Klaus Gjasula ishte titullar në takimin miqësor midis Paderborn dhe baskëve të Atletik Bilbao. Mesfushori i lindur në Tiranë po bëhet gati për sezonin e tij të parë në elitën e futbollit gjerman.

Një takim miqësor interesant ishte ai midis Suonsit dhe Atalantës, ku në fushë nga minuta e parë ishin Bersant Celina për uellsianët dhe Berat Gjimshiti tek ekipi bergamask. Në fund të 90 minutave ekipi uellsian përmbysi italianëet duke fituar me shifrat 2 – 1.

Mediet gjermane zbuluan se për lojtarin ishte i interesuar klubi i Magdeburg. Megjithëse ende nuk ka një zyrtarizim nga ana e klubit ka qenë vetë mesfushori që ka zbuluar se tani është pjesë e Magdeburg me anë të një foto të postuar në rrjetin social “Instagram”.

33-vjeçari shihet teksa ka veshur uniformën e stërvitjen së Magdeburgut dhe ndodhet në ambientet e brendshme te kompleksit stërvitor. Gjasula i lindur në Tiranë, por i rritur në gjermani që në fëmijëri ka një “CV” të pasur në kampionatin gjerman. Fillimet e karrierës i nisi me Kaizerlautern në Bundesligën e parë, ndërsa më pas ka luajtur me skuadra si FSV Frankfurt, Duisburg, Ahlen, Grojter Fyrt, Viktoria Berlin dhe Energie Kotbus.

Si mund ta përshkruash këtë sukses që arriti Paderborni?
-Kjo është krejt çmenduri. Paderborni duhet të kishte rënë në kategorinë e katërt, por qëndroi në të tretën pasi Mynçen 1860 nuk u licencua. Nga ai moment skuadra filloi të ecte vetëm përpara. Skuadra ishte ndërtuar mirë, por askush nuk mendonte për ngjitjen në Bundesligë. Pas çdo ndeshje i thonim vetes: diçka po ndodh këtu.

Trajneri juaj Shtefen Baumgart shquhet për futbollin sulmues. Si një lojtar me karakteristika mbrojtëse a e patët të vështirë të përshtateshit ?
-Stafi i trajnerëve përdori një sistem, që rezultoi mjaft i suksesshëm. Sapo merrnim topin, përpiqeshim të shkonim sa më shpejt drejt portës së kundërshtarëve. Kjo na hapte pak probleme kur humbnim topin, pasi linim shumë hapësira. Këtë sezon m’u desh të luaja në role ku rrallë kisha luajtur në të shkuarën. Merrja shpesh pjesë në manovrat sulmuese.

Do luani në Bundesligën e Parë, çfarë do të thotë kjo për ju?
-Për mua është një ëndërr që bëhet realitet. Thjesht dua ta shijoj këtë moment. Mezi po pres të luaj në stadiumet e skuadrave të mëdha, që i kemi parë vetëm në televizor .

Vëllai juaj, Jurgeni, ka luajtur 7 herë në Bundesligën e parë me Kaizerslautern 14 vite më parë. A besoni se do t’ia kaloni atij?
-Po, kam besim. Megjithatë e di që s’do ta kem të lehtë. Çdo herë jap maksimumin. Jurgeni ishte shumë i gëzuar për mua. Ai erdhi në Dresden për të na parë në ndeshjen e fundit. Kur u takuam nuk munguan lotët. Ai më ka shoqëruar gjatë rrugëtimit nga hapat e parë e deri tani që jam në majë.

Fillimet e karrierës ?
-Kur isha 17 vjeç fillova të luaj me një ekip kategorinë e gjashtë në qytetin tim të lindjes, Frajburg. Në të njëjtën kohë aktivizohesha me skuadrën rezervë në ligat lokale, pra nivel krejtësisht amator. Aty futbolli të vë përballë disa situatash shumë të vështira. Megjithatë, 11 vite më vonë, ja ku jam, në Bundesligën e parë. Asgjë s’është e pamundur.

Sipas “fupa.net”, Magdeburg është ekipi i interesuar për Gjasulën. Skuadra e rënë nga Bundesliga.2 kërkon të rikthehet brenda sezonit të ardhshëm në këtë divizon dhe lojtari shqiptar shikohet si një përforcim që do ta ndihmojë ekipin në aspektin e eksperiencës.

Gjithsesi për të kompletuar këtë transferim duhet parë vendimi që do të marrin drejtuesit e Kotbus, pasi skuadra lindore ka të drejtën e rinovimit të njëanshëm të kontratës së futbollistit të lindur në Tiranë, kluazolë kjo që u aktivizua pas rënies së Kotbus nga Bundesliga.3.

Në fundin e tabelës situata qëndron a pandryshuar. Ingolshtadi i Mërgim Mavrajt u mund 4 – 2 nga Hajdenhejm. Tani ekipit të kapitenit të kombëtares sonë i duhet të marrë pjesë në ndeshjen play-out me dy takime me skuadrën që u rendit vendin e trete të kategorisë së tretë, Vehen Viesbaden.

Pjesë e kësaj skuadre është një futbollist shqiptar. Quhet Klaus Gjasula dhe luan si mesfushor qendre. Disa prej jush mund të keni dëgjuar emrin e vëllait të tij Jurgen Gjasula, i cili ka qenë për një moment të shkurtër pjesë  e kombëtares shqiptare.

Fillimet e karrierës së 29-vjeçarit kanë qenë modeste. Sezone të shumta në ligat rajonale dhe më pas një kalim në Bundesligën e tretë, ndërsa këtë sezon provoi për herë të parë të luajturit në ligën e dytë për nga rëndësia në Gjermani.

