Fillimisht, Getafe kaloi në avantazh në minutën e 16-të me anë të Horge Molinas, i cili pas një dalje nga e djthta finalizoi në mënyrë perfekte.

Girona u përpoq të kthehej në lojë, por në minutën e 69-të, Borha Garsia u ndëshkua me karton të kuq pas protestave të shumta ndaj arbitrit, duke e lënë ekipin e tij me 10 lojtarë.

Nga ky fakt përfituan vendasit, të cilët gjetën edhe golin e dytë me anë të Anhel, i cili hipotekoi fitoren. Kështu, Getafe ngjitet në kuotën e 58 pikëve, tre më shumë se Sevija e vendit të pestë, kur na ndajnë edhe dy javë nga fundi i kampionatit.

Ëndrra me sa duket po bëhet realitet, Getafe mund të prekë Championsin për herë të parë në historinë e klubit 35-vjeçar.

Sipas mediave, trajneri francez kishte vendosur se portieri kosta rikan do të mbronte katërkëndëshin, ndërsa belgu do t’i duhej të bënte gati valixhet. Një natë më parë në ndeshjen ndaj Getafes, që përfundoi 0-0, Kejlor Navas e shpërbleu besimin që trajneri i dha.

Në minutën e 73-të, 32-vjeçari realizon dy pritje njëra pas tjetrës, që mbajnë të paprekur portën e “Los Blancos”. Më poshtë janë pamjet, që besoj nuk kanë nevojë për koment të tepërt…

Reali i Madridit në pjesën e parë bëri shumë pak dhe Getafe nuk është se tentoi të përfitonte. 45 minuta thuajse në gjumë, me madrilenët që duket se janë me mendjen te pushimet dhe trajnerin Zinedin Zidan që provoi në formacion të rinjtë Reguilon, Valverde e Brahim Diaz, me këtë të fundit që bëri figurë shumë të mirë.

Megjithatë, Getafe ishte e pakalueshme dhe në pjesën e dytë tabloja nuk ndryshoi, me Realin që bëri disa ndryshime për të përforcuar fazën sulmuese, por nuk ndryshoi marsh.

Benzema nuk ishte në mbrëmjen e tij më të mirë dhe në krahun tjetër Kejlor Navas u tregua perfekt me disa ndërhyrje vendimtare.

SEVILJA RIKTHEHET – Një fitore 5-0 ndaj Vajekanos së dobët i ka rikthyer qetësinë Seviljes, që funsjavën e shkuar u mund keqas në Getafe. Gjithçka në pjesën e dytë, sepse deri në minutën e 55-të rezultati ishte 0-0, por sapo Promes shënoi për Seviljen, gjithçka mori fund. Munir shënoi 2 gola dhe Bej Jeder e Zhil mbyllën hesapet, me Vajekanon që tashmë është praktikisht në Segunda. Me këtë fitore Sevilja barazon Getafen në renditje, por takimet direkte anojnë nga madrilenët.

VILAREALI NË FESTË – Pak ditë më parë bënin xhiron e botës lotët e Kazorlas për një peanllti të humbur, por tashmë Vilareali ka rregulluar gjithçka. Sot “nëndetësja” fitoi 1-0 në San Sebastian ndaj Sociedadit, me një gol të shënuar 5 minuta para fundit nga Gerard Moreno, ndaj tashmë mbijetesa është thuajse e sigurt, me 5 pikë avantazh nga zona e ftohtë.

Sivjet ka ndryshuar gjithçka. Getafe, me një vlerë totale prej 84 milionë eurosh, po lufton fort për një vend në Champions. Në fillim të sezonit kanë përfituar 3 milionë euro nga shitjet dhe kanë shpenzuar 20 milionë të tilla për të përforcuar ekipin.

Sot kanë fituar ndeshjen direkte kundër Seviljes për një vend në katërshen e parë. Një 3-0 e pastër për vendasit, të cilët parakalojnë ekipin andaluzian dhe rikthehen në zonën Champions.

Përballja u karakterizuar nga gola, penallti, kartonë të kuq, VAR dhe shumë duele të forta. Goli i parë erdhi në minutën e 35-të dhe u desh ndërhyrja e VAR-it. Një prekje me dorë në zonën e Seviljes dhe penallti për Getafen.

Protesta të shumta të ekipit mik, por arbitri vendos për penallti pas pamjeve të ofruara. Mata tregohet i saktë dhe kalon vendasit në avantazh. Pjesa e parë nuk mbyllet me kaq dhe rezervon një tjetër penallti për Getafen.

Sërish prekje me dorë dhe sërish kërkohet ndihma e teknologjisë. Arbitri kryesor e cilëson si penallti dhe kartoni i dytë i verdhë për Eskuderon, që përkthehet Sevilja me një lojtar më pak. Është minuta e katërt shtesë e pjesës së parë.

Goditjen e merr përsipër Molina, i cili shënon dhe dyfishon shifrat. Getafe arrin të shënojë përsëri në pjesën e dytë dhe të “vrasë” ndeshjen. Molina shënon të dytin personal në minutën e 53-të dhe 3-0 për vendasit.

Ndeshja nuk ka më histori, pavarësisht se numri i lojtarëve barazohet 19 minuta përpara fundit. Karton i kuq për Dakonam, por koha është e pamjaftueshme për të ndryshuar diçka dhe në stadium shpërthen festa e tifozëve.

