Ky është trofeu i gjashtë i Superkupës për klubin e Dortmundit dhe i pari në pesë vitet e fundit. Përvecc motivimit të shtuar në prag të fillimit të Bundesligës, kjo fitore vlen shumë dhe për të vënë në presion kampionët në fuqi.

SUPERKUPA E GJERMANISË

BORUSIA DORTMUND 2 – 0 BAJERN
Shënues: Alkaser 48′, Sanço 69′

https://twitter.com/SportsAfrica4/status/1157738917124292610?s=20

Kjo lëvizje që pritet të zyrtarizohet në ditët në vazhdim është mundësuar nga vetë kreu i klubit prishtinas Remzi Ejupi. Bekaj ka qenë prej disa sezonesh një ndër portierët më të dalluar në IPKO Superliga e Kosovës dhe pjesë e rregullt e grumbullimeve të Bernard Shaland në përfaqësuesen e Kosovës.

Nëse transferimi kryhet me sukses, duhet përmendur se Bekaj do ta nisë si portier i tretë, pas titullarit të padiskutueshëm Oliver Bauman dhe portierit tjetër Filip Pentke. Me shumë gjasa aktivizimet e para të portierit shqiptar do të jenë me ekipin B të Hofenhajmit, që militon në Ligën Rajonale gjermane.

20-vjeçari nuk u përzgjodh nga Niko Kovaç në listën e të grumbulluarve për turin amerikan. Shabani është aktivizuar në këto javë të para të sezonit me ekipin B të bavarezëve, që këtë sezon militon në Bundesliga.3.

Gjatë javëve të fundit disa prej lojtarëve më të dalluar të akademisë bavarezë janë huazuar në ekipe modestë të Bundesligës së parë, por një shans i tillë ende nuk po vjen për Shabanin, i cili në dy vitet e fundit ka qenë një ndër lojtarët më të dalluar në sistemet zinxhir të Bajernit.

Në një prononcim të shkurtër për “Kicker”, Hënes tha: “Vendimin që kam marrë do e bëj të ditur më datë 29 gusht në mbledhjen me bordin drejtues. Deri më atë datë, s’do të ketë asnjë komunikatë zyrtare nga ana ime në lidhje më këtë çështje”.

Mediet gjermane aludojnë se në rast dorëheqje të Hënes, postin e presidentit të klubit do e mbajë Herbert Hajner, një anëtar i bordit të supervizorëve i njohur gjerësisht në gjermani si ish-shefi ekzekutiv i kompanisë së njohur “adidas”.

Hënes punon në klubin e Bajernit prej 40 vitesh. Menjëherë pasi i dha fund karrierës si boksier ai u emërua menaxher i përgjithshëm i skuadrës dhe drejtor i sektorit komercial, pozicion të cilin e mbajti për 30 vjet, derisa u bë president i klubit.

Në ndeshjen e sotme Dajaku u fut në fushë në minutën e 72-të duke zëvendësuar bashkëkombësin e tij shqiptar Meritan Shabani. Takimi u mbyll me fitoren 3 – 1 të Vyrzburger Kikers. Synimi i ekipit të dytë të Bajernit është sigurimi i mbijetesës.

Dajaku plotëson kushtet për të luajtur edhe një vit në Bundesligën U19, por mesa duket te Bajerni besojnë se adoleshenti ka cilësitë e duhura për t’u aktivizuar që në këtë moshë në futbollin profesionist.

Ka qenë vetë futbollisti gjerman që e ka pohuar këtë gjë në një intervistë per medien gjermane “Express”: Do të ishte një ndër i madh nëse do jem pjesë e skuadrës së Gjermanisë në lojërat Olimpike. Kam krijuar një lidhje të fortë me Japoninë gjatë këtyre viteve të fundit.

34-vjeçari luan prej 2 vitesh në Japoni me skuadrën e Visel Kobe. Podolski ka grumbulluar 130 aktivizime me përfaqësuesen gjermane, ku ka shënuar 49 gola.

Numri 1 i klubit foli hapur mbi vështirësitë që ka një kompeticion si Champions League, por pranon se trajneri Niko Kovaç ka për detyrë të mos e përsërisë atë që ndodhi vitin e kaluar ku Bajerni u eliminua në raundin e 1/16-ve nga Liverpuli.

“Ky klub synon Champions-in, por në 119 vite histori kemi fituar vetëm një herë tripletën e trofeve. Ky fakt shpesh harrohet. Gjithsesi ishte një eksperiencë e paharrueshme ai suksesi i viti 2013. Kam idenë se viti pas viti po bëhet akoma më e vështirë. Gjithsesi, Champions-i do mbetet gjithmonë një objektiv që do vendosë për sezonin tonë”.

“Gjatë viteve të fundit kemi shkuar në finale 3 herë, ku njëherë e fituam trofeun e Champions-it, ndërsa thuajse çdo vit jemi në gjysmëfinale. Kovaç e ka për detyrë ta vazhdojë këtë ecuri në Bajernit me këtë skuadër që ka pësuar jo pak ndryshime”.

