Sipas raportimeve të “Sky Sport”, bardhezinjtë kanë rënë dakord me portierin legjendar dhe gjatë ditës së nesërme do të kryhen kontrollet mjekësorë.

41-vjeçari u largua verën e kaluar pas 17 viteve në Torinon bardhezi dhe provoi emocionet e të luajturit me PSG. Bufon fitoi titullin kampion, ndërsa tani rikthehet në shtëpi për të realizuar ëndrrën e madhe: fitimin e Champions Ligës.

Bufon do të firmosë një kontratë njëvjeçare, ndërsa drejtuesve do iu duhet t’i gjejnë një ekipi të ri portierit Matia Perin.

Portieri 40-vjeçar ka rënë dakord që të pranojë statusin si zgjedhje e dytë dhe në ditët në vijim do të vijë zyrtarizimi. Një ndër të parët që ishte vënë në dijeni të kësaj lëvizjeje ishte portieri i njohur spanjoll Iker Kasijas, i cili me anë të postimi në twitter paralajmëroi në mënyrë koduar transferimin e Bufon.

Los fichajes de la @juventusfc los hace Houdini. Magia pura… ? pic.twitter.com/iCrV8Zvaps

— Iker Casillas (@IkerCasillas) June 25, 2019

PERIN – Me ardhjen e Bufon natyrshëm që s’ka më vend në stol për Matia Perin. 26-vjeçari kërkohet me ngulm nga skuadra e Romës dhe negociatat për shitjen e kartonit kanë filluar.

Gjithsesi, është Xhanluixhi Bufon, i cili i del në krah Antonio Kontes dhe deklaron se ai kurrë nuk mund të quhet tradhtar. Gjithashtu, legjenda italiane shtoi se Mauricio Sarri nuk mund të krahasohet me Konten.

Ajo që me të vërtetë më ka mërzitur dhe lënduar ishte kur pashë disa tifozë të Juventusit që kërkonin të fshihej ylli i Antonio Kontes nga stadiumi pasi ai kaloi tek Interi. Ndjej se jam në botën e Juves dhe i njoh drejtuesit, lojtarët dhe tifozët. Gjithashtu, e di se sa ka dhënë për këtë klub Konte dhe se çfarë ka prezantuar.

Ai shtrydhi çdo pikë djerse për Juven, duke dhënë gjithçka çfarë kishte. Si lojtar edhe si trajner, gjithmonë u mundua të kërkonte suksesin dhe të mos ndalej. Në kohën si trajner, nuk la asgjë të kalonte pa qenë në fokusin e tij.

Zgjedhjet profesionale edhe pse surprizuese, kurrë nuk mund të hedhin poshtë atë që ka dhënë Konte për Juven. Ai kurrë nuk e ka tradhtuar Juventusin. Rikthimi tij në Serie A është shumë i rëndësishëm, ashtu si rikthimi i Maldinit, Boban edhe Sarrit.

Nuk mund të krahasosh 15 vite të Kontes te Juve me tri vitet e Sarrit te Napoli. I kam përjetuar se sa kërkues janë presidenti Anjeli, Paratiçi dhe Nedved. Ata që gjithmonë ndjekin një filozofi të caktuar do të arrijnë te rezultatet. Kjo skuadër sinqerisht e ka të vështirë të përmirësohet më shumë. Sarri nuk është revolucion, apo një bast. Ai thjesht prezanton diçka tjetër dhe është një histori krejtësisht e ndryshme.

Si destinacion të ardhshme për 41-vjeçarin janë përfolur shumë ekipe si Atalanta, Parma apo edhe Porto. Në një rrëfim për “Gazzetta dello Sport”, legjenda italiane ka treguar se është në kërkim të emocioneve, si dhe ka zbuluar largimin nga PSG.

“Këto ditë kam lexuar një frazë që më ka pëlqyer shumë. Françesko Guidolin u pyet nëse do të ishte i lumtur me rikthimin te Verona dhe ai u përgjigj: ‘Janë emocionet që po kërkoj.’ Të them të vërtetën edhe unë gjithashtu jam në kërkim të emocioneve.

