Vasil Shkurtaj dhe Valdet Rama ditën e sotme janë stërvitur të diferencuar. Prania e tyre në ndeshjen me Tiranën është në dyshim, por po bëhet maksimumi që të jetë në dispozicion të stafit teknik. Nesër, në seancën e fundit para ndeshjet do të kuptohet më mirë nëse do jetë gati apo jo.

Në ndeshjet e fundit trajneri Gjoka për arsye dëmtimi nuk ka pasur kapitenin Ylli Shameti, ndërkohë që edhe Irakli Dzaria ka pasur probleme shëndetësore. Për sfidën me Tiranën është rikthyer mesfushori Vesel Limaj, i cili mungoi kundër Flamurtarit për shkak se kishte plotësuar numrin e kartonëve të verdhë.

KRASNIQI – në seancën e sotme stërvitore Kukësi pati edhe një vizitor special. Mbrojtësi Gëzim Krasniqi, i dëmtuar në ndeshjen me Kastriotin, është operuar në gju dhe me paterica kishte udhëtuar drejt Pezë-Helmësit dhe ka takuar shokët e skuadrës.

Ditën e djeshme mbrojtësi kavajas ka qenë në duart e mjekëve dhe operacioni ka shkuar me sukses. Krasniqi e ka njoftuar vetë diçka të tillë dhe tanimë duhet të mendojë për rikuperimin, që do të zgjasë rreth gjashtë muaj.

Në rrjetet sociale kanë qenë të shumtë ata që i kanë uruar shërim të shpejtë futbollistit të Kukësit. Gjithashtu ai ka pasur edhe vizita të shumta, duke nisur nga shokët e skuadrës.

“Jemi përgatitur mirë, në Turqi përfitohet shumë pasi kushtet janë të mira, terrenet janë perfekte. Ekipi po përgatitet mirë dhe besoj se i kemi marrë maksimumin kësaj faze. Kjo periudhë e bashkon edhe më shumë ekipin, atmosfera bëhet më pozitive, pasi je tërë kohën bashkë”, shprehet Krasniqi për faqen zyrtare të klubit të Kukësit.

Më tej ai flet edhe për objektivin titull dhe rivalitetit me të kuqtë: “Sa i takon konkurrencës me Partizanin, ne jemi këtu për ta fituar titullin, nuk jemi për të përmendur Partizanin. Ne do të luftojmë deri në fund për ta fituar titullin. Nuk duhet të merremi me emrat e kundërshtarëve për të luftuar për titullin. Duhet të bëjmë punën tonë dhe t’i marrim maksimumin çdo ndeshje, qoftë me Skënderbeun, qoftë me Tiranën, Kastriotin apo Laçin. Janë katër-pesë ekipe që jemi aty-aty me pikë. Ne do i bëjmë hyzmetin punës tonë për të shkuar deri në fund të kësaj pune që kemi nisur”.

“Ndeshja e parë kundër Laçit? Do ta fitojmë, patjetër”, përfundon Krasniqi, i cili paralajmëron edhe kurbinasit. Kukësi renditet aktualisht në vendin e dytë në klasifikim dhe diferenca me Partizanin kryesues është vetëm tre pikë. Sikurse kuptohet, gara për titull është e hapur dhe deri në fund do të ketë një “luftë” të vërtetë sportive për trofeun më të rëndësishëm në vend.

https://www.facebook.com/FKKukesiAlbania/videos/409224776486130/

Krasniqi ka treguar se nëse do të shënojë nuk do të festojë, por ka shtuar se do i pëlqente që të kishte dhe tifozët në një ndeshje të tillë.

KRASNIQI SI ISH – “Do të jetë një ndeshje emocionuese, pasi për disa vite kam luftuar me Partizanin për të mundur Kukësin, ndërsa sot jam me Kukësin për të mundur Partizanin. Është ndeshje e veçantë që shpresoj ta fitoj”.

PARTIZANI – “Nuk ka ndonjë gjë Partizani për të mos u mundur. Ka ardhur momenti për ta ulur Partizanin me këmbë në tokë”.

PËRGATITJET – “Kemi përfolur gjatë javës me profesor Cungun dhe me profesor Hallaçit, për disa gjëra që të kemi kujdes dhe të mos ndodhin për gabimet tona. nëse do ta humbim ndeshje larg qoftë, ta humbim për meritë të kundërshtarit jo për gabimet tona. Do ja bëjmë hyzmetin deri në fund. Duhet të luftojmë deri në fund siç kemi bërë në stërvitje dhe në ndeshjet e tjera e ta fitojmë këtë takim”.