“Mendoj që trajner duhet të përshtatet me filozofinë e klubit ku punon dhe jo e kundërta. Çdo trajner ka preferencat e tij, por mbi të gjitha duhet të ketë një sistem të Bajernit dhe një sistem të Barcelonës. Sistemi që ne kemi përdorur për vite me radhë na ka garantuar në momente të caktuara futboll spektakolar”.

Megjithatë, mediet gjermane janë të sigurta se Bajerni nuk ka ndërmend ta mbyllë merkaton e kësaj vere pa një përforcim për krahët e sulmit. Sipas “Bild”, fokusi i bavarezëve ka shkuar drejt talentit të PSV-së, Stivën Bergvejn.

Sulmues 21-vjeçar është një ndër talentet më premtues të futbollit holandez dhe është kthyer një pjesë të rregullt të grumbullimeve të kombëtares holandeze. Firma me Bergvejn s’do të jetë aspak e lehtë, pasi për të interesohen klube të shumta në Angli.

Pavarësisht se drejtuesit e bavarezëve kanë kryer disa blerje numri i lojtarëve në dispozicion të Niko Kovaç është më i vogli ndër ekipet e Bundesligës gjermane, por edhe në rangun e Champions League.

Ekipi i parë i Bajernit përbehet nga vetëm 17 lojtarë + 4 portierë. Një studim i kryer ka zbuluar se bavarezët kanë një numër shumë të vogël futbollistësh në krahasim me rivalët Europianë.

Inter, Mançester Siti dhe Real Madrid kanë nga 29 lojtarë (pa përfshirë portierët) në ekipin e parë, ndërsa bashkëkombësit e Dortmundit kanë thuajse dyfishin me 32 lojtarë. Siç duket te Bajerni janë të sigurt se dëmtimet do të jenë të pakta dhe fakti që në skuadër ka shumë lojtarë polivalent si Kimish, Havi Martinez, Lukas Hernandez, Pavard dhe Alaba bën që Kovaç të mos shqetësohet nga ky fakt.

“Bild” raporton se mbrojtësi ka arritur marrëveshjen me Ajntrahtin e Frankfurtit dhe zyrtarizimi e vizitat mjekësore priten të kryhen ditën e nesërme.

Kulmi i karrierës së Durm ishte viti 2014, ku Joakim Lëv e grumbulloi në Botërorin “Brazil 2014”. Që prej atij momenti futbollisti gjerman ka pësuar dëmtime të njëpasnjëshme, madje gjatë sezonit 2017/2018, Durm nuk luajti qoftë dhe një minutë.

“Ne kemi dy trajnerë në federatën tonë. Ata kanë padyshim aftësitë e duhura për të qenë trajnerë të kombëtares. Janë Markus Sorg (zëvendëstrajner i kombëtares) dhe Stefan Kuntz (trajneri i Gjermanisë U21). E kanë treguar për një kohë të gjatë dhe e ndiejnë punën që po bëjnë. Kjo është shumë e rëndësishme për lojtarët e rinj. Të dy e bëjnë punën e tyre shumë mirë. Gjithsesi, nuk e marr unë vendimin në fund. E vetmja gjë që mund të them është se ata e zotërojnë aftësinë për të qenë trajnerë të Gjermanisë”, deklaroi Lëv.
Stefan Kuntz

Markus Sorg

Spanjollët e fillojnë në mënyrë të shkëlqyer teksa një goditje e fortë e Fabian Ruiz u jep avantazhin në minutën e katërt. Me kalimin e minutave Gjermania i afrohet golit të barazimit, por pa sukses. Në momentin më të mirë të gjermanëve, Spanja godet sërish. Portieri Nybel nuk grushton siç duhet një goditje të Ruiz dhe Olmo fare pranë portës e ka të lehtë të bëjë golin e dytë.

Amiri ngushton rezultatin në minutën e 88-të, por ishte tepër vonë, pala spanjolle ia doli të mbante rezultatin e paprekur në ato pak minuta që kishin mbetur.

Spanjë 2 – 1 Gjermani
Shënues: Fabian Ruiz 4’, Olmo 69’ / Amiri 88’

Autori i golit të parë Fabian Ruiz luan përsëri rol kyç edhe në këtë gol, teksa një goditje e fortë e tij nuk kontrollohet siç duhet nga portieri Nybel, Olmo përfiton dhe i vetëm me portierin nuk gabon.

Spanjë 2 – 0 Gjermani
Shënues: Fabian Ruiz 7’, Olmo 69’

Sajti i njohur “footyheadlines.com”, ka zbuluar fotot e dizajnit të ri. Fanellat e reja janë pëlqyer shumë nga tifozët e kampionëve të Gjermanisë, të cilët kanë lënë një “feedback” pozitiv në rrjetet sociale.

Pas këtij goli, Rumani do të reagonte. Në minutën e 25’, ballkanasit fitojnë një penallti dhe sulmuesi Pushkash merr përsipër ekzekutimin e saj, duke shënuar dhe duke barazuar rezultatin. Në minutën e 42’, Rumani arrin të përmbysë gjithçka. Një krosim nga e majta shfrytëzohet mjaft mirë nga sulmuesi Pushkash, i cili me kokë shënon golin e dytë personal.