Prej pesë muajsh PSG më kishte komunikuar se në sezonin e ardhshëm do të isha portieri i dytë. Kisha kohën e mjaftueshme për ta menduar dhe për të vendosur. Dola në konkluzionin që nuk ishte për mua diçka e tillë, kështu që u largova duke hequr dorë nga shumë para dhe nga kontrata për një tjetër vit.

Dua të jem i qartë, eksperienca në Paris ishte e jashtëzakonshme në çdo mënyrë, por kishte vetëm diçka negative: Më mori shumë kohë nga gruaja dhe fëmijët dhe nuk kam qëndruar shumë me ta. Gjithsesi, do të kem mundësi ta korigjoj këtë gjë.”

Në fillim doli opsioni Parma, aty ku gardiani legjendar nisi karrierën e tij. Megjithatë, në mediat italiane po flitet edhe për një mundësi tjetër. Shumëkush është skeptik, por Bufon mund të përfundojë tek Atalanta.

Ekipi bergamask do të marrë pjesë në Champions Ligë sezonin e ardhshëm, kompeticion të cilin portieri e ka shumë për zemër. Etrit Berisha është pranë largimit dhe Bufon do të formonte dyshen e portierëve bashkë me Golinin.

Atalanta luan për herë të parë në kompeticionin e më të mirëve dhe eksperienca e një personaliteti si Xhixhi Bufon është tepër e nevojshme.

Sipas raportimeve të Sky Sport, një ofertë nga Spanja ka ardhur në drejtim të tij. Gardiani pëlqehet nga Barcelona, që i ofron rolin e numrit dy si zëvendësues i Ter Shtegen. Bufon dëshiron të jetë pjesë e një ekipi ku mund të luajë si titullar, por oferta e fundit i pëlqen.

Një eksperiencë në ekipin e Leo Mesit do të ishte e jashtëzakonshme dhe ai do të kishte mundësinë për të fituar Champions Ligën, të vetmin trofe që i mungon dhe fiksimin e tij të madh përpara se t’i japë fund karrierës.

Portieri është një nga pozicionet me dyshimet më të mëdha. Megjithatë problemet e mëdha me ndershmërinë finaciare të klubit parizien do të sjellin rinovimin edhe për një vit tjetër me Xhanluixhi Bufon. Sipas “Sport Bild” legjenda italiane e katërkëndëshit do të zgjasë kontratën dhe Kevin Trap do të vazhdojë të jetë i huazuar tek Ajntrahti i Frankfurtit.

Të qëndrojmë në Gjermani, ku nga Frankfurti fluturojmë në Mynih. Tiago Alkantara është dëshira më e madhe e Al-Kelaifit dhe stafit të tij dhe do të ishte i gatshëm të bënte një shtrëngim të madh për ta arritur. Spanjolli do të ishte katalizatori që do e bënte shumë më funksionale mesfushën e Tuhel, repart i cili ka hasur probleme këtë vit. Rreth 70 milionë euro arrin të ofrojë Parisi për të, por pritet një rezistencë e madhe nga bavarezët.

Që të “shpërthejnë” blerjet në Paris duhet të rregullohet çështja e bilancit të hyrje-daljeve të parave dhe shitja e Nejmar do të sillte qetësinë në këtë aspekt dhe do i hapte rrugën blerjëve të shumta për të forcuar të gjitha repartet. 350 milionë është i gatshëm t’i vërë mbi tavolinë Florentino Perez. Megjithatë kjo është një dilemë e madhe për klubin nga Franca, pasi do i duhej të hiqte dorë nga një prej lojtarëve më të mirë të planetit.

Në një situatë të tillë, 41-vjeçari po mendon rikthimin në Itali. Sipas raportimeve të Sportmediaset, Bufon mund të bëjë një lëvizje të papritur dhe mund të rikthehet te Juventusi, aty ku i ka të hapura dyert.

Jo më për të veshur dorezat e portierit dhe për të zbritur në fushë, por për të punuar si drejtues. Presidenti Anjeli është gati t’i ofrojë një post si drejtues në klub. Megjithatë, portieri nuk ka vendosur ende.

Agjenti i tij do të udhëtojë drejt Parisit për të marrë vesh qëllimet e klubit kryeqytetas. Dëshira për të vazhduar edhe një vit për të provuar për herë të fundit fitimin e Champions Ligës është e madhe, por ka edhe një problem.