Ndoshta ka ardhur momenti që ky sezon të shpërblehet me një ftesë nga kombëtarja shqiptare. I kontaktuar nga “Sport Ekspres”, i ati i futbollistit u shpreh se djali i tij është gjithmonë i gatshëm për kontribuar për kombëtaren shqiptare, por deri tani interesi ka munguar.

“Kënaqësia është e jona në qoftë se ka interes nga kombëtarja ai është gjithmonë i gatshëm për të kontribuar për vendlindjen. Megjithëse duhet të pajiset me pasaportë shqiptare, gjë që s’është problem në qoftë se ka interes”, u përgjigj babai i Gjasulës.

Kur kanë mbetur vetëm dy ndeshje nga përfundimi i kampionatit, klubi modest ndodhet në vendin e dytë dhe kalimi në elitën e futbollit gjerman është më pranë se kurrë. Diçka kjo e paimagjinueshme në fillim të sezonit, ku objektivi i Paderbornit të sapongjitur ishte mbijetesa në Bundesligën e dytë.

Gjasula ka kontribuar për skuadrën e tij në 22 takime. Ndoshta lind me të drejtë pyetja: A meriton dhe ky vëmendjen e kombëtares?

Disavantazhi i parë është mosha. Futbollisti i lindur në Tiranë është 29 vjeç, por në të shkuarën kemi një rast të ngjashëm që vjen nga epoka De Biazi.

Bëhet fjalë për mesfushorin Burim Kukelin, i cili debutoi me kombëtaren shqiptare në moshën 30-vjeçare. Mesfushori i rritur në Zvicër ishte një ndër lojtarët kyç të kombëtares që shkoi në “Euro 2016”. I njëjti standard mund të përdoret për Gjasulën, sidomos nëse vitin tjetër luan në Bundesligën e parë gjermane.

Kontrata e 33-vjeçarit me klubin nga Gjermania lindore zgjat deri në fund të sezonit dhe në të ka një klauzolë të veçantë rinovimi për një vit që aktivizohet në rast se klubi bie nga Bundesliga.3. Skuadra momentalisht renditet në vendin e 14-të, vetëm një pikë larg zonës së “ftohtë”.

Afrimi i Gjasulës, i cili ka në “CV”-në e tij 191 ndeshje në Bundesliga 2, shihet si një përforcim me eksperiencë, që do t’i vlejë shumë skuadrës për të kaluar momentin e keq në të cilën ndodhen aktualisht.

Për fatin e keq të Gjasulës, klubi gjerman njoftoi sot shkrirjen përfundimtare për shkak të pamundësisë për të shlyer këstet e borxheve të prapambetura. Një dramë kjo për lojtarët që ngelen rrugëve, por edhe për tifozët e kësaj skuadre, që në harkun e pak muajve kaluan nga “parajsa në ferr”.

Historia fillon në maj të këtij viti, kur kompania me bazë në Hong Kong “ASU”, nënshkroi një marrëveshje bashkëpunimi me klubin nga kryeqyteti i Gjermanisë. Përgjatë muajve të verës lojtarë të niveleve të larta firmosën kontrata të majme me klubin amator, ndër ta dhe Jurgen Gjasula.

Mesa duket investitorët aziatik ndërruan mendje në mes të rrugës dhe sa hap e mbyll sytë klubi përfundoi në “kosh”. Tani mbasi e keqja ka ndodhur, nuk mund të ketë ironi më të madhe se sa kur lexon fjalët e drejtorit të Viktoria Berlin gjatë ditës së nënshkrimit të marrëveshjes me kompaninë aziatike: Ky bashkëpunim na jep siguri për të ardhmen e shoqatës sonë dha na mundëson të mendojme me plane afatgjata.

Së fundmi Gjasula mbylli aventurën e tij 3-vjeçare me klubin e Grojter Fyrtit dhe është lojtar i lirë në treg. Në një intervistë për “ transfermarkt.de”, Gjasula tregon se ka oferta nga ekipe të tjera të Bundesliga 2, si dhe nga kontinenti aziatik ku ka tërhequr interesin e disa klubeve indiane dhe tailandeze.

Në dhjetor Gjasula mbush 33-vjeç dhe ndoshta tani mund të jetë mundësia e fundit për të siguruar një kontratë me pagë të majme para varjes së këpucëve në gozhde. Futbollisti 32-vjeçar ka vetëm dy paraqitje me kombëtaren kuqezi dhe në të dy rastet si zëvendësues, me siguri meritonte më shumë se kaq, por fati i keq dhe disa faktorë të tjerë bënë që eksperienca e tij me kombëtaren të ishte jetëshkurtër.

Mesfushori 31-vjeçar ka pasur shumë oferta edhe këtë verë, por ka vendosur të qëndrojë në Fyrt, ku është një lider tashmë, por kampionati ka nisur shumë keq, me 3 humbje rresht.

Sot Gjasula shënoi që në minutën e 11-të, duke u treguar i shpejtë në një rrëmujë në zonën kundërshtare, por Holshtajn Kili përmbysi gjithçka me 2 gola në pjesën e parë dhe të tretin me 11-metërsh 14 minuta para përfundimit.

Jurgen Gjasula Goal HD – Holstein Kiel 0-1… by football365life2

“Është një moment i vështirë, e nisëm mirë dhe duhej të qarkullonim më mirë topin, por kundërshtari ushtroi presion dhe u tërhoqëm shumë. Pësuam dy gola dhe më pas gjithçka u bë tepër e vështirë“, tha shkurt pas ndeshjes mesfushori shqiptar.