SKEMA – “Me këtë skemën e re në tre ndeshjet e fundit nuk ka qenë keq, pasi kemi marrë 3 fitore. kemi luajtur mirë dh kemi marrë rezultate pozitive. Nuk e di se si do të luajmë këtë ndeshje. nuk mund ta them nëse do të ndryshojmë skemë”.

NDESHJA E PARË – “Duke parë dhe ndeshjen se si shkoi Partizani na mundi me një rast, nga një pakujdesi e jona në thonjëza. Pjesa tjetër roli për ekipin tonë, ku humbëm shumë raste. I mundëm me lojë, na mundën me rezultat, kjo ishte e gjitha”.

ANA PERSONALE – “Ego personale. Kam respekt për klubin e Partizanit, për tifozët kam respekt pa masë. Ne luajmë për fitore”.

TIFOZËT – “Do të doja që tifozët të ishin prezent pasi do të ishte ndeshja akoma dhe më e bukur”.

REXHINALDO – “Ka pasur një arsye familjare dhe ndoshta nuk ka qenë shumë i përqendruar. Tani po punon mirë dhe është gati të japë 100%.

FESTA – “Nëse shënoj nuk do të festoj. Shpresoj që të shënoj”.

SULMUESIT – “Unë si mbrojtës nuk e kam  shumë problem nëse është Hebaj apo Latif a ndonjë tjetër para meje. Sulmuesit janë të gjithë njësoj. Duhet të zbatojmë detyrat dhe të jemi të përqendruar dhe të markojmë kundërshtarin. Nuk më bën përshtypje as stili i Hebajt dhe as i Bardhit, jemi gati për t’i ndaluar në çdo lloj mënyre”.

Titulli kampion është objektivi i Kukësit. I pyetur nëse i vjen keq që nuk e ka fituar me Partizani, Krasniqi shton: “Tani luftoj me Kukësin për të fituar titullin. Më parë e kam provuar me Partizanin”. Kukësi ka fituar tre ndeshjet e fundit në kampionat, ndërkohë që Krasniqi analizon periudhën e mirë të skuadrës së drejtuar nga Armando Cungu.

“Pas çdo vështirësie, vjen mirësia. Kemi punuar mirë, jemi përshtatur më mirë me skemën e re dhe i kemi marrë maksimumin çdo ndeshjeje”, u shpreh Krasniqi në “RTSH Sport”. Në fund një koment edhe për faktin se ndeshja Partizani-Kukësi luhet pa tifozë.

“Me thënë të vërtetën do ishte mirë të ishte me tifozë. Me ta do ishte një ndeshje më e ngrohtë. Duket si bosh të luash pa ta, në ndeshjen që konsiderohet e javës”, u shpreh Krasniqi, i cili janarin e shkuar u largua nga Partizani dhe ndarja nuk ishte e mirë.

Tanimë prezantohet Gëzim Krasniqi. Ky i fundit e mbylli kampionatin me Rabotniçkin në Maqedoni, ndryshe nga se thotë Kukësi: “28-vjeçari vjen nga radhët e Partizanit ku ka luajtur për pesë vite”.

“FK Kukësi vijon merkaton! Gëzim Krasniqi është futbollisti i radhës që ka nënshkruar me FK Kukësin. 28-vjeçari vjen nga radhët e Partizanit ku ka luajtur për pesë vite. Ai ka nënshkruar me klubin tonë një kontratë njëvjeçare me të drejtë rinovimi për një vit. Krasniqi luan në pozicionin e qendërmbrojtësit, dhe është njohës i mirë i Kategorisë Superiore, pasi sezonet e fundit ka luajtur rregullisht në kampionatin shqiptar. Suksese Gëzim Krasniqi”, shkruhet në njoftimin e klubit të Kukësit.

I lirë është edhe Gëzim Krasniqi, i cili arriti të siguronte kupat e Europës me Rabotniçkin. Ditmar Bicaj doli pa gjë te Flamurtari vjet, edhe pse u munduan shumë të sigurojnë vendin e dytë në kampionat dhe të fitonin Kupën e Shqipërisë.

Dy qendërmbrojtësit e tjerë që janë të lirë e kanë mbyllur sezonin te Vllaznia. Renato Malota dhe Sedat Berisha, edhe pse kuqeblutë ranë nga Superiorja, kanë treguar nivel dhe janë një opsion i mirë për shumë klube të elitës së futbollit shqiptar.

[Best_Wordpress_Gallery id=”60″ gal_title=”Gjashte qendermbrojtes”]