Fillimisht, Getafe kaloi në avantazh në minutën e 16-të me anë të Horge Molinas, i cili pas një dalje nga e djthta finalizoi në mënyrë perfekte.

Girona u përpoq të kthehej në lojë, por në minutën e 69-të, Borha Garsia u ndëshkua me karton të kuq pas protestave të shumta ndaj arbitrit, duke e lënë ekipin e tij me 10 lojtarë.

Nga ky fakt përfituan vendasit, të cilët gjetën edhe golin e dytë me anë të Anhel, i cili hipotekoi fitoren. Kështu, Getafe ngjitet në kuotën e 58 pikëve, tre më shumë se Sevija e vendit të pestë, kur na ndajnë edhe dy javë nga fundi i kampionatit.

Ëndrra me sa duket po bëhet realitet, Getafe mund të prekë Championsin për herë të parë në historinë e klubit 35-vjeçar.

Një gol i Portu pas një ore lojë vendosi fatet e kësaj përballje. Tre pikë të arta për vendasit, të cilët ngjiten në kuotën e 37 pikëve, duke parakaluar Vajadolidin. Zhirona për momentin është e shpëtuar.

Ndeshja ishte shumë e luftuar, por nuk pati shumë raste të pastra për shënim. Momenti kyç ishte minuta e 60-të. Kundërsulm i Zhironës dhe pasime të bukura mes lojtarëve. Në fund është Portu që shënon dhe tifozët në ekstazë. Ndeshjen e radhës Zhirona udhëton drejt Getafes, ndërsa Sevija pret Leganesin në shtëpi.

? El @GironaFC fa història en conquerir per primera vegada la Supercopa de Catalunya. Enhorabona, campions! ?? https://t.co/aTNme02dx8 #SupercopaCAT pic.twitter.com/bpf3ux2Tgw

— Federació Catalana de Futbol (@FCF_CAT) March 6, 2019

Barcelona në këtë takim vinte e pamotivuar dhe këtë e dëshmonte qartësisht formacioni i katalansve që ishte i përbërë në pjesën dërrmuese nga lojtarë të ekipit B dhe akademisë së klubit.

“Është për të ardhur keq. Po na ikin pikë nga duart, ndërkohë rivalët për titull po fitojnë e po na largohen. Ishim duke bërë një ecuri të mirë, ku shlyem disa humbje që bëmë në fillim. Do të na duhet të vazhdojmë të luftojmë”.

“Ky është futbolli. Lodhja nuk është vetëm fizike. Kemi lodhje në aspektin aspektin psikologjik dhe të shpërqendrimit. Ka shumë faktorë në pjesën e dytë skuadra ishte pa energji”.

FORMACION I GABUAR, E TEPRUAT ME ROTACIONIN –  “Çfarë është kjo pyetje. S’mund të flasim me hipoteza për të të shkuarën ose të ardhmen. Ne thjesht marrim vendime dhe më pas përpiqemi të fitojmë”.

GARA PËR TITULL E MBARUAR ? – “Absolutisht jo. As që bëhet fjalë. Do të luftojmë në të tre frontet. Javën tjetër na pret një ndeshje tjetër, siç  i pret dhe rivalët tanë. Çdo përballje është e vështirë, nuk ka rëndësi se cili është pozicioni i kundërshtarit në renditjen përfundimtare. Tani duhet të fitojmë për të shlyer humbjen e sotme”, përfundoi Solari.

Mesfushori brazilian shënoi me kokë në minutën e 25-të pas një krosimi të Toni Kros dhe pjesa e parë u mbyll me avantazhin e ekipit vendas. Zhirona i befasoi të gjithë në pjesën e dytë dhe barazoi shifrat në minutën e 65-të. Stuani nuk gaboi nga pika e penalltisë, duke shënuar golin e 13 në kampionat.

Zhirona nuk u ndal dhe pas dhjetë minutash gjeti dhe golin e fitores. Portu shfrytëzoi një top të grushtuar të portierit Kurtua dhe me kokë kaloi miqtë në avantazh. Minutat e mbetura nuk prodhuan më gol, ndërsa Sergio Ramos u ndëshkua me karton të kuq në minutën e fundit të ndeshjes.

Ky rezultat e mban Realin në vendin e tretë me 45 pikë (nëntë me pak se Barcelona kryesuese), ndërsa Zhirona është ngjitur në vendin e 15-të me 27 pikë, duke u larguar paska nga zona e rënies nga kategoria.

