Ofertë që nuk kënaq aspak Milanin. Portieri francez ka një rrogë më të lartë se 20-vjeçari dhe kjo lëvizje do të ishte e kotë. “Djalli” kërkon 50 milionë euro për kartonin e Donarumës dhe asnjë cent më pak.

Duke llogaritur edhe rrogën e lartë prej 6 milionë eurosh të portierit të talentuar, atëherë po që kuqezinjtë do të kursenin. Porta do i besohet për momentin veteranit Pepe Reina dhe 19-vjeçarit Alesandro Plizari.

Tani pritet hapi i radhës nga Leonardo, i cili i ka të qartë kushtet dhe kërkesat e Milanit për të lënë të lirë Xhixho Donarumën.

Sipas “Sky Sports”, PSG është e gatshme t’i ofrojë Milanit portierin Alfons Areola dhe 30 milionë në këmbim të kartonit të Donarumës. Megjithëse 20-vjeçari është një produkt i akademisë së Milanit, fërkimet midis agjentit të tij dhe klubit nuk kanë munguar, sidomos dy vite më parë kur u diskutua çështja e nxehtë e rinovimit.

Një tjetër faktor që mund të vërë Milanin me shpatulla mbas murit është situata kritike në të cilën ndodhen raportet e klubit me UEFA-n për shkak të shkeljeve të njëpasnjëshme të bëra rregullave të “Financial Fair Play”.

Ishte viti 2013 dhe Milani pagoi 250 mijë euro për kartonin e tij. Për herë të parë me skuadrën e madhe u grumbullua nga Filipo Inzagi në shkurt të vitit 2015, ndërsa debutimi i tij si titullar erdhi nga Sinisha Mihajloviç. Ishte 25 tetori i vitit 2015, luhej Milan-Sasuolo dhe trajneri serb la në stol Diego Lopezin për t’i besuar portën 16-vjeçarit Donaruma.

Galiani ndihet krenar për të dhe uron që ai të mbyllë karrierën me ekipin e “Djallit”. Guximi i Mihajloviçit për t’i besuar një vend në formacion në moshë aq të re nuk e befasoi drejtuesin, i cili kujton dhe momentin më të bukur të kohëve të fundit.

“Nuk u befasova nga fakti që Mihajloviç e bëri të debutojë në moshën 16-vjeçare, sepse ka qenë gjithmonë talent i madh dhe ka luajtur shpeshherë me lojtarë më të mëdhenj se vetja. I dërgoj gjithmonë mesazhe dashurie kur bën pritje dhe ndeshje të mëdha. Ai e di që i dua të mirën dhe po bën paraqitje shumë të mira me Milanin. Ndjej një krenari të madhe kur mendoj zgjedhjen e bërë atë verë, duke ia rrëmbyer Interit. Ishte Mauro Biankezi, ai i cili insistoi se Xhixho është portieri i së ardhmes. Biankezi është një skaut i talentuar dhe menaxher i jashtëzakonshëm i ekipit të rinjve. Ai kishte nuhatur talentin e Donarumës dhe më shtynte që të nënshkruanim me të. Unë i dhashë dritën jeshile që të vepronte dhe firmosëm me lojtarin, duke fituar garën me Interin. Jam shumë i lumtur që e solla portierin te Milani dhe uroj që ta mbyllë karrierën me kuqezinjtë. Donaruma është sot ndër portierët më të mirë në botë. Momenti më i bukur? Fitimi i finales së Superkupës së Italisë në vitin 2016. Xhixho priti penalltinë e Dibalasë dhe më pas Pashaliç shënoi golin e fitores. Ishte një moment i paharrueshëm”, përfundon Adriano Galiani.

Zhbllokimi i Pipitës ishte po aq i rëndësishëm sa fitorja, për të cilën një meritë të madhe ka dhe Xhanluixhi Donaruma. Portieri i Milanit kreu një pritje fantastike në minutat shtesë, duke ndikuar në fitoren e ekipit të tij.

“Është normale që kur fillon të luash ndeshje të rëndësishme dhe nuk pëson gol, gjithçka bëhet më e thjeshtë. Pas momenteve të vështira të vitit të kaluar jam më i qetë. Salvini ka thënë që duhet të luaj me ekipin e të rinjve? Gabimet ndodhin, por e rëndësishme është të vazhdosh në rrugëtimin tënd. Nuk më intereson farë ajo çfarë ka thënë ai”, flet gardiani i portës  për “Pressing”.

Spali ishte pranë arritjes së një barazimi në minutën e 93-të, por reflekset e portierit 19-vjeçar nuk lejuan Vikarin të shënonte dhe Milani i falet dhe Donarumës për fitoren tepër të rëndësishme për moralin dhe ecurinë e ekipit kuqezi.

Gianluigi Donnarumma with a great save in stoppage time to preserve Milan’s victory over SPAL pic.twitter.com/vZZUCAL9Ur

— S?ccerapy (@soccerapy) December 29, 2018