Pjesa e parë u mbyll në favor të Rumanisë. Në pjesën e dytë, Gjermania arriti të reagojë shumë shpejt, duke gjetur rrjetën në minutën e 51’. Një penallti e kontestuar shfrytëzohet në gol nga sulmuesi Luka Valshmid, që barazoi shifrat. Valshmid do të shënonte sërish, në minutën e 89’, me anë të një goditje dënimi. Numri 10 realizon një supergol, duke shtangur portierin Radu. Por spektakli nuk do të mbaronte këtu, pasi Amiri do të shnëonte sërish nga goditja e dënimit 3 minuta më vonë, duke vulosur fatet e takimit dhe duke çuar Gjermaninë në finale.

Euro 2019 (U21)

Gjermani – Rumani  4-2
Amiri 21’ 90+3′, Valshmid (p) 51′ 89′ / Pushkash 26’ (p), 42′

90+3′ – Gol, Nadiem Amiri (GER)

89′ – Gol, Luka Valshmid (GER)

51′ – Gol, Luka Valshmid (GER)

42’ – Gol, Xhorxh Pushkas (RUM)

21’ – Gol, Nadiem Amiri (GER)

Në një intervistë për “Sportbuzzer”, 21-vjeçari flet mbi ish-trajnerin Bruno Labadia dhe faktin që nuk mori një ftesë nga trajneri i Gjermanisë U21 Stefan Kunc për Europianin U21.

KOMBËTARJA GJERMANE – “Qëllimi im ka qenë gjithmonë që të isha pjesë e ekipit të parë të Volfsburgut. Besoj se kam arritur diçka të madhe dhe jam shumë krenar për këtë gjë. Shumë nga shokët e mi më kanë thënë se meritoja një ftesë për në kombëtaren U21, por nuk jam i mërzitur, i detyrohem shumë këtij kombi Nëse do të ndodhte do ishte diçka e mrekullueshme. Çdokush e ëndërron këtë. Shpresoj që skuadra U21 të vazhdojë kështu, jam i sigurt që do të arrijnë në finale.”.

ISH-TRAJNERI LABADIA – “Gjithmonë e kam vlerësuar besimin e madhe që trajneri Labadia pati tek unë. Kur më futi për herë të parë kundër Bajernit kisha shumë emocione, por më pas gjithçka u mësova dhe futesha i qetë në çdo ndeshje. Ai më inkurajonte që gjuaja shpesh portën, jam bërë një lojtar më sulmues falë tij”.

“Mezi po pres të luaj në Europa League. Dua ta provoj veten kundër klubeve të mëdha si Mançester Junajtid dhe Roma. Skuadra është në formë të shkëlqyer, sezonin e kaluar ishim ekipi që vrapuam më shumë”, përfundoi Rexhbecaj.

Ndoshta i humburi i vetëm i këtij rezultati është Italia. Vendi organizator kishte varur shpresat te një fitore e Rumanisë për t’u kualifikuar në gjysmëfinale, por tani u duhet ta shohin pjesën tjetër të turneut nga ekranet e televizorit.

Francezët ishin ekipi më kërkues në këtë takim, por kundërsulmi i skuadrës rumune vuri disa herë në vështirësi mbrojtjen e “gjelave”. Në pjesën e dytë Rumania pretendoi për një penallti, por për fatin e mirë të francezëve arbitri nuk e ndali lojën. Në fazën gjysmëfinale, Rumania do vihet përballë Gjermanisë, ndërsa Franca diskuton finalen me fqinjët e Spanjës.

FRANCË 0 – 0 RUMANI

Lumë golash në ndeshjen Kroaci-Angli, që përfundoi me rezultatin 3-3. Britanikët ishin të parët ata që kaluan në avantazh dhe e bënë diçka të tillë përmes një penalltie, neto. Nelson nga pika e bardhë e 11-metërshit nuk fali. Brekalo, në fundin e pjesës së parë, me një aksion dhe goditje topike tijën arriti të barazonte me një gol të shënuar mjeshtërit. 1-1 dhe pjesa e parë u mbyll pa fitues.

Fraksioni i dytë i lojës nisi me gol, teksa Madison shfrytëzoi një top të larguar jo mirë nga kroatë dhe me një gjuajtje të fortë brenda zonës shënoi. Gabimet në këtë ndeshje nuk mbarojnë, pasi më pas ishte radha e anglezëve dhe Kroacia nuk fali, me Vlasiç që tundi rrjetën.

Barazimi nuk zgjati shumë, pasi Keni me një gjuajtje nga distanca kaloi sërish Anglinë në epërsi. Gjithsesi Kroacia nuk u dorëzua dhe Brekalo shënoi golin e dytë personal dhe të barazimit për skuadrën e tij, duke bërë që i gjithë takimi të mbyllej me rezultatin 3-3.

ANGLI 3 – 3 KROACI
Shënues: Nelson 11′, Medison  / Brekalo 39′, 82′, Vlashiç 62′

Në takimin tjetër të këtij grupi, Danimarka mundi 2 – 0 Serbinë, por fitorja nuk u shoqërua me festë pasi golevarazhi i danezëve është më i vogël se sa i skuadrës italiane, çka do të thotë se ata s’mund të marrin një biletë për në gjysmëfinale si vendi i dytë më i mirë.

