4-0 triumfuan djemtë e Klop, duke realizuar një përmbysje madhështore. Eliminimi është përjetuar keq në Katalunjë, ndërsa Zherard Pike tregohet i sinqertë në prononcimin e dhënë për “El Pais”, duke iu rikthyer edhe njëherë mbrëmjes së zezë së 7 majit.

“Sigurisht që pësuam një bllokim psikologjik, por në të njëjtën kohë nuk luajtëm futboll. Na mungoi gjithçka. Na mbytën me presing, ndërsa atmosfera e krijuar në stadium dhe efektin e vet. Nuk u treguam të aftë dhe na ndodh disa herë diçka e tillë. Ishte një mbrëmje e vështirë dhe do na kushtojë shumë ringritja, sepse nuk është aspak e lehtë për ta harruar atë humbje. Është një rrëzim që do të zgjasë, por duhet të shohim përpara”, përfundoi qendërmbrojtësi i Barcelonës.

I vetmi që ka kapur shifrën e 20 golave në “Camp Nou” është Luiz Suarez. Megjithatë uruguajani ndaj Liverpulit shënoi golin e parë në Champions për këtë sezon pas plot një viti, kundër të njëjtit portier, Alison.

Problemi më i madh te Barcelona është Filipe Kutinjo. Braziliani regjistron performanca nën mesatare ndeshje pas ndeshje. Nuk e gjen veteveten, madje as nuk i afrohet asaj që ka bërë në Liverpul.

Kutinjo gjatë këtij sezoni ka shënuar pesë  gola dhe ka asistuar vetëm dy herë. Shifra gati të njëjta me të ka një mbrojtës, pikërisht Zherard Pike. Spanjolli ka vetëm një gol më pak se braziliani dhe numër të njëjtë asistimesh me të.

26-vjeçari i Seleçaos, që konsiderohet një nga mesfushorët ofensiv më të mirë të globit shënon sa mbrojtësi i qendrës. 142 milionë euro ka shpenzuar Barcelona për ta sjellë në “Camp Nou”. A ja vlejnë paratë e derdhura? Me këto shifra sigurisht që jo.

Një përgjigje e tillë ka sjellë acarimin e tifozëve të Espanjolit, të cilët kanë “pushtuar” rrjetet sociale kundër Pikesë. Sot zhvillohet edhe ndeshja derbi, Barcelona pret Espanjolin në “Camp Nou”, dhe pritet të jetë një ndeshje shumë e luftuar, pavarësisht diferencave mes ekipeve.

Vetë klubi i Espanjolit ka reaguar ndaj komentit të qendërmbrojtësit të Barçës. Shkurt, me klas dhe plot elegancë. Ata mund të kenë më pak para se Pike, por ndihen krenar për atë që përfaqësojnë.

“Tifozët tanë. Skuadra jonë që vendos shpirtin në fushë çdo ditë. 119 vitet tona të historisë. Minuta 21 (ka lidhje me Daniel Zhark, ish-kapiteni i Espanjolit i ndarë nga jeta në vitin 2009. Tifozët e kujtojnë çdo ndeshje shtëpiake në minutën që përkon me numrin që mbante lojtari). Respekti për kundërshtarët. Zemra bardheblu. Kjo është trashëgimia jonë dhe vlera e saj nuk matet me euro”, përfundon komunikata e klubit katalanas.

Aquests són els nostres valors#RCDE | #Volem | #EspanyoldeBarcelona | #BarçaEspanyol pic.twitter.com/o87XBvOwpi

— RCD Espanyol de Barcelona (@RCDEspanyol) March 29, 2019

Vlen për t’u përmendur që në këtë ndeshje vinin dhe emra si Zherard Pike, Ksavi Hernandez apo dhe Bojan Kërkiç. Takimi përfundoi me fitoren e vendasve, por përtej rezultatit ajo që mori vëmendjen ishin ofendimet kundrejt Spanjës, që vinin nga shkallët e stadiumit.

Pikërisht, në një ndër episodet që tifozët po ofendonin Spanjën, ishte Zherard Pike, i cili u kërkoi disa herë që të ndalnin thirrjet. Gjithashtu edhe pas takimit, mbrojtësi foli për mediat, ku nuk mungoi pyetja mbi episodin: “Respekti është mbi gjithçka! Duam të japim shembullin më të mirë të mundhsëm. Nuk duam të tregojmë mungesë respekti”, përfundoi mbrojtësi.

Emra si Zherard Delofeu, Kristian Tejo apo Zherard Moreno i Vijarealit nuk kanë ardhur sipas trajnerit Lopez. Gjithsesi emra si Mark Bartra, Aleiks Vidal apo Bojan Krkiç nuk mungojnë. Tjetër vështirësi për kombëtaren katalanase ishin edhe vendimet e disa klubeve të La Ligës, të cilët nuk liruan lojtarët e tyre, si Vajadolid apo Hueska.