Zërat e merkatos e lidhin David De Gean me një kalim te PSG. Spanjollit i përfundon kontrata me “Djajtë e Kuq” të Mançesterit në fund të sezonit dhe transferimi i tij në Francë do i jepte fund aventurës së Bufonit. Italiani duhet të vendosë: të vazhdojë edhe një vit duke luajtur ose të rikthehet në shtëpinë e tij, për të nisur një etapë të re në karrierën e tij të lavdishme.

41-vjeçarit italian i përfundon kontrata me PSG në fund të këtij sezoni dhe nuk dihet akoma se çfarë do të ndodhë në të ardhmen.

Sipas “L’Equipe”, PSG po mendon t’i japë prioritet lojtarëve të rinj në moshë. Klubi nuk ka ndërmend t’i ofrojë rinovim emrave si: Bufon, Dani Alvesh, Edinson Kavani dhe Tiago Silva.

Eliminimi i papritur kundër Mançester Junajtid në Champions ka bërë që drejtuesit e kampionëve të Francës të zgjedhin një tjetër rrugë për të ardhmen, duke ulur moshën mesatare të ekipit.

Bufon ka fituar gjithçka në karrierë, por mungon trofeu me veshë të mëdhenj. Eliminimi përballë Mançester Junajtid ka tronditur ambientin e PSG. Penalltia e minutave shtesë, që u akordua me ndihmën e VAR-it, i riktheu portierit italian fantazmat e sezonit të kaluar.

Ai dhe Juventusi ishin shumë pranë përmbysjes së madhe kundër Realit, por një penallti e dyshimtë në minutat shtesë solli tërbimin e bardhezinjve, sidomos të Xhixhit. Karton i kuq për portierin, i cili nuk pati mundësinë që të tentonte pritjen e penalltisë së Kristiano Ronaldos.

Rikthehemi te sfida e djeshme. Pasi gaboi duke i dhuruar Lukakut golin e dytë, Bufon e pa veten sërish në shtesa dhe me një penallti kundër që duhej pritur në çdo mënyrë. Përballë ishte një futbollist 20 vite më i ri, i cili ia doli ta mposhtë dhe nxjerrë jashtë loje Bufonin dhe gjithë PSG.

Gjithmonë penalltitë e mallkuara. Si finalja e parë për të kundër Milanit. Ishte viti 2003 dhe Bufon ndalte dy herë milanistët, por nuk mund të bënte gjë përballë njëfarë Andrij Shevçenko në goditjen finale…

Dhimbja dhe zhgënjimi te kampionët e Francës janë të mëdha, por Bufon do të tentojë të ringrihet përsëri, për të vazhduar të ndjekë si një fëmijë i vogël ëndrrën e tij të madhe për të fituar Champions Ligën e munguar.

Bufon ka luajtur me vetëm tre ekipe në karrierën e tij të gjatë: Parmën, Juventusin dhe PSG. Numri mund të ishte më i madh dhe këtyre skuadrave do i shtohej dhe njera midis atyre të Mançesterit.

Vetë portieri ka zbuluar një detaj interesant sa i përket ofertave nga Junajtid dhe Siti për “Bt Sport”. Të parët e ndoqën gjatë, por Xhixhi ishte i ri dhe zemra e tij rrihjte vetëm për Parmën, ndërsa të dytët kërkonin ta nisnin ndërtimin e një Siti të madh, pikërisht me blerjen e një prej portierëve më të mirë të historisë së futbollit.

JUNAJTID – “Kur isha i ri dhe luaja me Parmën, Aleks Ferguson më ka ndjekur nga afër për rreth 2-3 vite. Ai dërgonte vazhdimisht skautët e tij për të ndjekur ndeshjet e mia, por Parma ishte bota ime në atë periudhë. Nuk e ndjeja që të lija Parmën për t’u transferuar në Premier Ligë.”

SITI – “Është e vërtetë, kam marrë një ofertë të rëndësishme nga Mançester Siti. Kjo ndodhi në vitet kur klubi filloi të ndërtonte skuadrën që synonte të bëhej një nga më të rëndësishmet në Europë. Ata dëshironin që unë të isha blerja e tyre e parë e madhe, por zgjodha që të qëndroj me Juventusin.”