Gjermani 1 – 1 Austri
Shënues: Valdshmidt 14′, Danso 24′

Danimarkë 2 – 0 Serbi
Shënues: Brun Larsen 21, Rasmusen 51′

Pak muaj më parë “afp”, raportoi se UEFA i kishte dhënë një ultimatum PSG-së. Klubi në pronësi të familjes mbretërore të Katarit duhet të shesë të paktën 60 milionë euro lojtarë gjatë kësaj merkatoje, në të kundërt UEFA mund të ndërmarrë masa ndëshkimore siç është përjashtimi nga Champions League dhe Europa League.

Ky problem është adresuar me shpejtësi nga kampionët e Francës. Sulmuesi i talentuar Abu Diabi u shit te Bajer Leverkuzen për 15 milionë euro. Talenti i radhës që pritet të largohet nga Parisi është mesfushori Kristofer Nkuku.

21-vjeçari është pjesë e ekipit të parë prej katër sezonesh, por asnjëherë s’ia ka dalë të marrë minuta të kënaqshme. Sipas “L’Equipe”, PSG po negocion me RB Lajpcig për shitjen e kartonit të lojtarit për vlerën e 15 milionë eurove.

Pas golit të Rikter, “Pancerat” shënuan sërish, me anë të Valshmid. Sulmuesi tjetër i Gjermanisë dyfishoi rezultatin, duke hedhur një hap të rëndësishëm drejt fitores. Pas një aksioni të shkëlqyer, numri 10 i Gjermanisë nuk e pati të vështirë të shënojë me portën e boshatisur. Vetëm gjashtë minuta më vonë, Valshmid do të shënonte sërish, pas një aksioni të shkëlqyer individual. Gjermania e kishte në kontroll të plotë pjesën e parë.

Pjesa e dytë nisi disi më e qetë, por dominimi i Gjermanisë nuk mungoi. Megjithatë, goli i katërt do të vinte vetëm në minutën e 69’, me anë të mesfushorit të talentuar, Dahud. Ylli i M’Gladbah shënoi një gol shumë të bukur dhe i çoi shifrat në 4-0.

Në minutën e 80’., sulmuesi Valshmid do të kompletonte tripletën, duke shënuar me të majtën. I asistuar dhe nga një vendosje jo e mirë e portierit serb, sulmuesi gjerman gjen rrjetën, duke çuar rezultatin e takimit në 5-0. Në minutën e 83-të, Serbia do të shënonte një gol nderi. Zivkoviç tregohet i saktë nga pika e bardhë e penalltisë.

Në sekondat e fundit, gjermani Maier do të shënonte sërish për “Pancerat”, për të vendosur rezultatin final të sfidës në 5-1. Gjermania me këtë fitore ngjitet në kuotën e 6 pikëve në Grupin B, ndërsa Serbia me 0 pikë, eliminohet nga Euro 2021.

Euro 2021

Gjermani U21 – Serbi U21  6-1
Rikter 16’, Valshmid 30′ 36′ 80′, Dahud 69′, Maier 90+3′ / Zivkoviç 83’

Kjo vizitë është përcjellë me foto të shumta të publikuara nga faqja zyrtare e Prishtinës. Mësohet se Mateus, së bashku me drejtuesit e klubit Prishtina, kanë diskutuar për zhvillimet në insfrastrukturë në të ardhmen.

“FC Prishtina pati nderin të mirëpres ish-kampionin e botës me Gjermaninë dhe kapitenin e saj, Lothar Matthaus. Legjenda e futbollit gjerman u takua me zyrtar të klubit së bashku edhe me fëmijët e Shkollës së futbollit FC Prishtina.  Përveç futbollit, u bisedua, dhe ish-futbollisti i Inter dhe Bayern Munih, u njoftua për projektet sportive të infrastrukturës të klubit më të madh në vend”.

Dy vite më parë skuadra e Stefan Kunc nuk ishte më e forta në letër, por gjermanët ngritën trofeun duke mundur në finale një Spanjë të mbushur me lojtarë cilësorë. Sot ndodhen në pozita të ngjashme në një turne ku Italia dhe Anglia cilësohen si skuadrat më të forta.

Gjermani 3 – 1 Danimark
Shënues: Rishter 28’, 52’, Valdshmid 65’ / Skov 73’ (pen)

https://www.youtube.com/watch?v=9v8vUG_5pk8

Gjithsesi ekipet e tjera gjermane janë gjithmonë të vëmendshëm ndaj lojtarëve që dalin nga akademia bavareze. Ditën e sotme “Bild” ka zbuluar të ardhmen e tri talenteve që do të largohen njëherë e mirë nga Bajerni.

Sulmuesi korean Ujeong Jeong do të veshë sezonin tjetër bluzën e Frajburgut. 19-vjeçari ishte një ndër të preferuarit e Niko Kovaç, por te Bajerni nuk vuajnë hapësirat për të janë shumë të pakta.