Real Madrid-Zhirona 1-2
(Kasemiro 25′ / Stuani (pen) 65′, Portu 75′)

Protagonisti i takimit ishte sulmuesi Karim Benzema, i cili shënoi dopietën e dytë radhazi pasi në fundjavë i bëri të njëjtin “trajtim” Espanjolit.

Në katërshen e fundit të turneut Reali i bashkohet Barcelonës, Real Betis dhe Valencias. 

Sfida nisi në mënyrën më të mirë të mundshme për miqtë, të cilët kaluan në avantazh me anë të Nelson Semedos, i cili përfitoi nga një rrëmujë në zonën e Gironës, duke shënuar golin e parë. Pjesa e parë vijoi me ritëm deri në fund, por rastet nga të dyja kampet nuk arritën të konkretizoheshin.

Fraksioni i dytë nisi keq për vendasit, të cilët mbetën me një lojtar më pak në minutën e 51-të, pasi Espinoza mori kartonin e dytë të verdhë. Për të shënuar golin e qetësisë mendoi i zakonshmi Leo Mesi, i cili shënoi në minutën e 68-të. Deri në fund ekipi i Valverdes administroi mjaft mirë dhe çdo gjë u mbyll me shifrat 0-2.

Trajneri i Atletikos, Diego Simeone, u tregua i butë para medieve, duke mos u marr me kritika për skuadrën e tij, megjithëse u shpreh se do të preferonte nëse skuadra e tij do të luante pak më shëmutar e të kalonte më tej. Ndoshta duke iu referuar golit të fundit të Dumbias, ku skuadra e tij u kap në kundërsulm si rrallë herë dhe e pagoi shumë shtrenjtë këtë gjë.

“Ishte një ndeshje e bukur, një klasike kupe. Kishim si synim ta fitonim dhe bëmë një pjesë të parë të mirë. Ata bënë një ndeshje të pabesueshme, i përgëzoj për fitoren, pasi ne dhamë gjithçka në këtë takim”

“Nuk është asnjëherë pozitive kur eliminohesh, na mbetet të shikojmë ndeshjen e radhës. Zhirona bëri një ndeshje të mirë dhe s’mund t’u heq meritat atyre. Por, padyshim do preferoja të luaja e keq të kaloja më tej”, përfundoi Simeone.

Skuadra e teknikut Marcelino rezistoi vetëm në pjesën e parë, pasi në fillimin e fraksionit të dytë ishte Pons që shënoi golin e fitores për miqtë. Edhe pse vendasit kërkuan që të paktën të mos dilnin pa pikë e patën shumë të vështirë. Me 11 pikë, valenca e sheh veten në vendin e  14-të, vetëm 2 pikë larg zonës së rënies, ndërsa Zherona vijon ngjitjen, duke shkuar në vendin e 9-të me 16 pikë.

Kjo është nisja e dytë më e keqe që ka bërë Valencia në La Liga, pasi vetëm në sezonin 1957-1958 nuk ka regjistruar asnjë fitore në 11 ndeshje. Nëse nuk vjen kthesa në javët e ardhme atëherë skuadra rrezikon shumë.

Kishte kritika të shumta nga lojtarët katalanës që dhe gjatë lojës shfaqën pakënaqësinë e tyre në drejtim të gjyqtarit kryesor, edhe të ndikuar nga fakti se skuadra e tyre mbeti me 10 lojtarë. Në fundin e ndeshjes ka ndodhur një episod që nuk ishte aspak i hijshëm.

Gil Manzano, gjyqtari i takimit u afrua pranë Mesit për ta përshëndetur, por nuk ka gjetur mikpritjen e argjentinasit. Mesi, ndonëse e ka parë dorën e gjyqtarit ka vendosur që ta injorojë këtë të fundit, duke protestuar në një farë mënyre për vendimet që arbitri kishte marrë gjatë ndeshjes. Një veprim aspak i hijshëm nga ana e “pleshtit;, i cili i ul vlerat vetes me sjelljen e tij.

Gjatë një viti kalendarik shumë pak skuadra kanë mundur që të marrin pikë si me “katalanasit” ashtu dhe me “galaktikët”, por në shekullin e 21-të ka qenë e pamundur, deri mbrëmë, që një futbollist t’i shënojë gjatë një viti gol të dyja skuadrave të sipërpërmendura. Barcelona arriti që të barazonte 2-2 ndaj Zhirones në një takim deri diku dramatik ,për mënyrën se si shkuan gjërat, pasi mbeti me 10 lojtarë që në pjesën e parë. U desh një gol i Pikesë që skuadra e Valverdes të mos dilte pa pikë nga kjo ndeshje.

