“E mbylla me Apoloninë, ishte një eksperiencë e bukur me këtë skuadër, ku pa frikë e them se në të ardhmen do të jetë pjesë e elitës. Ka një drejtim shumë profesional dhe punohet shumë me moshat, të cilat janë garanci për një vazhdimësi të mirë”.

“Kur drejtoja Apoloninë më kanë kontaktuar dy skuadra, njera në Superiore dhe tjetra në Kategorinë e Parë. Atëhere nuk mendova se do të largohesha kaq shpejt nga Apolonia, ndërsa sot them se rruga e tyre është e hapur për ofertën. Për mua rëndësi ka projekti që do më afrohet, sepse rruga profesionale kështu e kërkon”.

AGRON KAJA

“Ne e respektojmë garën dhe çdo kundërshtar. Apolonia nuk e ka luksin që t’i nënvleftësojë ndeshjet. Jemi në një zonë të ftohtë, edhe pse disi të shkëputur, ndaj asnjëherë nuk mendojmë se gjithçka ka përfunduar”, theksoi Stojku për Sportekspres.com. 

“Në Cërrik na pret një sfidë e vështirë, por synimi ynë është që të marrim tri pikët. Në këto 8 ndeshje të mbetura deri në mbyllje të këtij sezoni, Apolonia jo vetëm që do të luajë me synim maksimal, por gjatë tyre do të provojë edhe futbollistë të rinj.  Këtu ata janë të shumtë dhe mes tyre ka edhe talente”, përfundoi Stojku.

AGRON KAJA

“Është shumë e bukur emocionalisht kjo ndeshje, por unë jam trajner dhe profesionalizmi më mban vetëm në synimin e fitores së Apolonisë. Si ndeshja e parë në stolin e kësaj skuadre, dëshiroj ta nis me këmbë të mbarë”, u shpreh Stojku, i cili më pas tregon edhe për projektin e Apolonisë.

“Gara për Apoloninë është ende e fortë, sepse asgjë nuk është mbyllur. Gjithsesi, në projektin tim me klubin kemi menduar për aktivizimin e disa talenteve që ka akademia, të cilët nga paraardhësit në këtë skuadër janë preferuar pak. Mbijetesa është synimi kryesor, për të cilën do punojmë deri në javën e fundit të kampionatit”, përfundoi tekniku elbasanas.

AGRON KAJA

“Fitoren me Vllazninë e prisja, sepse skuadra është e konsoliduar dhe e aftë për të tilla rezultate. Përforcimet që kemi bërë në merkaton e janarit e kanë ritur më shumë besimin në skuadër që të synojmë kreun në Grupin A. Tashmë ky nuk mund të quhet një mision i pamundur për ne, jo vetëm se mundëm rivalen direkte për këtë vend që të ngjit direkt në Kategorinë Superiore”, kështu theksoi fillimisht në deklarimin e tij tekniku i Erzenit.

Ndërsa për 13 ndeshjet e mbetura, 3 në fazën e dytë dhe 10 në fazën e tretë, Stojku deklaron se Erzeni nuk do të lëshojë në asnjerën prej tyre. “Lufta sportive do të jetë e fortë dhe gara kështu mbetet më e hapur për të gjitha vendet në renditje. Ne nuk do të lëshojmë  në asnjerën prej tyre, do të shikoni Erzenin më të mirë të këtij sezoni, pretendent serioz për kreun e Grupit A”. Skuadra shijakase renditet në vendin e 2-të në Grupin A me 31 pikë, 4 pikë më pak nga Vllaznia e vendit të 1-rë dhe sfida e radhës në Koplik do të jetë një tjetër provë për kreun e grupit.

AGRON KAJA

Për SportEkspres.com trajneri i Erzenit, Gentjan Stojku deklaron se kjo është një ndeshje e rëndësishme për skuadrën që ai drejton, jo vetëm për t’iu afruar Vllaznisë në kreun e renditjes. “Ndaj Vllaznisë luajmë për vendin e parë në grup dhe në Peqin do të luajmë vetëm për tri pikët. Barazimi nuk na bën punë në synimet tona, por edhe fusha asnjëanëse nuk na penalizon. Në Peqin presim që stadiumi të ‘pushtohet’ nga tifozeria shijakase, e cila do të jetë pjesë e suksesit në këtë sfidë delikate”.

Sot në këtë përballje ndaj Vllaznisë, Stojku do të aktivizojë në sulm dy të afruarit e merkatos së janarit, Mahmutaj e Peqini. Erzeni renditet në vendin e 2-të në Grupin A me 28 pikë, 7 pikë më pak nga Vllaznia kryesuese në këtë grup.

AGRON KAJA