Listës së largimeve nuk i ka shpëtuar as qendërmbrojtësi Lars Lukas Mai. Futbollisti gjerman do të transferohet te Nyrnberg. Krahas Mait do të largohet dhe mesfushori 20-vjeçar Adrian Fajn, ky i fundit është huazuar për një vit te Hamburgu. Në ditët në vazhdim pritet të zbulohet e ardhmja mesfushorit shqiptar Meritan Shabani, i cili është një lojtar që i intereson shumë klubeve në Bundesligën e dytë.

Sipas “Sky Sports” rikthimi i Humels do t’i kushtojë Dortmundit 30 milionë euro pa përfshirë bonuset. Bisedimet janë në fazat finale dhe zyrtarizimi mund të vij brenda ditës së sotme. Fjalën e fundit për këtë transferim e dha trajneri Niko Kovaç.

Largimi i Humels ngre pikëpyetje të mëdha për mbrojtjen e Bajernit, pasi krahas Humels pritet që gjatë kësaj vere të largohet Zherom Boateng, çka do ta linte repartin e qendrës së mbrojtjes katër alternativa: Niklas Zyle, Lukas Hernandez, Benzhamin Pavard dhe Lars Lukas Mai.

Barela thyen i pari mbrojtjen Helene me një gol ku rol kuç luajti Beloti që dha një asist të mrekullueshëm. Vetëm pak minuta më vonë vijnë dy golat e radhës. Fillimisht Insinje realizon një gol fantastik, ndërsa listës së shënuesve i bashkohet dhe mbrojtësi Bonuçi.

GREQI 0 – 3 ITALI
Shënues: Barela 23′, Insinje 30′, Bonuçi 33′

Ekipi kombëtar është akomoduar në Hotel Rilano, një resort me katër yje që përdoret shpesh nga skuadra të Bundesligës dhe klube të ndryshme sportive. Media gjermane “fnp”, ka kryer një intervistë me menaxherin e këtij hoteli, ku ka zbuluar se fillimisht ishte programuar që seancat të zhvilloheshin në stadiumin e Ajntrahtit të Frankfurtit, “Commerzbank Arena”, por trajneri Edi Reja kërkoi një fushë më afër hotelit, pasi trafiku në qendër të qytetit mund ta çonte kohën e udhëtimit deri në 40 minuta.

Stafi i “Hotel Rilano” arriti një marrëveshje me ekipin amator FC Obershteden. Fusha e këtyre të fundit ndodhet vetëm 7 kilometra nga hoteli. Ndër kërkesat e trajnerit Edi Reja ishte që bari të shkurtohej deri në 28 milimetra gjatësi.

Gazetarët e “fnp” patën një bisedë të shkurtër me Mërgim Mavrajn. Kapiteni i kombëtares sonë ka lindur 25 kilometra larg Frankfurtit në qytezën e Hanaut: “Jam një djalë hesian (shteti i Heses, ku bën pjesë dhe Frankfurti), jam rritur këtu, mamaja ime jeton 30 kilometra larg. Ndihem si në shtëpinë time”.

Si mund ta përshkruash këtë sukses që arriti Paderborni?
-Kjo është krejt çmenduri. Paderborni duhet të kishte rënë në kategorinë e katërt, por qëndroi në të tretën pasi Mynçen 1860 nuk u licencua. Nga ai moment skuadra filloi të ecte vetëm përpara. Skuadra ishte ndërtuar mirë, por askush nuk mendonte për ngjitjen në Bundesligë. Pas çdo ndeshje i thonim vetes: diçka po ndodh këtu.

Trajneri juaj Shtefen Baumgart shquhet për futbollin sulmues. Si një lojtar me karakteristika mbrojtëse a e patët të vështirë të përshtateshit ?
-Stafi i trajnerëve përdori një sistem, që rezultoi mjaft i suksesshëm. Sapo merrnim topin, përpiqeshim të shkonim sa më shpejt drejt portës së kundërshtarëve. Kjo na hapte pak probleme kur humbnim topin, pasi linim shumë hapësira. Këtë sezon m’u desh të luaja në role ku rrallë kisha luajtur në të shkuarën. Merrja shpesh pjesë në manovrat sulmuese.

Do luani në Bundesligën e Parë, çfarë do të thotë kjo për ju?
-Për mua është një ëndërr që bëhet realitet. Thjesht dua ta shijoj këtë moment. Mezi po pres të luaj në stadiumet e skuadrave të mëdha, që i kemi parë vetëm në televizor .

Vëllai juaj, Jurgeni, ka luajtur 7 herë në Bundesligën e parë me Kaizerslautern 14 vite më parë. A besoni se do t’ia kaloni atij?
-Po, kam besim. Megjithatë e di që s’do ta kem të lehtë. Çdo herë jap maksimumin. Jurgeni ishte shumë i gëzuar për mua. Ai erdhi në Dresden për të na parë në ndeshjen e fundit. Kur u takuam nuk munguan lotët. Ai më ka shoqëruar gjatë rrugëtimit nga hapat e parë e deri tani që jam në majë.