Gjithsesi, lista e të grumbulluarve është bërë zyrtare dhe të gjithë luajnë në Spanjë, përveç katër lojtarëve, ku tre luajnë në Angli dhe Ksavi që luan në Katar. Ekipet që bien më së shumti në sy janë Girona dhe Espanjol me nga katër lojtarë.

Portierë: Edgar Badia (Elçe) Isak Becerra (Gimanstik Tarragona)

Mbrojtës: Zherard Pike (Barcelona), Mark Muniesa (Girona), Mark Bartra (Betis), Dídac Vilà (Espanjol), Martín Montoja (Brajton), Mark Cucurela (Eibar)  Aleiks Vidal (Sevija)

Mesfushorë: Víktor Sánçez (Espanjol), Óscar Melendo (Espanjol), Joan Zhordán (Eibar), Oriol Romeu (Sauthempton), Ksavi Hernández (Al-Sadd), Pere Pons (Girona), Aleiks Garsia (Girona), Àleks Granel ( Girona)

Sulmues:  Serxhio Garsía (Espanjol), Bojan Krkiç (Stok Siti) Marc Kardona (Eibar)

Përballja e kthimit pritet të jetë e zjarrtë si gjithmonë dhe spektakolare. Barcelona luajti dje në kampionat përballë Seviljes, aty ku Mesi zhvilloi një ndeshje fenomenale, duke shënuar tri gola e duke i dhuruar fitoren ekipit të tij.

Nga ana tjetër, Reali do të luajë sonte në mbrëmje kundër Levantes në transfertë. Kjo gjë e ka acaruar Santiago Solarin, i cili nuk i ka kursyer “thumbat” për Federatën spanjolle.

“Një kalendar kurioz, madje do të thosha qesharak. Meqë nuk jemi ne që zgjedhim se kur të luajmë, ne duhet ta përballojmë këtë si një sfidë.” Fakti që ekipi i tij do të ketë një ditë më pak pushim (saktësisht 28 orë) e ka mërzitur trajnerin argjentinas të Realit.

Replika nga kampi tjetër nuk ka munguar dhe ka ardhur nëpërmjet të zakonshmit Zherard Pike. Mbrojtësi i Barçës është i njohur për raportin e tij të keq kundër “Los Blancos”.

“Sa keq që para ndeshjes së fazës së parë në kampionat, ata pushuan një ditë më shumë. Më pas ne fituam 5-1”, komenton shkurt Pike, duke iu kujtuar “armiqve” humbjen poshtëruese, që solli dhe shkarkimin e Julen Lopeteguit.

Dy ekipet e mëdha do të ndeshen dy herë brenda pak ditëve me njëri-tjetrin. Të mërkurën është ndeshja e kthimit të gjysmëfinaleve të Kupës së Mbretit, ndërsa të shtunën e 2 marsit, Reali do të presë përsëri në fushën e tij Barcelonën, kësaj radhe për llogari të kampionatit.

Gjithsesi qendërmbrojtësi nuk dëshiron aspak të qëndrojë larg futbollit. Planet e tij për të ardhmen i ka të qarta. “El Mundo Deportivo” zbulon se Pike në vitin 2021 do tentojë të marrë presidencën e Barcelonës. Zgjedhjet bëhen në verën e vitit 2021 dhe tashmë duhen bërë llogaritë edhe me të si kandidat. Aktualisht Josip Maria Bartomeu është numri një i klubit.

Pike ndërkohë nuk ka projektuar vetëm marrjen e drejtimit të klubit, pasi fitoren në zgjedhje e konsideron punë të kryer. Ai ka nisur të mendojë edhe për hapat që do të hedhë më pas, teksa dëshiron që në stolin e Barcelonës të ulen dyshja Ksavi-Iniesta. I pari i ka ndjekur kurset e trajnerit prej kohësh, kurse Iniesta e ka shprehur se dëshiron të bëhet trajner pasi ta mbyllë me futbollin.

Në klub ka vend edhe për Karlos Pujol, një mik i Pike. Ish-kapiteni mendohet të jetë në krye të Sekretariatit Teknik. Njohuritë e tij për futbollin dhe autoriteti që ai ka shikohet si diçka e rëndësishme për këtë pozicion. Prania e tij çdo ditë në ambientet e klubit dhe në fushat stërvitore është një motivim edhe më shumë për lojtarët e rinj që janë pjesë e Barcelonës.

Planet e Pike nuk përfundojnë me kaq, pasi synohet edhe vënia e një emri për stadiumin “Camp Now”. Një ide fillestare është “Waka Waka Camp Now”. Marketingu dhe menaxhimi i klubit janë në fokusin e qendërmbrojtësit spanjoll, i cili do të ketë edhe mbështetjen e Shakirës, bashkëshortes së tij. Thithja e sponsorëve të rinj është një tjetër sfidë, madje më se e realizueshme.