e Kombeve)
16 Tetor           Francë – Gjermani        2-1 (Liga e Kombeve)
15 Nëntor        Gjermani – Rusi           3-0 (Miqësore)
19 Nëntor        Gjermani – Holandë     2-2 (Liga e Kombeve)

Gjatë mbrëmjes së kaluar është përsëritur e njëjta skenë, gjatë ndeshjes Gjermani-Holandë. Kësaj radhe ka qenë Xhoshua Kimish, i cili ka imituar Brozoviç, pavarësisht se goditja e Memfis Depai përfundoi në murin e Gjermanisë.

Parece que #Kimmich ha decidido imitar a Brozovic esta noche… ?#GERNED pic.twitter.com/NYqyIO0OkA

— FC Bayern Español (@FCBayernES) November 19, 2018

Një gjë e tillë ka emocionuar komentatorin e ndeshjes, i cili është shprehur: “Mesa duket, Kimish ka vendosur të imitojë Brozoviç sonte”.

Imitim, apo jo, nuk ka rëndësi. Qëllimi kryesor është mbrojtja e portës dhe mos lejimi i pësimit të golit. Në çdo lloj mënyrë, në këmbë, ose i shtrirë. Si Brozoviç, ose si Kimish!

Një gjë e tillë ka sjellë dhe reagimin e klubit të Interit, që shkruan në “Twitter”: “Brozodili ynë është krenar“.

¡Nuestro #Brozodrilo está orgulloso de ustedes, amigos! ?? pic.twitter.com/HTyhhgqzp2

— Inter (@Inter_es) November 19, 2018

Pjesa e parë foli për vendasit. Skuadra e Joakim Lëv nuk i mungonte motivimi edhe pse gjithçka për ta kishte mbaruar. Goditja e fortë e Timo Verner mposhti Silesen në minutën e 9-të, ndërsa Sane dyfishoi shifrat. “Tulipanët” nuk arritën të merrnin  më kontrollin e lojës gjatë pjesës së parë, por në të dytën ndryshoi situata.

Holanda rimori kontrollin e lojës, por të çaje mbrojtjen e gjermanëve nuk ishte aspak lehtë. Promes rindezi shpresat e holandezëve për vendin e parë duke ngushtuar diferencën në minutën e 85-të me një goditje të fuqishëm që la të shtangur Manuel Nojerin. Kehrer mund të kishte shënuar golin e tretë për gjermanët, por fati kësaj radhe ishte me “tulipanët”. Heroi i takimit ishte Virxhil Van Dajl. Qendërmbrojtësi u gjend i vetëm para portierit Nojer pas një harkimi të Vilhenës dhe nuk gaboi duke i siguruar vendit të tij “biletën” për në finalet e “Nations League”.

Hans Peter Brigel ka folur për “Repubblica”, duke akuzuar një person të vetëm për krizën e futbollit gjerman. Ai është Pep Guardiola, i cili drejtoi Bajernin e Mynihut për tre sezone. Sipas ish-trajnerit të Shqipërisë stili i lojës së trajnerit të Sitit ishte një nga shkaqet kryesore të këtij momenti të keq.

“Është faji i Guardiolës, na ka mashtruar, duke na thënë që për të fituar mjafton të kesh 75% kontrollin e topit, por nuk është kështu. Në futboll rezultati është më i rëndësishëm sesa kontrolli i lojës. Të kesh kontrollin e topit nuk mjafton për të fituar dhe Franca na e demonstroi një gjë të tillë duke fituar kupën e botës”, thekson Brigel.

63-vjeçari nuk kursen as trajnerin Hoakim Lëv. Sipas Brigelit, ai nuk pati guxim tek të rinjtë dhe u mbështet përsëri te lojtarët, të cilët fituan Kupën e Botës në vitin 2014.

“Mund të fitohet dhe duke u kthyer në një mënyrë më tradicionale loje. Loja e bukur nuk është gjëja më e rëndësishme, por ekuilibri në fushë. Mendoj se bëhet fjalë për një krizë të përkohshme, që i ka ndodhur shumë kombëtareve. Lëv? Pas fitores në Kupën e Konfederatave, mungoi guximi për të ndryshuar. Duheshin lënë në shtëpi 4-5 lojtarë të Botërorit 2014, të cilët nuk ishin në gjendjen e duhur dhe t’iu jepej më shumë besim të rinjve, të cilët fituan Kupën e Konfederatave”, përfundon Hans Peter Brigel.