Fillimet e karrierës ?
-Kur isha 17 vjeç fillova të luaj me një ekip kategorinë e gjashtë në qytetin tim të lindjes, Frajburg. Në të njëjtën kohë aktivizohesha me skuadrën rezervë në ligat lokale, pra nivel krejtësisht amator. Aty futbolli të vë përballë disa situatash shumë të vështira. Megjithatë, 11 vite më vonë, ja ku jam, në Bundesligën e parë. Asgjë s’është e pamundur.

Borxhet e shumta të klubit po bëheshin pengesë për licencimin e skuadrës. Federata gjermane nuk pranoi të bënte përjashtime për Kaizerlautern dhe klubi rrezikonte të dënohej me zbritje dy kategori më poshtë.

Fatmirësisht një emër i madh i futbollit gjerman i ka ardhur në ndihmë klubit në nevojë. Bëhet fjalë për Bajernin e Mynihut. Kampionët e Gjermanisë pranuan të zhvillonin një ndeshje miqësore me Kaizerslautern. Të gjitha të ardhurat nga stadiumi i mbushur plot shkuan në ndihmë të vendasve.

Së fundmi mediet gjermane raportojnë se 750 mijë eurot e arkëtuarat nga biletat e miqësores kanë rezultuar vendimtare në procesin e licencimit, pra Kaizerslautern do të vazhdojë të mbetet pjesë e futbollit profesionist në Bundesligën e tretë.

Një barazim 0-0 ndaj Shtutgartit u mjaftoi kryeqytetasve (takimi i parë përfundoi 2-2) për të siguruar biletën për në Bundesligë. Një ndeshje e dominuar nga Shtutgarti për pjesën më të madhe të tij, por edhe një gol që u shënua, u anulua për një pozicion jashtë loje të një futbollisti të Shtutgartit, në pjesën e parë. Në pjesën e dytë Union Berlini mori zemër, goditi dy herë shtyllën dhe pati raste të arta, por rëndësi kishte të mos pësonte gol.

Një dështim kolosal për Shtutgartin, një ndër klubet më të mëdhenj në Gjermani, që ka një ndër stadiumet me më shumë tifozë në Europë. Një dështim i gatuar prej kohësh, por javën e shkuar në Shtutgart mbi të gjitha, me avantazhin e shpërdoruar dy herë.

WE ARE FUCKING UP! pic.twitter.com/IpRZjQgarH

— 1. FC Union Berlin (English) (@fcunion_en) May 27, 2019

Në këtë moment nuk kishte si të mungonte një pushtim fushe nga tifozët besnikë të Unionit, që e prisnin prej dekadash këtë moment. Skenat në fund të takimit janë tepër mallëngjyese, lojtarë dhe tifozë të përqafuar së bashkë, të gjithë me lot gëzimi në sytë e tyre.

Kapiteni i kombëtares shqiptare u aktivizua 90 minuta në këtë takim. Të martën, Ingolshtad luan ndeshjen e kthimit në stadiumin e tyre, ku edhe një humbje 1 – 0 do të mjaftonte për të siguruar qëndrimin në Bundesliga 2.

Disa muaj më parë Ingolshtad ndodhej në vendin  e fundit të tabelës së Bundesligës së dytë, diçka paradoksale po të marrim parasysh faktin se klubi bavarez është një ndër më të pasurit në këtë divizion.

Me një lojë të zgjuar fjalësh, vajzat gjermane theksojnë se nuk është nevoja të jesh mashkull (të kesh t*pe) për të luajtur futboll, ndërsa provokojnë me fjalën “Pfederschwanze”, që përkthehet edhe “flokë të kapur bisht”, por edhe penis.

“A na njihni? E dimë që jo. Kemi dalë 3 herë kampione Europe dhe vendi ynë nuk na di emrat. 3 herë? Le të themi 8 herë. Për titullin tonë të parë na dhanë një komplet çaji. Që kur e kemi nisur, nuk kemi luftuar vetëm kundër rivalëve në fushë, por edhe kundër paragjykimeve. ‘Femrat duhet të mendojnë të rritin fëmijët. Duhet të merren me larjen e rrobave. Është si të shohësh amatorë… me ngadalësim figure’. Megjithatë, e dini çfarë? Në nuk kemi topa, por dimë si luhet me to. Ne na pëlqen të zbukurohemi, të veshim taka të larta, geta dhe na pëlqen të kërcejmë. Ne na pëlqejnë njerëzit që e dinë çfarë duan. Kur bëhet fjalë për modele në jetë, na mjafton të shihemi në pasqyrë. Mos u shqetësoni, nuk ka nevojë ta dini kush jemi. Duhet thjesht të dini çfarë duam. Ne duam të luajmë lojën tonë, me ritmin tonë“.

“We don’t have balls.
But we know how to use them!”

The @DFB_Frauen with a ? campaign ahead of this summer’s Women’s World Cup. #FIFAWWC pic.twitter.com/IC1b9b2VHU

— DW Sports (@dw_sports) May 14, 2019

Fituesi i duelit u shpreh i gatshëm për një përsëritje të përballjes në rast se Krasniqi do të jepte aprovimin. Në intervistën e dhënë në përfundim të përballjes, Krasniqi u shpreh se Hertel e meritonte fitoren, pasi e tregoi qartë se ishte boksieri më i mirë në ring. Një moment vendimtar i takimit, ishte një çarje në vetull që Krasniqi pësoi që në raundin e parë, diçka që vetë boksieri e pranoi se e kishte të pamundur të shikonte me syrin e djathtë.

