Gilberto

VIDEO | Befasia e merkatos, rikthehet Gilberto Fortunato

Sport Ekspres — Wed, 10 Jul 2019 13:54:47 +0000

Gilberto Fortunato bëhet me skuadër të re. Sulmuesi brazilian ka pranuar të rikthehet te Drita e Gjilanit, ku është aktivizuar edhe më parë.

Shtatlarti ka dëgjuar ofertën e drejtuesve dhe është pajuar me kushtet e ofruara, ndërkohë që ka zbarkuar në Kosovë dhe është prezantuar.

Futbollisti 31-vjeçar është aktivizuar së fundmi në Bolivi me Sport Boys, teksa ka shënuar dy gola në tetë ndeshje. Më parë kishte bërë mirë me PKNP FC dhe FELDA United në Malajzi.

Gilberto është bërë i njohur në Shqipëri, ku për herë të parë u aktivizua me Tiranën, për të provuar më pas një eksperiencë edhe te Flamurtari.

17 gola e 11 asiste, “njeriu i derbit” të kryeqytetit lojtar i lirë

Sport Ekspres — Thu, 22 Nov 2018 21:38:54 +0000

Prej 7 shkurtit 2014 nuk ka pasur festë në derbi për Tiranën, që fitonte 1-0 me gol të brazilianit Gilberto. Ky i fundit provoi një eksperiencë në Malajzi së fundmi, duke u shpallur kampin me Felda United. Sulmuesi brazilian ka qenë protagonist me ekipin e tij, që u ngjit në elitë.

Gilberto ka shënuar një numër të konsiderueshëm golash në Malajzi, ndërkohë që tanimë është lojtar i lirë dhe mund të ishte një opsion për klubet e Superiores. Sigurisht për ofertën e duhur sulmuesi mund të rikthehej në kampionatin tonë, ku më parë ka luajtur për Tiranën dhe Flamurtarin.

“Të dashur miq, do të doja t’iu komunikoja që nuk do ta rinovoj kontratën me Felda United. Ishte kënaqësi të mbroja këtë fanellë për një vit, por është koha për të ecur përpara. Ishte një sezon i mirë dhe e lë klubin duke e ditur se dhashë më mirën për të. Në total kam luajtur 28 ndeshje, shënova 17 gola dhe kontribuova me 11 asiste. Do të doja të falënderoja klubin dhe veccanërisht tifozët”, shkruan Gilberto në një postim të shpërndarë në rrjetet sociale.

https://www.instagram.com/p/BoaqvfdAxIA/?utm_source=ig_web_copy_link

VIDEO | Tirana vijon vuajtjet në derbi, “heroi” i fundit shënon supergol në Malajzi

Sport Ekspres — Sun, 30 Sep 2018 07:25:13 +0000

Në 7 shkurtin e 2014 kryeqyteti vishej bardheblu për të fundit herë, pasi që nga ajo ditë, 24 herë kampionët e vendit nuk kanë mundur që të triumfojnë në anoj nga 13 derbit që janë zhvilluar. Ishte braziliani Xhilberto ai që bëhej hero në atë takim dhe i tillë mbetet ende, përderisa nuk ka dalë ende dikush që të gëzojë tifozerinë bardheblu.

Braziliani është zhvendosur në Malajzi, ku po bën mjaft mirë me skuadrën e Felda United, e cila ndodhet në vendin e parë në kampionat e shkëputur nga ndjekësit. Dje, ndonëse skuadra në fjalë është mundur, ish-lojtari i Tiranës ka shënuar një gol fantastik.

Kur ndeshja ishte 2-2, Xhilberto me një veprim mjaft të bukur akrobatik goditi portën nga një pozicion shumë i vështirë, por arriti që të shënonte. Një nuhatje e vërtetë sulmuesi, por që në të njëjtën kohë i bën bardheblutë të kujtojnë atë fitore të fundit, të katër viteve më parë.

MINUTA 05:45

https://www.youtube.com/watch?v=Hptyqrryqvc&feature=youtu.be