Adoleshenti nuk e lëshoi më postin e titullarit dhe historia e Xhixhit të vogël dihet nga të gjithë se si shkoi. Gardiani i portës ka dhënë një prononcim interesant për “Eurosport”, duke u ndalur te përballja me djemtë e shokëve të tij si Enriko Kieza dhe Lilian Turam.

Bufon ka luajtur dhe fituar me të dy te Parma, ndërsa me francezin vazhdoi të luante me Juventusin. Italiani tregon emocionet e provuara kur u përball me Federiko Kiezën, yllin e Fiorentinës, aty ku mendoi realisht t’i jepte fund karrierës së tij.

“Kam luajtur kundër Federiko Kiezës dhe djemve të Turamit: Markus dhe Kefren. Ata janë fëmijët e djemve dhe shokëve, të cilët i kam dashur shumë dhe vazhdoj të jem i lidhur me ta. Përballja me ta ishte një dhuratë e jetës, por më duhet ta pranoj se kur u përballa për herë të parë mbeta i hutuar. Nuk kisha luajtur kurrë më parë me ndonjë fëmijë të shokëve të mi, derisa luajta kundër Federikos. Ndodhi përpara dy vitesh dhe në atë moment mendova se ndoshta duhej të tërhiqesha”, tregon Xhixhi Bufon.

Ai e ka mbyllur përfundimisht me të kaltrit, ndërsa vlerëson brezin e rinj të portierëve italianë. Bufon ndihet i lumtur te PSG, ndërsa nuk e përjashton një përfshirje në politikë në të ardhmen. Legjenda e portës jep mendimin e tij për racizmin e shpërthyer në Itali dhe tregon veprimin që duhet bërë.

Në fund Juventusi, dashuria e tij e madhe. Bufon nuk e ka problem një përballje me bardhezinjtë në Champions, por vetëm me një kusht. Të mos ndodhë në finale, sepse ai do të donte të festonte si i çmendur nëse arrin të fitojë kupën me veshë të mëdhenj…

ITALIA – “Me Gravinën president, Mançinin trajner, Kielinin kapiten dhe Donarumën në portë, Italia është në duar të sigurta. Mançini e di se cila është rruga më e mirë për t’u ndjekur, ndërsa presidentin nuk e njoh. Jam shumë i lumtur që Kielini ka trashëguar shiritin tim të kapitenit si te Juventusi dhe Italia, sepse ai është një njeri dhe futbollist që e meriton këtë lloj përgjegjësie. Donaruma është një simbol i qëndrueshmërisë dhe mirësisë së projektit, që planifikon të përgatisë më të rinjtë për të ardhmen. Mendoj se dhe Perin, nëse fillon të luajë, Meret, Kranjo dhe Sirigu japin garanci të plota.”

E ARDHMJA – “Kam folur me Mançinin, nuk kanë nevojë për mua. Tani jam i përqendruar tek ekipi dhe fakti që ndodhem pjesë e PSG më bën krenar. Në karrierën time nuk jam kënaqur kurrë me faktin që jam njëri prej të shumtëve. Nuk ka dualizëm midis meje dhe Areolës. Unë në politikë? Kurrë mos thuaj kurrë. Duhet të jesh altruist dhe unë jam, por nuk do i shes kurrë idealet e mia për para.”

RACIZMI – “Janë gjeste të pahijshme. Kemi nevojë për zero tolerancë, sepse fare e urrejtjes po rritet kudo.”

JUVENTUS – “Nuk e dua Juven në finale, sepse dua të kem lirinë që të gëzohem si i çmendur në rast të një fitoreje. Një përballje më parë do të ishte e bukur, sikur të ishte një bashkim. Nuk mendoj se do e ndjejnë mungesën time te Juventusi, sepse është një klub që programon gjithçka kaq mirë, saqë është e vështirë të gabojnë në zgjedhje. Bardhezinjtë janë ndër pretendentët kryesorë për fitimin e Champions Ligës, por jo gjithmonë fitojnë më të fortët.”