Në të njëjtin event në Magdeburg të Gjermanisë u ndesh dhe boksieri 21 vjeçar Jyrgen Uldedaj. I riu lezhjan mbrojti me sukses titullin “WBO Youth” në divizionin e peshës “Cruiserweight”deri në (91 kg). Uldedaj mundi kundërshtarin polak Kristof Tvardovski me vendim unanim, 97 – 93, 97 – 93, 97 – 93. Një dëmtim në dorë mund të kishte bërë që lezhjani të linte në mes duelin, por në fund boksieri dhe trajneri i tij vendosën t’i vazhdonin 6 raundet e mbetura, vendim ky që rezultoi i drejtë, pasi Uldedaj fitoi gjysmën e këtyre raundeve edhe pse me një krah të dëmtuar.

Eventi do të zhvillohet në qytetin e Magdeburgut, ndërsa organizimi kryhet nga “SES Boxing” një kompani e drejtuar nga promotori i famshëm gjerman Ulf  Shtajnfort, i cili ka nën menaxhim dy atletët shqiptarë.

32-vjeçari Krasniqi, i cili ka një rekord prej 49 fitoresh (17 nokaut) do të ndeshet me gjermanin Stefan Hertel, ndërsa lezhjani Uldedaj i pamposhtur (Uldedaj) do të ketë përballë polakun Kristof  Tvardovski, i cili vjen me një rekord prej 6 fitoresh dhe një humbje.

Kur kanë mbetur vetëm dy ndeshje nga përfundimi i kampionatit, klubi modest ndodhet në vendin e dytë dhe kalimi në elitën e futbollit gjerman është më pranë se kurrë. Diçka kjo e paimagjinueshme në fillim të sezonit, ku objektivi i Paderbornit të sapongjitur ishte mbijetesa në Bundesligën e dytë.

Gjasula ka kontribuar për skuadrën e tij në 22 takime. Ndoshta lind me të drejtë pyetja: A meriton dhe ky vëmendjen e kombëtares?

Disavantazhi i parë është mosha. Futbollisti i lindur në Tiranë është 29 vjeç, por në të shkuarën kemi një rast të ngjashëm që vjen nga epoka De Biazi.

Bëhet fjalë për mesfushorin Burim Kukelin, i cili debutoi me kombëtaren shqiptare në moshën 30-vjeçare. Mesfushori i rritur në Zvicër ishte një ndër lojtarët kyç të kombëtares që shkoi në “Euro 2016”. I njëjti standard mund të përdoret për Gjasulën, sidomos nëse vitin tjetër luan në Bundesligën e parë gjermane.

Në këto momente gjëja më e rëndësishme është që në klub të mbizotërojë disiplina dhe për këtë po merren masa ekstreme.  Mesfushori algjerian Nabil Bentaleb ka qenë ndër lojtarët më problematik këtë sezon.

Së fundmi e përditshmja gjermane “Bild” raporton se drejtuesit e Shalkes e kanë pezulluar sërish lojtarin nga ekipi i parë për një arsye shumë të çuditshme.

Bentaleb nuk mori pjesë në mënyrë të përsëritur në seancën e kursit të gjermanishtes. Rregullat në kontratën e lojtarit janë të qarta, kush nuk shkon në kurs stërvitet me ekipin rezervë.

Mesfushori 20-vjeçar ka zbuluar lojtarin që ka si idhull, ndërsa ka folur dhe për raportin e ngushtë që ka më familjen që tani jeton 500 kilometra larg tij.

Ke ndonjë idhull në futboll?  “Idhulli im më i madh është Lionel Mesi. Ai është magjik me topin, këtë e tregoi dhe tani në Champions League. Është thjesht futbollisti perfekt, lëvizjet, kthesat, teknika e gjuajtjes, thjesht çmenduri. Sa herë që e shoh fillon të më rrah shpejt zemra. Kur shikoj atë e kuptoj pse e dua futbollin, është shembulli perfekt”.

Ju keni një teknik të mirë gjuajtje. Keni shënuar nga një goditje dënimi kundër Leverkuzenit dhe i jeni afruar golit kundër Shalkes. Është thjesht talent apo punë e vazhdueshme?

“Mendoj se është pak nga të dyja. Një përzierje e mirë. Gjëja që më e mirë që mund të bësh është që të forcosh pikat e tua të forta dhe të punosh mbi pikat e dobëta. Është diçka që kërkon shumë punë. Duhet të dish si të vendosësh këmbët para gjuajtjes dhe vendin e duhur për ta goditur topin. Nëse gjen ritmin e duhur, pjesa tjetër të vjen vetë”.

A je mësuar me jetën në qytet? – “Jam përshtatur mirë. Më pëlqen të lëviz nga qendra e qytetit së bashku me Valdrin Mustaën, një lojtari i ekipit B që e njoh prej disa kohësh. Ai erdhi te Hanoveri para pak muajsh. Dal me të çdo ditë. Është mirë që kam dikë me të cilin mund të kaloj kohën. Vij nga Karlsruhe dhe Hanoveri është shumë më i madh.

