Djemtë e Gasperinit zhvilluan një futboll fantastik sezonin e kaluar dhe vetëm Juventusi me Napolin grumbulluan më shumë pikë. Atalanta ka fluturuar drejt Anglisë, aty ku do të zhvillojë tre miqësore (Suonsi, Noruiç dhe Leister Siti).

Sot do të jenë përballë uellsianët e Françesko Guidolin, trajnerit të njohur italian. Ky i fundit nuk i ka kursyer elozhet për Atalantën dhe sidomos trajnerin e saj.

“Vendi i tretë në sezonin e kaluar ishte një befasi e bukur e Atalantës. Gjithçka ishte shumë e bukur. Komplimente skuadrës, familjes Perkasi, gjithë stafi dhe sidomos Xhan Piero Gasperinit. Askush më shumë se ai nuk e meriton ‘Pankinën e Artë’. Besoj se Atalanta mund të kualifikohet në grupin e saj”, thekson Françesko Guidolin.

Gjimshti dhe Berisha me shokë do të marrin pjesë në fazën e grupeve dhe gjenden në vazon e katërt. Diçka e tillë përkthehet short “ferri”, por trajneri nuk ka frikë aspak. Përkundrazi, Gasperini shpreson dhe uron që ekipi i tij të bjerë në një grup me Realin e Madridit dhe një ekip anglez.

“Do të doja që të ndesheshim me më të mirët. Në dy vazot e para janë të gjithë skuadra shumë të forta. Do të më pëlqente ta luanim kundër Real Madrid dhe një skuadre angleze. Është e qartë që nuk kemi shumë mundësi për të avancuar më tej, kështu që ia vlen t’i dërgojmë tifozët tanë në piaca të mëdha”, përfundon trajneri i Atalantës.

Gasperini do të jetë ai që do e shijojë suksesin e arritur. Sipas “Sky Sports”, 61-vjeçari e ka marrë këtë vendim pas nje takimi në zyrat e klubit me presidentin Perkazi. Për të interesohej klubi i Romës, që duket se nuk do t’i besojë Ranierit sezonin e ardhshëm.

Megjithatë, ai nuk e ka konsideruar mundësinë e marrjes së klubit roman, por ka zgjedhur të vazhdojë ëndrrën, që po përjetojnë bergamaskët.  Në këtë vendim përfiton edhe Gjimshiti, i cili ka qenë një lojtar stabël në formacion. Një ndryshim trajneri do të komplikonte situatën për legjionarin.

Zgjedhja e trajnerit të ri është hapi i parë. Verdhekuqtë preferojnë Xhan Piero Gasperinin për stolin dhe i kanë bërë ofertën e tyre trajnerit të Atalantës: tre vite kontratë me tre milionë euro rrogë në sezon.

Trajneri që kreu mrekullinë me ekipin bergamask nuk ka kthyer ende përgjigje. Fakti që Atalanta e tij do të luajë në Champions Ligë sezonin e ardhshëm e ka futur në dilema dhe kompeticioni më i rëndësishëm për klube e tundon.

Për t’i mbushur mendjen, Roma ka zgjedhur një mënyrë. Edin Xheko është me valixhe gati (ashtu si dhe mbrojtësi Manolas) dhe klubi kryeqytetas ka zgjedhur zëvendësuesin e tij. Ai është Duvan Zapata, bomberi kryesor i Atalantës.

Transferimi i kolumbianit te Roma mund të ndikojë te Gasperini për të pranuar ofertën, pasi 61-vjeçari do të kishte mundësinë për t’i besuar çelësat e sulmit lojtarit të tij të preferuar.

Pavarësisht kundërshtarit që ka përballë, Atalanta synon gjithmonë të fitojë ndeshjen duke zhvilluar futbollin e saj dhe duke dominuar. Xhan Piero Gasperini ka folur në konferencën për shtyp, duke mos mohuar faktin që tensioni është prezent. Trajneri zbulon kthesën e madhe të sezonit dhe faktin që e bën krenar që stërvit Gjimshitin me shokë.

“Tension ka, pasi jemi shumë afër arritjes së objektivit. Jemi një hap larg realizimit të qëllimit tonë. Do të ishte një sukses historik për ne. Për fat gjithçka është në dorën tonë. Eliminimi nga Kopenhageni pas gjuajtjeve të penalltive ndoshta ishte fat, pasi nuk do të arrinim të zhvillonim një sezon të tillë. Kishim sakrifikuar një sezon për t’u kualifikuar në Europë, por duke e parë sot, mund të them që aty nisi kampionati që kemi zhvilluar deri tani.

Dua të theksoj diçka që më bën krenar. Skuadra është rritur shumë psikologjikisht me kalimin e kohës. Mendoni pak ndeshjet që kemi qenë në dizavantazh. Djemtë kanë kërkuar gjithmonë përmirësimin, në stërvitje dhe ndeshje. Identifikohemi si një skuadër që vrapon shumë, por unë mendoj ndryshe. Ne luajmë futboll.”

Xhan Piero Gasperini është dëshira e madhe për stolin. Roma ka bërë një ofertë zyrtare në drejtim të trajnerit të Atalantës: 3 vite kontratë me një rrogë prej 3 milionë eurosh në sezon.

Gasperini tundohet nga ideja për të drejtuar Romën, ndërsa gëzon edhe ana financiare. Atalanta mund të vendosë t’i rrisë rrogën në kontratën që i përfundon në vitin 2021, por 61-vjeçari synon që të transferohet në pjesën verdhekuqe të kryeqytetit italian.

Trajneri i Atalantës ka analizuar ndeshjen, që e konsideron si fantastike. Atalanta dominoi totalisht, krijoi shumë raste për gol, goditi 45 herë portën, por portieri Dragovski ndali gjithçka. Polaku ishte në formë të shkëlqyer dhe zhvilloi me shumë mundësi ndeshjen më të mirë në karrierë.

“Zhvilluam një ndeshje të jashtëzakonshme. Na vjen keq për rezultatin, por nuk kam asnjë qortim për ekipin. Ishim të pafat në disa raste dhe portieri i tyre u tregua shumë i aftë. Sulmuam pafund me një intensitet të lartë, morëm vetëm një pikë, por s’ka asnjë problem. Më duhet të acarohem? Më jepni pak kohë, këtu jam me një maskë të bukur”, përfundon me shaka Xhan Piero Gasperini.

Një episod i këndshëm ka ndodhur në konferencat për shtyp të trajnerëve pas përfundimit të ndeshjes. Luçiano Spaleti ka qenë duke u përgjigjur pyetjeve, ndërsa Xhan Piero Gasperini ka qenë duke pritur në radhë për të dalë përpara gazetarëve.

Trajneri i Interit ka përfituar për të bërë pak gallatë dhe për t’iu shmangur pyetjeve për Ikardin. Spaleti ftoi kolegun e tij të ulej dhe sapo Gasperini mori vendin e tij, trajneri i Interit pyeti në mënyrë ironike: “Ikardi? Ju përgjigjet ky”, duke iu drejtuar trajnerit të Atalantës.

Ky i fundit e mbajti lojën dhe u përgjigj: “T’i tregoj çfarë më ka thënë?”. Në sallë shpërthyen të qeshurat, ndërsa Spaleti u largua mes buzëqeshjeve dhe i la vendin Gasperinit.