Nations League ndoshta është ende jo fort e qartë për shumë njerëz, por po ofron emocione të forta dhe Holanda sot mposhti 2-0 Francën, me një ndeshje perfekte. Dominim ndaj kampionëve të botës, lojë dhe gola, një në fillim e një në fund, Kuman po bën punë fantastike.

Pjesa e parë ishte më e mirë për Holandën, që luajti një futboll mjaft agresiv dhe i detyroi kampionët e botës të qëndronin shpesh të mbyllur në gjysmëfushën e vet.

Hugo Loris e bëri një mrekulli ndaj Uijnaldum, por mesfushori i Liverpulit e mundi më vonë, në minutën e 44-t, kur fillimisht provoi Babel dhe Loris grushtoi drejt këmbëve të Uijnaldum. 45 minuta të vuajtura për Francën, që tregoi shumë pak.

Në pjesën e dytë pritej shumë nga Franca, që në fakt që pas Kupës së Botës ka shkëlqyer vetëm në pjesët e dyta, por këtë radhë nuk i eci.

Holanda ishte perfekte në fazën mbrojtëse dhe shumë e rrezikshme në kundërsulm, duke konfirmuar se më në fund po kthehet në nivelin që i takon. Në fundin e takimit, me Francën të dëshpëruar në kërkim të barazimit, erdhi edhe goli i dytë, me 11-metërsh nga Depaj (Panenka për sulmuesin e Lionit).

Një fitore e madhe për Tulipanët, që dekretojnë rënien e bujshme të Gjermanisë nga Liga A, diçka që pakkush e mendonte deri para dy muajsh.

Tashmë Holanda do të vizitojë pikërisht Gjermaninë dhe i duhet vetëm një pikë për të shkuar në gjysmëfinalet e Kupës së Kombeve, që praktikisht vlen edhe një vend në Euro 2020, sepse 4 më të mirat e Ligës së Kombeve me shumë gjasa do të jenë dominuese edhe në eliminatoret e ardhshme të Europianit.

Atmosferë pozitive për të vegjlit, të cilit kishin mundësinë të takonin idhujt e tyre. Gjithashtu edhe për lojtarët e Gjermanisë ishte një moment për t’u çliruar në aspektin psikologjik dhe për të kaluar disa momente ndryshe.  Kjo dallohej qartë edhe në mimikën e tyre.

How would you react if a bunch of Germany players turned up at your training session? ?#DieMannschaft pic.twitter.com/viZWYQXmKL

— Germany (@DFB_Team_EN) November 14, 2018

Trajneri Joakim Lëv ka përzgjedhur lojtarët për këto dy ndeshje dhe jashtë liste mbeten portieri Mark-Andre Ter Shtegen dhe mbrojtësi Zherom Boateng. Ai ka menduar t’i lërë pushim për këtë ndeshje, ndërkohë që për portierin e Barcelonës ka pasur edhe një shqetësim në shpatull.

Gjithashtu është sqaruar se mesfushori Toni Kros do të jetë në dispozicion të stafit teknik vetëm për ndeshjen e 19 nëntorit kundër “tulipanëve”. DFB (Federata Gjermane e Futbollit) ka publikuar ditën e sotme listën e plotë të lojtarë që do të jenë në dispozicion të Lëv për ndeshjet me Rusinë dhe Holandën.

https://www.facebook.com/DFBTeamEN/photos/a.565201890252548/1657042691068457/?type=3&theater

Një dëmtim i Sami Kedirës bëri që trajneri Lëv t’i besonte Kramerit një post në finalen e madhe. Gjithçka u mor vesh vetëm pak orë përpara fillimit të betejës, gjatë së cilës gjermani u përplas me mbrojtësin Garai, duke humbur kujtesën dhe vazhdimin e ndeshjes. Ai u zëvendësua pa mbaruar pjesa e parë, ndërsa e paharrueshme mbetet skena e ndodhur me arbitrin Ricoli, kur lojtari e pyeti italianin se çfarë ndeshje po luhej… !