Raporti me familjen ? – “Familja vjen e para për mua. Jetoj 500 kilometra larg nga ato dhe nuk i shoh shpesh tani. Ndihem gjithmonë i lumtur kur vijnë e më takojnë. Gjithsesi, babai im është i pranishëm në të gjitha ndeshjet e mija. Në filim ishte  e vështirë nga ana emocionale, pasi unë jam djali më i vogël i familjes”.

E ardhmja – “Objektivat e mi për të ardhmen janë që të vazhdoj të përmirësohem dhe të tregoj se jam një lojtari i vlefshëm për Bundesligës. Sigurisht dua të shënoj më shumë gola dhe asiste, gjëra këto që janë objektiva për çdo futbollist”.

Bëhet fjalë për Milot Rashicën. Futbollisti nga Vushtrria është kthyer në një ndër lojtarët më të përfolur të Bundesligës. 2019-ta ka qenë një vit fenomenal për 22-vjeçarin, i cili ka shënuar 10 gola në 13 takime për skuadrën e Verder Bremen.

Një ecuri e tillë s’ka nevojë për shumë koment. Është e natyrshme që për lojtarin të ketë interes të lartë, por vetë Altin Lala ka thyer heshtjen duke dhënë një prononcim për medien e njohur gjermane “Kicker”, ku sqaroi se lojtari i tij do t’i mbetet besnik skuadrës nga veriu i Gjermanisë, për të paktën edhe një sezon.

“Verder Bremen është klubi i duhur për zhvillimin e mëtejshëm të Milotit edhe për sezonin që vjen. Stafi i trajnerëve i kanë dhënë atij shumë besim dhe durim. Ai sapo ka kuptuar se çfarë kualiteti zotëron. Mund të presim akoma më shumë nga ai te Verderi”, tha Lala.

Planet e merkatos, gara për titullin, kriza e rezultateve në fillim të sezonit dhe talenti Kai Haverc, ka qenë disa nga temat që tekniku kroat preku gjatë kësaj interviste.

MERKATO DHE E ARDHMJA – “Akoma nuk kemi bërë një revolucion në skuadër. Gjatë verës do të bëjmë investime të mëdha. Këtë sezon shpenzuam vetëm 10 milionë dollarë për kartonin e Dejvis.  Presidenti Hënes ka thënë se në fundi të sezonit do t’i japim lamtumirën e duhur disa lojtarëve që kanë shkruar histori, prandaj unë pata kërkesa të mëdha ndaj klubit”.

KAMPIONATI – “Uli Hënes tha se ai do të ishte në rregull edhe nëse nuk e fitojmë kampionatin, pra nuk do të jetë fundi i botës, nëse nuk e fitojmë dot titullin. Jemi atletë dhe nuk dorëzohemi. Ishim 9 pikë mbrapa, askush nuk e besonte se mund të rikthehemi”.

PROBLEMET – “Çdo trajneri i Bajernit kërkon dhe duhet të jetë kampion, or nuk është gjithmonë e lehtë. Real Madrid është eliminuar nga Champions-i pasi e kanë fituar tri vite radhazi. PSG gjithashtu, pavarësisht fuqisë financiare. Çdo klub kalon momente të vështira”.

HAVERC – “Është një talent absolut, që herët a vonë do të largohet nga Leverkuzeni. Do bëhet një yll i madh, s’kam asnjë dyshim për këtë”, tha Kovaç.

Sipas medieve gjermane arsyeja për këtë dorëheqje të parakohshme të Grindel ka të bëjë me një sërë dështimesh të ndodhura gjatë administratës së tij. Problematikat e kombëtares gjermane patën ndikimin e tyre në këtë vendim.

Tri vite më parë Grindel premtoi se do të balanconte futbollin amator dhe gjysmëprofesionist në Gjermani, por një gjë e tillë nuk ka ndodhur. Shumë klube të kategorisë së tretë dhe të katërt rrezikojnë falimentimin për shkak të të ardhurave të pakta dhe borxheve të prapambetura.

Fillimisht u përfol se pasuesi i Grindel do të ishte Filip Lahm, por ky i fundit e përgënjeshtroi lajmin duke pohuar se nuk ka ambicie për atë post. Kandidatë të tjerë janë Kristof Metzelder dhe Olivier Bierhof.

Lajmi u raportua fillimisht nga “Spox”, ndërsa tani është konfirmuar nga thuajse të gjitha mediet e njohura në Gjermani. Kandidati favorit për të zëvendësuar 57-vjeçarin është Filip Lam.

Ish-mbrojtësi i Bajernit punon prej disa vitesh në adminitratën e federatës dhe është një figurë me mbështetje të gjerë nga i gjithi opinioni publik . Emërimi i tij në krye të institucionit qeverisës së futbollit gjerman do të përmirësonte ndjeshëm imazhin e federatës.

DFB-Boss Reinhard #Grindel vor dem Aus – wird Philipp #Lahm sein Nachfolger?https://t.co/aKZDuQ5ORL

— MVolkmar (@MartinVolkmar) April 1, 2019