Në ndeshjen me Kukësin u dëmtua edhe sulmuesi Blerim Krasniqi. Kavajasi gjithashtu nuk do të jetë i gatshëm për lojë në ndeshjen e fundit të kampionatit. Kështu Shehi duhet të gjejë një zgjidhje dhe në fakt alternativat i mungojnë.

Ndoshta do të detyrohet të zhvendosë në sulm Dejvi Bregun, pozicion që vlonjati e ka mbuluar edhe në të shkuarën. Shqetësimi tjetër i stafit teknik të Skënderbeut është edhe mesfushori Gjergji Muzaka. Ky i fundit u dëmtua kundër Kukësit dhe ende nuk dihet shkalla e dëmtimit. Prania e tij në takimin me Luftëtarin është në rrezik. Ditën e sotme ai nuk është stërvitur me skuadrën.

Gjithsesi gjërat në kampin korçar nuk është se po shkojnë krejtësisht mirë. Gjergji Muzaka është ai që shqetëson trajnerin Shehi. Mesfushori kryeqytetas pritet të mungojë në këtë transfertë dhe normalisht që për Skënderbeun është një mungesë e madhe.

Pavarësisht kësaj, alternativat nuk mungojnë dhe stafi teknik do të gjejë një zgjidhje. Me shumë mundësi do të rikthehet Gripshi në krah të sulmit, duke formuar treshen me Bregun e Krasniqin. Me Taipin gati, shtohen alternativat për qendrën e mesfushës. Dita, Sibo, Zani e Pervan janë gati dhe te Skënderbeu nuk është se shqetësohen shumë.

Skënderbeu do të presë pasditen e nesërmë në shtëpi Kastriotin, në një ndeshje ku korçarët do të kërkojnë të rikthehen te fitorja pas humbjes së javës së shkuar në kryeqytet ndaj Partizanit. Në kuadër të ndeshjes, për mediat ka folur Gjergji Muzaka, i cili është shprehur se ndeshja e nesërme është shumë e rëndësishme.

RËNDËSIA E NDESHJES – “Për situatën që ne ndodhemi, në mungesë të rezultateve, është një ndeshje e rëndësisë së madhe. Mbase kërkon një vlerësim më të madh se ndaj ekipeve që quhen rivale. Ndaj tyre vlerësimi dhe mobilizimi vjen vetvetiu, kurse ndaj Kastriotit duhet ta gjesh vetë dhe duhet të jetë më i madh. Kështu që në këtë aspekt merr një rëndësi shumë të veçantë kjo ndeshje.”

MOMENTI – “Jemi në një moment ku nuk mund të qajmë çfarë ka ndodhur më parë, fundi është afër dhe kemi objektiva për të arritur.”

GJENDJA E EKIPIT – “Absolutisht që jemi gati për këtë ndeshje. Pavarësisht rezultateve jo të mira në ndeshjet e fundit, ne kemi treguar që kemi qenë agresivë dhe cilësi. I kemi cilësitë. Kastrioti është ekip agresiv dhe do kërkojë pikët në fushën tonë. Ne duhet t’ia kthejmë me të njëjtën monedhë agresivitetin në fushë.”

TRAJNERI – “Trajneri ka pasur të drejtë, pasi edhe përgjegjësia e lojtarëve më të vjetër nuk është vetëm ajo që shfaqin në fushë. Detyra kryesore është që të tërheqin edhe shokët e skuadrës. Në këtë këndvështrim ka të drejtë.”

FUNDI I SEZONIT – “Pavarësisht se rezultatet e dobëta na kanë ulur pak moralin, besoj se do gjejmë forca dhe të shohim përpara. E thashë, nuk duhet të qajmë çfarë ka shkuar. Kemi objektiva që mund t’i arrijmë përmes Kupës ose kampionatit. Fundi i sezonit është pranë dhe duhet t’i japim një shtysë shumë të madhe vetes tani.”