“Garai nuk më kërkuar kurrë ndjesë, po ku i dihet, ndoshta e ka bërë dhe e kam harruar”, është shprehur disa herë duke buzëqeshur Kramer.

“Vite më vonë, mund të them që ajo gjë që më ndihmoi të ruaja qetësinë, ishte normaliteti me të cilin Lëv më tha se do të luaja. Askush nuk më tha se ishte mundësia e jetës, askush nuk më pyeti se si ndihesha. Për ata ishte thjeshtë normale. Për këtë gjë do i jem gjithmonë mirënjohës stafit teknik”, rrëfen Kramer për “Gazzetta dello Sport”. Asnjë kujtim, fikje totale për një çerek ore dhe zbulimi i një detaji interesant, sa i përket rezultatit të ndeshjes.

“Nga momenti i përplasjes me Garain, nuk mbaja mend asgjë, nuk kam ndjerë as dhimbje. Kujtimi i vetëm është ai me mjekët brenda dhomave të zhveshjes. Kam një “errësirë” prej 15 minutash. Doktorët po më qetësonin, duke më thënë që rezultati ishte akoma 0-0. Në ndërgjegjen time isha i sigurtë, që Argjentina ishte në avantazh me golin e shënuar nga Higuain, por arbitri e kishte anuluar pak përpara dëmtimit tim. Unë ende kisha bindjen që ishte gol”, tregon 27-vjeçari, i cili vazhdon të flasë për episodin, që nuk është se e bën shumë krenar, pavarësisht famës që i dhuroi.

“Nga pikëpamja mediatike, për mua ishte një episod pozitiv, por shumë torturuese. Njerëzit më lidhin me finalen e Kupes së Botës, por në jetë ka gjëra më të këqija se kjo. Por, nuk është një histori për të cilën ndihem krenar. Ishte momenti më i bukur i jetës time. Kur takohem me ndonjë nga lojtarët që ishin pjesë e asaj kombëtareje, ndjej një ndjesi të veçantë. Jemi të bashkuar nga diçka magjike, speciale. Këtë nuk do të ma heqë dot askush”, përfundon Kristof Kramer.

Shqipëria e Kristian Panuçit, pas humbjes me Izraelin në transfertë, ka humbur tre pozicione dhe tani renditet në vendin e 60-të. Kosova, ndryshe nga kuqezinjtë është ngjitur me një vend. Gjithsesi janë në vendin e 137-të në renditjen e FIFA-s.

Për sa i përket sfidës një koment ka dhënë dhe ish-lojtari i përfaqësueses së “panterave”, Lotar Mateus. Ish-mesfushori njihet për kritikat e tij të shpeshta dhe për polemikat që krijon në media. Gjithsesi, mbrëmjen e kaluar Mateus duket se ka ndryshuar qëndrim duke thënë fjalë të mira për kombëtaren dhe trajnerin Lëv.

“E vetmja gjë që mund të fajësoj lojtarët është rezultati. Kanë bërë një paraqitje fantastike, sidomos në pjesën e parë. Të gjithë lojtarët më kanë bindur, disiplinë në mbrojtje, kreativitet në mesfushë dhe shpejtësi në sulm. Lëv gjithashtu ka merita për ndryshimet e bëra, vetëm i duhet pak kohë. Po fut lojtarë të rinj në kombëtare, të cilat luajnë me gjak për vendin e tyre. Sane, Gnabri, Shulc, Zyle dhe Kehrer janë djem të rinj, për të cilët jam i sigurtë që do të bëjnë mirë. Humbja është normale që djeg, por Lëv ka treguar se ka cilësi si trajner”, ka përfunduar ish-lojtari gjerman.

Tanimë gjermanët për herë të parë në histori pësojnë gjashtë humbje radhazi brenda një viti kalendarik. Dy prej tyre në ndeshje zyrtare i kanë marrë brenda pak ditësh dhe diçka e tillë nuk ndodhte prej vitit 2000.