Kjo fitore e ngjit Getafen në kuotën e 54 pikëve, ndërsa Sevilja e ndjek në vendin e pestë me dy pikë më pak, kur kanë mbetur edhe 5 javë nga fundi i kampionatit.

Getafe-Sevilja 3-0
Shënues: Mata (pen) 35’, Molina (pen) 45+4’, 53’

Fitorja e arritur ditën e sotme, e ka ngjitur në vendin e katërt Getafen, në kuotën e 39 pikëve, dy më shumë se Sevija, e cila luan pasdite ndaj Barcelonës. Sa i përket sfidës së sotme, Mata i dha avantazhin vendasve në minutën e 28-të, duke e mbyllur pjesën e parë në avantazh.

Në fraksionin e dytë, miqtë nga Vajekano barazuan me De Tomas në minutën e 58-të, por ishte Horge Molina, i cili dhjetë minuta më vonë, kaloi përsëri në avantazh vendasit, duke i dhënë fitoren. Kështu, Getafe vijon të ndjekë ëndrrën e madhe, pjesëmarrjen për herë të parë në Champions League.

La Liga | Java 25
Getafe 2-1 Rajo Vajekano
Shënues: Mata 28′, Molina 68′ / De Tomas 58′

Grizman kaloi vendasit në avantazh në minutën e 27-të. Tomas zhvilloi një aksion të bukur dhe pasoi për francezin, i cili lëshoi një diagonale të bukur. Goli dhjetë në kampionat për Grizman, ndërsa Saul mbylli ndeshjen pas dhjetë minutash.

Aksion shumë i bukur i Atletikos dhe Saul përfiton pas një grushtimi të portierit mik për të dyfishuar rezultatin. Ndeshja nuk pati më gola, ndërsa Getafe u ndëshkua me dy kartonë të kuq në minutat e fundit, duke e mbyllur ndeshjen me nëntë lojtarë.

Atletiko Madrid – Getafe 2-0
(Grizman 27’, Saul 37’)

Futbollisti 30-vjeçar, shpërdoroi një mundësi të artë në minutën e 67-të që në rast se s’do të kryente një “çmenduri”, do të çonte rezultatin në 2 – 2. Mata u gjend i vetëm përballë portierit Ter Shtegen, dhe pasi e dribloi gjermanin, bëri më të vështirë duke dërguar jashtë topin pas një goditje me të djathtën, që është dhe këmba e tij e preferuar.

Rasti ishte aq flagrant, saqë komentatori i ndeshjes thotë: Është 2 – 2, oh si ka mundësi që e humbi! Të paktën, sulmuesi spanjoll mund të gjejë ngushëllim te fakti që shënoi golin e vetëm të tijtë, pak minuta para fundit të pjesës së parë. Jo keq, për një lojtar që në dhjetë vitet e mëparshme ka luajtur në skuadra të divizionit të dytë dhe tretë në Spanjë.

Mesi dhe Suarez ishin dy lojtarët që shënuan golat për katalanasit. “Pleshti” zhbllokoi i pari takimin me një gol në minutën 20-të, ndërsa Suarez prodhoi një “perlë” të vërtetë 19 minuta më vonë që çoi shifrat në 2 – 0.

Getafe ngushtoi rezultatin me Matën, por në pjesën e dytë skuadra “blaugrana” mori sërish kontrollin e lojës. Një ndeshje e mirë edhe per portierin Ter Shtegen, i cili kreu një pritje të pabesueshme për të mbajtur skuadrën e tij në avantazh.

Një takim i kontrolluar më së shumti nga baskët, që arritën të shënonin me Naloskoain. Një krosim i Benat është shfrytëzuar nga lojtari i Bilbaos, i cili me kokë e dërgoi topin drejt e në rrjetë. pati një çlirim për momentin te vendasit.

Gjithsesi festa ka zgjatur pak, pasi dhjetë minuta më pas ishte Mata ai që e dërgoi topin në rrjetë për Getafen dhe i barazoi shifrat në 1-1. Bilbao nuk pati fuqi të shënonte sërish dhe u mjaftua me një pikë.

Bilbao mbetet vendin e 18-të në renditje, me vetëm 11 pikë të grumbulluara pas 13 ndeshjes në kampionat. Vendi i fundit ka vetëm katër pikë më pak, çka tregon se sa rrezikojnë baskët këtë sezon.

Athletik Bilbao-Getafe 1-1
Shënues: Naloskoain 67’ / Mata 77’

Sot në Getafe pikërisht braziliani shënoi golin e fitores 2-1, në fundin e takimit, duke i dhënë 3 pikë të arta skuadrën blaugrana dhe duke arritur edhe një hakmarrje të vogël personale.

Vuajti tmerrësisht Barça, pësoi gol në minutën e 39-të dhe e gjeti barazimin në të 61-tën me Denis Suarez, ndërsa nuk shënoi asnjë nga sulmuesit. E zgjidhën mesfushorët, që thyen një Getafe të shkëlqyer, që meritonte pikë për paraqitjen më të mirë në Primera ndaj Barcelonës.

Dembélé, i postuar në të djathtë të sulmit, vuajti gjatë gjithë ndeshjes, ndërsa pësoi edhe një dëmtim të lehtë, duke paguar ndoshta edhe presionin e madh mbi vete.