Halili, kur pyetet në lidhje me këtë çështje, sigurisht që nuk ndihet mirë: “Këtë pyetje është mirë t’ia bësh Muzakës, jo mua. Kështu që bëja atij. Ia keni nxjerrë ujin e zi me këtë pyetje Tiranës. Pyesni atë si shkon detyrimi, t’ju thotë ai. Shpresoj të mos i ketë dhënë ndonjërit përqindje. Nuk kanë pushuar komentet për të”.

Pretendimet e Halitit dhe të klubit kanë qenë që më herët se u është bërë një padrejtësi, por të ndodhur para një vendimi të Dhomës Kombëtares të Zgjidhjes së Konflikteve, kane qenë të detyruar ta zbatojnë. Edhe pse u tentua që çështja të dërgohej në CAS, Tirana u tërhoq.

Së fundmi, sikurse mëson “SportEkspres.com”, mes palëve ka pasur sërish marrëveshje dhe pritet që Muzaka të shlyhet dhe përfundimisht kjo çështje të marrë fund. Deri në fund të muajit Tirana duhet të dorëzojë dokumentacionin e plotë për licencimin nga UEFA dhe në proces janë edhe të tjera shlyerje, që edhe më parë kanë penalizuar bardheblutë. Presidenti Halili më parë është shprehur i bindur se gjithçka do të shkojë “OK” dhe Tirana do e marrë licencën nga UEFA.

Referuar vendimit të marrë në janar, afati për ta shlyer përfundimisht Muzakën ka përfunduar dhe nuk dihet ende nëse është paguar. E njëjta situata edhe për Luftëtarin, që kishte humbur gjyqin me futbollistin Kejdi Balla. Disiplina, e mbledhur tre ditë më parë, nuk ka bërë një paralajmërim tjetër, që i detyron klubet të shlyejnë futbollistët.  Situata e këtyre çështjeve mbetet e paqartë, pasi as Tirana, e as Luftëtari nuk kanë dalë me ndonjë njoftim që i kanë shlyer Muzakën e Ballën.

VENDIMI I DISIPLINËS (30.01.2019)
– Pranimin e kërkesës së lojtarit Gjergji Muzaka. Detyrohet KF “Tirana” të ekzekutojë pjesën e mbetur të detyrimeve financiare ndaj kërkuesit Gjergji Muzaka sipas vendimit Nr.1 datë 23.01.2017 të DHKZK brenda një afati 30 ditor, duke nisur nga data e shpalljes së këtij vendimi. Paralajmërohet “K.F Tirana”, se me kalimin e afatit 30 ditor, do të merren masat përkatëse në bazë të Kodit të Disiplinës Sportive.

– Pranimin e kërkesës së lojtarit Kejdi Balla. Detyrohet KF “Luftëtari” të ekzekutojë detyrimet financiare ndaj kërkuesit Kejdi Balla sipas vendimit Nr.6 datë 17.07.2018 të DHKZK brenda një afati 30 ditor, duke nisur nga data e shpalljes së këtij vendimi. Paralajmërohet KF “Luftëtari”, se me kalimin e afatit 30 ditor, do të merren masat përkatëse në bazë të Kodit të Disiplinës Sportive.

Gjithçka nisi me disfatën e pësuar kundër Skënderbeut në shtëpi. Më pas pikë të plota mori edhe Kukësi, Luftëtari, Kamza dhe Partizani para pak ditësh. Tre disfata në shtëpi radhazi numërojnë korçarët dhe shifra të tilla duhet të gërmosh shumë t’i gjesh për Skënderbeun.

KASTRIOTI  – Ndeshja e radhës me krutanët e vendit të fundit është mundësia më e mirë për Skënderbeun që të rikthehet te fitorja. Veç terrenit të vështirë, trajneri Shehi dhe lojtarët e tij duhet t’i bëjnë ballë edhe mungesave.