Gjermania u mund edhe në “Rusi 2018” nga Meksika në ndeshjen e parë në grup, ndërkohë që më pas ishte Koreja e Jugut që e bëri skuadrën e Joakim Lëv të dilte kokulur nga fusha dhe Botërori. Nga kampionë bote, në të eliminuar që në grupe.

Por edhe para “Rusi 2018” Gjermania kishte pësuar dy humbje të tjera. Brazili dhe Austria ishin skuadrat që patën mposhtur “panzerat”, që zyrtarisht janë në një moment kritik.

Skuadra që ka befasuar më shumë është gjermania, që deri më tani ende nuk ka fituar ndeshjen e parë. Jo vetëm kaq, por “pancerat” akoma nuk kanë mundur që ta gjejnë rrugën e rrjetës si ndaj Holandës ashtu dhe ndaj Francës.

Befasuese, por e vërtetë që Gjermani ndodhet përkrah San Marinos, Estonisë, Islandës, por dhe Kroacisë, që po ashtu ka befasuar. Kroatët janë me statusin e nënkampionëve të botës, por deri më tani kanë dështuar që të shënojnë.

57-vjeçari beson se ka ardhur momenti që hierarkia në portë të ndryshojë dhe Ter Shtegen të ketë mundësinë për të qenë titullar, edhe kur portieri i Bajernit është gati. Mateus e justifikon komentin e tij, duke shtuar se Nojer ende nuk është në formën e tij më të mirë, pasi vjen nga një dëmtim i rëndë.

“Manuel Nojer nuk është në formën e tij më të mirë, diçka që është normale, pasi ai vjen nga një dëmtim i gjatë. Nuk ka arritur ende në momentin e tij më të mirë edhe pse është katër herë portieri më i mirë në Botë. Ter Shtegen ka luajtur për shumë  vite në nivele të larat me Barcelonën dhe besoj se duhet të ketë mundësinë për të nisur si titullar edhe kur Nojer është i gatshëm”, përfundon 57-vjeçari gjerman.

Sulmuesi aktivizohet në ekipet e moshave të Bajernit të Mynihut dhe ka shënuar katër gola deri më tani në kampionatin e moshave. Sipas “Bild”, zyrtarë të federatës braziliane kanë kontaktuar lojtarin dhe prindërit e tij, duke i premtuar atyre një grumbullim me kombëtaren U21 të Brazilit.

Kjo lëvizje mund të merret dhe si një lloj presioni nga ana e lojtarit për federatën gjermane, që në të kaluarën e ka grumbulluar 17-vjeçarin vetëm një herë për një ndeshje të kombëtares U17.

Diçka të tillë e bën të ditur federata gjermane, e cila ka njoftuar përmes në sajtin e saj se mbrojtësi ka lënë grumbullimin, duke humbur në këtë mënyrë ndeshjen e radhës në Ligën e Kombeve, e cila do të jetë ajo me Francën të martën që vjen.

Boateng numëron 86 ndeshje me skuadrën e parë të Gjermanisë që nga vitit 2009, duke shënuar dhe një gol. Pas paraqitjeve të fundit e ardhmja e 30-vjeçarit me bluzën e përfaqësueses është vënë jo pak në pikëpyetje.

Balak ishte një prej atyre që mendonte se koha e Lëv në krye të Gjermanisë kishte ardhur në fund, por Toni kros i ka dalë në mbrojtje trajnerit të tij, madje duke aluduar se ish-futbollisti i Kombëtares ka pasur një dëshirë për ta pasuar timonierin aktual në krye të skuadër. Një sulm i hapu dhe i papritur nga ana e mesfushorit të Realit të Madridit.

“Secili ka mendimin e tij të ndryshëm. Ka nga ata që thonë se pas një suksesi të madh ja vlen më shumë të largohesh, por ka dhe nga ta që nuk duhet të vazhdosh kur kalon një moment të vështirë. Balak besoj se e ka menduar një ndryshim, pasi ai ndoshta donte vendin e Lëvit. Jam i bindur se do të rikthehemi në rrugën e mbarë me Lëvin. Ai ka treguar gjithnjë se mund të bëjë mirë dhe kemi pësuar një rritje progresive nën drejtimin e tij”.