Vitin e kaluar Vrioni ishte pjesë e Venecias, ku u aktivizua në 24 ndeshje më së shumti nga stoli i rezervave. Te Çitadela të riut shqiptar do t’i jepet një shans i dytë për të provuar veten në Serie B.

Sulmuesit e kombëtares sonë nuk po kalojnë një moment pozitiv dhe një formë e mirë me Çitadelën mund ta “katapultonte” atë në kombëtaren e drejtuar nga Edi Reja.

? Giacomo #Vrioni è granata!???
Raggiunto l'accordo con la @sampdoria per l'arrivo dell'attaccante classe 98, la scorsa stagione in forza al Venezia. Ieri le visite mediche e già agli ordini di #Venturato!
Benvenuto Giacomo!?
? La news ? https://t.co/9ylmV45sgR#ForzaCitta pic.twitter.com/WuXxhKc5tc

— A.S. Cittadella (@ascittadella73) July 19, 2019

“Shpresojmë të bëjmë maksimumin, si në çdo ndeshje të sezonit të kaluar, dhe të na vijnë sa më shumë njerëz për të na përkrahur. Synimi është të bëjmë më të mirën dhe jemi të sigurt që do e bëjmë këtë. Do kërkojmë tre pikët në çdo takim”, u shpreh Vrioni, i cili nuk a dyshime mbi zgjedhjen e Shqipërisë.

“Unë e kam bërë zgjedhjen time, kam qenë edhe në kombëtaren e madhe dhe luajta 20 minuta kundër Izraelit”, shtoi sulmuesi. Në lidhje me rivalitetin në grup, Vrioni tha: “Të gjitha ekipet në grup janë të forta, të gjithë jemi njësoj. Do japim të gjithë maksimumin për të grumbulluar sa më shumë pikë”

OMAR IMERI – Mesfushori i Shkëndijës së Tetovës e thotë hapur, Shqipëria U21 synon vetëm tre pikët me Turqinë. Sfida e radhës luhet kundër Andorrës. “Nuk na kënaq barazimi, shpresoj të japim maksimumin në fushë dhe të fitojmë ndeshjen. Është e para dhe është ndeshje e rëndësishme. Besoj se do e fitojmë. Shpresojmë t’i marrim gjashtë pikë në këto dy ndeshje”, deklaroi Imeri, i cili flet edhe për zgjedhjen e Shqipërisë. “Na rreh gjaku të luajmë për Shqipërinë. Jam i kënaqur për zgjedhjen që kam bërë”, përfundoi mesfushori.

“Po punojmë ndryshe me trajnerin e ri. Kozmi po tenton që të përcjellë në ekip zemërimin dhe vendosmërinë e duhur për ndeshjet që kanë mbetur. Duhet të tregohemi të aftë në fushë dhe duhet të japim maksimumin. Morali në ekip është rritur, pasi zhvilluam një ndeshje të madhe kundër Palermos, që do të luftojë deri në fund për t’u ngjitur në Serie A.”

Sulmuesi i kombëtares shqiptare komenton dhe ndërrimet e shpeshta në stol. Kozmi është trajneri i tretë i Venecias në këtë sezon. Eksperiencë e rë për 20-vjeçarin, i cili tenton t’i karikojë shokët e skuadrës për ndeshjen e radhës kundër Kremonezes.

“Nuk më kishte ndodhur kurrë më parë diçka e tillë, por janë situata ku rritesh në aspektin personal. Kemi patur një rënie përnqendrimi nga ana e të gjithë lojtarëve dhe diçka të tillë e paguan shtrenjtë në një kampionat si Serie B, aq më tepër sivjet me 19 ekipe. Ka ardhur momenti të shfaqim gjithë potencialin tonë. Duam të dalim sa më shpejt nga zona ku ndodhemi në renditje. Ky është objektivi ynë momental“, përfundon Xhakomo Vrioni.

Drejtuesit nuk duruan më dhe vendosën të shkarkonin Valter Zengën. Roli i trajnerit i është besuar një eksperti si Serse Kozmi, i cili është gati për të nisur aventurën e re. Venecia renditet e katërta nga fundi dhe do të luftojë fort deri në fund për të siguruar qëndrimin në kategori.

Kozmi është një trajner i njohur në Itali. Ai u bë i famshëm me Peruxhian vite më parë dhe njihet për karakterin e tij të nxehtë dhe deklaratat pikante. Kështu ka ndodhur dhe gjatë kësaj radhe.

“80% e trajnerëve punojnë në bazë të pritshmërive, ndërsa pjesa tjetër kënaqen me faktin që nuk janë shkarkuar ende. Nuk pres asgjë normale nga ky lloj futbolli. Shkarkimi i Zengës besoj se ka qenë një vendim i vështirë në të gjitha aspektet. Unë isha me valixhe gati prej kohësh. Isha bërë si gratë shtazëna, të cilat mezi presin për të lindur”, deklaroi trajneri gjatë prezantimit te Venecia.

Ledian Memushaj u aktivizua si titullar te Peskara, ndërsa Elhan Kastrati qëndroi në stol. Nga ana tjetër, pjesë e formacionit titullar të Venecias ishte dhe Xhakomo Vrioni, i cili u zëvendësua nga trajneri Zenga në minutën e 67-të.

“Delfinët” po bëjnë një kampionat shumë të mirë. Në fillim të sezonit objektivi ishte mbijetesa, ndërsa tashmë tifozët e Peskarës po ëndërrojnë rikthimin në elitën e futbollit italian. Humbja e dytë rresht për Venecian pas asaj në shtëpi kundër Kozencës dhe ekipi i Vrionit renditet në vendin e 12-të me 20 pikë.