Bregu, Demte dhe Lulaj nuk do të jenë në dispozicion të Shehit. Krasniqi pritet titullar, ndërkohë që rikthehet Fidan Aliti. Mbrojtësi ishte i pezulluar dhe mungoi kundër Partizanit. Së fundmi ka pasur probleme edhe për Gjergji Muzakën. Shpresohet që të mos ketë diçka serioze për mesfushorin, i cili është një nga lojtarët më të rëndësishëm të Skënderbeut.

“Është diçka komplekse, nuk është se skuadra është e varur nga një ose disa lojtarë. Kur gjërat nuk shkojnë mirë, nuk është faji i një futbollisti. Në muajin e fundit, nuk kemi bërë aspak mirë dhe shpresojmë ta nisim 2019 në mënyrën e duhur. Pas çdo ndeshje, ne ulemi dhe diskutojmë, sidomos pas ndeshjeve me rezultatet të këqija. Kemi humbur shumë pikë për shkak të një gabimi ose mos përqendrimi. Shpresoj ta kemi kaluar këtë periudhë të keqe.

KAS? Nuk ka ndikuar, pasi kjo çështje po diskutohet për më shumë se 1 vit dhe ndikimi ka rënë. Ka një ndikim të vogël , por ne duhet të jemi të përqendruar te puna jonë në fushë. Objektivat e mbetura? Të shkojmë aty ku na takon dhe mendoj se do t’ia dalim nëse luajmë si në pjesën dërrmuese të gjysmës së parë.

Skuadra jonë e ka elementin dhe cilësinë brenda, thjesht duhet të punojmë për t’u rikthyer aty ku ishim, pasi ne e kemi treguar se me këtë grup lojtarësh, kemi qenë të aftë të qëndrojmë në krye të tabelës. Shumë duhet të punojmë me anën psikologjike, pasi ka dhe momente jo të mira në futboll. Duhet të jemi të uritur për të fituar çdo ndeshje. Ka lojtarë të rinj të Skënderbeu dhe duhet të mësojnë mentalitetin që ka klubi. Shpresoj të rikthehemi sa më shpejt”,- përfundoi Muzaka.

Sulmuesi Blerim Krasniqi ende nuk është bashkuar me grupin dhe do të mungojë edhe ndaj Kukësit. Oto Xhon pritet ta zëvendësojë sulmuesin kavajas. Gjithashtu edhe kapiteni Marko Radas nuk mund të aktivizohet me verilindorët.

Kroati ka plotësuar numrin e kartonëve të verdhë. Lulaj ose Kamba Sambou janë alternativat dhe Shehi duhet të ndajë mendjen deri të premten. Por së fundmi në kampin korçar është shfaqur edhe një tjetër problem.

Mesfushori Gjergji Muzaka ka pasur një shqetësim dhe është në dyshim për ndeshjen kundër Kukësit. Mesfushori sot nuk  ka punuar me grupin, por shpresohet që deri të premten do të jetë gati. Gjendja e tij do të shihet gjatë këtyre ditëve. Gatishmëria e tij për ndeshjen me verilindorët do të ishte një lajm i mirë për Shehin dhe stafin e tij.

Komisioni i Disiplinës kishte vendosur ultimatum për kryeqytetasit dhe palët nënshkruan një marrëveshje, sipas së cilës Muzaka do të bëhej me tre këste. Futbollisti i Skënderbeut, duke qenë se Tirana nuk u iu përmbajt asaj që palët kishin nënshkruar, shkoi sërish në Komisionin e Disiplinës.

Më 18 tetor, ky Komision vendosi: “Detyrohet KF Tirana të ekzekutojë pjesën e mbetur të detyrimeve financiare ndaj kërkuesit Gjergji Muzaka, sipas vendimit Nr.1 datë 23.01.2017 të DHKZK brenda një afati 30 ditor, duke nisur nga data e shpalljes së këtij vendimi. Paralajmërohet KF Tirana, se me kalimin e afatit 30 ditor, do të merren masat përkatëse në bazë të Kodit të Disiplinës Sportive”.