Kristian Stuani arriti që t’i shënonte dy herë Barcelonës ditën e djeshme, duke i dhënë Zhironës një pikë me shumë vlerë, ndaj një kundërshtari në letër shumë më superior. Uruguaiani i ka shënuar 2 gola dhe Real Madridit në 18 marsin e këtij viti, duke u bërë kështu i pari lojtar në këtë shekull të ri që i shënon si Barecelonës ashtu dhe Realit të Madridit. Një statistikë e veçantë për sulmuesin, që tani ka me se të mburret.

Barcelona gjeti avantazhin në minutën e 19-të. Vidal shfrytëzon forcën e tij fizike dhe nxori të vetëm Mesin në zonën e rreptësisë, e majta e argjentinasit nuk kishte si të gabonte. Ndeshja filloi të bëhej interesante në minutën e 33-të, mbrojtësi francez Klement Longle kryen një veprim të turpshëm, duke goditur me bërryl një prej lojtarëve të Zhironës. Gjyqtari falë ndërhyrjes së VAR e ndëshkon qendërmbrojtësin me karton të kuq.

Në limitet e pjesës së parë, sulmuesi uruguain Stuani barazon shifrat, pasi arrin të depërtojë mbrojtjen e Barcelonës dhe çon topin pas portierit Ter Shtegen. Do të ishte përsëri Stuani ai që do të shënonte në fillim të pjesës së dytë me një godite të fuqishme me të djathtën.

Barcelona u kundërpërgjigj me Pike, i cili shënoi një gol me kokë për të çuar shifrat në 2-2 në minutën e 63-të. Mesi do të rrezikonte disa herë portën e Zhironës falë goditje të dënimit, por traversa dhe portieri Bono nuk e lanë të realizonte golin e dopietës, dhe tani Barcelona e gjen veten me pikë të barabarta me Realin në kreun e tabelës.

Sipas raportimeve nga mediet spanjolle ata kanë vendosur që ndeshja midis Gironës dhe Barcelonës të luhet në Amerikë dhe sikur kjo gjë absurde të mos mjaftonte ëshë ideuar dhe një plan me një koreografi prej 1000 flamujsh spanjollë dhe me vënien e himnit.

Vitin e kaluar ndeshja midis Gironës dhe Barcelonës ishte një festë e tëra katalanase me qindra flamuj të Katalonjës që valëviteshin nga të dyja tifozeritë. Plani i La Ligës është parë si një provokim i hapur nga pala katalanase dhe tani pritet vendimi i të dyja skuadrave, ku nuk përjashtohet mundësia e bojkotit të ndeshjes në shenjë proteste.

Jo vetëm kaq, por paralajmërohet se i njëjti vendim mund të merret edhe për ndeshjet e Premier League: “ Ndeshja mes Barcelonës dhe Gironës do të luhet në stadiumin “Hard Rock” në Majemi më 27 janar. Është vetëm çështje kohe që kjo të ndodhë edhe në Premier League”.

The fixture between FC Barcelona and Girona will be played at the Hard Rock Stadium in Miami on January 27th.

Only a matter of time before this happens in the Premier League… pic.twitter.com/FHsrnTtvSP

— Coral (@Coral) September 4, 2018

Gjithashtu, në historinë e La Ligas kanë vendin e vet edhe Nastik i Tarragonës dhe Ljeidha, por tashmë është shtuar edhe një klub.

Për herë të parë në historinë e vet 87-vjeçare, Zhirona (ose Herona për Spanjën, por mos e përdorni këtë term në Zhirona) do të luajë në La Liga, një ëndërr e bërë realitet.

Një pritje pa fund, që u duk se mori fund vjet, por Zhirona e humbi “trenin” e ngjitjes në mënyrë absurde në ndeshjet e fundit të sezonit.

Asnjë gabim këtë sezon, sepse skuadra e drejtuar nga Pablo Maçin ka bërë gjithçka në mënyrë perfekte, duke e mbyllur në vendin e dytë, pas Levantes kampione.

Një qytet me rreth 100.000 banorë, pranë kufirit me Francën dhe 100 km larg Barcelonës, Zhirona ka festuar mbrëmë deri në orët e para të mëngjesit.