“Jam i kënaqur me paraqitjen qe kemi bërë sot. Një fitore e madhe nga skuadra. Erdhi prej formës së  mirë fizike dhe mentalitetit që kemi. Tre pikë të rëndësishme edhe për moralin. Lidhja me Di Marianon? Jo  vetëm me të kuptohem mirë. Tani duam një fitore tjetër kundër Foxhias”, është shprehur shkurtimisht Vrioni.

Sulmuesi 20-vjeçar është aktivizuar në gjashtë ndeshje deri më tani, teksa katër prej tyre i ka nisur nga minuta e parë. Vrioni është në kërkim të golit të parë me Venezian dhe shpreson që t’ia dalë sa më shpejt.

“Dhuratën me të veçantë ma bëri Panuçi, pak më herët, duke më dhënë mundësinë që të debutoja me Kombëtaren një ditë para se të mbushja 20 vjeç. Ishte një emocion i pabesueshëm, nuk e prisja të luaja në Nations League”, thotë sulmuesi për “Gazetta dello Sport”.

Vrioni ka treguar edhe se çfarë i tha Panuçi në momentin e aktivizimit: “Isha në stol, kur më tha se duhej të bëhesha gati. Kur po hyja në fushë më kërkoi të isha agresiv në zonë, atë që kisha treguar edhe në stërvitje.”

Venezia, klubi i tij aktual, ka ndryshuar trajner. Valter Zenga është një njohje e vjetër për Vrionin, pasi e ka pasur trajner te të rinjtë e Sampdorias. “Më grumbulloi për dy ndeshje miqësore, në shtator, kundër Entelës dhe Savonës. I lashë përshtypje të mirë, aq sa për disa ditë u stërvita me ekipin e parë. Është një trajner me shumë personalitet dhe karakter. Nuk e përjetova nga afër atë që ndodhi te Venezia javën e kaluar, ndihesha mirë edhe me Stefano Vekin.”

I lindur në Itali, por shqipja e tij është perfekte. Për ata që nuk e dinë, sulmuesi është nga Sukthi dhe nuk ka të bëje me familjen e njohur aristokrate me origjinë nga Berati. I pëlqen Interi dhe kjo prej Ronaldos, brazilianit.

Ndoshta një shpërthim te Sampdoria do bënte që të zgjohej edhe interesimi i zikaltërve. Vrioni e pranon që do të donte të ndiqte hapat e Mauro Ikardit. “Urojë të ndodhë. Atë do doja”, shprehet ndër të tjera sulmuesi për “Sport Ekspres”.

Si çdo futbollist, edhe ai mundohet të “imitojë” lojtarë të kalibrit botëror që luajnë në të njëjtin rol. Vrionit i pëlqen Ibra i fushës dhe atë merr shembull. Sigurisht vetëm për atë që bën në fushë. “Marr shembull shumë nga Ibrahimoviç, më pëlqen si sulmues. Është shumë i fortë”, shton lojtari i kombëtares.

Me Venecian situata nuk është më e mira. “Gjërat nuk po na shkojnë shumë mirë si ekip në Itali, duhet të përmirësohemi shumë për të dalë nga faza jo e mirë”, thotë Vrioni, i cili deri më tani është aktivizuar në tre ndeshje me skuadrën e tij në Itali. Golin ende nuk e ka gjetur.

Sa i takon ndeshjes me Spanjën, Vrioni i kënaqet lojës: “Jam ndjerë shumë mirë në fushë, u paraqita, më saktë u paraqitëm të gjithë mirë besoj. Bëmë një ndeshje shumë të mirë me Spanjën. E dinim se ata ishin një skuadër shumë e fortë, por bëmë maksimumin. Na vjen keq për rezultatin, por jemi shumë të lumtur për ndeshjen”.

Kristian Panuçi e kishte ftuar për miqësoren me Jordaninë, por ditën e ndeshjes me Spanjën i është komunikuar të shkojë me Shpresat. “Në mëngjes më tha trajneri Panuçi, që meqë nuk luajta ndaj Jordanisë, të vija të luaja me U21. Sigurisht që e pranova. E prita mirë diçka të tillë, kombëtarja është kombëtare, si këtu, si atje”. Asnjë polemikë nga sulmuesi, i cili tregon pjekuri edhe jashtë fushës.

Dëshira ishte të debutonte me kombëtaren e madhe, por do të presë momentin e tij. “Prisja pak të luaja me kombëtaren e madhe, isha pak i emocionuar nga përzgjedhja e misterit. Synoj të stërvitem çdo ditë sa më mirë për t’u përmirësuar”.

Vrioni tregon edhe si e pritën, diferencat mes kombëtareve dhe për ata me të cilët u lidh më shumë. “Ka diferencë mes kombëtares U21 dhe asaj të madhe. Edhe këtu ka lojtarë që luajnë me ekipe të mëdha, por te kombëtarja A kanë më shumë eksperiencë. Më pritën shumë mirë aty, ka shumë profesionalizëm. Gjatë kohës së qëndrimit në kombëtare u lidha më së shumti me Andi Lilën dhe Hysajn”, u shpreh 19-vjeçari, i cili me fanellën e Shpresave ndaj Italisë dhe Spanjës ka treguar cilësi të mira dhe shihet si një element që mund t’i bëjë punë kuqezinjve në të ardhmen.

VLADIMIR PRENGA