Tirana gjendet para një situatë të njohur. Në mbledhjen e radhës së Disiplinës, nëse nuk ndodh si herën e fundit ku afati u shkel me të dyja këmbët, bardheblutë do të dënohen me heqjen e tre pikëve dhe në harkun kohor të 15 ditëve duhet të shlyejnë borxhin, ndryshe do të ketë sërish heqje pikësh. Të paktën kështu thotë rregullorja. Heqja e tre pikëve për Tiranën do të ishte një goditje e rëndë për bardheblutë, sidomos në situatën aktuale ku ndodhen.

Pas ndeshjes, Muzaka tha në emisioni “Gol pas Goli” në “Supersport”, se diferencën në këtë ndeshje e bëri eksperienca. Sa i përket rivalit më të fortë, anësori theksoi se Partizani ka bërë një fazë të parë mjaft të mirë, por nuk harroi pa përmendur dhe Kukësin.

GOLI – “Ishte ndjesi e mirë, sepse sa u futa arrita të shënoja. Ishte ndeshje e fortë, e luftuar, por kemi eksperiencën për të luajtur këto ndeshjet e mëdha dhe kjo bëri diferencën. Edhe Partizani pati rastet e vet,a por ne nuk e ulëm ritmin dhe vijuam deri në fund dhe fituam”.

“Besoj se Skënderbeu në këto vite i ka arritur shumë sukses. Çudi është ta shohësh jo në vend të parë Skënderbeun jo ta shohësh në vendin e parë, të paketën jo me ne. Mundohemi t’i mbajmë me këmbë në tokë djem të rinj, por ne i dimë detyrat dhe objektivat që kemi”.

GOLAT SI “ISH” – “Kështu funksionin futbolli. Lojtari është profesionist dhe jep më të mirën aty ku luan, por nuk është vetëm, Tirana dhe Partizani që unë i kam shënuar, pasi kam shënuar ndaj çdo kundërshtari dhe nuk ka ndonjë gjë kaq të veçantë”.

PARTIZANI – “Partizani ka treguar vazhdimësi dhe ka treguar se është një ekip i denjët për të rivalizuar për kampion. Kukësi ka skuadër simpatike. Nuk janë këto ekipet që ne kemi lënë pikë. Kemi lënë pikë me skuadrat më të dobëta në letër. Partizani ka një ekip mjaft të mirë”.

Mesfushori u dëmtua në ndeshjen e fundit me Kamzën dhe gjatë këtyre ditëve ka bërë terapi intensive. U mendua se do ia dilte të rikuperohej në kohë, por nuk ka qenë e lehtë. Gjithashtu nuk mund të rrezikohet, pasi kontraktimi mund të sillte ndonjë tërheqje që do e linte më gjatë pa luajtur.

Ndërkohë që Muzaka duket se e ka humbur ndeshjen, Blerim Krasniqi dhe Marko Radas janë në dyshim të fortë për të qenë të gatshëm. Shanset janë të vogla që mbrojtësi dhe sulmuesi të jenë në urdhrat e trajnerit Shehi. Gjithçka do të sqarohet në stërvitjen e ditës së nesërme.

“Skuadra ka ndryshuar shumë, ka pasur largime e afrime, por mentaliteti dhe grinta janë po të njëjtat. Mentaliteti i fituesit është kryesori dhe kjo më kënaq, ndërsa për të tjerat ka vend për përmirësime dhe po ashtu kemi kohë.

“Titulli? Më kujtohet një shprehje e Geri Lineker: “Në futboll 22 burra vrapojnë pas topit dhe në fund fiton Gjermania”. Edhe në Shqipëri kështu është, Superiorja ka 36 javë dhe 10 ekipe që luftojnë dhe në fund fiton gjithnjë Skënderbeu”.

“Shehi? Ai ka qenë trajner në fushë që para se të tërhiqej nga futbolli, ndaj tani është edhe më e lehtë për ne. Na takon ne veteranëve që të japim shembullin për të rinjtë, për të ndihmuar edhe Shehin.

“Kapelja me stemën e Europa League? Asgjë nuk është e rastësishme, nuk e kam vënë kot në kokë”.